- إنضم
- 27 أكتوبر 2009
- المشاركات
- 6,876
- نقاط التفاعل
- 5,815
- النقاط
- 351
السلااااام عليكم ورحمة الله وبركاته
كيــــــــــــــــــــــف الحـــال زوينات اللمة؟؟
اليوما جبتلكم وصفة جديدة كيما العادة والعوايد
المهم طلبتها مني حبيبتي الغالية ziassia
هي وصفة شاااااااااااابة بالبزااف تاني يحبوها دراري صغار وحتى لكباااااااااااااااااااااااار
وهي
وصفة البوشار بالكراميل :p
أنا نديرها عيني ميزاني ع حساب البوشار الي درتيه بزاف ولا قليل
ندير كاس سكر + مغرف كبيرة ماء نخليهم فوق النار حتى يولي لونها ذهبي خفيف ما نخليهش حتى اللون يولي غامق ممبعد نضيف 2 مغارف صغار بيكاربونات الصودا ونطفي النار تم تم نشوف بلي الكراميل رح تفيض ويزيد الحجم ديالهاا ايـــــــــــــــباا لازم الكراميل كيما تديريها تكون في حاجة كبيرة ( ع حساب الكمية تاني ) ممبعد تجيبي البوشار وتحطيه ع الكراميل وتحركي بزرباا باش البوشار كامل يتغطى بالكراميل ويلزم تدي الحدر ديالك باسكو الكراميل تكون سخونة بزاااااااااااااااااف غير بلعقل :-o
ملاحظة: أنا ديما ندير الكراميل يكون قليل شويا ع كمية البوشار باش ما يجيش حلو بزااف بالكراميل قيس ما يتغطة بارك يعني تقدري تزيدي وتقلي في كمية السكر ديال الكراميل والبوشار كيما تحبي
وممبعدا حطيه في حاجة وحدخرى وخليه يبرد ادا كنتي مزروبا حطيه في لفريجيدار ونحيه غير يبرد
وكوليه بالصحا والهنااا
إن شاء الله تكون عجبتكم وصفة اليوم
إنتظروني في المزيد من الوصفات إن شاء المولى عزوجل
وإن شاء الله رح نلبي كل الطلباات لكل من طلبت مني وصفة :d
وهاديااااااااااااا ليكم
آخر تعديل:
