- إنضم
- 1 جوان 2008
- المشاركات
- 7,675
- نقاط التفاعل
- 6,740
- النقاط
- 351
مساء الخيرات عليكم بنات المطبخ اللماوي
ان شالله تكونو بخير وهاذي اكيد انكم بخير مادامنا في اللمة
على العموم منذ ايام احترت ما لقيت واش نخلط للغداء
عملت غرتان موشتو وجات مليحة حبيت نشارككم فيها
مقاديرها او مكوناتها:
موشتو
بطاطا
صلصة طماطم
دجاج او فطر او لحم مرحي او يمكن الاستغناء عليهم
غرويار
حبة ليمون
ملح
ثوم
فلفل اكحل
معدنوس
اولا نفور الموشتو مع الثوم والملح والفلفل الاكحل وشويا زيت نخلطهم مليح ونحطها تفور
نقطع البطاطا معكبات صغيرة
نطيب الدجاج في طنجرة صوص بلونش
ونديرو صلصة طماطم
بعد ما نوجدو كل شي
نجيبو البلاطو اللي نديرو فيه
نحطو الموشتو
ونديرو فوقها البطاطا
نزيدو الدجاج
نديرو بعده صلصة الطماطم باه ما تجيناش الغرتان ناشفة
ونزيدو بعدها البطاطا والغرويار
وفوقها الموشتو وصلصة الطماطم
وندخلوها تتجمر
بعد ما نشوفوها نشفت وتجمرت نخرجوها نحطو فوقها الفرماج وندخلوها خمس دقائق برك
بعد ما تطيب نعصرو عليها حبة قارص ونقدموها
