- إنضم
- 1 جوان 2008
- المشاركات
- 7,675
- نقاط التفاعل
- 6,740
- النقاط
- 351
سلامو بنات
ان شالله راكم بخير مع عمو رمضان وراه خفيف عليكم
ماعليه حتى ويكون ثقيل اتحملو راه ضيف ما يطول لا شتى ولا صيف
المهم شفت في القناة نتاع فتافيت هاذيك الحصة ولا بالاحلام عملت وحد التحلية
عجبتني
سجلتها وزدتلها اضافات وطبقتها
وجات صح صح مليحة وتصلح للسهر
ايا نروحو للمقادير:
1كرام فراش
2 علب امباسادور او اي نوع شوكولا
3 صفار بيض
100غ سكر مقدرة ب 2 ملاعق كبار
1/2 لتر حليب
اضفتلها 1 فلان شوكولا
وطريقة التحضير:
نفصلو الصفار على البياض
نطلعو الصفار مع السكر حتان يتغير لون الصفار
بعد ما يتغير نزيدولو لاكرام فراش
ونزيدو العلبة نتاع الفلان ونضربو مليح
بعد ذلك نكونو فيضنا الحليب نجيبو نصبو نصف الكمية فقط ونضربو في نفس الوقت باه ما يطيبلناش صفار البيض
بعد ما نديرو نصف الكمية
نوليو نرجعو الخليط لباقي الحليب
ونرجعوه للنار خفيفة ونضربو في نفس الوقت حتان يبدا شوي فقط يخثار
بعد مدة ننزعوه من النار ونحطوه في الاناء ونضيفولو الشيكولا اللي كنا قطعناها
نخلطو مليح حتان تذوب
ونحطوه في القوالب المناسبة سواء فردية ولا قالب جماعي
ندخلوها للثلاجة ونخلوها تبرد وتتماسك
وهذي الختام
نتمنى انه يعجبكم وما تضحكوش عني ديما ودوما
هيا سلامو وصحا لي زي فطوراااتكم
