معجــــون الإجـــــــاص من مطبخي

[عفاف الجزائرية]

سلام بنات
بما انه موسم الاجاص استغليت فرصة وجودو وعملت المعجون نتاعو وخبيتو لوقت الحاجة
حبيت نفيد الاخوات اللي ماش موالفين يخدموه

المقادير :
كيلو أنجاص
حبتين تفاح
800 غ سكر
عصير ليمونة
عود قرفة
نجمة الارض
لتر ماء

طريقة التحضير :

نقشرو حبات الاجاص ونحفروهم في الوسط ننزعو البذور ونحطوهم في ماء بارد ونخلوهم
من جهة اخرى نقسمو حبات التفاح ونحطوهم في نصف لتر ماء نخلوه يطيب فيه يوغلي حتان يبقى من الماء حوالي ربع لتر ويرجع شوي خاثر (يتخثر بالبكتين الموجود في التفاح)
نحطو ربع لتر ماء مع 800 غ سكر انا ما حطيتش 800 كام حطيت وحد 700 باه ما يجيش حلو ياسر
نحطوهم علىا لنار ونخلوهم يغليو
نضيفو عليهم عصير الليمونة
وبعد ما يطيب التفاح نصفيوه ونضيفو الماء نتاعو للشربات اللي حطيناها
ننحو حبات الاجاس منا لماء البارد ونحطوهم طول في الشربات ونحطو عليهم عود القرفة
انا ما لقيتش قرفة اعواد حطيت نص ملعقة مطحونة
وننقصو النار ونخلوها تغلي على نار خفيفة ونغطوها
وحد الساعتين نشوفو الماء نقص نطفيو عليها ونحطو نجمة الارض فيها ونخلوها تبات ليلة كاملة
في الغد نلقاوها تتعسل وخاثرة
ونقدرو نقدموها
اليكم الصور

نتمنى انه يعجبكم وتجربوه
ربي يهنيكم كاملين
​

 

[nada242008]

جاك هايل فوفة ... اليوم بالصدفة شفت في فتافيت الحصة تاع every day food
واحد الطباخ دار نفس الطريقة بصح خلا الانجاصات كاملين ومع العصير تاع التفاح والقرفة
يعطيك الصحة وبصحتكم

 

[عفاف الجزائرية]

الله يسلمك عفوف
هانا نتعلمو منا ومنهيه
انا تقريبا المعجونات كامل نديرهم بهاذ الطريقة
كاين اللي يهرسو بالفرشيطة انا حبيت نخليه شوي مدقدق باسكو استعملت الانجاص الصغير
​

 

[la_safa]

يمم يمممم شوفو الدلوعة بتعمل ايه ف غيآب مامتهآ :p
يعطيكـ الصحة عفوفة خرجلكـ تححفة ..
لآكآن قعدت في كاش نهآر من العآم الجآي رآني نديروو :d هههـ
تآع الصح يهبببل .. صحيتي عفوف ~
​

 

[عفاف الجزائرية]

يمم يمممم شوفو الدلوعة بتعمل ايه ف غيآب مامتهآ :p
يعطيكـ الصحة عفوفة خرجلكـ تححفة ..
لآكآن قعدت في كاش نهآر من العآم الجآي رآني نديروو :d هههـ
تآع الصح يهبببل .. صحيتي عفوف ~
​

ما تفكرينيش فيها لا نبكي
والله توحشتها قد الدنيا
الله يسلمك حبيبتي والله ضيقة الخاطر راني نعمر في الفيد برك بهاذو التخنتيشات
ان شالله ترجع ويرجع الزهو نتاع الدار
ما تقعديش ضرك وما تطبقيليش ضرك نهار تكوني مخملة الكابة نتاع الجامعة اخدمي باطة واديها افطري بيها كل صباح
ربي يوفقك حبيبتي
​

 

[dahbito]

يعطيك الصحة فوفتي هايل جاري التطبيق
ام ندوش انا تاني شفت هداك الديسار

 

[mimi-ba]

ممممممممم يا ختي رح نعاينك
ربي يبارك عليك
ميرسي والله عجبني بزاااف
سلام
​

 

[nada242008]

حالياً الأعضاء النشيطين الذين يشاهدون هذا الموضوع : 8 (3 عضو و 5 ضيف)
‏nada242008, ‏dahbito+, ‏عفاف الجزائرية+

هكا الصباح كنا نتفرجو في التلفزيون ههههههههههههه

والله يا عفاف نشتي نشوفهم كيفاه يطيبو
يسهلو كلش وطياباتهم كامل تطيب في 5 دقايق :up:

 

[عفاف الجزائرية]

ههههههههههه والله يا هك كنا نتفرجو هههه انا ما تفرجتش الصباح صبحت مع التسياق


شفتي يعطولك النفحة في الطياب
ومع ندخل للكوزينة ونلقى حاجة ناقصة نطبق كل شي ونخرج هههههه
​

 

[ألاء الرحمـــن]

الله الله على الفحلة ديالنا كل صبع بصنعة

يعطيك الصحة عفوفة خرجلك روعة ممممممم

​

 

[nada242008]

ههههههههههه والله يا هك كنا نتفرجو هههه انا ما تفرجتش الصباح صبحت مع التسياق


شفتي يعطولك النفحة في الطياب
ومع ندخل للكوزينة ونلقى حاجة ناقصة نطبق كل شي ونخرج هههههه
​

حاجة ناقصة ؟ ههههههه قولي حوايج وحاجات ههه
حنا تليقينا صحبة طيبة تاع الخليجية وصحاباتها وياسر علينا هههه

 

[prncess fifi]

اوووووو هايل ياختي راه يغير بصحتكم حنونة​

 

[ninafret]

يعطيك الصحة جاك هايل

 

[imane27]

اممممممممممممم يشهى يعطيك الصحة

 

[ام انس الحبيب]

يعطيك الصحة اختي عفاف جاك
هايل معليش نذوق شوية راكي
شهيتيني
ههههههههههههه
ربي يخليك لينا
​

 

[جزائرية كوول]

يعطيك الصحة عفوفة باين بنييييييييييين


​

 

[ندى الورود]

شكرا عفوفة على الوصفة
يعطيك الصحة
بصح للاسف الصورة ما بانتليش
واكيد شكله يشهي

​

 

[رهام22]

طريقة رائعة و مربىاروع مشكورة اخني عفاف

 

[Djazaire-El-Ghalia]

ya3tik 1000 3afia

 

[omarwa]

بارك الله فيك عفوفة