قــــاطــو * قــمقــوم الزآآآوش * من ــــــ*ــــ مطبخي ــــ*ــــــ وبالصورــــــــ

[عفاف الجزائرية]

السلام عليكم ورحمة الله وبركاته
مع حلول عيد الفطر المبارك
حبيت نفيد الاخوات بهذي الحلوى
ان شالله تعجبكم

المقادير:
للعجين العجينة المورقة(تقدري تشريها او تصنعيها في المنزل
انا صنعتها عملت
1 كغ فرينة
كاس شاي زيت
2 مغارف سكر
2 مغارف خل
1/2 مغرفة ملح
تعجنيها بالماء
وتورقيها ب500 غ زبدة صالحة
-القطايف

للحشو:
3 كيلات مكسرات(حسب المقدور والرغبة تقدري تعمليها حتى بالكوكاو)
كيلة سكر
مغرفة فاني
ماء الزهر

- حبات لوز
عسل

طريقة التحضير:
نحلو العجينة المورقة نتاعنا بسمك 1 سم
نثقبوها كامل بالحلال الخاص بالتثقيب او الفرشيطة

نقطعوها دائري قيس المول اللي رح نديرو فيه
انا استعملت نتاع الدزيريات وقطعت بكاس الاينوكس
ومباعد نحطو العجينةا لي قطعناها في المول

بعد ذلك نفتحو القطايف بحذر ونحاولو ما نقطعوهاش
نديرو طرف صغير في اليد ندهنوه بالسمن الذايب
نحطو في وسطه الحشو ولوزة

ونغلقو الجوانب مليح تتشكل كرة صغيرة
نحطو كرةالقطايف في وسط العجينة اللي عملناها في المول

ندهنوها من فوق بالسمن

ونحطوها في البلاتو ونغطوها بالالمنيوم باه ما تنحرقش من فوق ويطيب العجينة المورقة مليح
ندخلوها للفرن مدة 10 دقائق طيب العجينة من الاسفل
ومباعد ننزعو الالمنيوم عليها باه تتحمر من فوق
نخرجوها نعسلوها بالعسل المخفف بماء الزهر
نرشو عليها بيسطاش او لوز
ونديرو اللماع الغدائي
ونقدموها
هذا الشكل النهائي

ملاحظة هذي الكيلة خرجتلي 140 حبة يعني هذا المودال زاكي بزااااااف يليق للاعراس ولصباحياتا لعروس
وبنين وخصوصا كي عاد بالعجينةا لمورقة يجي مورق وخفيف
-وايضا كي نعودو نعسلو ما نعسلوهش بزاف باه ما تترخفش العجينة المورقة كي تتشمخ بزاف
نعسلوه شوي ونحطوه في عليه نغلقو عليه وكي نعودو رح نقدمو نقطرو عليه من فوق شوي عسل
نتمنى انه يروقلكم
​

 

[صفـاء و نقـاء]

شكرا أختى

وصفة رائعة

بارك الله فيك

 

[Mafia-beo16]

مممممممم حلوى هايلة
مرسي عفوفة على الوصفة
بارك الله فيك

 

[*/نهال/*]

شكرااااااااا

 

[{مُدَلَّلَتُهُ}]

اممممممممم يبان هايل مشكوووورة

 

[ام سيف]

ماشاء الله شكلو روعة انشاالله يكون الطعم مثلو شكراااااااااااااااااااااااااا

 

[nina bonoise]

هذا هو قمقوم الزاوش
انا نعيطلوا لقطايف
خسارة لي مول لي عندنا كبار شوية
ماما تعملهم في بلا و تقسم بالموس
و الله سخفتيني يا عفاف خرجولك ملاح ملاح
​

 

[طيف الامل]

يعطيك الصحة جاتك مليحة تكلوها بالصحة والهنا

 

[ياقوتة الصحراء]

يعطيك الف صحة هايل ان شاء الله نجربو

 

[هدى42]

yatik saha merci bq

 

[imane27]

يعطيك الصحة عفاف شكلها جميل

 

[عاشقة الوردة]

امممممممممممممممم
هايل
يعطيك الصحة

 

[momoude]

يعطيك الصحة عفاف ديما مواضيعك هايلة ومتبخليش علينا

 

[the summer]

يعطيك الصحة مودال شباب بزاف
والله عجبني وزاد جديد شكرا ليك وجزاك اله كل خير

 

[wziane]

سلمت يداااااك

 

[اميرة 1984]

اممممممممممممممم شهيتيني

 

[amouna ghazel]

emmmmmmmmm hayel ya3tik el sa7a

 

[ايمان التلمسانية]

يعطيك الصحة عفاف
جاك هايل
​

 

[ياسمينة الباديه]

روووووووووووووووووووووووووووووووووووووووووووووووعة فعلا الله يبارك

 

[وردة الشوق]

سلام
الشطارة شاطرة الله يبارك
يعطيييييك الصحة
​