|█| |█| ||~ الحقو تسمعو قصة من الواقع وجديدة وحصرية للمة~|| |█| |█|

[عفاف الجزائرية]

السلام عليكم ورحمة الله وتعالى وبركاته
كيفاه راكم احباب واعضاء وعشاق اللمة الجزائرية
بصح انا نقولهالكم مادامكم في اللمة كااااااااااامل ما يخصكم والو
حتى اللي يكون مقلق تقرا عليه كاشش تعويذات تروح القلقة
ياك اللمة وما دارت فينا المهم ندخلو للموضوع
جاء الصبف وجاو الارياك اي ليكم يا وعدي
مادام رانا داخلين لوقت الصيف ضركا الاكثرية نتاعنا يحكمو الدار سيرتو حنا لبنات
ومع الدار تولي الواحدة غير تزيد للقدام الماكلة ولاسياست والكليماتيزور والى الامام سر في الوزن

رح نحكيلكم وحد القصة صراتلي عندها تقريبا عامين ولا ثلاث سنين
المهم:

اول ما دخلنا الانترنت في الدار اكيد التخلاط فيها فيها ماكانش سيت لقيتو نتاع اشهار في لاتيلي وما ندخلش ليه
هيا يا سيدي وحد النهار دارو اشهار لتحضير للبرنامج الرابح الاكبر للعام الثاني

قعدت انا وزوجة خويا ربي يذكرها بخي رفي الليل ما لقيت ما ندير قلتلها ارواحي والله نسجل فيه ونلعبو شويا
انا عند بالي نورمال سحب وقرعة ومستحيل يلحقولي
يا سيدي جينا داخلينا فيها هنا لهيه روح وارواح غير عمر الخانات وخلاص
لحقنا للوزن قاللك لازم شرط فوق 90 كيلو
وانا واش ندير ما نوزنش هكذا (ما نقلكمش على الوزن)
ايا يا سيدي يقوللك العربي يلقى الحل
كتبتلهم كنت 82 كيلو وراني في ريجيم ضركا لحقت 71
ومباعد جاوب جاوب جاوب
لحقنا للتلفون
انا من عوايدي ما نرفدش تلفون بورطابل نتاعي معايا واش رح نحطلهم نميرو
كون نحطلهم نتاعي ممكن يعيطو وما نشوفهمش
ايا روح حط نتاع الفيكش نتاع الدار
كملنا واغلقنا الصفحة ورحنا رقدنا
يومين من بعد رن التلفون شكون اللي يصوني طبعا

وخرايبي وعمايلي اللي ندير فيهم
ماعليناش رفدت ماما:الو وي شكون معايا
البرنامج:مساء الخير خالة معك من تلفزيون ام بي سي برنامج الرابح الاكبر مادموزيل عفاف هون
بيناتنا ماما ما فهمة فيها والو سيرتو كي جاتها بالضرافة وغير حاشاك ويعزك
عيطتلي قاتلي ارواحي اهدري وكي تكملي ارواحي ليا
المهم انا: الو وي
البرنامج:مساء الخير مادموزيل عفاف
انا:نعم شكون معايا
البرنامج:احنا من برنامج الرابح الاكبر
(خلاتها سندس كلمة اشوووووووووووووووووووووووووومي)
انا :اهلا وسهلا
البرنامج:احنا لقينا تسجيلك ولقينا طلبك وانتي صراحة متلازمة مع شروط المسجلين اللازمة على هيك احنا عاوزين نعطيك فرصة مشان تكوني معانا بالبرنامج ولمدة شهرين و10 ايام من اول فيفري ل 10 افريل
واكيد لو انتي حتوافقي رح نبعثلك احنا الدعوة وكل الحقوق علينا
-- وانا يا جماعة بيناتنا خبطتلي في الراس قلت لبنان والتحواس والضحك ولومبيونس واش نقوللك غير قول تزعزع قلبي وقلت نروح--
هيا ماعليهش قاتلي رح نخليك تفكري ورح نعيد نتصل فيك ان شالله
هيا ما عليناش رحت للحكومة قلتلها غير الخير
قاتلي واشي اللعب نتاعك والبنات يتولهو للباك نتاعهم(كان العام الاول نتاعي نتاع الباك) ونتي نهار وطول ونتي تنطي وتبدعي المهم ديت تبهديلة قد عمري
ومباعد قتالي واش يحوسو
قلتلها شفتي هاذاك البروغرام نتاع السمان اللي يديرو في السبور والريجيم با يشيانو
قاتلي واش بيهم
قلتلها هادو هوما بعثولي باه نروح
ويا خاوتي كانت قدامها قرعة ما طيشتها عليا وانا الهربة تسلك
قاتلي لاعود راكي دايرة روحك قدهم راني عارفاتك راكي تحوسي غير على التحواس
طليت عليها من الباب وقلتلها ايه والهربة تسلك للشمبرة
ومباعد قلت بابا عاقل ما يسلكها غير هو نلعبها فوق راسو ونرطبلو الطريق وباه يخليني نروح
جا لعشيا مننين جا وانا كي القطة غير نبشبشلو
ومباعد كي قعدت غير انا وياه قاللي واش تحوسي وهاتي من الاخر
حكيتلو لافار
قاللي شوفي كون ما تنوضيش من قدامي واللي نحفرلك قبرك تحت الكانابي
روح
بقى الحل الوحيد خويا نتاع فرنسا تالمون شويا مزير مي متفهم
وغير انا اللي يتفهمني
هيا عيطتلو كيفاه راك لاباس لاباس حكيتلو ليستوار
قاللي كون ما تسكتيش نجي من كريتاي نعوم نوصل ليك نقتلك
واش معناها هاذا كامل مزالو خواتاتي قلت كون نقنعهم بالاك يقنعو ماما
كي قلتلهم
قالولي اخاااااااااااااااااه نندب عليها تحوسي تبهدلينا في لاتيلي
خلاص راح الامل وراح التحواش وراحت لبنان وراح كل شي لاطيارة لا بابور غير الغبار ياكلني

بعد يومين عيطتلي المدام
قاتلي واش قررتي
قلتلها راني نقرا والامتحانات صدافوني مع موعد انطلاق الحصة ما نقدرش
قاتلي اوك اخت عفاف نتمنالك حظ موفق وان شالله رح تنورينا في الموسم الثالث
جا الموسم الثالث شاف بابا البيبليسيتي عيطلي
قاللي صحابك رح يبداو
كي فرحة
قاللي افتحي عينك كشما تخربي
معناتها اقعدي راكي ماكانش كيفك
المهم هاذي قصتي
المختصر المفيد للموضوع يعني جاء الصيف الماكلة والرقاد لازم الواحد يحكم لفرانات نتاوعو على خاطر مع السخانة والصيف والواحد كون يزيد يسمن يروح وما يرجعش
ما تدردشوش باه طاطا ما تسكروش
وما تضحكوش عني
اللي يضحك عني نبعث بيه تقرير لطاطا هيلدا
​

 

[iméne09]

السلام عليكم ورحمة الله وتعالى وبركاته​

كيفاه راكم احباب واعضاء وعشاق اللمة الجزائرية
وعليكم السلام حنونة لاباش الحمد الله سوال عليك ​

قعدت انا وزوجة خويا ربي يذكرها بخي رفي الليل ما لقيت ما ندير قلتلها ارواحي والله نسجل فيه ونلعبو شويا
هدي كامل فينا نحبو نخربو في صوالح مراناش قدهم تمصخير :sheer: ​

وخرايبي وعمايلي اللي ندير فيهم
ماعليناش رفدت ماما:الو وي شكون معايا
البرنامج:مساء الخير خالة معك من تلفزيون ام بي سي برنامج الرابح الاكبر مادموزيل عفاف هون
بيناتنا ماما ما فهمة فيها والو سيرتو
هههههههههههه سير انخلعت عندبالها راهي تحلم
كي جاتها بالضرافة وغير حاشاك ويعزك
عيطتلي قاتلي ارواحي اهدري وكي تكملي ارواحي ليا
المهم انا: الو وي
البرنامج:مساء الخير مادموزيل عفاف
انا:نعم شكون معايا
البرنامج:احنا من برنامج الرابح الاكبر
(خلاتها سندس كلمة اشوووووووووووووووووووووووووومي)
قوليلي برك واش كان احساسك سير ميتة بالفرحة :sheer:
انا :اهلا وسهلا
البرنامج:احنا لقينا تسجيلك ولقينا طلبك وانتي صراحة متلازمة مع شروط المسجلين اللازمة على هيك احنا عاوزين نعطيك فرصة مشان تكوني معانا بالبرنامج ولمدة شهرين و10 ايام من اول فيفري ل 10 افريل
واكيد لو انتي حتوافقي رح نبعثلك احنا الدعوة وكل الحقوق علينا
-- وانا يا جماعة بيناتنا خبطتلي في الراس قلت لبنان والتحواس والضحك ولومبيونس واش نقوللك غير قول تزعزع قلبي وقلت نروح--
زعما تروحي:thumb_up2: والحكومة ولوزات الداخلية والخارجية شكون رايح يقبلك تبعدي على دار شهر نهار ومايطلقوكش زعما حبيتي تعيشي يمات ماشي بيك بروقرام
هيا ماعليهش قاتلي رح نخليك تفكري ورح نعيد نتصل فيك ان شالله​

هيا ما عليناش رحت للحكومة قلتلها غير الخير
قاتلي واشي اللعب نتاعك والبنات يتولهو للباك نتاعهم(كان العام الاول نتاعي نتاع الباك) ونتي نهار وطول ونتي تنطي وتبدعي المهم ديت تبهديلة قد عمري
ههههههههههههههه راني نتخيل فيك كفاش ديتي ديك تبهديلة :like_1:ويماك بدات تهدر سير ماسكتتش وقتلاتك بلمعايرة حتى وجهك ولا حمر وخضر
ومباعد قتالي واش يحوسو
قلتلها شفتي هاذاك البروغرام نتاع السمان اللي يديرو في السبور والريجيم با يشيانو
قاتلي واش بيهم
قلتلها هادو هوما بعثولي باه نروح
ويا خاوتي كانت قدامها قرعة ما طيشتها عليا وانا الهربة تسلك
ههههههههههههه مالا شمخاتك نحاتلك الغمة وزيد فطناتك بارسكو كنتي غير تحلمي تروحي وحبستلك لمنام في النص حرام عليها :crying_1:
قاتلي لاعود راكي دايرة روحك قدهم راني عارفاتك راكي تحوسي غير على التحواس
طليت عليها من الباب وقلتلها ايه والهربة تسلك للشمبرة
وجهك صحيح حنونة علاش ماقعدتيش كون ديتي طريحة تنسيك في حليب طاطا :tongue_1:
ومباعد قلت بابا عاقل ما يسلكها غير هو نلعبها فوق راسو ونرطبلو الطريق وباه يخليني نروح
جا لعشيا مننين جا وانا كي القطة غير نبشبشلو
زعما ترطبيلو مي عقلية وحدة غير مايشقاش تعيي روحك معاه
ومباعد كي قعدت غير انا وياه قاللي واش تحوسي وهاتي من الاخر
حكيتلو لافار
قاللي شوفي كون ما تنوضيش من قدامي واللي نحفرلك قبرك تحت الكانابي
هههههههههه مزية مكانش كاين عفسة قدامو كون ضربك بيها ماتحصيش لروحك :lol:
روح
بقى الحل الوحيد خويا نتاع فرنسا تالمون شويا مزير مي متفهم
وغير انا اللي يتفهمني
هيا عيطتلو كيفاه راك لاباس لاباس حكيتلو ليستوار
قاللي كون ما تسكتيش نجي من كريتاي نعوم نوصل ليك نقتلك
مزية مكانش قدامك كون سرفgك بكف يشينك تاع الصح حتى تشوفي نجوم بين عينيك
واش معناها هاذا كامل مزالو خواتاتي قلت كون نقنعهم بالاك يقنعو ماما
كي قلتلهم
قالولي اخاااااااااااااااااه نندب عليها تحوسي تبهدلينا في لاتيلي
ههههههه كامل الابواب تغلقو في وجهك مسكينة قعدتي تحلي فيهم عقليتنا كي ماديري معاهم مايفهموكش عندبالك راكي في لوروب باش يديرولك رايك:crying:
خلاص راح الامل وراح التحواش وراحت لبنان وراح كل شي لاطيارة لا بابور غير الغبار ياكلني
:lol::crying::crying: مسكينة غضتيني حبيتي تحوسي روحي احكمي بدون ونشاف واقعدي غير تخدمي في شغل حتى تنقصي في ميزان ني رابح كبير ولا صغير حاكمة دار وربي كبير ​

بعد يومين عيطتلي المدام
قاتلي واش قررتي
قلتلها راني نقرا والامتحانات صدافوني مع موعد انطلاق الحصة ما نقدرش
ههههههههه هدا تقوليب ولا خليني يخا ديك تحشيمة :sheer:​

المهم هاذي قصتي
المختصر المفيد للموضوع يعني جاء الصيف الماكلة والرقاد لازم الواحد يحكم لفرانات
والله غير صح راقدة وتمونجي نجوزوها هكدا فاكونس اللبسة كامل ماتبداش تجينا :crying_1:
نتاوعو على خاطر مع السخانة والصيف والواحد كون يزيد يسمن يروح وما يرجعش
هديك هي الحصلة غير نسمانو مانقدروش نشيانو يلزملنا نهار كامل سبور ومانعرف ادا شينا :shiny:
وما تضحكوش عني
اللي يضحك عني نبعث بيه تقرير لطاطا هيلدا
ههههههههههههههههههههههههههههه
ههههههههههههههههههههه
ههههههههههههه
ههههه
هه
ه:lol:
شنانة فيك:like_1: قتلتيني بالضحك موالفة غير بطوايش ​

 

[BeSt GlAdiAtOr]

آآآآآآآآآآآآآآآآآآه يا ختي عفوفة واش درتي لروحك
علابلك عيطت لماما وختي يقراو الموضوع *علبالك كنو يتبعو الرابح الأكبر
مي كون شاركتي ودرتي النية في الهبل
ول شفتي وحدة ديباسات ال100كلغ راحت في بلاصتك
تقبلي مروري​

 

[hind*alg-]

هههههههههههه
اني نمجيني فيك مع هدوك سمان ههههههه
ولله دحكتيني
...........
شح فيك
مرة لجاية روحي للخاسر الاكبر تاع ل9ور خير ههههههههه
....تقبلي مروري حنونة ومرسي على لفيلم شباب​

 

[nada242008]

ههههههههه والله عندك الكوراج وسجلتي_o:
مش ساهلة يا عفوفة الحكاية راهوا العالم كل يتفرج فيك كيفاه تاكلي وكيفاه تغضبي وكيفاه تبكي ووو بلا المشاكل اللي تصرى والبهادل ثم بين المشاركين
يعني ماغلطوش فيك داركم وداروا معاك الواجب وبزيادة :like_1:
راكي سجلتي برك وشفتي واش صرالك المرة الجاية ماتخميش خلاص :tongue_1:
vive البيدون والنشافة :showoff: وداري تستر عاري:showoff:

 

[DARINE05]

هههههههههههههه
يا عفوفة الرابح الاكبر يبعد _o:_o:_o:
ههههههههههههههههه والله قصتك فور :sheer::sheer::sheer:
كثري من السلطة برك :showoff::showoff:
والبدون والنشافة هههههه

 

[shéryfa luna]

ههههههههه فيني اضحك مادموزال عفاف بليز
:lol:ياموصيبه نعرف خرايبك كون غي شاركتي و ديتي معاك بلال :sheer:ههههههه ديرو حاله و نجيو نسيبورتيوكم
..المهم في الموضوع عندك الحق لازم :showoff:سpور للي يقعدو في الدار ولا ماتفراش
كي حالتي انا كل يوم شوكولا و سوسات gلاسي و السpور بالنفحات ربي يستر برك:crying:
​

 

[عفاف الجزائرية]

الجماعة راها هنا وانا راني نستنى في طاطا هيلدا تجي تطلق الميضوع
اسمعو تضحكو نشق بيكم الارض
​

 

[الجزائري05]

مالقيت ما نقول يا عفاف راني مييت بالضحك كي نكمل راني نبعثلك الرد فالخاص باه مانديرلكش احراج


:lol::lol::lol::lol::lol::lol:
​

 

[BeSt GlAdiAtOr]

الجماعة راها هنا وانا راني نستنى في طاطا هيلدا تجي تطلق الميضوع

اسمعو تضحكو نشق بيكم الارض​

_o:


أشنو شنو:showoff:
وش بيك هد راكي تلعبي بانار
أيا بون:tongue_1::tongue_1::tongue_1::tongue_1:
أو نقولك مالا يا عفوفة أو راهي طفرة فيك
وراحتلك تحويسة على حساب آم بي سي
:crying_1::crying_1::crying_1:
:tongue_1:​

 

[hind*alg-]

الجماعة راها هنا وانا راني نستنى في طاطا هيلدا تجي تطلق الميضوع

اسمعو تضحكو نشق بيكم الارض​

خخخخخخخخخخخخخخخخخخ:lol:
:tongue_1:قتلتينا​

 

[hasna.m]

تصرا
:ans_flw:

لخاطر نولوا فارغين شغل

قصتك هايلة أخت عفاف

​

 

[عفاف الجزائرية]

ههههههههههههههههههههههههههههه
ههههههههههههههههههههه
ههههههههههههه
ههههه
هه
ه:lol:
شنانة فيك:like_1: قتلتيني بالضحك موالفة غير بطوايش ​

والله غير نموت على الطوايش
هاذا العام مانيش عارفة واش ندير
ميرسي ايمانو للمرور
​

آآآآآآآآآآآآآآآآآآه يا ختي عفوفة واش درتي لروحك
علابلك عيطت لماما وختي يقراو الموضوع *علبالك كنو يتبعو الرابح الأكبر
مي كون شاركتي ودرتي النية في الهبل
ول شفتي وحدة ديباسات ال100كلغ راحت في بلاصتك
تقبلي مروري​

وين راها ياو انا كنت باغية نروح نحوس برك
شافها ربي
استنى كشما جديد نخبرك
مرسي خويا وائل
​

هههههههههههه
اني نمجيني فيك مع هدوك سمان ههههههه
ولله دحكتيني
...........
شح فيك
مرة لجاية روحي للخاسر الاكبر تاع ل9ور خير ههههههههه
....تقبلي مروري حنونة ومرسي على لفيلم شباب​

مرسي حنونة هند على مرورك ياو انا لازم قبل ما ندخل للقفص الذهبي ندير كشما هزبة
​

ههههههههه والله عندك الكوراج وسجلتي_o:
مش ساهلة يا عفوفة الحكاية راهوا العالم كل يتفرج فيك كيفاه تاكلي وكيفاه تغضبي وكيفاه تبكي ووو بلا المشاكل اللي تصرى والبهادل ثم بين المشاركين
يعني ماغلطوش فيك داركم وداروا معاك الواجب وبزيادة :like_1:
راكي سجلتي برك وشفتي واش صرالك المرة الجاية ماتخميش خلاص :tongue_1:
vive البيدون والنشافة :showoff: وداري تستر عاري:showoff:

والله قلتيها عفوفة داري تستر عاري
ياو انا درتها بقصد انني نلعب برك وهوما ما صدقو بعثتلهم
المهم مرسي حنونة على مرورك
​

هههههههههههههه
يا عفوفة الرابح الاكبر يبعد _o:_o:_o:
ههههههههههههههههه والله قصتك فور :sheer::sheer::sheer:
كثري من السلطة برك :showoff::showoff:
والبدون والنشافة هههههه

لا سلاطة لا والو كون نشيان شكون اللي يلبس الوهراني والشرب وتجيه التصديرة باهية
مشكورة دارين على المرور
​

ههههههههه فيني اضحك مادموزال عفاف بليز
:lol:ياموصيبه نعرف خرايبك كون غي شاركتي و ديتي معاك بلال :sheer:ههههههه ديرو حاله و نجيو نسيبورتيوكم
..المهم في الموضوع عندك الحق لازم :showoff:سpور للي يقعدو في الدار ولا ماتفراش
كي حالتي انا كل يوم شوكولا و سوسات gلاسي و السpور بالنفحات ربي يستر برك:crying:
​

والله كون غير قبلو نديه معايا نهار وطول وحنا نضحكو مع انا مانيش ضحاكة
ربي يستر
مرسي مادموزال سيرين على مرورك الحلو
​

هههههههههههههه كون قلتيلي انا نروح في بلاصتك اني هنا
والله يا طراطق نتاعكم في الصيف تقول يحكمكم لهبال صح

واش تدير يا بلال والله ديجا انا بدى يجيني الهبال
راني خايفة غير نروح للقفص ونبدى نتمهبل يقوللك مرتي مهبولة
​

مالقيت ما نقول يا عفاف راني مييت بالضحك كي نكمل راني نبعثلك الرد فالخاص باه مانديرلكش احراج


:lol::lol::lol::lol::lol::lol:
​

عادي ميزو ياو رانا خاوة اضحك على روحك بصح ابالاك تخرج على عقلك من الضحك
​

:showoff::showoff:

 

[عفاف الجزائرية]

_o:


أشنو شنو:showoff:
وش بيك هد راكي تلعبي بانار
أيا بون:tongue_1::tongue_1::tongue_1::tongue_1:
أو نقولك مالا يا عفوفة أو راهي طفرة فيك
وراحتلك تحويسة على حساب آم بي سي
:crying_1::crying_1::crying_1:
:tongue_1:​

والله غير انا تاني نقوللهم دي فوا كي ما يدونيش فاكونس
لعبتوهالي كون راني رحت للبنان حوست على ظهرهم
​

خخخخخخخخخخخخخخخخخخ:lol:
:tongue_1:قتلتينا​

لالا يا اختي موتي وحدك ما قتلتكش
​

تصرا
:ans_flw:

لخاطر نولوا فارغين شغل

قصتك هايلة أخت عفاف

​

وردك هايل اخت حسناء
​

 

[حسان2010]

هااااااااااااااادي التاليه تاااااااااااااااااع الصح
جا الصيف ماتتلمووووووووش

 

[السلطانة]

وعليكم السلام ههههههههه ياعفوفةو اشنو هاد الطوايش لي درتيهم
الرابح الاكبر ضربة وحدة كون رحتي يجيفوك تاع الدار

والله فكرتيني في الصيف
لفروطوار والنشافة حياتي توحشتهم

 

[عفاف الجزائرية]

هااااااااااااااادي التاليه تاااااااااااااااااع الصح
جا الصيف ماتتلمووووووووش

قلتها ما نتلاموووووووووووووووووووووووووش
​

وعليكم السلام ههههههههه ياعفوفةو اشنو هاد الطوايش لي درتيهم
الرابح الاكبر ضربة وحدة كون رحتي يجيفوك تاع الدار

والله فكرتيني في الصيف
لفروطوار والنشافة حياتي توحشتهم

اسكتي عليا يا شوشو برحمة الوالدين
نتفكرهم نتهزم في حياتي
قلت لماما كون غير جبتيني ولد نهار وطول وانا في لي كولوني وانا في اتحواس
​

وهاذي فيها نقاش ولا ياو مش يقلك مهبوله ياي يربط جدك بكابل تريسيتي وكي يجي يطلقك ههههههه

اخااااااااااه نندب لالا تريسيتي نولي عاقلة
​

 

[BOUSS]

كلشي بلمكتوب عفاف او كيما قالوها كل عطلة فيها خير ما تزعفيش
وسعي خاطرك وللاسف هاديهيا حالة المراة في البلادكلامها هو يجي
التالي الله يعطيكم الصبر وبصحتك الصيف وانا انقولك ارواحي جوزي
الصيف هنا عند خوك اوا بلاك يبدل عقلية عليك

 

[هــــيلدا]

هههههههههه،،ن للي يضحك عنك تبعثي بيه تقرير لطاطا هيلدا،،

وكي تضحك عنك طاطا هيلدا واش تديري،،

ههههه،، حبوبتي راني ميــــــــــــــــــتة بالتعب،، نروح نسرق ساعتين رقاد ونرجع//

 

[الطفلة البريئة]

ههههههههههههههههههه وحدك يا عفاف اني ميتة ضحك عليك
المرة الجاية سجليني انا ضرك نبعثلك المعلومات :lol:​