فلفل محشي على طريقتي ----ومن مطبخــــي---

[عفاف الجزائرية]

سلامو بنات
واش حالكم واحوالكم
ان شالله بخير
ايا ليوم ندخلو في الميضوع كيما يقولوها

ندخلو طول للطريقة
اولا نشويو الفلفل ونحطوه في عليه ونغلقوه عليها ولا في كيس غدائي
باه يعرق ويتنحالنا القشرة بسهولة
نحاولو ما نقطعوهش

بعد ذلك ننضفوه من الزريعة مليح وننحيولو السلوك نتاع الحرورية(الخيوط اللي من الداخل هوما اللي يمدو الذوق الحار)

ندهنوه بالبيض

نحضرو الحشو حسب الاختيار وحسب الموجود عندك لحم او دجاج او فطر او حتى طون يعني حسب ذوقك او ممكن فرماج وبطاطا حسب واش عندك

نديرو الحشو ونلهوثوه
ونمرروه في الفرينة
ثم البيض
ثم لاشابلير

بعد ذلك نحضرو صلصة بيشاميل نديروها فرماج وخلطة الاعشاب زعيترة وكسبر اخضر
نحطو الفلفل اللي لهوثناه في لاخطوات وقليناه من بعد
نحطوه في الاطباق اللي نقدموه فيها
ونديرو عليها الصلصة

ندخلوه للفرن مدة 10 دقائق يذوب الفرماج مليح
ونخرجو نقدموه

انا قدمتو مع باقي الحشو اللي بقالي فوقو الفرماج المبشور
يجي بنين بزاف

نتمنى تعجبكم الفكرة
هيا اتهلاو في رواحكم
وما:laugh::laugh: عليا
سلام
​

 

[rima29]

وااااااااااااااااااااااااااااااو
فلفل محشي يم يم
يسلموا ايديك​

 

[nada242008]

فكرة جديدة وهايلة يا عفاف
قوليلي الفلفل الاحمر اللي درتيه حلو ولا حار
يعطيك الصحة وبصحتكم

 

[عاشقة رجاص]

السلىم عليكم

والله يآ عفآف يعطيك الصحة ياختي جآك هآيل مآشآء الله

وفكرة الفلفل محشي مليحة بزآف ولآزم نجربهآ

بآرك الله فيك عفوفة ربي يخليك وصحا فطورك

ومارسي عليك​

 

[عفاف الجزائرية]

فكرة جديدة وهايلة يا عفاف
قوليلي الفلفل الاحمر اللي درتيه حلو ولا حار
يعطيك الصحة وبصحتكم

آآآآه شكون يقدر ياكل الحار
عملت الفلفل الاحمر الحلو
لكن نظن الوقتنتاعوخرج
وبطبيعة الفلفل الاحمر عندو بنة خاصة
لهذا ادا ما لقيتيش
نعطيك وحد لافكرة
اعملي الفلف الاخضر الحلو
ارحي الثوم
زيديلو قرصة صغييييييييييرة سكر وشويا ملح
خلطيه معاها
وادهني بيها الجواوات بعد ما تنقيهم
وحطيهم يشربو هاذاك اخليط
وبعد ذلك ديري الحشو نتاعك كي العادة
يجي تاني مليح
جربتو كي حبيت نعاود هاذ الوصفة وما لقيتش الفلفل الاحمر
​

 

[ourida17]

الله الله عليك يا عفاف يهبببببببببببببببببببببببببل والله غير صح جوعتيني
طريقة جديدة منعرفهاش
جاري التطبيق حنونتي ههههههههه
يعطيك صحة عفوفة صحة فطورك
مي عندي سؤال ندهنو بلبيض ولا بصفار البيض؟

 

[هــــيلدا]

يعطيك الصحة الشاطرة،، بصح ياك مايش شرط نديرو البيشاميل انا منحبهاش خلاص، وقيلة نتي تموتي عليها p:
​

 

[عفاف الجزائرية]

الله الله عليك يا عفاف يهبببببببببببببببببببببببببل والله غير صح جوعتيني
طريقة جديدة منعرفهاش
جاري التطبيق حنونتي ههههههههه
يعطيك صحة عفوفة صحة فطورك
مي عندي سؤال ندهنو بلبيض ولا بصفار البيض؟

ادهنيه اختي ببيضة كاملة
واصلا راه تبقالك زيدي لهوثيه فيها بعد ما تلهوثيه في الفرينة
يعني ما تخسريش

ان شالله يعجبك في البنة والذوق مليح
ربي يبارك فيك اختي

 

[عفاف الجزائرية]

يعطيك الصحة الشاطرة،، بصح ياك مايش شرط نديرو البيشاميل انا منحبهاش خلاص، وقيلة نتي تموتي عليها p:
​

ايه ماشي شرط
تقدري تعوضيها بلاكرام فراش
وا=ا تاني ما تحبيهاش حبيني انا وعوضيني بيها ههههه
اذا ما تحبيهاش تاني ديري الغرويار واطلقي العنان للفرن يذوب وخرجيه
​

 

[عاشقة الوردة]

امممممممممممممممممممممممم
هايل وجديد
غدوة نجربو ونرجعلك الخبر

 

[هــــيلدا]

ايه ماشي شرط
تقدري تعوضيها بلاكرام فراش
وا=ا تاني ما تحبيهاش حبيني انا وعوضيني بيها ههههه
اذا ما تحبيهاش تاني ديري الغرويار واطلقي العنان للفرن يذوب وخرجيه
​

هيه وقيلة ارواحي نتي نديرك في بلاصتو :sheer: كشرودة ، توحشتك

 

[اللؤلؤة المصونة]

اواه انتى طيري في العينـ تقوللنا ماتضحكووش اعليا ......



يااااااااااااااااا راكى فووور حاجة ساهلة اخلاص


انا بربي دك نديرهاااااااا وباينة يجي بنين وخفيف ......


تستاهلى احلى تقييمـــــــ حبيبتيـ​

 

[اللؤلؤة المصونة]

مي هادا واش خبز مفترش ولا واش مافهمتش؟؟؟؟

​

 

[وردة الروح]

يعطيك الصحة حبيبتي
الطبق بنين و شباب
أنا انديرو لكن ماشي بهذا الطريقة
راكي إعطتيلي ليدي جديدة
ربي يحفظك​

 

[زهرة الندى]

روووووووووووووووعـــة يا عفوفة يعطيك الصحـــة يا الفحلة

حاجة جديدة وفوووور

تسلـــــــــــــــم ايدك حبيبتي

صحا فـــطووورك​

 

[عفاف الجزائرية]

هيه وقيلة ارواحي نتي نديرك في بلاصتو :sheer: كشرودة ، توحشتك

ياااااااااااااه انا كشرودة
والله نغسل ب

اللي يغسلو بيه بيت هوليود هاذوك
ارواحي شوفيني درك كيفاه وليت ههههه
انا تاني توحشتك اموصيبة

مي هادا واش خبز مفترش ولا واش مافهمتش؟؟؟؟

​

هذا يا حبيبتي الغالية خبز يابس ومرحي

 

[POLIYANA]

هدا كامل فالفلفل واش يخرج منو :scared: انا مانحبش ريحتو بالصح كي حشيتيه سخفني :sheer:​

 

[sweetprincess]

ما شاء الله عليك يا الزينة :showoff:

خدمة باهية و نظيفة و البنة مانجكيلكش الصورة تنطق
نموت على الفلفل و بإذن الله نجرب هاذي الوصفة

ربي يخليك حنونة و يرزقك واش تتمناي على قلبك الطيب و الكبير:shay:
و على طيابك الهايل ثاني

أيا صح فطورك و كل العايلة

 

[هــــيلدا]

ياااااااااااااه انا كشرودة
والله نغسل ب

اللي يغسلو بيه بيت هوليود هاذوك
ارواحي شوفيني درك كيفاه وليت ههههه
انا تاني توحشتك اموصيبة

÷ههههههه كلمة كشرودة راهي مجاملة مني، منقولهاش للناس كامل :sheer:
مام انا نغسل بيه، بصح جربي الموv خير من هذا، راهو مقطوع حنا عندنا عجب، وقيلة نجي نسلع من عندكم،

هيه راني رايحة ندير الفلفل بصح بطريقة وحدة أخرى هيا نخدمو كتاب تاع فلافل انا وياك ونتهناو :sheer:

 

[هــــيلدا]

يااااااي شكون حكمت هنا، وقيلة غلبك الصيام سمسوم وليت تدور علا الفلافل
​

حتى االضيوف دايرين حالة أه، هيا سجلو معانا وليكم كادو صحن فلفل محشي من عند عفاف i-o:

حالياً الأعضاء النشيطين الذين يشاهدون هذا الموضوع : 7 (4 عضو و 3 ضيف) ‏°Wishes°, ‏ياسمينة الباديه, ‏دنيا الأمل, ‏Mafia.dz