راه قريب يدي لاروترات و تما صح خلات راحت ولا ولاٌت

[النورس]

`~'*¤!||!¤ راه قريب يدي لاروترات و تما صح خلات راحت ولا ولاٌت ¤!||!¤*'~`

أهليتو اهيلتو
أولها تحية منغولية لجماعة خليه بشعرو :santa_1:
ثاني حاجة متلوموش ادا معجبكمش الموضوع راه مديور على 3 تع الليل ههه شوفو الساعة مليح

قبل مانهدر حبيت نقول هادي تحية و تسليمة على الراس للشيخ بابا
ظرك تفهمو علاش
------------------------------------------------------------------------------

ليوم حبيت نحكي على الشيخ بابا
ابابابابا والله تعبنا مع يدخل للدار يبدا ينقرش كيما يقولو
ياااااااااااااولد ارواح لهنا طااااااااااخ
هز البليغة هادي مش بلاصتها
اسسسسسسمع انت الضو هاداك علاه راه شاعل
ياطفلة ارواحي هزٌي خمارك من هنا لا نشنقك بيه

و هاادا التلفزيون ميطفاش نهار كامل شاعل خافو ربي

المهم مايطلق والو نمالة تتحرك يلحقها يسقسيها وين رايحة

يعني كي يخرج للاروترات وش يصرا:scared:
مالا في جانفي هادا قريب يدي لاروترات و تما صح خلات راحت ولا ولاٌت

الهربة ونخلوهالو هههه يتعايط مع الحيوط

انتم تاني صايرلكم هك مع والديكم؟

هيا احكولنا ترا مغامراتكم معاهم
-----------------------------------------------------------------------
التسليمة للي لفوق راهي سبيسيالمو للناس لي رايحة تقلي علاش راك تعلق على باباك هكداi-o:




هذا الموضوع راه POUR TOUT LE MONDE
مكرة في بوليسية اللمة لي ديما تقول متسرقوليش مواضيعي
مالا هاادا راه ليكم لي بغى يسرق يسرق
هز يا قليل سلعة اليوم مش كل يوم:shiny:
- سير واحد مايديه ظرك ههه -
​

 

[NeيRسNe]

السلام عليكم ورحمة الله تعالى وبركاته
جيت في موضوع دونجي صح اغلبية الآآباء لما يدو لاروترات يحسو بفراغ يقعدو ينقرشو كيما قلت
خاصة على البنت
غير يا يافلانة جيبيلي و الحاجة تكون محطوطة حداه بصح يبغيها هي تجيبهاله
فلانة شاكي تتفرجي شكون راه يهدر اما شان نقلب عليها.ههههههههههه
الا كنت دير في شغل الدار و تكنس يقابلها اصلحي منا شوفي ملهيه اليكي ملهيه مادرتيش هههههه
ايا صايي بزاااف هادو هههه
شكراا ليك خويا عادل على الموضوع

​

 

[meriem150491]

ههههههه سبحان الله باباك فوتوكوبي على بابا ابعثو نحطوهم مع بعضاهم

بابا يلقاك قاعد كيفاش يلقاك واقف كيفاش خخخخخخخ كلش يعلق عليه

ربي يصبرنا
​

 

[Mafia-beo16]

هههههههههههه كامل هكا
مزية انا بابا مازال مايدي لاروتريت على عامين ان شاء الله
مي والله راه مشيبنا سيرتو انا ويلا شافني ناكل وعلاه
الضو ويلا لقاه شاعل وعلاه
التلفزيون وعلاش نهار كامل شاعل
الميكرو ويلا سهرو خاوتي معاه يطفيلهم الكونتور
وزيد وزيد
وديجا هدا رمضان راح يدي كونجي الله يستر قالنا نكرهلكم حياتكم
ربي يكون في عونا هدا مكان هههههههههه
مرسي خويا عادل على الموضوع الخفيف
وربي يكون معاك هههههه​

 

[nina bonoise]

احنا بابا ميهدرش
مي ماما توام تاع باباك
الكلام لي قلتيه تقولو
ملي تدخل و هي تعيط علينا
​

 

[ندى الجزائرية]

شكرا على الموضوع
ربي يحفظلنا آباءنا ويخليهم فوق روسنا ,بلا بيهم الدنيا ماتسوى والو
والله تقريبا احنا تاني عندنا نفس الشيئ,حتى النظام عندو هو فوضى ههههه
انا مانخلي حتى حاجة نتاعي في طريقو باش مايقوليش ارواااااحي هزيها هههههه
وديما يعيط على المخايد لي فالصالون,لوكان يلقى مخدة ماشي في بلاصتها ولا مايلة شوي برك يبدى يعيط -قلتلكم ماشي بلاصة الرقاد هنا ,لي يعوجهم يجي يصاوبهم-ههههههه
ولا على الفريجيدار,مانحبش نغلق ونفتح كي نكون نجبد في حاجة ,لوكان نخليه 30 ثانية برك مفتوح ويشوفو يبدا علاه الفريجيدار مفتوح؟؟؟حتى ولوكان نقولو راني نسحقو,مايستعرفش يقولي اجبدي واقفلي ماتخليهش مفتوح

 

[hiba14]

هههههههه
لا انا بابا ماشي هاك بصح يلا صابك قاعد علاش غي لخير لا واقف غي لخير تهدر غي لخير تسكت راه عندك حاجة و داسة عليا حياتو غي يعس فيا مزيا باقيلو 12 عام من وهاك

 

[H@teM]

انا حجي كي يجي يدي لاروترات
نديروله مشيريعة تلهيه شويا
سينو منتفاهموش ههههه
​

 

[Estrella]

تـــســما قاع راكم تعانو من هاد المشكلة انا حسيب غير انا
هههههههههههههه
هادي هي حالة الواحد كي يبدا يكبر ..
والي ينgرشو عليه بزاااف هو الضو ههههه كي يصيبوه شاعل
ولا كي يصيبك قاع العام قدام الميكرو مانحكيلكش هههه
يقلك هداك ضرك ولا باباك ولا كيفاه هههههه
ربي يجيييييب لخير معاهم ..ماعلينا غير نساعفو وصايي
ربي يخليلك الوالد ويطولو في عمرو
يعطيك الصحة نورس .
وربي يحفظك على النصيحة نتاع تيزانه راني صبت عليها هههه​

 

[مابقاش بزاف.Dz]

ههههههههههه ماشي نمعني و لا حاجا مي اكره حاجا عندي هو الوالدين يكونوا كيما هاكا يعني ما تفوهم لا صغيرة و لا كبيرة
انا الحمد لله بابا ما علابالوش بهاد الحوايج و ما يهموش بزاف و الوالدة تانيك ربي يحفظلك والديك
سلامــو

 

[adel-mz]

هههههه باباك هايل .
سيٍ Vــري كاينة بارتو ا
مي انا non باسكو خلاني 09 سنوات ورحل الله يرحمو . وحتى امي معندهاش هادي العقلية ،
مارســـــــــــــmon fréreــــــــــي

 

[لاجودان شاف]

هههههه مليح

بيعوه وتهناو منو​

 

[سعاد..ة..]

ههههههههههههه والله ياخويا هذا الموضوع حابة نفرغ فيه قلبي ما بيد بابا ما يحاسبنيش هنا ههههههههههههههههه واش نقولك عندو عام ملي ادا لاروترات حسيتها قرن راكم تعرفو الواحد كي يلقى روحو فارغ شغل اعطيلو برك باه يلتهى صباح وعشية التريسيستي بزاف الما ما حييتش انا لي نخلص علاجال ماشي انتوما مي واش نديرو بابا سايسوه برك هههههههههه .....مشكووور الاخ على الموضوع ​

 

[DARINE05]

hhhhhhhhhhhhhhhhhhhhhh

 

[NINA_c9]

هههههههههههه والله ضحكتني رانا كامل كيفكيف اامر نفذ ههههههه حنا papaمداير فينا الباطل الضوء منحكوش عليه ... هو الموصيبة كي نقعدو نتغداو الخبز والله العظيم غير توالوااااا اعطيني الخبز والتيليv.... كامل شاعلين لاه هادا وزيد الميكرو شاعل مكيش تتفرجي طفيه وعلااااااااه هاداااااااا انا صراحة يخرجني من هبال عقلي انا papaالعام الجاي يدي لاروترات انا ماما قلنالوو يعني دير مفتش خير ما تقعد تهبلنا هههههههههههههههه مشكور اخي على هدا الموضوع

 

[النورس]

شكرا على الاعتمااااااااااد
راني جايكم واحد واحد
زنقة زنقة
i-o:
​

 

[النورس]

ههههههه سبحان الله باباك فوتوكوبي على بابا ابعثو نحطوهم مع بعضاهم

بابا يلقاك قاعد كيفاش يلقاك واقف كيفاش خخخخخخخ كلش يعلق عليه

ربي يصبرنا
​

اهلا مريم
شايف اسمك منعرف وينi-o:
خلاص راهم يتشابهو نبعثوهم يتلمو كيف كيف ههه
ربي يخليلك باباك ان شاء الله

​

 

[النورس]

السلام عليكم ورحمة الله تعالى وبركاته
جيت في موضوع دونجي صح اغلبية الآآباء لما يدو لاروترات يحسو بفراغ يقعدو ينقرشو كيما قلت
خاصة على البنت
غير يا يافلانة جيبيلي و الحاجة تكون محطوطة حداه بصح يبغيها هي تجيبهاله
فلانة شاكي تتفرجي شكون راه يهدر اما شان نقلب عليها.ههههههههههه
الا كنت دير في شغل الدار و تكنس يقابلها اصلحي منا شوفي ملهيه اليكي ملهيه مادرتيش هههههه
ايا صايي بزاااف هادو هههه
شكراا ليك خويا عادل على الموضوع

​

أهلا نسرينو ههههه باين باباك متعبكم تاني ههه
راني شفتها عندنا تاني
تكون الحاجة حداااااااه ينوض يعيط فلاااااااااانة ارواحي جيبيلي هاديك ههه
وهو لوكان يمد ايدو يحكمها

و ركزيلي على تع يلقاك واقف يقلك علاه متقعدش
تقعد يقلك علاه ماراكش واقف هههه

صحيتي نسرين نورتينا​

 

[NeيRسNe]

ههههههههه خويا النورس راك غالط فالاقتباس ماشي هادا ردي
مالا باباك راه اثر فيك تاع الصح الحالة راها متأزمة
​

 

[النورس]

ههههههههه خويا النورس راك غالط فالاقتباس ماشي هادا ردي
مالا باباك راه اثر فيك تاع الصح الحالة راها متأزمة
​

راني درت تعديل فقت بيه تم تم
متفظحيناش :sad:
:shiny:
​