خبز الدار بالفرينة من مطبخي كالعادة وبالصور

[عفاف الجزائرية]

سلام للبنات
ان شالله تكونو كاملين بخير
من رمضان اللي فات جربت خبز الفرينة وجا ماشالله ومايتعبش يعني ما فيهش الخبيز والدليك وكل شي
خلطيه كي المسكوتة ولوحيه للفور
حبيت نفيد الاخواتا للي ما يعرفوش
المقادير:
كاس ونص ماء دافئ
كاس ونص حليب دافئ
كاس زيت
3 بيضات (2 بياض وبيضة كامل)
مغرفة ملح
مغرفة سكر
اخميرة نتاع قاطو
و2 مغارف خميرة نتاع مطلوع
الفرينة حسب عينك

طريقة التحضير:

في اناء
نديرو الحليب والماء والزيت

نضيفو بعدها زوج بياض بيض وبيضة كاملة

نخلطو المزيج مليح ونضيفو الفرينة حتان تجينا جارية يعني تقريبا كي المسكوتة

ندهنو البلاطو بالزبدة او سمن المرجان مليح
ونديرو الخليط في البلاطو ونخلوه يخمر تقريبا 10 دقائق

ندهنوه بصفار البيضتين اللي خليناهم مخففين ب3 مغارف حليب

وهذا شكلو بعد ما طاااب

والشكل النهائي

وكيما تقولها حبيبتي ام ندوش زووووووووووووم

نتمنى انه يعجبكم ونكون افدت ولو بحاجة خفيفة
وكي العادة ما تضحكوووووووش عني
سلام اخواتي
​

 

[ISMA.dz]

رووووووووعة عفوفة

ربي يحفظك جربتو من قبل وجاني رائع وراكي فكرتيني فيه

سلاااااااام​

 

[ibtesem]

ارسليلي طريف نسرب بيه القهوة تاع الصباح

يعطيك الف صح عفوفتي

 

[أم عبدالصمد]

جاك روعة ربي يباركلك في صحيحتك ويعطيك ما تتمناي

 

[كوثر الوهرانية]

مشاء الله عليك يا الساجية نتاعنا وصفة هايلة اختي عفاف الف شكر يا لحبيبة

 

[الحلم الوردي]

رووووووووعة
سلمت اناملك
​

 

[imane27]

هايل عفوفة يعطيك الصحة

 

[cherine]

ماشاءالله خفيف وساهل
يعطيك الصحة قلبي​

 

[قطورة الندى]

يعطيك الصحة هاااااااااااااااايل ما شاء الله
​

 

[faloussa]

ما شاء الله كل صبع بصنعة فاميلتى الله يبارك جاك روعة :sheer::sheer:

 

[دموع الفراق]

الله بارك خبز وعليه الكلام يعطيك الصحة حنونة

 

[عفاف الجزائرية]

رووووووووعة عفوفة

ربي يحفظك جربتو من قبل وجاني رائع وراكي فكرتيني فيه

سلاااااااام​

ايا مليح كي فكرتك فيه مشكورة اختي على المرور الطيب والتواجد الدااااااااااائم ربي يبارك فيك
​

ارسليلي طريف نسرب بيه القهوة تاع الصباح

يعطيك الف صح عفوفتي

الزووووووووووم كلو راه ليك يا بسومة والله تستاهلي يا غالية
​

جاك روعة ربي يباركلك في صحيحتك ويعطيك ما تتمناي

الله يسلمك يا اختي ربي يهنيك ومشكورة على المررور الطييييب:shay:
​

مشاء الله عليك يا الساجية نتاعنا وصفة هايلة اختي عفاف الف شكر يا لحبيبة

والفين شكر ليك يا اختي على المرور الطيب ربي يبارك فيك اختي فريدةمنورة كي العادة
​

رووووووووعة
سلمت اناملك
​

الله يسلمك اختي ملاك مرورك الاروع
​

هايل عفوفة يعطيك الصحة

الله يسلمك اختي لويزة مشكروة للمرور الطييييب بوسيلي رمرومة
​

ماشاءالله خفيف وساهل
يعطيك الصحة قلبي​

ايه والله خفيف وساهل ومع هذا كامل ما يديش الوقت
مشكورة اختي علىا لمرور الطيييييب
​

يعطيك الصحة هاااااااااااااااايل ما شاء الله
​

الله يسلمك اختي قطورة الندى مشكورة للمرور الطيييييب
​

ما شاء الله كل صبع بصنعة فاميلتى الله يبارك جاك روعة :sheer::sheer:

الله يبارك فيك اختي فلوسة ربي هنيك يا غالية ويعطيك قد قلبك :shay::shay::shay:
​

الله بارك خبز وعليه الكلام يعطيك الصحة حنونة

الله يسلمك اختي دموع الفراق مشكورة للمرور العطر يا غااااااالية
​

 

[rima29]

يسلموا ايديك عفاعيفو​

 

[randa serine]

ماشاء الله عليك جاك يهبل بصح حبيت نسقسيك حاجة كي تفرغي الخليط في السنيوة ما تخليهش يخمر شوية و لا فورا داخل الفرن.

 

[عفاف الجزائرية]

ماشاء الله عليك جاك يهبل بصح حبيت نسقسيك حاجة كي تفرغي الخليط في السنيوة ما تخليهش يخمر شوية و لا فورا داخل الفرن.

الله يسلمك اختي
ايه اني كتب تنخليه يخمر تقريبا من 8 الى 10 دقائق
تولي شغل تبدى تشيح الطبقةا لفوقانية
باه تعطيك الطوع تدهنيه بالبيض والحليب
وتدخليه للفرن
اي استفسار انا هنا
​

 

[Sẻl Mā]

الله يبارك هايل
صحيتي

 

[randa serine]

الله يسلمك اختي
ايه اني كتب تنخليه يخمر تقريبا من 8 الى 10 دقائق
تولي شغل تبدى تشيح الطبقةا لفوقانية
باه تعطيك الطوع تدهنيه بالبيض والحليب
وتدخليه للفرن
اي استفسار انا هنا
​

شكرا لك حبيبتي اليوم راح نجربو و ان شاء الله ينجحلي كيما انتي.

 

[الاختان سوسو ونونا]

روعة على الخبز تسلم ايدك عفاف حبيت نسقسيك تخلطيه بالباتور ولا لا وشكرا

 

[عفاف الجزائرية]

روعة على الخبز تسلم ايدك عفاف حبيت نسقسيك تخلطيه بالباتور ولا لا وشكرا

الله يسلمك اختاي
لالا ما نخلطوش بالباتور بيدك برك
ما يديش الوقت بزاف يا ربي قيس ما تتخلط المكونات برك

 

[حاملـة المسك]

و عليكم السلام و رحمة الله و بركاته

يا طفلة بركايك شكون ليضحك عليك

جاك رووووعة و طريقة ساهلة
ديال واحد راح الحال و دخلو قالولو مكاش الخبز
و لا الضياف دخلو على غفلة
الخبز لا جات فيه الثقاب معناها جا كالاسفنج كتلظيه يولي كما كان
و كرستيون
تسلم إديك +تقييييم​