مســــــآء / صبـــــــآح الخيـــــر على كآمل فحلآت اللمة
كي العآدة ومبآشرة من مطبخي
جبتلكم قاطو بالشوكولا ساهل وبنين
المقــــــآدير:
150 غ شوكولا
100غ سكر عادي
100غ زبدة
3 بيض
1/2 كيس خميرة كيميائية
125غ فرينة
شوية ماء
طريقة التحضير:
اول حاجة نذوبو الشوكولا في حمام مائي يكون على نار هادئة
نضيفولها شوية نتاع ماء انا درت ملعقة كبيرة وخلطي مليح وممبعد ضيفيلها الزبدة مع الخلط وديما فوق نار هادئة
اضيفي السكر وخلطي مليح ثم بعديها من فوق النآر
~~~
بعدها نضيفو البيض كامل للخليط وهنا يكون الخلط بالخلاط الكهربائي
من جهة اخرى خلطي الفرينة مع الخميرة
وطريقة اضافتها للمزيج تكون عن طريق غربلتها كما هو موضح في الصورة
نواصلوا الخلط بالملعقة العادية
حتى تتمازج كل المكونات
ونفرغوا الخليط في مول مدهون ومرشوش بالفرينة
وندخلها للفرن لمدة 30د وعلى درجة حرارة 170°
هنآ بعد ما طابت
وهاد هو الشكل النهآئي
بالصحة والعافية
تقبــــــــــــلوا ودي
و زيد ما خليتيلي والو 
