حكآيآت بنآت : العدد الثآلث

[iméne09]

واش راكم يلحباب ان شاء الله تكونوبخير وماتشوفو عداب
ديما من قلوبنا قراب منورين اللمة بطلتكم لي بلا حساب
نوغمالمون تعودتو على طلتنا عليكم بقصرتنا طويلة ورفقتنا دايمة معاكم
ان شاء الله تفيدونا برايكم وتكونو ديما زاهيين مع داركم
عضوات العدد التالت
مــــوا
Moon_light
ساندريلا زماني​

mïŋěţţe

وللتذكير بسير الموضوع زوروآ الموآضيع هذي
حكايات بنات
حكآيآت بنآت العدد الأول
حكايات بنات العدد التاني

قدما نحكيو حكاياتنا ماتخلاصش نكونو معاكم وتسمعو من فمنا عن تجارب
واقعية راح نبداو الموقف

حكـــاية على مخالطة لبنات

بون لحكاية راهي دور على لبنات بيان سـuـغ موقف صرا لوحدة نعرفوها
راحت تقرا في لافاك تاع دالي براهيم لمسكينة قاسوها لتماك دارت انتاغن
الكل يشهد على انها فتاة ملتزمة متربية متدينة شهر لول لبنت لي معاها في
لامام شومبر ماخلاتهاش في حالها منحرفة ولات تلعبلها بعقلها قدما اvــيتاتها
زادت لصقت فيها ابليس وسوسلها خالطتها
طفلة تبدلت شوية ولات معلابلهاش بلقراية مالـgـري بـuــت لي
ديـpـلاسات على جالو هو النجاح هدي طفلة مخطوبة دارت فيها تقة
عمياء حكاتلها عليها وعلى خطيبها سيختو كي كان يجي يشوفها هديك
منحرفة عجبها بدات الخطة الجهنمية ديالها وسوستلها ورجعتها تشك فيه
دوموندات تصاييه دات نـuـميغو وقاتلو بلي خطيبتك خداعة وراهي تخون
فيك مع غيرك زرعت الفتنة بيناتهم واكدتلو تمدلو ليـpـخوvـ
السيد حاب يشوف بعينو ومن جهة تانية بااش تبدلها عليه ولات تكرها فيه بلي
راهو يخدعك ونتيا بعيدة لازم تان تبدليه هو مايقدرش يعيشك كاين لي
يرشقك خير منو حتى كترو ليبروبلام بيناتهم بون طفلة كرهت ولات تخرج
معاها يحوسو مي بنات برك كيما دارتلها ماحبتش تخرج مع لولاد حتى وحد
نهار خدرتها بكاشيات في جــu وخرجو سهرو هديك منحرفة كانت قالت
لخطيبها بلي راهم رايحين وجا شافها في هداك الوضع تشوكا كانت الطفلة
متخدرة ماشي فايقة بروحها مي مالوغ دارهم عرفو عن طريق خطيبها وولات
من دار ماتخرجش
ونقلتكم لحكاية كيما سمعتها من لافامي تاعها
هدي فاجعة صرات في 2009
على بالي طولت عليكم اسمحولي مي حبيت نوصللكم فكرة بهاد لحكاية راهي
انسب توريلكم مخالطة لبنات والتقة العمياء وين توصل مرأة فسدت مرأة
تنخرب بيوت بسبة صديقات السوء قادرة توجه صحبتها للخير والشر
وتوصلها للطريق التهلكة هنا تخلاص عليها حياتها مدمرة تفقد انوثتها على جال
وثقت في صديقة ماتستاهلش الصداقة

​

مداخـــلاتكم تهمنـــا

​

حكايات بزاااف دور في هاد سـuـجي مدابينا تفيدونا بيهم
هكدا ندو العبرة ونخطو بلاهم

أهلآ إيمآن منورة بموضوعك الخطير المرة هذي .
وطبعآ في نفس الوقت يصرآو منو آلآف القصص ,
كل يوم وكل دقيقة ,
ومآكآنش لي مآ عندهآش حكآية في السـuـجي هذآ ,
وأنآ بدوري نحكيلكم على وحدة جآرتي ,
الطفلة هذي كآنت مآكآنش بريئة كيفهآ ,
ودآرهم يظلوآ يعسوآ فيهآ وحتى برآ في الكآغتي ,
كآنو يدخلوهآ قبلنآ مرآت نحس بلي مآمآ طآلقتني ,
كي نشوف مآمآهآ تعبيهآ ليه ليه تخبيهآ في الدآر .
من بعد وصلت للسيآم بدآت تتبدل كي خآلكت بنآت مش ملآح .
ويآ حسرآه على الليسي كي وصلتلو زآدت هبلت ,
وكي وصلت للجآمعة هآجت خلآص الطفلة ,
رجعت مآ تتحكمش ,
وبدآو يلعبولهآ لبنآت في رآسهآ بآش تصآحب ,
وحطمت الرقم القيآسي وفسدت خلآص بأخلآقهآ ,
وخذآتهآ من درآرهم مي مآ تربآتش ,
عيآ خوهآ ضربهآ بكرسي لوجهآ مي وآلو ,
النهآر لي بعدو تعآود تدير لي تضربت عجآلو ,
وبسّيـــــف تخطبت وركحت روحهآ ,
وتربآت على يد خطيبهآ مي مش بدرجة 100 بالمية ,
يعني لبنآت حآشآ لي مآ يستآهلوش شيطآنآت ,
كي مآ يحبوش الخير لوحدة يجرّوهآ للوآد ,
لي رآهم يترنخو فيه ,
وكآين أنآنيآت يغلطوآ يحبوآ لبنآت الكل تغلط كيفهم ,
بآش وحدة مآ تبقى خير عليهم ,
كيدهن عظيم ,
يحبسوهآ للشيطآن ,
وعلآبيهآ الوحدة إمآ تعرف شكون تخآلط إمآ مآ تخآلطش ,
وكل وحدة فينآ عندهآ صديقة مقربة عآدة مآ تكون من الطفولة ,
الأفضل تشد فيهآ ومآ تبدلهآش لأنو لي تعرفهآ من وقت البرآءة ,
وتكون بنفس عقليتهآ تبقى بنفس البرآءة معآهآ ,
مع أنو هذآ مش مقيآس كآين لي منهم جآت الضربة ,
المهم الوحدة يلزم تعرف وين تحط رجليهآ ,
وتعرف تخمم ومآ تأمنش برك ,
في اللخر نقولك مغسي إيمآن على الـ topic ,
جبتيهآ في الصح وفي الصوآب ,
وربي يسترنآ ويستر كآمل لبنآت ,
ويبعدنآ على النوعية هذي ,
وسلآمي ’

Moon_light
​

وعليكم السلام

موضوع اخطر منلي فاتو يعطيك الصحة ايمانو
***************
الخلطة وماتدير في لبنات يجرو على بعضاهم وسيرتو كي يشوفو وحدة عاقلة وبنت ناس يحبو يفسدولها عقلها بسبة الغيرة .
لحكاية لي حكيتيها هادي خربتلها عقلها وتفكيرها ومحبستش تم حتى وصلت خربت بينها وبين خطيبها بشتى الطرق.
أنا نهدر على حكاية خلاف لي هيا تاع زوج صحابات كانو بيان مع بعضاهم
وحدة فيهم من كثر حب صحبتها ليها داتها معاها لفرونسا
عاشت معاها وكلشي زي لخواتات
ماش تزيد تعرفها بأختها وعادو في 3 صحابات
وتطورت العلاقات بيناتهم
حتى هادي الصديقة لي دارو فيها الخير واش تدير ؟
تلعب على راجل أخت صحبتها راح طلق مرتو واتزوج بيها هي :s
يعني دارت فيها خير وعرفتها بأختها شوي هي دارت براجلها وداتو وخلاتهم حايرات.
واش داهم يخالطوها كي عادت هك .
************
نصيحة:
يالبنات اعرفو شكون تخالطو مليح وشكون تصاحبو
صحبتك اليوم غدوة راهي تتحول عدوتك كون يصرا مشكل صغير بيناتكم تحيكلها أسرارك تروح تنشرها وادا كانت سيئة تروح تحرفها وتنشرها
قادرة تصاحبي وحدة وتتخدعي فيها وترجعلك ندامة من مباعد
ربي يبعد عليكم الشر ويحفظكم .

ساندريلا زماني
​

أهلآ إيمآن منورة بموضوعك الخطير المرة هذي

لازم يكون خطير بدينا ندخلو في الصح

وكي وصلت للجآمعة هآجت خلآص الطفلة
رجعت مآ تتحكمش

شفتي لي غالقين عليهم كيفاش يخرجو psqكلشي أنتاغدي طفلة تولي مخنوقة ماشي شايفة دنيا كي تخرج تخلعها تتكلخلها تعاشر بالمليح بالدوني

عيآ خوهآ ضربهآ بكرسي لوجهآ مي وآلو ,
النهآر لي بعدو تعآود تدير لي تضربت عجآلو

الضرب ماينفعش معاها سيختو كي توالفو هدي لقات لي يربيها ولي سمحو فيهم دارهم الزنقة ماتلمش

وكآين أنآنيآت يغلطوآ يحبوآ لبنآت الكل تغلط كيفهم ,
بآش وحدة مآ تبقى خير عليهم
بآش وحدة مآ تبقى خير عليهم كيدهن عظيم

شحال من وحدة تكدب على دارهم وتقولهم
نريـvـزي وتلقايها هايمة amieتاعها علمتها الكدب حتى تولي مصدر الشر لصحبتها بعدما تحولت من بنات متربيات لpـخوفيسيونال في التدخين الكدب

وعلآبيهآ الوحدة إمآ تعرف شكون تخآلط إمآ مآ تخآلطش ,

في هاد الوقت مابقات قيمة للصحبة قبل ماتخالط تعرف جوهر طفلة

وكل وحدة فينآ عندهآ صديقة مقربة عآدة مآ تكون من الطفولة ,
الأفضل تشد فيهآ ومآ تبدلهآش لأنو لي تعرفهآ من وقت البرآءة

ماشي لازم تكون من الصغر لقينا صحابات جدد وتلقاي ديما تنصحك وتمدلك الرأي لي يبكيك باغسكو خايفة عليك اما لي تمدلك رأي لي يضحكك تعرفيها تخدع فيك

في اللخر نقولك مغسي إيمآن على الـ topic ,

تعيشي حبيبتي درنا لي علينا وانش ءاالله يستفادو غيرنا
الله يبعد علينا بلاهم ومايشوفنا في صحبة كيفهم
****

موضوع اخطر منلي فاتو يعطيك الصحة ايمانو

تعيشي حنونة وبمناقشاتكم يولي اخطر

***************
الخلطة وماتدير في لبنات يجرو على بعضاهم وسيرتو كي يشوفو وحدة عاقلة وبنت ناس يحبو يفسدولها عقلها بسبة الغيرة .

هدي اكيــد لازم تولي كيفهم يحرموها عليها مدام هوما فسدو لازم يفسدو لبنات لوخرين معاهم
كاين مقولة "المرأة تفسد المرأة كالأفعى تبث السم في الأفعى "

عاشت معاها وكلشي زي لخواتات

دارت فيها الخير اكيــد تكون خداعة وترجعو بالشر

ماش تزيد تعرفها بأختها وعادو في 3 صحابات
وتطورت العلاقات بيناتهم
حتى هادي الصديقة لي دارو فيها الخير واش تدير ؟
تلعب على راجل أخت صحبتها راح طلق مرتو واتزوج بيها هي :s

سا سي gـغاvـ وين وصلنا بالخديعة هوما عاملوه كأخت والخير تاعهم نوغمالمون ماتنساهش مدامها حية في وقتنا مانديروش الخير وننساو نديرو لامان في الناس

يعني دارت فيها خير وعرفتها بأختها شوي هي دارت براجلها وداتو وخلاتهم حايرات.
واش داهم يخالطوها كي عادت هك .

هوما وين على بالهم مساكن مدامهم متربيات ع الاخوة ولحنانة عمبالهم ناس gـاع كيما هوما خليفتهم على ربي وتوصي للجاية باش مايديروش لامان في لي جات

************
نصيحة:
يالبنات اعرفو شكون تخالطو مليح وشكون تصاحبو
صحبتك اليوم غدوة راهي تتحول عدوتك كون يصرا مشكل صغير بيناتكم تحيكلها أسرارك تروح تنشرها وادا كانت سيئة تروح تحرفها وتنشرها

بازيلي عليها بزاف غير تداربو على اتفه حاجات راح تفضحك وديرلك ليبروبلام

قادرة تصاحبي وحدة وتتخدعي فيها وترجعلك ندامة من مباعد
ربي يبعد عليكم الشر ويحفظكم .

اميــن حنونة

iméne09​

أهلا إيمانو وكامل لبنات
كيما قالت نونو وشوشو جبتينا بومبا مشي موضوع
والأهم انو يحاكي الواقع
خاطر رانا نشوفو فساد الأخلاق بارتو والأمر يرجع لعدة أسباب أخطرها الخلطة
"رفيقات السوء"
قبل ما نحكي وحد القصة خليني نعددلك أسوء صفات ((رفيقات السوء))

* هم بنات أكثر همهم الاستهزاء، حياتهم سخرية × سخرية و لهو × لعب
* يضلو فالأسواق ويقعدو غير فأماكن (الفسق والفجور)
* كلامهم غيبة ونميمة وفحشاء وتمزيق في الأعراض
* وتلقاي شرابهم الدخان والمخدرات
* ضحكاتهم توجور عالية واللي ينصحها تسيق بيه الدنيا
* عينيهم تعماو على رؤية الحق وقلوبهم ماتو

* حياتهم كحياة البهائم، بل البهائم خير منهم، قال فيهم رب العالمين : {لَهُمْ قُلُوبٌ لَّا يَفْقَهُونَ بِهَا وَلَهُمْ أَعْيُنٌ لَّا يُبْصِرُونَ بِهَا وَلَهُمْ آذَانٌ لَّا يَسْمَعُونَ بِهَا ۚ أُولَـٰئِكَ كَالْأَنْعَامِ بَلْ هُمْ أَضَلُّ ۚ أُولَـٰئِكَ هُمُ الْغَافِلُونَ}

* حياتهم ماكلة وشراب ولعب ورقاد: {يَتَمَتَّعُونَ وَيَأْكُلُونَ كَمَا تَأْكُلُ الْأَنْعَامُ وَالنَّارُ مَثْوًى لَّهُمْ}
​

*********
مالحكايات اللي سمعتهم على رفيقات السوء واللي يشيبو راس الطفل الصغير
على وحدة كانت مع لبنات تع لاسيتي وهي انسانة متدينة
كانت فالأول تنصحهم يبطلو وش قاعدين يديرو من صحبة رجال لسهرات لتعاطي المخدرات ما نفعتش معاهم
مبعد بدا يجرجروها معاهم خطوة خطوة وهي في حسابها راهي مش رايحة تتمادي
وحد النهار شافت وحدة من زميلاتها فالسكن في وضع مخل مع واحد فالسيارة راحت شكات بيها
ايا هديك الـ (......) ما نساتهالهاش، وحرشت عليها جماعة من أمثالها يفتقرو لريحة الرجولة
اغتصبوها = قضاولها على شرفها = حطمولها أحلامها = حرموها من حياتها
وتما جات هديك الـ (....) تتشفى فيها
لا حول ولا قوة إلا بالله
****
نزيد معلومة على وش قالت شوشو ونونو ونقول ديفوا الخلطة انتي تبعدي عليها وهي تتبلى عليك
كيما فالقصة اللي صرات لوحدة زميلتي، كنا نقراو كيف كيف فالجامعة
هادي الطفلة كانت هي اللولة فالgroupe ، علاماتهما ممتازة وكانت حاطة راسها في قرايتها وبس
وهي من بنات الاقامة وانا كنت نسمع بزاف بلي بنات الاقامة منحرفات مي كي عرفتها مليح لقيتها نعم الأخلاق
فالعام الثالث تحديدا توطدت علاقتي معاها (وختكم مينات انسانة اجتماعية )
وتغيضني كي نشوفها دور وحدها ايا كي نلقى روحي معندي والو نقعد معاها
حتى وحد نهار نلقاها تبكي قتلها وشبيك قاتلي دوك نحكيلك:
انا لعامين لي قبل كنت مع (س) و(ع) فلا شومبر وكنا b1 مع بعضانا
مي هاد العام بدلونا لاسيتي مطحتش معاهم طحت مع بنات (ولعياذ بالله)
تصوري يباتو ليل كامل يحكو مع ليجان فالتلفون
يفورميو نيمرو ميلينيوم عالزهر واللي يطيحو فيه ويعطيهم الخط
يحكيو معاه غير لحكايات اللي متشرفش
وكي شافوني (هي طبعا) خاطيني الشي هدا وياما نصحتهم حبو يطيحوني فالبياج
وحدة فيهم حكات مع واحد ومدتلو اسمي ولقبي وكل شيء عليا
جى لا سيتي يحوس عليا ودارلي مشكلة كبيرة وحطو فيا حوايج مدرتهمش
وصلت لحد الطعن في شرفي (وفهمكن كفاية) ووصلت لحكاية لأهلي
وبابا عيطلي قالي تجي تروّحي وحدك ولا نجي نديك بالسيف؟
ودوكا ملقيتش كيفاش نقنعهم بلي خاطيني !!
صراحة قلبي تقطع عليها
مي ممبعد الحمدلله لقات بنات شهدو معاها ودافعو عليها ولقاو دليل بلي الطفلة لوخرا لي دارتلها البروبلام
وكملت قرايتها نورمال مي والديها بقاو موسوسين جيهتها ايا العام اللخر اول واحد تقدم يخطبها قبلوه وهي كانت رافضة
وش نقلك من هديك لافير الطفلة تقلبت حياتها رأسا على عقب غير بسبة بنات ميخافوش ربي

أنا نصيحتي لبنات اللمة

- صديقات السوء هم اول طريق الانحراف

- الفتاة في سن المراهقة تتاثر بصديقاتها كثر من تاثرها بوالديها ألوغ أطونسيون تصاحبي فتاة منحرفة ولو دقيقة خاطر الناس رح يعتبروك كيفها ولا اكتر

- الحشمة والحياء هما صفات الفتاة العفيفة الشريفة ، فالحياء زينة للفتاة وتاج فوق راسها
قال الرسول صلى الله عليه و سلم " ما كان الحياء في شيء الا زانه "
ومن الحياء غض البصر اللي هو حماية للقلب وحفظ للجوارح
- أطونسيون تغرك وحدة من صديقاتك بلبس الازياء المغرية واظهار الزينة فهي أول باب على طريق الانحراف لانو كاين بعض البنات يحبو ينعتو رواحهم بالزينة و الملابس ومحاولة لفت انتباه الشباب ليهم مي هذا يتنافى مع الاسلام و الاخلاق ألوغ انتي إيvيتي هاد الشي أي اخفي زينتك قدر الامكان فمن هانت عليها نفسها فهي عند الناس اهون ومن عزت عليها نفسها فهي عزيزة عند الناس وعند الله.
​

- وفالأخير شوفي لثواب الخليلات والصديقات المتقيات، يوم القيامة يقول الله: {الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ * يَا عِبَادِ لَا خَوْفٌ عَلَيْكُمُ الْيَوْمَ وَلَا أَنتُمْ تَحْزَنُونَ * الَّذِينَ آمَنُوا بِآيَاتِنَا وَكَانُوا مُسْلِمِينَ * ادْخُلُوا الْجَنَّةَ أَنتُمْ وَأَزْوَاجُكُمْ تُحْبَرُونَ * يُطَافُ عَلَيْهِم بِصِحَافٍ مِّن ذَهَبٍ وَأَكْوَابٍ ۖ وَفِيهَا مَا تَشْتَهِيهِ الْأَنفُسُ وَتَلَذُّ الْأَعْيُنُ ۖ وَأَنتُمْ فِيهَا خَالِدُونَ * وَتِلْكَ الْجَنَّةُ الَّتِي أُورِثْتُمُوهَا بِمَا كُنتُمْ تَعْمَلُونَ * لَكُمْ فِيهَا فَاكِهَةٌ كَثِيرَةٌ مِّنْهَا تَأْكُلُونَ}
​

جو سي كتبت جوغنال مي هادا كامل باش تعم الاستفادة
لأنو الموضوع اللي طرحتيه ايمانو حساس بزاف

Mïŋěţţe
​

أهلا إيمانو وكامل لبنات

أهلين حبيبتي طولتي علينا عمبالي نستينا الحمد الله على سلامتك يازينة

كيما قالت نونو وشوشو جبتينا بومبا مشي موضوع

ههههههههههه بومبا تترتق في وجه ولاد لحرام بربي يبعدهم علينا

قبل ما نحكي وحد القصة خليني نعددلك أسوء صفات ((رفيقات السوء))
* هم بنات أكثر همهم الاستهزاء، حياتهم سخرية × سخرية و لهو × لعب

صح حياتهم تكون عايشين مطايشين ماعندهم حاجة غير تمصخير جايبينها في j men fiiiiche

* يضلو فالأسواق ويقعدو غير فأماكن (الفسق والفجور)

pـلاستهم لتماك تلقايهم في هاد اماكن باش يصيدو ديـvـكتيم جدد

* كلامهم غيبة ونميمة وفحشاء وتمزيق في الأعراض

مدام هوما خاطيتهم التربية وماعندهمش الحشمة اكيد يهدرو غير في صوالح بـــات تسناي منهم كلش
ان لم تستحي فافعل ماشئت

* وتلقاي شرابهم الدخان والمخدرات

منحرفة واش تسناي منها غير الفسق وطريق لي تديها ماترجعهاش

* ضحكاتهم توجور عالية واللي ينصحها تسيق بيه الدنيا

في هدي قستيها انتبهيلهم يكترو تمصخير والضحك سيختو في pـلايس
pــبليك وقدام ليجون زعما يخافو باش يبانو ويـaــاتيريو ليجون

* عينيهم تعماو على رؤية الحق وقلوبهم ماتو

ماتو من نهار لي تبعو هاد الطريق كي وصلت بيها تنسى اخلاقها انا نقولها اقتلي روحك خير من حياتك في هاد دومان لي مايديكش لبعيد يجي نهار وين تندم

* حياتهم كحياة البهائم، بل البهائم خير منهم، قال فيهم رب العالمين : {لَهُمْ قُلُوبٌ لَّا يَفْقَهُونَ بِهَا وَلَهُمْ أَعْيُنٌ لَّا يُبْصِرُونَ بِهَا وَلَهُمْ آذَانٌ لَّا يَسْمَعُونَ بِهَا ۚ أُولَـٰئِكَ كَالْأَنْعَامِ بَلْ هُمْ أَضَلُّ ۚ أُولَـٰئِكَ هُمُ الْغَافِلُونَ}

ومالدليل افضل من قول الله سبحانه وتعالى

* حياتهم ماكلة وشراب ولعب ورقاد: {يَتَمَتَّعُونَ وَيَأْكُلُونَ كَمَا تَأْكُلُ الْأَنْعَامُ وَالنَّارُ مَثْوًى لَّهُمْ}

عجبتيني امونة درتيلهم تحليل شامل لصفاتهم vـريمون عندك الحق ماتلقايهمش عندهم صفة مسـgـمة ني مسؤولية ني والو راميين حياتهم الشي لي يهمهم دراهم في حاجة فانية مايخمموش بلي كاين ربي ونهار نتحاسبو فيه

مبعد بدا يجرجروها معاهم خطوة خطوة وهي في حسابها راهي مش رايحة تتمادي
وحد النهار شافت وحدة من زميلاتها فالسكن في وضع مخل مع واحد فالسيارة راحت شكات بيها
ايا هديك الـ (منحرفة) ما نساتهالهاش، وحرشت عليها جماعة من أمثالها يفتقرو لريحة الرجولة
اغتصبوها = قضاولها على شرفها = حطمولها أحلامها = حرموها من حياتها
وتما جات هديك الـ (منحرفة) تتشفى فيها
لا حول ولا قوة إلا بالله

:scared01: سي بيزااااااغ تشوكيت قلبي تقطع عليها شفتي ماعندهمش درة حشمة كي قلتي ماعندهمش قلب صح كاينة منها انا نقولك هدي ماشي انسانة كيفاش مخلوق حساس رقيق يدير هكدا ويخرب بيوت كيما هي قبلت على روحها تمد شرفها للغاشي وصلت بيها تتعدى على شرف لبنات غيرها حرام عليها ربي يجيبهالها ان شاء الله

****
ديفوا الخلطة انتي تبعدي عليها وهي تتبلى عليك
:
انا لعامين لي قبل كنت مع (س) و(ع) فلا شومبر وكنا b1 مع بعضانا
مي هاد العام بدلونا لاسيتي مطحتش معاهم طحت مع بنات (ولعياذ بالله)
تصوري يباتو ليل كامل يحكو مع ليجان فالتلفون
يفورميو نيمرو ميلينيوم عالزهر واللي يطيحو فيه ويعطيهم الخط
يحكيو معاه غير لحكايات اللي متشرفش
وكي شافوني (هي طبعا) خاطيني الشي هدا وياما نصحتهم حبو يطيحوني فالبياج
وحدة فيهم حكات مع واحد ومدتلو اسمي ولقبي وكل شيء عليا
جى لا سيتي يحوس عليا ودارلي مشكلة كبيرة وحطو فيا حوايج مدرتهمش
وصلت لحد الطعن في شرفي (وفهمكن كفاية) ووصلت لحكاية لأهلي
وبابا عيطلي قالي تجي تروّحي وحدك ولا نجي نديك بالسيف؟
ودوكا ملقيتش كيفاش نقنعهم بلي خاطيني !!

يخاااااه ديزيستواغ بزاااااف يصراو في هاد cas وكلهم سبتهم رفيقات السوء شفتي وصلت بيهم لهاد تبهدايل ياك هي خاطية الطريق واش دخلهم في غيرهم لمسكينة هدي علاش يهدمولها في حياتها باشاعات مكاش منها هكدا مالــغي ماغلطتش في حقهم البلية كي تجي مكاش لي يشدها وهدي خدمة دارتها باش ترجعها في طريق الانحراف كيفها وتضيع حياتها غير في هد دومان

صراحة قلبي تقطع عليها
مي ممبعد الحمدلله لقات بنات شهدو معاها ودافعو عليها ولقاو دليل بلي الطفلة لوخرا لي دارتلها البروبلام
وكملت قرايتها نورمال مي والديها بقاو موسوسين جيهتها ايا العام اللخر اول واحد تقدم يخطبها قبلوه وهي كانت رافضة

باغسكو كونفيونس لي داروها فيها دارهم تنحات لازم عليها تقبل وتعمر فلي قلبها صينو تخسر دارهم

وش نقلك من هديك لافير الطفلة تقلبت حياتها رأسا على عقب غير بسبة بنات ميخافوش ربي

ايه مسكينة تكون تسوفري وغيرها حكايات بزاف تهدمت حياتهم بسبة المخالطة والبلى

أنا نصيحتي لبنات اللمة
​

​

- صديقات السوء هم اول طريق الانحراف

- الفتاة في سن المراهقة تتاثر بصديقاتها كثر من تاثرها بوالديها ألوغ أطونسيون تصاحبي فتاة منحرفة ولو دقيقة خاطر الناس رح يعتبروك كيفها ولا اكتر

- الحشمة والحياء هما صفات الفتاة العفيفة الشريفة ، فالحياء زينة للفتاة وتاج فوق راسها
قال الرسول صلى الله عليه و سلم " ما كان الحياء في شيء الا زانه "
ومن الحياء غض البصر اللي هو حماية للقلب وحفظ للجوارح
- أطونسيون تغرك وحدة من صديقاتك بلبس الازياء المغرية واظهار الزينة فهي أول باب على طريق الانحراف لانو كاين بعض البنات يحبو ينعتو رواحهم بالزينة و الملابس ومحاولة لفت انتباه الشباب ليهم مي هذا يتنافى مع الاسلام و الاخلاق ألوغ انتي إيvيتي هاد الشي أي اخفي زينتك قدر الامكان فمن هانت عليها نفسها فهي عند الناس اهون ومن عزت عليها نفسها فهي عزيزة عند الناس وعند الله.

- وفالأخير شوفي لثواب الخليلات والصديقات المتقيات، يوم القيامة يقول الله: {الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ * يَا عِبَادِ لَا خَوْفٌ عَلَيْكُمُ الْيَوْمَ وَلَا أَنتُمْ تَحْزَنُونَ * الَّذِينَ آمَنُوا بِآيَاتِنَا وَكَانُوا مُسْلِمِينَ * ادْخُلُوا الْجَنَّةَ أَنتُمْ وَأَزْوَاجُكُمْ تُحْبَرُونَ * يُطَافُ عَلَيْهِم بِصِحَافٍ مِّن ذَهَبٍ وَأَكْوَابٍ ۖ وَفِيهَا مَا تَشْتَهِيهِ الْأَنفُسُ وَتَلَذُّ الْأَعْيُنُ ۖ وَأَنتُمْ فِيهَا خَالِدُونَ * وَتِلْكَ الْجَنَّةُ الَّتِي أُورِثْتُمُوهَا بِمَا كُنتُمْ تَعْمَلُونَ * لَكُمْ فِيهَا فَاكِهَةٌ كَثِيرَةٌ مِّنْهَا تَأْكُلُونَ}

نِعم النصائح حبيبتي كفيتي ووفيتي الله يبعدهم عليك وربي يدوملك لعقل هكدا رايحة تفيدي بزاف بنات بديكونساي خارجين من قلبك

جو سي كتبت جوغنال مي هادا كامل باش تعم الاستفادة
لأنو الموضوع اللي طرحتيه ايمانو حساس بزاف

تعيشي حنونة درتي لي عليك واكتبي كيما تحبي المهم فادنا كلامك

iméne09​

ردي بالك ختي يلعزيزة من رفيقات السوء ياك طبعك يسرق منهن بلاما تعرفي
وبلاما تحسي حتى تصيبي روحك في خندق الرذيلة راح تندمي في الوقت لي
ماينفع فيه لا ندم لا غيرو

كــلام مـــوزون مـن فــمــي متقـــون
ياالفحلات ردو بالكم من الصحبة ياك قلبهم قســاح
الخلطة واعرة تديك للهلكة وبالك عمرو مايـرتـاح
تولي تبانلك حــياتـك كـلــها فـــراح
مي منباعد تجــيك الندمة وتفطني من التمـزاح
*****
اعرفي واش تخالطي قبل ما دموع طيح جمر وتستشفى غيرك فيك
هاد كاليتي اخطي بلاهم واطلبي ربي يهنيك ويبعدهم عليـك
​

لازم كل وحدة تدخل تفيدنا برايها
مدابيكم تدعو الهداية لكل وحدة راحت في هاد الطريق وربي يخليها في حالها ​

مع تحيآت طآقم العدد من حكآيآت بنآت ’

​

 

[ملكًة الاحسآس]

وعليكــن السلآآم
امم جيت نحكم بلآآصــة للرد :d
موضوع مليــح وكما قالت نونوغآآ مكانش الي ماعندهآآش حكايـة في هدي
لي عودة ان شاء الله نرحي شويآآ فالـسـوجي :p​

 

[السلطانة]

وعليكم السلام

خرج تحفة الموضوع كالعادة ايمانو يعطيك الصحة
نسنى لبنات يردو ونرجع نعقب
​

 

[الورد الأحمر]

في انتظآٍر تفآعل البنآت مع العدد الجديد
من السلسلة ...
مشكورة إيمآن موضوع خرج هآيل
سلآمي ’
​

 

[ملكًة الاحسآس]

السلآآم عليــكن
هاني وليت نحكي على السوجي كمآآ وعدتكـ
اممم مخالطة البنات شفنا وسمعنا بزاااف حكايات على هاد السوجي
وحتى الناس تلقايهم كي يهدرو على فلانة يقولكـ فالاخير هدي كامل من المخالطة
بوون انا نحكيلكم حكاية وحده قرات معيا فالجامعة ، جات من ولاية أخرى كانت بالحجاب شرعي ونية خلآآص ، كانت ماتراطيش لي كوغ ، كي فات السوماسثخ الاول الطفلة تبدلت ضربة وحده وخالطت جماعة من جماعة سيسي وميمي ، نحات الحجاب الشرعي ورجعت بالسروال والبودي قصير مع شال على راسهآآ ولاماش بيان سير ، ووحد الشهر هكاكـ بدات علامات الانحراف تاع الصح تبان عليهآآ كل يووم نكونو راجعين للدار نشوفوهآآ مع شلــة تاع لي جون والبنآت والا مش في gـروب غير هي مع كاش واحـد وحدث ولا حرج ، مالgــري كنت نشوفهآآ هكاكـ مي ديما نقولهم لصحباتي تبانلي تجرت ومعلبالهاش واش راهي تدير وبقات هكاكـ حتى للعام الثاني وين سمعنــآآآ والعياذ بالله بليenceinte ودارو اونكاث على هاد القضية ووحده من هدوكـ الي معهآآ ماوقفت معها وخرجو من الحكاية زي الشعرة من العجينة ـ قالك عندهم الكتاف وفهمكم أدرى كفاه ـ وخلاوهآآ تتخبط وحدهآآ فالبروبلام هداكـ دركـ كفاه صرالها امبعد والله معلبالي بويسكـ خرجنا لي vــاكونص تاع الصيف بصح وحده كانت من نفس ولايتهآآ قالتلنــآآ راهي على لسان كل دار في تماكـ وراهم يقولو والديها تبراو منهآآآ ، والكارثة انوو هدوكـ البنات الي دخلو تحت راسهآآ بقاو يقراو نورمال وكملوو حياتهم بهديكـ الطريقة وجآآآت غير عليهآآ تبعتهم ونسآآت بلي هاد الجوغ من البنآآت يستناو حتى تغرق الوحده ويجبدوو رواحهم وكون تهدري يقولكـ هي الي حبت ماضربناهاش على يدهآآآ
والله غير كواارث راهم يصرآآآو ومافهمتش البنآآت هدوو كفاه ينجرو فالطريق هدي تقول بلآآ عقــل
علبيهآآ الوحده لآآزم تعرف مع من تمشي وشكون تصاحب بويسكـ الصحبة ياترجعكـ للطريق الصواب ولا تغرقكـ في غابة غير الذئاب تاكل وماتوكلش وشكون الضحية فالاخيــر غآآلبــآآآ نلقاوهآآ هديكـ الطفلة الي كانت بريئة عآآقلــة وبمجرد مايجبدوهآآ تنجـر بلا ماتتوقع ولا تخمم واش هي عواقب هدآآكـ الطريق
ربي يهدي هدوكـ الشيطانات الي راهم يضيعوو فالبنـآآت حتى وين يغرقوهم وامبعد يجبدو رواحهم
وربي يبعد و يستر على بنآآت الفاميليآآ ويكملهم بعقاليهم
+
علبالي طولت فالرد بصح ياخي اسمه حكآيآت بنآت يعني متوقعة :p
بــآآركـ الله فيكن :d​

 

[الورد الأحمر]

يآ يمآ عالطفة هذي دآٍت رد كبير
والله مآ قدرت نقرآه نقولك برك يعطيك الصحة
درك وكي يكون رآسي فآرغ نرجع نقرآ وآش
قآلت لحلوة تآعنآ
سلآمي ’
​

 

[أمينة16]

لي عودة حبيباتي
موضوع شباااب
​

 

[أمينة16]

مساء النور عليكن حبيباتي
ايه الصحبة الفاااسدة تجيب الكوارث لكبار ماشي برك مشاكل
وكيما يقول المثل الصاحب ساحب يعني لما تكون عندك صديقة مقربة وتوجور معاها أكيد راح ترفدي منها بزاف حاجات سورتو كاين بنات بلخف يديهم الواد كيما نقولو ويحبو يقلدو اخرين وميهمهش الشيء هداك الى مليح ولا لالا
ايه واش صراو حكايات سورتو لبنات تاع الجامعة اللي يجو يقراو انتاغن في العاصمة وراكم تعرفة بزاف اللي تغويهم العاصمة
والله العظيم كاين كثير من البنات اللي يراطيهم عوامهم باه برك ميروحوش من العاصمة ويقعدو فيها يعني يضيعو مستقبلهم هكداك واكيد هداك كامل من الرفقة السيئة... وهدا من جانب الدراسة
وكاين اللي تكون مخطووبة ودير الثقة في حبيبتها وتحكيلها كل شيء على علاقتها بيه وكثير من القصص اللي صرات
وتكون فيه تلك الصديقة خبيثة وماكرة وتنتهز كل الفرص لتأخذ من صديقتها خطيبها أو حتى زوجهاا ربي يستر
وشحال من بنات اللي دخلوو لعالم الإنحراف إلا من وراء تلك الصحبة السيئة..
المهم ياريت كل وحدى لما تجي تصادق البنات تحسن الاختيار والله فيه مقاييس لاختيار الاصدقاء ولو حتى الواحد
يقوم بتجربتهم في اشيااء معينة المهم حتى لا نندم في الأخير ولا نقع فيمالا يحمد عقباااه
وكيما قالت خيتي الفوق ربي يستر على كامل بنات الفاميليا وكل وحدة عقلها عندها وتعرف كي تتمشى برك
ربي يحفظكن ويحميكن ويبعد عليكن كل سووء يارب
ودي لكن وقبلاتي

​

 

[iman88]

بارك الله فيك ايمانو
يعطيك الصحة على الموضوع عندي ما نقول على كل حال
لي عودة ان شاء الله .

 

[بنـ MaPa ـت]

مرحبا ايمان وشوشو ونور​

​

السوجي لي طرحتوه اليوم حساس بزاف​

بسبب المخالطة والاقامات الجامعية ضاع مستقبل بزاف بنات
​

ويا حرام دوك المجتمع تعنا عاد يشوف الطفلة اللي تقرا في الجامعة او اللي تبات في الاقامة ماشي مليحة حاشا لي ماتستاهلش​

الشي لي يغيض البنات اللي خاطيهم مساكن ونيتهم يقراو وينجحو​

ديما يكونو الضحايا…….وللاسف كاين بنات الحرام اللي بعدما طاحت بيهم يحبو يطيحو بنات اخرين كيفهم ماعلاباليش ايدا غيرة ولا عليهم دعاوي الشر​

بزاف بنات مايخليوهمش ماليهم يروحو يقراو بعاد عليهم على جال ريزيدونص وانا وحدة منهم الفكرة هادي ننحيها من راسي نهائيا بما انو المشاكل والفضايح هادو لي راهم يصراو شكون يقبل على بنتو تبعد عليه وتروح دير رايها وتضيع؟؟؟​

مي حبيت نحكي على وحد الفئة من البنات راني نشوف فيهم مايسواوش خلاص​

كاين لي تروح تريزيدي باش دير رايها من ورا ماليها تروح متحجبة​

ومبعد تتشرد خلاص تنحي الحجاب واش من لبسة وواش من خرجات ومخالطة​

انا نحير والله وشنو هو الشي لي يخليهم يديرو هكدا؟؟؟​

في بالهم يعيشو شبابهم ولا كيفاش؟؟​

​

على كل حال ربي يهديهم ويهدينا معاهم​

ويستر علينا وعلى ولادنا وخياتنا ومالينا كامل :d
​

​

مرسي على السوجي حبوبات كي العادة ديما مميزات ربي يحفظكم​

​

سلآآمي​

:regards01:
​

 

[iméne09]

وعليكــن السلآآم​

امم جيت نحكم بلآآصــة للرد :d
موضوع مليــح وكما قالت نونوغآآ مكانش الي ماعندهآآش حكايـة في هدي ​

لي عودة ان شاء الله نرحي شويآآ فالـسـوجي :p

راح تنورينا ملكة احساسنا في انتظار حكاياتك ​

وعليكم السلام

خرج تحفة الموضوع كالعادة ايمانو يعطيك الصحة
نسنى لبنات يردو ونرجع نعقب ​

​

موضوع خرج تحفة بمداخلاتكم لي زادتلو البهى مغسي ليكم يا شريكاتي

في انتظآٍر تفآعل البنآت مع العدد الجديد​

من السلسلة ...
مشكورة إيمآن موضوع خرج هآيل
سلآمي ’​

بفضلكم خرج هايل مغسي حبيبتي ديما متعباتك معايا ربي يخليك ديما منورتنا
​

 

[iméne09]

السلآآم عليــكن​

هاني وليت نحكي على السوجي كمآآ وعدتكـ
اممم مخالطة البنات شفنا وسمعنا بزاااف حكايات على هاد السوجي
وحتى الناس تلقايهم كي يهدرو على فلانة يقولكـ فالاخير هدي كامل من المخالطة
والله غير صح عندك الحق انتشرت هاد هدرة باغسكوسمعو بحكايات بزاف في هاد cas مخالطة عندها مادير
بوون انا نحكيلكم حكاية وحده قرات معيا فالجامعة ، جات من ولاية أخرى كانت بالحجاب شرعي ونية خلآآص ، كانت ماتراطيش لي كوغ ، كي فات السوماسثخ الاول الطفلة تبدلت ضربة وحده وخالطت جماعة من جماعة سيسي وميمي ،
هههههههه هدي عجبتني والله ضحكتيني حنونة وكاينة منها ورانا نشوفوهم
يكونو يجو بـpـخينو ويولو بـpـخينو وباش تولي من هداك
gــروpـ لازم ترجع كيفهم وتشونجي روحها على جال جماعة وتروح تربية بسلامة
نحات الحجاب الشرعي
:scared01: سي gــغاvـ وين وصلت بينا كي تسمعي هكدا تحشمي في بلاستهم وناس ولات تجمع تقولك بنات جامعة كامل كيفكيف باغسكو صادفوهم غير بنات هدو لي راحو في الجرة
ورجعت بالسروال والبودي قصير مع شال على راسهآآ ولاماش بيان سير ، ووحد الشهر هكاكـ بدات علامات الانحراف تاع الصح تبان عليهآآ كل يووم نكونو راجعين للدار نشوفوهآآ مع شلــة تاع لي جون والبنآت والا مش في gـروب غير هي مع كاش واحـد وحدث ولا حرج ، مالgــري كنت نشوفهآآ هكاكـ مي ديما نقولهم لصحباتي تبانلي تجرت ومعلبالهاش واش راهي تدير وبقات هكاكـ حتى للعام الثاني وين سمعنــآآآ والعياذ بالله بليenceinte ودارو اونكاث على هاد القضية ووحده من هدوكـ الي معهآآ ماوقفت معها وخرجو من الحكاية زي الشعرة من العجينة ـ قالك عندهم الكتاف وفهمكم أدرى كفاه ـ
شفتي الخلطة وين وصلتها للغرقة وفي لافان لي داوها للواد شربوها منو وسمحو فيها بين حجار الواد انا عندي تستاهل لي تخليها تبع هاد لبنات ربي جابهالها باش تكون عبرة لغيرها شدو رواحكم واخطو من مخالطة لي تديكم في طريق مافيهاش رجعة
تاع الصح يخرجو كي شعرة منها مدامهم لي دارو لونكات يكون من ليكليون ديالهم

وخلاوهآآ تتخبط وحدهآآ فالبروبلام هداكـ دركـ كفاه صرالها امبعد والله معلبالي بويسكـ خرجنا لي vــاكونص تاع الصيف بصح وحده كانت من نفس ولايتهآآ قالتلنــآآ راهي على لسان كل دار في تماكـ وراهم يقولو والديها تبراو منهآآآ ، والكارثة انوو هدوكـ البنات الي دخلو تحت راسهآآ بقاو يقراو نورمال وكملوو حياتهم بهديكـ الطريقة
ياك بنات لحرام يعرفو كيفاش يسيرو حياتهم يكلخو للبنات يطيحوهم مي هوما ماتتكلخلهمش وانا نعرف وحدة كانت هكدا ونهار لي تزوجت استعقلت وداتو قلب الحبة مايستاهلهاش زهرها
وجآآآت غير عليهآآ تبعتهم ونسآآت بلي هاد الجوغ من البنآآت يستناو حتى تغرق الوحده ويجبدوو رواحهم وكون تهدري يقولكـ هي الي حبت ماضربناهاش على يدهآآآ
صح واش قالو ماضربوهاش هي رمات روحها عليهم لوكان كوpــاتهالهم في لول مايزيدوش يدورو بيها هوما طمعووها وكي شافت الدنيا انخلعت جابتها لروحها هوما يحبو لبنات لي تكمل معاهم في هاد السيرة وبلا ليبروبلام يعيشو لابال vــي
والله غير كواارث راهم يصرآآآو ومافهمتش البنآآت هدوو كفاه ينجرو فالطريق هدي تقول بلآآ عقــل
علبيهآآ الوحده لآآزم تعرف مع من تمشي وشكون تصاحب بويسكـ الصحبة ياترجعكـ للطريق الصواب ولا تغرقكـ في غابة غير الذئاب تاكل وماتوكلش وشكون الضحية فالاخيــر غآآلبــآآآ نلقاوهآآ هديكـ الطفلة الي كانت بريئة عآآقلــة وبمجرد مايجبدوهآآ تنجـر بلا ماتتوقع ولا تخمم واش هي عواقب هدآآكـ الطريق
اكيــد راح تكون ضحية مدامهم هوما والفو بهداك الطريق وتلقايهم دارهم سامحين فيهم اما عاقلة تكون شقات باش تقرا مي معاهم تولي منحرفة
ربي يهدي هدوكـ الشيطانات الي راهم يضيعوو فالبنـآآت حتى وين يغرقوهم وامبعد يجبدو رواحهم
وربي يبعد و يستر على بنآآت الفاميليآآ ويكملهم بعقاليهم
اميـــن حبيبتي دعوتك في الخير ربي يدومها يا زينة وان شاء الله يبعدهم علينا
+
علبالي طولت فالرد بصح ياخي اسمه حكآيآت بنآت يعني متوقعة :p

بــآآركـ الله فيكن :d​

هدي gـاع ماتقوليهاش مدام فتحنا القعدة راهي غير لينا قدما نحكو مليحة لينا نستفادو من حكاياتكم امالا علاه سميناه حكايات بنات احكو براحتكم ماتخلوهاش في قلبكم نورتيني حنونة بردك لهايل ​

 

[iméne09]

لي عودة حبيباتي

موضوع شباااب​

منورتنا يلغالية​

مساء النور عليكن حبيباتي
مساء الورد معطر بدخلتك علينا يازينة

ايه الصحبة الفاااسدة تجيب الكوارث لكبار ماشي برك مشاكل
وكيما يقول المثل الصاحب ساحبيعني لما تكون عندك صديقة مقربة وتوجور معاها أكيد راح ترفدي منها بزاف حاجات سورتو كاين بنات بلخف يديهم الواد كيما نقولو ويحبو يقلدو اخرين وميهمهش الشيء هداك الى مليح ولا لالا
في هدي راني معاك ترفدي طبايع لبنات لي تخالطيهم تولي بنفس مونتاليتي مي لوكان وحدة فايقة وقايمة بروحها والله وحدة ماتفرض عليها رايها
ايه واش صراو حكايات سورتو لبنات تاع الجامعة اللي يجو يقراو انتاغن في العاصمة وراكم تعرفة بزاف اللي تغويهم العاصمة
سونتخ لي ماشافوا ينخلعو وهي مافيها والو غير يديرو انتاغن يبدا تسوفيج يجو بمونتاليتي ويرجعو منحرفات
والله العظيم كاين كثير من البنات اللي يراطيهم عوامهم باه برك ميروحوش من العاصمة ويقعدو فيها يعني يضيعو مستقبلهم هكداك واكيد هداك كامل من الرفقة السيئة... وهدا من جانب الدراسة
هههههههه ياخي حالة الله يسترنا تضيع عوام من حياتها على جال عاصمة هدي مسكينة عمرها ماشافت ولا بوجات من حومتها سي pــغ سا غواتها كونتخاغ نوغمالمون تكمل قرايتها وودير لاvــنـuـغ وتعيش في اي بلاسة تخيرها هي ماشي تروح ماتخرجش عامها ياخي جياحة
وكاين اللي تكون مخطووبة ودير الثقة في حبيبتها وتحكيلها كل شيء على علاقتها بيه وكثير من القصص اللي صرات
وتكون فيه تلك الصديقة خبيثة وماكرة وتنتهز كل الفرص لتأخذ من صديقتها خطيبها أو حتى زوجهاا ربي يستر
وشحال من بنات اللي دخلوو لعالم الإنحراف إلا من وراء تلك الصحبة السيئة..
المهم ياريت كل وحدى لما تجي تصادق البنات تحسن الاختيار والله فيه مقاييس لاختيار الاصدقاء ولو حتى الواحد يقوم بتجربتهم في اشيااء معينة المهم حتى لا نندم في الأخير ولا نقع فيمالا يحمد عقباااه
والله قلناها لازم نتاستيو لبنات قبل مانخالطوهم ونمدولهم سرنا غير لي تضمنيها صحبتك لازم تكون انتيمتك وتقرايها مليح هكدا ماتديكش للغرقة
وكيما قالت خيتي الفوق ربي يستر على كامل بنات الفاميليا وكل وحدة عقلها عندها وتعرف كي تتمشى برك
ربي يحفظكن ويحميكن ويبعد عليكن كل سووء يارب
ودي لكن وقبلاتي​

امين حبيبتي ربي عطانا لعقل باش نخممو بيه ناس تستغلو باش تستفاد وهوما يستغلوه في شي لي يضرهم
ربي يسترنا نورتي امونة بردك لي يبرد القلب ​

 

[iméne09]

بارك الله فيك ايمانو
يعطيك الصحة على الموضوع عندي ما نقول على كل حال
لي عودة ان شاء الله .

في انتظارك حنونة ​

 

[iméne09]

مرحبا ايمان وشوشو ونور​

​

السوجي لي طرحتوه اليوم حساس بزاف​

بسبب المخالطة والاقامات الجامعية ضاع مستقبل بزاف بنات

​

ويا حرام دوك المجتمع تعنا عاد يشوف الطفلة اللي تقرا في الجامعة او اللي تبات في الاقامة ماشي مليحة حاشا لي ماتستاهلش​

الشي لي يغيض البنات اللي خاطيهم مساكن ونيتهم يقراو وينجحو​

ديما يكونو الضحايا…….
صح حنونة يكونو ضحايا باغسكو جايحات غير يحلبوهم يروحو في الجرة
وللاسف كاين بنات الحرام اللي بعدما طاحت بيهم يحبو يطيحو بنات اخرين كيفهم ماعلاباليش ايدا غيرة ولا عليهم دعاوي الشر
يحبو يدو معاهم بنات بزاف باش مايحسوش بلي غير هوما في هديك الطريق عايشين بتمصخير يكملوها هكداك ​

بزاف بنات مايخليوهمش ماليهم يروحو يقراو بعاد عليهم على جال ريزيدونص وانا وحدة منهم الفكرة هادي ننحيها من راسي نهائيا بما انو المشاكل والفضايح هادو لي راهم يصراو شكون يقبل على بنتو تبعد عليه وتروح دير رايها وتضيع؟؟؟
ياختي صح ماكاش لي يقبل غير لي تتحتم عليه مي كيما حنا شايفين وسامعين امـpـوسيبل يتلقوك ديري انتاغن ونتي في روحك ماتحبيش ديريها تخافي لا يدوك في الجرة الوحدة قدما تكون كونفيونت في روحها مي تخاف تتزعزع في دقيقة لي تبعد ​

مي حبيت نحكي على وحد الفئة من البنات راني نشوف فيهم مايسواوش خلاص​

كاين لي تروح تريزيدي باش دير رايها من ورا ماليها تروح متحجبة​

ومبعد تتشرد خلاص تنحي الحجاب واش من لبسة وواش من خرجات ومخالطة​

انا نحير والله وشنو هو الشي لي يخليهم يديرو هكدا؟؟؟
يديرو هكدا باغسكو ماشي عايشين في دارهم جامي ماشافو وبعدو على دارهم تكون منغلقة يحكمو فيها غير تخرج تدي لاليباغتي مطلقة تصايي كلش ​

في بالهم يعيشو شبابهم ولا كيفاش؟؟
زعما يعيشو هكدا كونتخاغ راح تدي روحها للهلاك في لافان تخسر عز شبابها لي ضاع في شي خسرلها حياتها ​

على كل حال ربي يهديهم ويهدينا معاهم​

ويستر علينا وعلى ولادنا وخياتنا ومالينا كامل :d
امـــين حنونة

​

مرسي على السوجي حبوبات كي العادة ديما مميزات ربي يحفظكم​

سلآآمي


:regards01:

​

اسعدني مرورك الرائع حنونتي نورتينا بردك لي يرشق
ربي يتبتلنا لعقول ​

 

[عفاف الجزائرية]

راجعة ان شالله نرد

 

[HâDjêr kRâlîçe]

سلام....oui عندكم الحق مام انا صراولي نواقف مي مش لهاد الدرجة....ربي يهدينا كامل....صعيبة باش تبقلا فهاد الوقت الصحبة نتاع الصح...........راني قولتلك اني فنيانة ههههههه سلااام

 

[iméne09]

سلام....oui عندكم الحق مام انا صراولي نواقف مي مش لهاد الدرجة....ربي يهدينا كامل....صعيبة باش تبقلا فهاد الوقت الصحبة نتاع الصح...........راني قولتلك اني فنيانة ههههههه سلااام

ههههههه يا مامي ع فنيانة تاعنا باختصار قلت على الهداية هداك هو الصح ولازم تاخدي حدركم من الصحبة لي ماتجيبش الخير
نورتي حنونة ​

 

[iméne09]

راجعة ان شالله نرد

في انتظارك عفوفتي ​

 

[koukou]

barak ellah fik khti lah yahfedna men wlad el hram nchlh