قالك لهجتنا هكا

[bilal22]

السلام عليكم يا لحباب

ليوم حبيت نحكي معاكم في نقطه منعرفتوافقوني فيها ولا لا

المهم صح كل جهة ولها لهجتها يعني تعلموها وتغرست فيهم

المهم لا علينا راني موفقين هاذي النقطه

بصح الامر لي يحيرني يعني كفاه راجل بطولو وعرضو يقولولو نتي
وجيتي ورحتي هاو سعات انا كي نشوفها نقول بلاك مش عليا

يعني غير منطقي راجل تقولو نتي

لهجه صح بصح مش لدرجه هاذي انا ترجعني وكاني طفله

حبيت نسقس ليوم

يا لي تقولها يعني كفاه تجيكم عادي رجل تقبلوه مرا تقولو لو
نتي

يعني هكا متحسوش بلي تنقص من لهيبه نتاعو او ما شابه

ويا لي راهم يقولكم فيها هل تتقبلوها عادي يعني وتفوتها بال

حتى حساسيه

يعني كي يقولو لك اسمعي تقولهم وي وش تحوش نورمال

متتقاسش شخصيتك بهاذي الطريقه

متحسش بلي هيبتك راحت

انا بصراحه نحير والله

منقدرش نفوتها عادي كي يقولو لي نتي

المهم نشكر لكم حسن الاصغاء والمتابعه شكرا لكم

سلام
​

 

[الجريئة]

انا دايمن ندير لرومارك
بصح كاين ناس مقتنعين بيها
انا ما تجنيش نقو لها
شكرا

 

[نتــــــــــاشا]

عليكم السلام ورحمـة الله وبركاته​

والله ياخويــا أنــا شخصيا تجيني anormale خاطر راجل ماجياش نقولولو انتي
mais من جيهة وحد أخرى هاذي لهجتهم ولازم نحترموها ، وين علابالك انت بالاك هوما تاني اللهجة ديالنا تجيهوم anormale .
ميرسي على الموضوع ديالك
تحياتي...​

 

[يوسےفے]

:busted_red::busted_red::busted_red::busted_red:​

والله لا تحير ذا زمان وهي في بالي....قلت بالاك جيهم حلوه كي يقولو ها.

صحيت على الموضوع​

 

[mina87]

يا خويا ولله ما جاية
انا شخصيا ما نقبلهاش مي واش راح تدير _o:_o:_o:
ما تقلقش روحك و ساي
مشكووووور:shiny::shiny:

 

[{مُدَلَّلَتُهُ}]

hhhhhhhh ana je suis contre ma jayach rajel tol w 3ard ygouloulah nti
7na fi lahjetna el rajel rajel w el mra mra
Merciiiii bcp w ma tet9ala9ch balak ma ynejmouch ybedlou lahjethoum

 

[Elif DZ]

هههههه
هاذي قلقاتكـ!!
شخصيا في منطقتنا لا توجد مثل هاتهـ الظاهرة
لكنني أعرف أناسا و مناطق يستعملونها
و الله وش نقلك غلب الطبع التطبع
و ربي يقدر الخير
​

 

[ismail]

ما فهمتش راجل يرجعوه مرا ما جاياش خو هادي يقولوها بزاف في بلايص فلشرق بالاك في عنابة ....

 

[redpearl]

ما فيها والو هاديك هي لهجتهم وماشي قصدهم حاجة اخرى
أنا تاني أول مرة بانتلي بيزار وقلتلهم علاه ما تفرقوش بين طفل وطفلة قالولي هاكة والفنا وكبرنا
الله غالب ما عندك ما دير خويا هادي لهجتهم ولازم نحترموها
سلام

 

[loca]

هههههه افير هادي والله هههه من نهار راحت لمة محكيتش في هاد قسم مي موضوعك عجبني بلال
امممم في بالي من يكونو يضحكو معليش يقولوله نتي وهكا بصح مع غراوين ماشي رجال كيفاش راجل تقوله نتي ؟؟؟؟
بصح مع ولاد صغار من عام حتى ل 3 سنين معليش ههه وشيرة تقولها انت هههه غاية والله بصح مع كبار مش عقلية هادي
مرسي بلال ​

 

[السلطانة]

وعليكم السلام ههههههههههههههههه
هادا موضوع موجه سبيسيال للقوالمة قولها ديراكت برك هههه

واش راح نقولك يابلال ويالجماعة
هادي هدرتنا ومنجموش نبدلوها
هكا خلقنا نقولو
كليتي ياراجل
سمعتي
ضربتي
لبستي
سمعتيني
قلتي
شريتيلي
قلقتيني
....
والله يالكلمة هاديك لي تقولوها يابلال خخخ
حنا عندنا متتهدرش وانتوما عندكم نوغمال ههه

ونختمهالك ب
خلاه ههه
كاشما نزيد نتفكر نرجع
هيا صحيت على الموضوع
خفت لاتضربوني برك خخخ
تحياتي


​

 

[السلطانة]

بصح ياجماعة حبسو في الشرق نقولو
بالتي هاديك
بصح عمرنا ماقلنا للراجل انتي
حسبتونا توانسة
راني شفتكم شديتونا في الردود بشوي برك ههه
خلعتوتي

​

 

[sam_houssem]

ميضوع لا علاقة يا بلال خويا
ضرك انت من الدنيا هذي كامل حيراتك غير كي يقولو للرجال انتي
اي نورمال في للمان ضرك كل شيء ماشي
الراجلكي يقولولو انتي جاتك انورمال
وكي تسوقو مرتو للسوق من وذنو نورمال وراجل
المهم ما تقولوش انتي
كل منطقة ولهجتها حتى احنا عندنا كلمات يحيرو
تجي تفهمهم دوخ
وصراتلنا احنا مرة في الجامعة معانا صحبنا وهراني فضحية بسبة اللهجة
هوما الساشي يقولولها بورسة
كان محتاج ساشي وشاف طفلة عندها قاللها اختي تعيشي اعطيني بورسة
ناضت تعيط وتسب فيه يا لي ماش متربي كيفاه تقولي اعطيلي بوسة
ورجعنا في فك واربط
المزية ستر ربي وتكالمات الحالة
كون ماش رجعنا اكثرمن البيبليسيتي تاع ايزيس
هيا سلام ونرجع ان شاء الله

ملاحظة: وينها التحية المعتادة تاع خليه بشعرو ​

 

[sam_houssem]

بصح ياجماعة حبسو في الشرق نقولو

بالتي هاديك
بصح عمرنا ماقلنا للراجل انتي
حسبتونا توانسة
راني شفتكم شديتونا في الردود بشوي برك ههه
خلعتوتي ​

تونسية وفي وجهك البيناز
ههههههه
يخي من بكري مريضة بالخلعة علاه ترجعيها فيهم مساكن
كي شفتيهم عاقليين حابة تحقريهم​

 

[السلطانة]

:busted_red::busted_red::busted_red::busted_red:​

والله لا تحير ذا زمان وهي في بالي....قلت بالاك جيهم حلوه كي يقولو ها.

صحيت على الموضوع​

:sheer::sheer::sheer:علاه قلقتي يايوسف :shiny::shiny::shiny::shiny:

 

[يوسےفے]

:sheer::sheer::sheer:علاه قلقتي يايوسف :shiny::shiny::shiny::shiny:

:santa_1::santa_1::santa_1::santa_1::santa_1::santa_1::santa_1:
i-o:i-o:واش يا راجل,,,,,,,,قادر روحكi-o:i-o:​

 

[شيزوفرينيا]

ههههه حنا عدنا في ولايتنا كاين لي يهدرو هكا مي مش لكل
غير منطقة عدنا وسمها الربحاية ( ولاد خالد ) عندي صديقتي فكرتني بيها
كي نقوللها واش بيك تقولي راني عيان ..راني مريض راني خارج ههههههه​

 

[bilal22]

انا دايمن ندير لرومارك
بصح كاين ناس مقتنعين بيها
انا ما تجنيش نقو لها
شكرا

شكرا لك يعني رانا متفاهمين انا وياك درك ندزلك شيكولا هههه

 

[السلطانة]

ههههه حنا عدنا في ولايتنا كاين لي يهدرو هكا مي مش لكل
غير منطقة عدنا وسمها الربحاية ( ولاد خالد ) عندي صديقتي فكرتني بيها
كي نقوللها واش بيك تقولي راني عيان ..راني مريض راني خارج ههههههه​

هادي حنا منقولوهاش ههه تاع سكيكدة لي يقولو انت كول وواش بيك للطفلة :sheer::sheer::sheer::sheer:كيما واحد العضوة معانا هنا :shiny::shiny::shiny::shiny:
حنا نزيدو تي للطفل بصح الطفلة نوغمال

 

[bilal22]

عليكم السلام ورحمـة الله وبركاته​

والله ياخويــا أنــا شخصيا تجيني anormale خاطر راجل ماجياش نقولولو انتي
mais من جيهة وحد أخرى هاذي لهجتهم ولازم نحترموها ، وين علابالك انت بالاك هوما تاني اللهجة ديالنا تجيهوم anormale .
ميرسي على الموضوع ديالك
تحياتي...​

وشوفي ختي لهجتهم ونحترمها مي منخليهش يقولي نتي هاذي محال نفوتها
اما لهجتو وكلامو عادي بصح توصل يخاطبني بطفله منقبلهاش
ولهجتنا تجيهم انورمال هاذي عادي كيما حنا كيما هم مي نبدلو ستيل نتاعو نوووووو