حاجة تفرق بين الأم وبنها وبين الأخ وخوه ...

[ĂÝǾΰb]

السلام عليكم ورحمة الله وبركاته

جمعة مباركة
واش راكم ناس اللمة ؟؟ :s
ان شاء الله راكم بخيــــــــر و عافية

الموضوع باين من عنوانو :
حاجة تفرق بين الأم وبنها وبين الأخ وخوه ...
الصديق وصديقو
هذي الحاجة تقدر تخلي تاني الناس كامل حبابك وصحابك

اي هذو وسخ الدنيا فرقو بين بزاف حباب
و المسألة خطيرة بزاف
كاين والدين يمدو لواحد ويخلو واحد و ربي يهديهم ان شاء الله فرقو بين اولادهم
وكاين تاني ولاد عندهم و ميسرلهم ربي تلقاه ما يتفكر يماه وباباه بحتى حاجة بسيطة

ورانا في وقت كل واحد يسوا واش كان في جيبو
الدراهم " زينة الحياة الدنيا " لي عرف كيفاش يجيبهم وكيفاش يمشيهم و وين يصرفهم

علبالي بلي بزاف لي تعمرو قلوبهم من هذي الجيهة
ايا ليكم الخط فرغو قلوبكم

واش رايكم فدراهم ؟؟ :d انا نحبهم ونحب لي يحبهم ههههههههه
واش رايكم في واحد عندو وباخل روحو وباخل ولادو ؟؟
واش رايكم في واحد عندو و باخل على والديه ؟؟
واش رايكم تاني لي يمد لواحد من ولادو ويخلي لخريــن ؟؟
واش رايكم في واحد يتبع فلان عجال واش كاين في جيبو ؟؟



:regards01::regards01:


​

 

[°~Kenza_02~°]

واش من دراهم.....كذاب الي يقول دراهم يجيبو الهنا......راحة البال و الصحة خويا هوما الصح.....هاذوك غير وسخ الدنيا ....و هم ادا كترو .....ربي يهدينا برك

 

[stella.m]

صباح الخير خويــا ايــوب
صحيت على الموضوع
ايه والله عندك الحق هذي الحاجة الي فرقت بزاف ناس
واش رايي في الدراهم يا خويا زينة الحياة الدنيا
لوكان نمشي برا بلا مانكون رافدة معايا شوية والله غير رجليا يبداو يخبطوا
ما نعرف علاش مي هاك طبيعة فيا الله غالب ندير الف حساب
ونقول بلاك وبلاك يصرا
واش رايي في واحد عندو وباخل روحو وباخل ولادو
هذا واحد مسكين ربي يهديه كي يخزنهم باه فيدوه غير يوجعولو راسو بالحساب كل ما كثروا
الاحسن انو ينقص منهم شوية باش ينقص على روحو الحساب:d
واش رايي في واحد عندو وباخل والديه ؟
والله العظيم غير حرام عليه هذاك باباه الي فنى عمرو باش يلبسو خير من الناس
وهذيك يماه الي فاتت ايام عمرها ساهرة غير باش يرقد هو مليح
ربي يهديه
واش رايي في لي يمد لواحد من اولادو ويخلي لاخر؟
هذي هي الفتنة بعينها يدير في العداوة بين اولادو وفيها حديث مي ضرك ما جاش في بالي
نسيتو :$
واش رايي في لي يتبع فلان على جال جيبو ؟
هذا مغبــــــــون عيب عليه يروحوا الدراهم ويبقى العقل والدين
ايـا راني جاوبت على الاسئلة وكيما تعرف هرافــة بزاف لي عودة ان شاء الله
سلامو :regards01:
​

 

[ماكانش]

اهلا خويا لعزيز
واش نكره واحد يقلي الدراهم خماج الدنيا هههههههه
الدراهم ملاح بصح كي يكونو في اليد برك ماوش في القلب
​

 

[nina usma]

adraham:s

3andi khou wlid 3amti mrafah lattarf

hada martu matat ghirma w zad tzawj martu zawja mrida bmard rabi yastar

whuwa durk rah grav mrid

wbadrahmu kamal wma9darch yabra

2eme li ycha7 3la waldih w 3andu rabi yradu ldyar attob

salam​

 

[عفاف الجزائرية]

الدراهم " زينة الحياة الدنيا " لي عرف كيفاش يجيبهم وكيفاش يمشيهم و وين يصرفهم

اك ديجا قلتها للي يعرف كيفاش يجيبهم
ماكانش واحد ما يجبش الدراهم مي يحبهم ماش هاذاك الحب نتاع يقتل روحو على جالهم ويشتي حاجة يعين باخل عمرو على حاجة في جال انه يلمد الدراهم

لالا العكس الدراهم ملاح كي يعرف الواحد وين يحطهم وكيفاه يسيرهم ويعرف تاني يخدم بيهم لغدوا وين يلقاهم في الدنيا التانية
يعطيك الصحة خويا على الموضوع

 

[بنت الـ25]

أولا موضوع جميل اخي ايوب يستاهل ختم التميز
ويضاف لقائمة المواضيع المميزة

قائمة المواضيع المميزة لمنتدى واش راك تهدر

وثانيا نقلك صح الدراهم فرقو بين الأم وابنها بين الاخوة وولاد العم
تروح للمحاكم مخك يبوّط
غير من قضايا الورث من عقار واموال ...الخ
نجاوبك عالكيستيونات

واش رايكم فدراهم ؟؟ :d
المال والبنون زينة الحياة الدنيا واللي يقلك منحبش الدراهم كذااااااب

واش رايكم في واحد عندو وباخل روحو وباخل ولادو ؟؟
مش عبد ... الرسول عليه الصلاة قال الكريم هو اللي يتصدق على أهلو مش اللي يتصدق على الغرباء (بهذا المعنى طبعا)

واش رايكم في واحد عندو و باخل على والديه ؟؟
كيف كيف
بالاك تعرفو القصة تع الثلاثة اللي دخلو في كهف وتغلقت عليهم الحجرة وواحد منهم قال
يا رب انا كنت مناكلش حتى ياكلو والديا ويشبعو
واذا كنت علابالك بلي درت هاد الشي مبغاة لمرضاتك فأزح عنا الصخرة فانزاحت
فما بالك باللي يبخل والديه؟ اللي ربوه ومبخلوش عليه؟

واش رايكم تاني لي يمد لواحد من ولادو ويخلي لخريــن ؟؟
مش عادل... العدل هو ان لا تيز بين اولادك
جارنا قبل ما يموت هكدا دار خلق عداوة بين اولادو
خاطر كتب لولدو الدار ودوكا راهم يتقاتلو واحد ميشم في خوه

واش رايكم في واحد يتبع فلان عجال واش كاين في جيبو ؟؟
وصح وكاينة من بكري
قال شاعر

إن قل مالي فلا خِلُّ يصاحبني *** وإن زاد مالي فكل الناس خِلاَّنِي

المال نعمة من عند ربي يلزمنا نعرفو كيفاش نتصرفو فيها وتربحنا دنيتنا وآخرتنا
نعبوه الدورو اللي نخسر في سبتو ناسي وآخرتي
​

 

[ĂÝǾΰb]

واش من دراهم.....كذاب الي يقول دراهم يجيبو الهنا......راحة البال و الصحة خويا هوما الصح.....هاذوك غير وسخ الدنيا ....و هم ادا كترو .....ربي يهدينا برك

اهلا بيك اختي كنزة
أكديلي على الكلمة الكبيرة جوهر الموضوع يا اختي
بارك الله فيك شكرا على المرور
​

 

[ĂÝǾΰb]

صباح الخير خويــا ايــوب
صحيت على الموضوع
ايه والله عندك الحق هذي الحاجة الي فرقت بزاف ناس
واش رايي في الدراهم يا خويا زينة الحياة الدنيا
لوكان نمشي برا بلا مانكون رافدة معايا شوية والله غير رجليا يبداو يخبطوا
ما نعرف علاش مي هاك طبيعة فيا الله غالب ندير الف حساب
ونقول بلاك وبلاك يصرا
واش رايي في واحد عندو وباخل روحو وباخل ولادو
هذا واحد مسكين ربي يهديه كي يخزنهم باه فيدوه غير يوجعولو راسو بالحساب كل ما كثروا
الاحسن انو ينقص منهم شوية باش ينقص على روحو الحساب:d
واش رايي في واحد عندو وباخل والديه ؟
والله العظيم غير حرام عليه هذاك باباه الي فنى عمرو باش يلبسو خير من الناس
وهذيك يماه الي فاتت ايام عمرها ساهرة غير باش يرقد هو مليح
ربي يهديه
واش رايي في لي يمد لواحد من اولادو ويخلي لاخر؟
هذي هي الفتنة بعينها يدير في العداوة بين اولادو وفيها حديث مي ضرك ما جاش في بالي
نسيتو :$
واش رايي في لي يتبع فلان على جال جيبو ؟
هذا مغبــــــــون عيب عليه يروحوا الدراهم ويبقى العقل والدين
ايـا راني جاوبت على الاسئلة وكيما تعرف هرافــة بزاف لي عودة ان شاء الله
سلامو :regards01:
​

أهلا وسهلا بيك اختي نعيمة منورة
صباح النور
كفيتي و وفيتي بردك الرائع
عجبني بزاااااف
الموضوع موضوعك اختي مرحبا بيك في أي وقت :regards01:
​

​

 

[stella.m]

المال نعمة من عند ربي يلزمنا نعرفو كيفاش نتصرفو فيها وتربحنا دنيتنا وآخرتنا
نعبوه الدورو اللي نخسر في سبتو ناسي وآخرتي
​

يسلم بُؤِك
:up:​

 

[✿أسيـل✿]

​

السلام عليـكم
ياسلام يـاسلام على هدا موضـوع
عزيزي ديما متميــز

ياأيوب
الدراهم مش مـلاح بزاف
نقلك علاه: ادا راحت الصحــــة دير واش الدير ماتلقاش صحتك

ادا راحو الوالديـــــــن الدراهم جامي يرجعوهـم
ادا مات عزيز عليك الدراهم مايرجعوهش
الدراهم ملاح ومش مـــــــلاح
الدراهم عندهم إيجايبات وعندهم السلبيــــات
قادر بدراهم تخسر أهلك والناس لي تحبهم
عجال الدراهم صراو مشاكل كبـار

-واش رايكم فدراهم ؟؟
مكان حتى واحد مايحبش الدراهم كامل نحبوهم بصاح نعرفو كيفاش نتصرفو بيهم

-واش رايكم في واحد عندو وباخل روحو وباخل ولادو؟؟
هدا مجحـاح وبخيل حاسب يفيدوه ربي يهدي ماخلق
قال الله تعالى: «ولا يَحسبنَّ الذينَ يبخلونَ بما آتاهم الله من فضله هو خيراً لهم بل هو شرٌّ لهم، سيطوقونَ ما بخلوا به يوم القيامة»

-واش رايكم في واحد عندو و باخل على والديه ؟؟
أووووووووووووووو واحد لاباس عليه عندو الدراهــم ويبخل على والديهم عيب عليـــه



-واش رايكم تاني لي يمد لواحد من ولادو ويخلي لخريــن ؟؟
لالا لازم يعدل مش مليح يعطي لواحد واحد يخليـــه
قال تعالى : " إن الله يأمر بالعدل والإحسان وإيتاء ذي القربى وينهى عن الفحشاء والمنكر والبغي يعظكم لعلكم تذكرون " .

قال صلى الله عليه وسلم : " اعدلوا بين أبنائكم ، اعدلوا بين أبنائكم "

-واش رايكم في واحد يتبع فلان عجال واش كاين في جيبو ؟؟
هدي كاينة منهـــا للأسف كاين واحد عندو الدراهم وراجل ماعندوش يتبع فيه عجال دراهمو وبلاك حتى يطيحلوا ماتولي عندو حتى قيمــة
عجال الدراهم يرخسو رواحهـــــم

​

يعطيك الصحــــــــة
​

 

[ĂÝǾΰb]

اهلا خويا لعزيز
واش نكره واحد يقلي الدراهم خماج الدنيا هههههههه
الدراهم ملاح بصح كي يكونو في اليد برك ماوش في القلب
​

اهلا بيك خويا سفيان منور
هههههههههههههه
راني معاك قلبا وقالبا خويا سفيان
مرسي على المرور :regards01:
​

 

[subainaz]

ellah yehdi makhla9

 

[zagane]

السلام عليكم
المال هو فتنة الدنيا

 

[يسرى 2008]

مشكور على الطرح الممتاز موضوعك مثير ومشكلة عويصة تعاني منها كل الاسر الجزائرية والعالمية في وقتنا الحالي وهي لاسف وسخ الدنيا المال
من جيهتي انا نكره المال ونامن بمقولة على قد حافك مد رجليك والباراكا في القليل بصح مش كامل الناس يامنو بيها كيفي
نشوفو اليامات هادي اخوة يقتلو في بعضاهم على جال المال
العائلة لي نورمالمو تكون حنينة يتسابقو شكون لي يدي الميرات سورتو الاسر الغنية لتما وين تكتر المشاكل
على خاطر الي عندهم بزاف الصوارد ماشي شابعين مي الي قلبو كبير ويرضى بالقليل تلقاه شابع
انا من جيهتي الاسرة كيما تربي ولادها على حب بعضاهم والتعاون مش راح يلقاو بروبلام بشرط انو يترباو على العدل يعني وش يتمد للخوه يتمد للاخ والاخة
ويترباو على التعاون وكل واحد يساعد ويحب خوه
مي للاسف مبقيناش نشوفوها في العصر الحديث ربي يستر الاسر من قضية هادي راهي خطيرة بزااااف

 

[ĂÝǾΰb]

adraham:s

3andi khou wlid 3amti mrafah lattarf

hada martu matat ghirma w zad tzawj martu zawja mrida bmard rabi yastar

whuwa durk rah grav mrid

wbadrahmu kamal wma9darch yabra

2eme li ycha7 3la waldih w 3andu rabi yradu ldyar attob

salam​

أهلا وسهلا بيك اختي نينا
الدراهم ما يشفيو ما يرجعو عزيز مات عندك الصح
مرسي على المرور نورتي اختي

​

 

[ĂÝǾΰb]

الدراهم " زينة الحياة الدنيا " لي عرف كيفاش يجيبهم وكيفاش يمشيهم و وين يصرفهم

اك ديجا قلتها للي يعرف كيفاش يجيبهم
ماكانش واحد ما يجبش الدراهم مي يحبهم ماش هاذاك الحب نتاع يقتل روحو على جالهم ويشتي حاجة يعين باخل عمرو على حاجة في جال انه يلمد الدراهم

لالا العكس الدراهم ملاح كي يعرف الواحد وين يحطهم وكيفاه يسيرهم ويعرف تاني يخدم بيهم لغدوا وين يلقاهم في الدنيا التانية
يعطيك الصحة خويا على الموضوع

اهلا وسهلا بيك اختي عفاف
ياو تشوفي العجب
كاين لي عندو ولادو باخل عليهم مراض وما يداويهم
هو عاشق فدراهم يحبهم كثر على ولادو
الله يسلمك مرسي على المرور :regards01:

​

 

[ĂÝǾΰb]

أولا موضوع جميل اخي ايوب يستاهل ختم التميز
ويضاف لقائمة المواضيع المميزة

قائمة المواضيع المميزة لمنتدى واش راك تهدر

وثانيا نقلك صح الدراهم فرقو بين الأم وابنها بين الاخوة وولاد العم
تروح للمحاكم مخك يبوّط
غير من قضايا الورث من عقار واموال ...الخ
نجاوبك عالكيستيونات

واش رايكم فدراهم ؟؟ :d
المال والبنون زينة الحياة الدنيا واللي يقلك منحبش الدراهم كذااااااب

واش رايكم في واحد عندو وباخل روحو وباخل ولادو ؟؟
مش عبد ... الرسول عليه الصلاة قال الكريم هو اللي يتصدق على أهلو مش اللي يتصدق على الغرباء (بهذا المعنى طبعا)

واش رايكم في واحد عندو و باخل على والديه ؟؟
كيف كيف
بالاك تعرفو القصة تع الثلاثة اللي دخلو في كهف وتغلقت عليهم الحجرة وواحد منهم قال
يا رب انا كنت مناكلش حتى ياكلو والديا ويشبعو
واذا كنت علابالك بلي درت هاد الشي مبغاة لمرضاتك فأزح عنا الصخرة فانزاحت
فما بالك باللي يبخل والديه؟ اللي ربوه ومبخلوش عليه؟

واش رايكم تاني لي يمد لواحد من ولادو ويخلي لخريــن ؟؟
مش عادل... العدل هو ان لا تيز بين اولادك
جارنا قبل ما يموت هكدا دار خلق عداوة بين اولادو
خاطر كتب لولدو الدار ودوكا راهم يتقاتلو واحد ميشم في خوه

واش رايكم في واحد يتبع فلان عجال واش كاين في جيبو ؟؟
وصح وكاينة من بكري
قال شاعر

إن قل مالي فلا خِلُّ يصاحبني *** وإن زاد مالي فكل الناس خِلاَّنِي

المال نعمة من عند ربي يلزمنا نعرفو كيفاش نتصرفو فيها وتربحنا دنيتنا وآخرتنا
نعبوه الدورو اللي نخسر في سبتو ناسي وآخرتي
​

اهلا و سهلا اختي مينات
بارك الله فيك اختي يشرفني هذا الختم العقوبة للثاني والثالث ( و الخامس ههههههه )
اضافاتك كانت في محلها و فالمستوى اختي
البيت الشعري كافي و وافي مول الدراهم قاع الناس صحابو
مرسي على المرور اختي نورتني :regards01:


​

 

[فتاة حساسة]

اهلا بيك خويا ..يعطيك الصحا على الموضوع الباهي...والله من لافامي تاعي نقولك باللي تاع الصح الدراهم خماج الدينا ...الدراهم فرقو بين خالي وخلاتي ...انا نكرهم ..هوما صح ملاح ويقضيولك حوايج ..مي على الحكايا هادي كرهتهم​

 

[ĂÝǾΰb]

​

السلام عليـكم
ياسلام يـاسلام على هدا موضـوع
عزيزي ديما متميــز

ياأيوب
الدراهم مش مـلاح بزاف
نقلك علاه: ادا راحت الصحــــة دير واش الدير ماتلقاش صحتك

ادا راحو الوالديـــــــن الدراهم جامي يرجعوهـم
ادا مات عزيز عليك الدراهم مايرجعوهش
الدراهم ملاح ومش مـــــــلاح
الدراهم عندهم إيجايبات وعندهم السلبيــــات
قادر بدراهم تخسر أهلك والناس لي تحبهم
عجال الدراهم صراو مشاكل كبـار

-واش رايكم فدراهم ؟؟
مكان حتى واحد مايحبش الدراهم كامل نحبوهم بصاح نعرفو كيفاش نتصرفو بيهم

-واش رايكم في واحد عندو وباخل روحو وباخل ولادو؟؟
هدا مجحـاح وبخيل حاسب يفيدوه ربي يهدي ماخلق
قال الله تعالى: «ولا يَحسبنَّ الذينَ يبخلونَ بما آتاهم الله من فضله هو خيراً لهم بل هو شرٌّ لهم، سيطوقونَ ما بخلوا به يوم القيامة»

-واش رايكم في واحد عندو و باخل على والديه ؟؟
أووووووووووووووو واحد لاباس عليه عندو الدراهــم ويبخل على والديهم عيب عليـــه



-واش رايكم تاني لي يمد لواحد من ولادو ويخلي لخريــن ؟؟
لالا لازم يعدل مش مليح يعطي لواحد واحد يخليـــه
قال تعالى : " إن الله يأمر بالعدل والإحسان وإيتاء ذي القربى وينهى عن الفحشاء والمنكر والبغي يعظكم لعلكم تذكرون " .

قال صلى الله عليه وسلم : " اعدلوا بين أبنائكم ، اعدلوا بين أبنائكم "

-واش رايكم في واحد يتبع فلان عجال واش كاين في جيبو ؟؟
هدي كاينة منهـــا للأسف كاين واحد عندو الدراهم وراجل ماعندوش يتبع فيه عجال دراهمو وبلاك حتى يطيحلوا ماتولي عندو حتى قيمــة
عجال الدراهم يرخسو رواحهـــــم

​

يعطيك الصحــــــــة
​

و عليكم السلام
اهلا وسهلا بيك أسيل منورة
كفيتي و وفيتي يا العزيزة
نورتي المكان وعطرتيه بالأيات الكريمة
و الأحاديث النبوية الشريفة
سلمت يداك الله
يسلمك خدوج احترامي :regards01:

​