- إنضم
- 1 جوان 2008
- المشاركات
- 7,675
- نقاط التفاعل
- 6,740
- النقاط
- 351
صباحكم ومساءكم بالخير
ورمضانكم كريم
ان شالله تكونو ديماريتو بيان مع عمو رمضان
لا تنساو تربطو الاحزمة
ايا نوليو للموضوع
جيتكم اليوم ويديا فارغين قصدي معمرين
كنت جربت وصفةنتاع خبز غابي بالفلفل والفطر
وجاني صح مليح ايا قلت نستفادو كاملين مع بعض
نبداو على بركة الله:
المقادير:
العجينة المخمرة
200غ فرينة
20 غ خميرة الخبز
كاس ماء دافئ
باقي العجينة:
كيلو فرينة
مغرفة وشوي ملح طبعا عينك ميزانك
40 غ سكر
100 غ زيت تقريبا 5 مغارف
50 غ حليب غبرة
بيضة كاملة + بيضة مخفوقة للدهن الداخلي والخارجي
1/2 ل ماء
وطبعا فلفل مشوي ومنقي ومقطع مربعات وفطر ايضا محمس
ايا لطريقة التحضير:
نحظو في اناء فرينة وخميرة وكاس الماء نخلطوهم ونخليوهم يتخمرو
ومن جهة تانية
نحطو في قصعة
الفرينة + البيضة + الزيت وتكون العجينة اختمرت نضيفوها ونبداو نلمدو فيها بالتدريج حتان نتحصلو على عجينة طرية ومتماسكة
بعد هذا نكون حضرنا الفلفل والفطر شويناه وقطعناه وحمسنا الفطر في الزيت والملح والفلفل الاكحل
وبعد ما تكون اختمرت العجينة
نزيدو ندلكوه امليح
ونحلوها بهذا الشكل وهذا السمك
ندهنوها بالبيضة المخفوقة
ونفرشو فيها الفلفل والفطر
ندهنو المول بالزبدة ونحطو في وسطه العجينة ونخلوها تختمر مرة تانية
من الاحسن نخلوها تختمر مليح باه ما تجيش معجنة منا لداخل
بقاتلي عجينة وما بقالي الحشو
لقيت بيضة مغلية وفرماج نضت نستفكر حشيتهم بيها
وجاو ملالالالاح
بعد ما يختمر ندهنوه بالبيض المخفوق
وندخلوه للفرن حوالي ربع ساعة
ونكونو مراقبين النار
يعني نشعلوه المرة الاولى من فوق ومن تحت
كي يسخن الفرن
نطفيو من الفوق ونطلعو البلاطو لفوق
كي يطيبلنا من تحت
ننزلوه لتحت ونشعلو من فوق باه يتحمر من فوق
نتمنى تكونو فهمتوني
وهذا الشكل الناهئي للخبز
نتمنى انه يعجبكم ما تضحكوش عليه
وصحا لفطوركم ولرمضانكم
ايا اتهلاو
