روز ساهل خفيف ظريف من مطبخي *وبالصور*

[عفاف الجزائرية]

http://dc03.**********/i/00855/lqvn0pdk5kwn.gif

http://dc03.**********/i/00855/gai6fdn1thvn.gif
سلامو بنتا المطبخ اللماوي
ان شالله تكونو كاامل بخير
ليوم جيتكم بوصفة خفيفة وضريفة وممكن كامل تعرفوها

سيداتي ساداتي
اذا ما لقيتوش اللحم او الدجاج في دياركم
ولقيتو عندكم غير الكبد والكرشة نتاع الدجاج
واحترتي ديما تعمليها شكشوكة ولا كمونية
جربي اعمليها بالارز لانها تجي مليحة بزاف

الطريقة
في طنجرة حطي بصل مرابي ثوم ملح فلفل اكحل مغرفة صغيرة فلفل احمر كسبر شويا زيت وخليهم يتغلاو

ومباعد ضيفيلهم جلبانة وزيتون اخضر مقطع
خلطيهم مليح
وضيفيلهم من بعد فلفل اخضر حالر مقطع رقيق
وخليطي كل شي

وخليهم يتجمرو شويا

من جهة تاني في وعاد ديري 2 جومبو دجاج شويا زعفران في لتر ماء معاه ورقتين رند وباقة كسبر وزعيترة واكليل محزومة مع بعضها باه كي تطيب ننزعوها بكلها
بعد ما يغلي الخليط نمرقو بيه الطنجرة نتاعنا

بعد ما تغلي المرقة نحطولها الروز ونخليوه يغلي شويا
في نفس الوقت نقطعو الكرشة قطع صغار ونحمصوهم في شويا زبدة مع ثوم وملح
يطيبو نص طياب ونلوحوهم في الطنجرة مع الروز ونغلقو عليها لربع ساعة

بعد ما تطيب نكونو قلينا الكبد نتاع الدجاج
نحطو الروز في طبسي وفوقو كبدة الدجاج ونقدموه

نتمنى انه يروقلكم
http://dc03.**********/i/00855/5ovrz5bwvgte.gif
http://dc03.**********/i/00855/n00z4t5juaum.gif
​

 

[روعة2005]

الله يبارك على افكارك يا ام الافكار عجبني بزاف وساهل استناي تطبيقي قريبا مع حبي واحترامي
بصح عفوفتي الطماطم مفيهش تبالي الصوص مع الاول حمرا:shay:

 

[NaNouS]

الله يبارك جاك روعة عفاف انا فهمت غير بالتصاور انا الكتابة والله ولوكان حرف من تاع الشناوة وكيلة المشكل عندي برك منعرف من واه بالضبط
يعطيك الصحة على هاد الروز

 

[عفاف الجزائرية]

الله يبارك على افكارك يا ام الافكار عجبني بزاف وساهل استناي تطبيقي قريبا مع حبي واحترامي
بصح عفوفتي الطماطم مفيهش تبالي الصوص مع الاول حمرا:shay:

لالا هاذيك عملتلها مغرف صغيرة نتاع فلفل احمر باه ما تجيش صامطة
ومن بعد هاذاك الزعفران كي مرقت
جربية ومتاكدة انه رح يعجبك
وما تنسايش تحطي حبة ولا زوج هيل في الدوزان يعطي بنة مليحة
​

الله يبارك جاك روعة عفاف انا فهمت غير بالتصاور انا الكتابة والله ولوكان حرف من تاع الشناوة وكيلة المشكل عندي برك منعرف من واه بالضبط
يعطيك الصحة على هاد الروز

حبيبيتي على خاطرك رح نعاود نكتبهولك بخط عادي
نظن المشكل من عندك لان الاخوات كامل تظهرلهم الكتبة بخط مزخرف فقط
انتظريني نعاودلك الوصفة وانتي طابقيها مع الصور فقط
​

 

[عفاف الجزائرية]

في طنجرة حطي بصل مرابي ثوم ملح فلفل اكحل مغرفة صغيرة فلفل احمر كسبر شويا زيت وخليهم يتغلاو






مباعد ضيفيلهم جلبانة وزيتون اخضر مقطع
خلطيهم مليح
وضيفيلهم من بعد فلفل اخضر حالر مقطع رقيق
وخليطي كل شي






وخليهم يتجمرو شويا

من جهة تاني في وعاد ديري 2 جومبو دجاج شويا زعفران في لتر ماء معاه ورقتين رند وباقة كسبر وزعيترة واكليل محزومة مع بعضها باه كي تطيب ننزعوها بكلها
بعد ما يغلي الخليط نمرقو بيه الطنجرة نتاعنا









بعد ما تغلي المرقة نحطولها الروز ونخليوه يغلي شويا
في نفس الوقت نقطعو الكرشة قطع صغار ونحمصوهم في شويا زبدة مع ثوم وملح
يطيبو نص طياب ونلوحوهم في الطنجرة مع الروز ونغلقو عليها لربع ساعة






بعد ما تطيب نكونو قلينا الكبد نتاع الدجاج
نحطو الروز في طبسي وفوقو كبدة الدجاج ونقدموه​

 

[NaNouS]

الله يخليك حبيبتي عفاف ان شاء الله نجربها

واسمحيلي عدبتك معايا

 

[ايمان 02]

يعطيك الصحة عفاااااااااااااف

 

[روعة2005]

راح نجربو اكيد فوفتي ايه انا الهيل نموت على بنتو سيرتو في شربة فريك مشكورة حبوبتي

 

[merieme hassi]

تبارك الله عليك يا الحبيبة
شكرااااا

 

[imane27]

هايل عفاف يعطيك الصحة

 

[tasnim55]

مشاء الله اختي عفاف رووووعة باين بنين يعطيك الصحة يالفحلة

 

[ibtesem]

بصحة والهناء فوفتي
ياك مكثرتيش منو لانو من الممنوعات هههههههههه
مشاء الله جاك هايل

 

[بائعة الورود]

هايل يا اختي عفاف

الله يبارك عليك

تقبلي مني هذي الوردة

وان شا ء الله راح نجربو ​

 

[{مُدَلَّلَتُهُ}]

ya3tik el sa7a 7anona tban hayla

 

[بائعة الورود]

راني ملاحظة حاجة يا عفوفة راكي ماكتبتيش من لتحت ماتضحكوش ههههههههههه​

 

[Imane7713]

تسلٍِْمـ الــأيـآدي~~
بارك الله فيكــ~

 

[rima29]

فووووووفة جااااااااااري التطبيق حنوووووووووونة​

 

[أم سهى]

يعطيك الصحة باين بنين

 

[برنســ اللمة ـيسة]

تبارك الله عليك عفاف
مشكووووورة​

 

[الخجولة]

ام ام ريحتو بتشهي هاهاها
مشكورة