جديد قريوش الفراشة بالخطوات المصورة

[ام منصف]

من احدث اشكال القريوش اللي عرفناها مؤخرا

شكله جميل ومذاقه رائع والاحلى من هذا وذاك ساهل في خدمته
ولكل من طلبها هذه مقاديرها

المقادير
4 كيلات فرينة
3/4 كيلة سمن او زبدة ذائبة
قرصة خميرة الحلوى
قرصة ملح
ملعقة صغيرة خل
ماء + ماع الزهر لجمع العجينة
نشاء
بياض بيض لالصاق العجينة
زيت للقلي
عسل

طريقة التحضير
نمزج كل المكونات ونجمعها بالماء حتى نتحصل على عجينة ملساء وطرية
خليها ترتاح 1/4 ساعة وابداي اخدمي

اقسميها كرات صغار وحليها مليح بالحلال على مائدة مرشوشة بالنشاء

من جهة اخرى تكوني سخنتي الطاوة نتاع الرقاق
حطي القرصة اللي حليتيها على الطاوة دقيقتين برك تشوفيها تبدل لونها اقلبيها ونفس الشيء للوجه الثاني يعني شوحيها فقط

غطيها بمنشفة نظيفة وكملي باقي الكرات
لوي القرصة الطايبة وادهنيها مع الاخير باش ما تتحلش
قصيها بشكل مائل بسكين مشرشف

وابداي اجبدي الريشة الاولى تخرجلك باقي الريشات بكل سهولة

لما تكملي كل الكمية اقليهم في زيت ساخن وغزير
وعسليهم ورشيهم بالبيسطاش او الجلجلانية حسب الرغبة

اتمنى انها تعجبكم
وشهية طيبة للجميع


​

 

[NASRO DZ]

برك الله فيك يا خالة على الوصفة الطيبة منك
تقبلي مروري ان شاء الله

 

[om siraje]

hayla okhti nshallah nderha hayla bzf bzf​

 

[امة الرحمن]

ماشاء الله أم منصف جاك رووعة
وطريقة شرحك كفات ووفات سهلتيه علينا لأنه لما الواحد يشوفو المرة الاولى يقول صعيب في خدمته
تسلم الايادي

 

[omarwa]

بارك الله فيك اختي ام منصف طريقة هايلة

 

[shahrazad]

الله يبارك ختي شريفة جاك هايل
ويعطيك الصحة على الشرح المفصل
بصح حبيت نعرف وشنو هداك القاطو الي معا القريوش؟
​

 

[ام منصف]

ديما نصرو البسكري
شكرا على مرورك اخي


om siraje
ان شاء الله تجربيها وتحطيلنا تطبيقك يا ام سيراج
بارك الله فيك على المرور

امة الرحمن
اكيد اسمهان الواحد لما يشوف الطريقة بالصور خير من التخيلات ان كنت نحسب فيها صعيبة بصح كي جربتها لقيتها ساهلة خلاص
منورة الموضوع اختي

omarwa
الله يبارك فيك ام اروى شكرا على المرور
​

 

[ام منصف]

الله يبارك ختي شريفة جاك هايل
ويعطيك الصحة على الشرح المفصل
بصح حبيت نعرف وشنو هداك القاطو الي معا القريوش؟
​

الله يسلمك شهرزاد
هذوك لي كروني محشيين
وشكرا على المرور
منورة الموضوع
​

 

[✿أسيـل✿]

اووووووووووووووووه شحال شابـــة نموت على قريوش
يعطيـك الصحة ياشــــاطرة
ربي يهنيـــــــــك
​

 

[iman88]

يعطيك الصحة حبيبة كنت غير نستنى ف الوصفة

شكرااا على الشرح المفصل ربي يحفظك

برك حبيت نسقسي اذا كاين فرق لو نلف العجينة مباشرة بلا ما نشوحا كيما تقولوا

بارك الله فيك

 

[عاشقة الوردة]

مشكورة على الوصفة الرائعة

 

[imane27]

جاك هايل شريفة يعطيك الصحة

 

[hadil2044]

مرسي ليك تسلم ايديك
​

 

[oumniati]

ya3tik saha khaltou, jek ychahi:d

 

[hadda0425]

شكرا شريفة
طريقة وشرح جيد
تسلمي اختي الله يعطيك الصحة
​

 

[بنت الجسور المعلقة]

الله الله خرجلك روعة
يعطيك الصحة
​

 

[ام عبد الباري]

BARAKA ALLAH FIKI
CHOUKRAN

 

[رضوة الجزائرية]

روعة مشكورة​

 

[mimi53]

يعطيك الصحة اختي ام منصف تسلم ايدك

 

[homework]

بدون تعليق كل مايصدر من يديك ذهب صافي ربي يبارك فيك