شفت فعايلها حرت سمعت الرنة تشوكيت

[stella.m]

السلام عليكم خاوتي العزاز
وشراكم ان شاء الله تكونوا كامل ملاح وتقراو موضوعي وانتم في صحة وعافية

موضوعي يحكي على السوق والعجب الي نشوفوه ثم
اليوم وانا رايحة للسوق مع خويا نشري حكمنا الكار كماموالفين وطلعنا عادي
بعد ما مشات الكار شي خمس دقايق صبنا زوج بنات في الطريق مام هم كانوا رايحين للسوق
لحد الساعة الحكاية نوووووورمال
نكملوا..............
طلعوا هذوك البنات تشوفوهم تقولوا شي رايحين للعرس بهديك اللبسة الي لابسينها و هديك الشوشة الي يخرجوها من الخمار تحبس الراس لدرك ما صبتلهاش معنى خلاص
ايا كي حكموا البنات بلايصهم ومشات الكار شوي
وحدة فيهم جبدت الصاك تاعها وبدات
(ايا البنات وجدوا رواحتيكم تتعلموا الماكياج وكيفاش اديروه)
حطت كريم الاساس من بعد البودرة من بعد الكحل
وما ننساوش الروج والبلو والدعاوي كامل الي نديروهم في الاعراس
والله العظيم غير حرت انا في هدي الطفلة وفي فعايلها
وبعد مدة من الهدوء والترقب والاستمتاع بفيديو وضع الماكياج
سمعت رنة بورتابل هزت الكار
المرة لولة ما كانش الي رد ومن بعد زادت التانية ماكانش الي رد
ايا التالتة صدقت وفجأة رد مولا البورتابل
ويااااااااااااااااااحزركن مين صاحب الموبايل ؟؟؟؟؟؟؟؟؟
طلعت نفسها الطفلة هذيك
انا حرت في عمايل الطفلة بصح والله غير تشوكيت كي سمعت الرنة
على بالكم الرنة واش تقول
نوووووووووو ماشي موسيقى رومنسية ولا اغنية طربية
*
*
طلعت انشودة بدون ايقاع وتقول
اذا ما قال لي ربي اما استحييت تعصيني وتخفي الذنب عن خلقي وبالعصيان تاتيني
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في رايكم واش نقدروا نقولوا على هذي الطفلة؟؟
رياء؟ ولا نفاق ؟ ولا لا مبالاة اصلا بمعاني الانشوة
​

 

[ماكانش]

اهلا بيك نعيمة
يعطيك الصحة على الموضوع الباهي
ضحكتيني هههههههه
الناس هاذو مراض نفسيين
بلاك حاكمها لا سيزوفرين ولا حاجة هك
لدرك راني نضحك ههههههههه

فكرتيني مرة دخلت لحانوت لقيت مرا كبيرة وسابغة شعرها بلصفر لا حجاب لاوالو
ومن تحت مانهدروش مانعرف واش قالت لمول الحانوت زمان قاتلو مازال ماصليتش العصر :d
قريب سقسيتها نقلها تصلي نتي ؟؟؟ ههههههههههه
يعطيك الصحة على الموضوع الباهي
​

 

[رضوة الجزائرية]

قولي ربي يهدينا ويهديها​

 

[نقطة حبر]

ربي يهدي ما خلق
وربي يثبتنا على الصح ويهدينا للخير

 

[lemia23]

السلام عليكم
اختي والله الطفلة هادي ربي يهداها برك
مي قتلتني بالضحك سي gراف صح الوقت لي رانا فيه
ربي يجيب الخير
تقبلي مروري

 

[محبة الرسول 22]

allah yahdi ma 5la9

 

[bilale-007]

هههههههههه ربي يهدي ما خلق

 

[!≈[سُِـِيٌــِـِفّ اٌڷِخً‘يٌـرُ]≈!]

ربي يهدينا برك
​

 

[وصال]

اختي متحيري موالوا هاذ الفئة راهي طاغية على المجتمع ، كيما يقولوا يالمشبح على بارا واش حوالك على داخل ، وصدقيني القناع يسقط ولا يبقى الا الاصل .
لاتغرنك وجوه مدهونة *********** وتظن ان الحسن بالتلوين
فالقرد ذو قبح وان حسنته ********** والبدر لا يحتاج الى التحسين .

والعجب العجاب تلقايهم يفتيو عليك ، ويناقشوك في امور الدين ، وهوما خالطينها شعبان مع رمضان والله المستعان .
شكرا ياغالية على الموضوع القيم .

 

[ЯǾᵯẫḭṧşẰ]

الله يهدي ماخلق
:regards01:
​

 

[فتاة حساسة]

ايهه خلي البير بغطاه.ربي يهديناااااااااااااااااااا.كون نبدا نحكي منخلصش

 

[DARINE05]

ههههههههههههه هذو موكا واش راح ديري

 

[Silent Hill]

ربِّ إنّي قد مَسَّنِيَ الضُّرُّ وَأَنتَ أَرْحَمُ الرَّاحِمِينَ

مرحبا بكم احباب اللمة
يعطيك الصحة و ربي يهنينا
موضوع مهم صح
قصة تضحك صح
هذي اكيد هنها لدياري في راسها
و الناس هذو يعيطولهم : المركا الناتنا
ربي يهدينا و يكبرنا فطاعت
الله يزيد النور بــ
وجهكم و دربكم و قلبكم يا ربي
من قلبي
نتمنى تصيبكم كل السعاده
جزاكم الله كل الخير
في رعاية الرحمان
سلامـــــــــــ

وراء كل امرأة رجل عظيم و ان لم تكن لكان أعظم
Catch Me If You C`an
●|ღ الحمد لله لرب العالمينے ღ|●​

 

[־●ـ‗غمــــوض ــالــورد_ـ●־]

نضحك شوية ومبعد نكومونتي هههههههههههههههههههههههههههههههههه
والله نتشوكا في هادوا الناس لي ينافقوا كيما هكا وطفلة هادي والله عندها انفصام فالشخصية باسكوا مافهمت اتبع الدين مافهمت تخرج عالطرق والله رانا نشوفوا فالعجب والله كوارت يديروا فيهم الناس دركا علاش انافق هكا كامل والله انا نعرف واحد مايعيش لواحد باسكوا كل واحد يتحاسب على وش راهوا يدير اموا واحد يعيش على حقيقتوا وخلاص يدي سيئة خير مايعاكس شخصيتوا ويدي 10 سيئات بلا ماعلابالوا ...انا والله شفت عجائب وغرائب بنات يقراو معايا دايرين لعجب في رواحهم انا نرومال عندي كل وحدة مسؤولة على روحها مي تلقاي وحدة ادير في فعايل تاع عجب وتهدر وتعلق على وحدة خاطية خلاص وتلعب فيها راهي عاقلة خاطيها كل شيء علاش كيما هك انا والله نكره واحد ينافق نقبل كل شيئ غير واحد يلعب فيها المهم ربي يهديهم ويهدينا ...
مشكورة اختي عالموضوع​

​

 

[بنت الـ25]

اهلا نعيمة
يا ختي عااادي في مجتمعنا وعلاه تشوكاي
مشفتيش لي يروح للمسجد يصلي ويتفتف؟
هدا انا ما نسميه نفاق، ما نسميه راء
نسميه تناقض
مرض نفسي كيما قال سفيان
وكون نبدا نحكيلك منخلصش

عجبتني هادي تع وصال
​

لاتغرنك وجوه مدهونة *********** وتظن ان الحسن بالتلوين
فالقرد ذو قبح وان حسنته ********** والبدر لا يحتاج الى التحسين .

قالك
الحلو حلو ولو قام من النوم :up:... والوحش وحش ولو بيستحما كل يوم:down:

ربي يهدينا
:regards01:
​

 

[crazy of mydz]

ماعندي ما نقول غير ربي يهدي ما خلق​

 

[stella.m]

اهلا بيك نعيمة
يعطيك الصحة على الموضوع الباهي
ضحكتيني هههههههه
الناس هاذو مراض نفسيين
بلاك حاكمها لا سيزوفرين ولا حاجة هك
لدرك راني نضحك ههههههههه

فكرتيني مرة دخلت لحانوت لقيت مرا كبيرة وسابغة شعرها بلصفر لا حجاب لاوالو
ومن تحت مانهدروش مانعرف واش قالت لمول الحانوت زمان قاتلو مازال ماصليتش العصر :d
قريب سقسيتها نقلها تصلي نتي ؟؟؟ ههههههههههه
يعطيك الصحة على الموضوع الباهي
​

دايما الضحكة ان شاء الله
والله كي تشوف ناس كيما هاك غير يجي في بالك الف ومية سؤال توجهولهم
وتبقى حاير طول عمرك
ويعطيكك الصحة على مرورك الباهي:-r
​

قولي ربي يهدينا ويهديها​

اللهم امين ربي يهديها ويهدينا
وما نزيدوش نجبدوا الغاشي
نورتي
​

ربي يهدي ما خلق
وربي يثبتنا على الصح ويهدينا للخير

اللهم اميـــن يا رب
الله يثبتنا ويهدينا ويغفرلنا
سررت بنورك :regards01:
​

 

[stella.m]

السلام عليكم
اختي والله الطفلة هادي ربي يهداها برك
مي قتلتني بالضحك سي gراف صح الوقت لي رانا فيه
ربي يجيب الخير
تقبلي مروري

ربي يدوم الضحكة ان شاء الله
صح الوقت صعاب بزاف والحالة ولات تخوف
مرورك على راسي:regards01:​

allah yahdi ma 5la9

اللهم امين يا رب
نورتي​

هههههههههه ربي يهدي ما خلق

دايم دوم الضحكة ان شاء الله
والله يهدينا ويثبتنا على الصراط المستقيم ​

 

[eva rose de sable]

ربي يهديهم شكرا موضوع جيد

 

[stella.m]

ربي يهدينا برك ​

اللهم امين يا رب
نورت الموضوع:regards01:​

اختي متحيري موالوا هاذ الفئة راهي طاغية على المجتمع ، كيما يقولوا يالمشبح على بارا واش حوالك على داخل ، وصدقيني القناع يسقط ولا يبقى الا الاصل .
لاتغرنك وجوه مدهونة *********** وتظن ان الحسن بالتلوين
فالقرد ذو قبح وان حسنته ********** والبدر لا يحتاج الى التحسين .

والعجب العجاب تلقايهم يفتيو عليك ، ويناقشوك في امور الدين ، وهوما خالطينها شعبان مع رمضان والله المستعان .
شكرا ياغالية على الموضوع القيم .

صح لسانك على لكلام الحلو
والله يا لوكان نصيب وحدة ملونة وتبدا تفتيلي غير ندخلها للسبيطار
كل الشكر ليك حبيبتي على المرور الجميل:regards01:​

الله يهدي ماخلق

:regards01:​

اللهم امين يا رب
سررت بتواجدك:up:​