ماذاآ ستطبخين اليوم آنستي _سيدتي الجزء °°29°° تبارك الله ماشالله

[عفاف الجزائرية]

مساءكم /صباحكم خيراااات يا اطيب الاخوات
ان شالله تكونو لاباااااااس وفي رحمة ربي من فوق
عندنا مدة والكوزينة كسلالالالانة عللابالكم علاه
باسكو كنت نغسل فيها وفي الحيوط برك وليوم وين كملت رجعتلها ماعينها ودرك نقدرو ندخلولها وهي نظيفة
جيتكم بأطباق تفضلو معايا
هيا شمرو على يديكم وورلنا النشاط نتاع زمان
رانا في عطلة

بربوشة القمح بكل انواع الخضر

هنا كنت انا لاهية وماما تاني خويا هوا للي دارلنا كسكروطات للعشا كيما نتاع البرا

هاذ الميلفاي صدقة لحفل الختان نتاع المعوزين والفقراء ناس الخير المسيلة مع المادلان مباعد نحط صورتو

وهذا غداء ليوم

هاذي لجاج بصلصلة الجبن والكرام فراش يجي هاااااايل

قالو زيدي عاوديهلنا للعشاء ان شالله

وهاذي وصفة الغالية ام ندوش حبيبة قلبي الباذنجان المقلي بالجبن

ورحمة ربي من فوق
ان شالله صحا غداواتكم لبنات وربي يهنيكم
خيتيكم المسيلية

ربي يبارك على لمتنا ان شالله ديما كي النوارة
صورة من الاخت حاملة المسك

​

 

[عفاف الجزائرية]

مشاركة الغالية ميس سوسو
​

آلسلآم عليكم

بصح فطوركم لبنآت

مممممممم تبآلي الموضوع رآه ميت هآذ ليآمآت

جا الفاكونس والكل رآح يفنكس لووول

أهلآ بالحاضرين ‏اسيرة, ‏ام اسراءواسحاق, ‏wassila21

منورهـ

nada242008,

رآح نزوقلكم البآجة شويآ هآذ المرة من يديآ مآمآ رآحت وخلآتلي كوزينة

بصح ندخل بكري للكوزينة بآش يقدني الوقت صينو راني نبيتهم بلآ عشا أو فطور :d

راه كآين فطور وعشا


























​

 

[nada242008]

السلام عليكم
الله الله على هذاك الركود ماتكون غير عوينة وصابتنا :-o لكن مطبخ اللمة يبقى دايما في القمة مش حتنازل عنك ابدا مهما يكون :d
حدة بصحتك البيتزا والشريبة والخبز هايل ومبروك لبنتك عقبال الشهادات العليا ان شاء الله
ميزو اممممممم تارتولات الليمون تحففففففففففففة تسلم الايادي الحلوة
ميس سوسو الله عليك وعلى اطباقك يا جمالو يا حركاتو هههه كلش رووعة
ام علاء يعطيك الصحة يا طيوبة على الطورطات الهايلة وربي يحفظلك وليداتك
سارة كوين لبراج خرجلك هاااايل وباين هشيش مع اللبينة اممممممممم
ايمان 27 اممممم بصحتكم لي فغوي د ماغ والسباغيتي تشهي تشهي يعطيك الصحة
ام اروى بصحتك مكبوس الدياي هههه كيما تقول سمر بالخليجي كاش نهار اشرحيلنا كيفاه يطيب
عفاعيفو امممممممممممم طيابك تاع حراااااير كلش فووور انا جاية نداحس على المهراس والباقي السماح ههه

انا طيبت فيلي دو صول وروز
​

 

[nada242008]

عفوفة نتي جبتي مشاركة سوسو وانا حبيت نجيب مشاركة خويا محمد مشجع وفي لمنتدى المطبخ اللماوي ربي يحفظو ويهنيه

BARCA232

السلام عليكم ورحمة الله تعالى وبركاته
هي عــــــــــــادة،، وواجب عليا زيارة مطبخ اللمــــــة الجزائرية
ولكن هذه المـــــــــــــرة كمنتقــــد ،وأتمنى أن تتقبلــــــوا أنتقـــــــــــــادي
الناظر والمشاهد إلــــــى موائدكن سيدات المطبخ
يـــــــرى أشهى وأروع الأطباق
حتى يخيل للمشاهد أنها مسابقة طبــــــــــخ:-r
والله جميل جدا هي أطباقكن،،لكن أين الأطبــــــــــاق البسيطة
قلما شاهدت الطعام(البركوكس) أو ملحقاته حاضر في موائدكن
تحية للجميع
وخاصة لأم ندوووووووووش والآنسة الراقية أختي عفوووووووفة

​

 

[مطبخ الأحلام]

آلسلآم عليكم

مبروك الجزء 29

إفتتاحية موفقة غلآتي بالصحة والهنى عفوف كلشي روعة ويشهي

دخلتي معولة علينا بأطباك هذه ربي يبارك ويزيد

رآيحين يجاميوك انتي في مشاركتي أشكريهم نيآبة عني :d

ميس سوسو الله عليك وعلى اطباقك يا جمالو يا حركاتو هههه كلش رووعة

:$:$:$ حشمتيني ختيتو

قولي الحركات اقتبستها منكي تسلميلي يالغالية

وشوفي ديكورك انتي يطلع قمر 14 بصحتك واش فطرتو حقي معاكِ
​

 

[مطبخ الأحلام]

عفوفة نتي جبتي مشاركة سوسو وانا حبيت نجيب مشاركة خويا محمد مشجع وفي لمنتدى المطبخ اللماوي ربي يحفظو ويهنيه

BARCA232

السلام عليكم ورحمة الله تعالى وبركاته
هي عــــــــــــادة،، وواجب عليا زيارة مطبخ اللمــــــة الجزائرية
ولكن هذه المـــــــــــــرة كمنتقــــد ،وأتمنى أن تتقبلــــــوا أنتقـــــــــــــادي
الناظر والمشاهد إلــــــى موائدكن سيدات المطبخ
يـــــــرى أشهى وأروع الأطباق
حتى يخيل للمشاهد أنها مسابقة طبــــــــــخ:-r
والله جميل جدا هي أطباقكن،،لكن أين الأطبــــــــــاق البسيطة
قلما شاهدت الطعام(البركوكس) أو ملحقاته حاضر في موائدكن
تحية للجميع
وخاصة لأم ندوووووووووش والآنسة الراقية أختي عفوووووووفة

​

أهلا بالأخ محمد

أولآ الله يسلمك

بالنسبة للأطباق لي راك تحكي عليهآ أحنا نطيبوهآ فالفطور وأنا مانكونش فالدار باش نصورهى

أمالا العشاء تكون شيء بسيط على بيهآ يطلعو تصاور غير نتاع المقلي

وشكرآ لإنتقاذك
​

 

[*Sarah Dz*]

السلام عليكم يا الشافات
مبروووك افتتاح العدد الجديد
اطباقكم راهي تشهي البنات :up:
عفوفة خليل حبة ميلفاي ههههههه :d
و سوسو راني عند الباب حلي عليا اليوم نخليلك الكوزينة هههههه:d
///
انا اليوم ماما ماراهاش في الدار
درت لي شوصون و اوملات تاع السكوم :-r

و البارح درت شوية براج مع مبسس
مع اتاي مشحر :$

​

 

[ibtesem]

مساكم خير وفل وياسمين علي احبت قلبي
الله الله افتيتاح ولا اروع
فوفو امممم علي كل شي بصح خلولي شوية من
بومهراس
ميس سوسو اطباق دايما في القمة
ندودة تسلم الايادي الحلوة
حدة مبروك النجاح بصحتك البيتزا
ام علا بصحتك لي تارت ربي يردا عليك علي راكي
ترضي في الوالدين
ام اروي بصحتك مكبوس
تحية الي كل ام عضيمة اعطت من عمرها من اجل
انجاح اولادها ورضا الله عليهم
تحياتي الي حبيبة القلب
ايضا فوفو ام منصف ليكم وحشتة كبيرة
نشرب قهوة لي عودة اه قبل ما منسي
مبروك النجاحات عطلة موفقة للجميع

 

[ibtesem]

بصحتكم سارة دي زي كل شي هايل تسلم الايادي

 

[حاملـة المسك]

السلام عليكم
وشراكم لبنات..؟
مبارك علينا الجزء الجديد.. و دائما نحو الافضل :up:

دائما متفوقات ماشاء الله عليكم..ربي يبقي الستر

جبتلكم حلويات من عرس ... و الله يحلي ايامكم و لياليكم .

​

 

[مطبخ الأحلام]

و سوسو راني عند الباب حلي عليا اليوم نخليلك الكوزينة هههههه:d

أتفظلي زيدي ختيتي ماتحشميش

لالا ماتخليليش الكوزينة قعدي معايا باش تحلال القعدة أكثر

ميس سوسو اطباق دايما في القمة

تسلميلي ابتسامو يعطيك الصحة مام أطباقك لي تشاركينا بها فاقات الروعة

يعطيك الصحة

وبصحاتكم كآملين
​

 

[imane27]

السلام عليكم
الله الله ياعفوفة سقيرة يعطيك الصحة على غسيل الكوزينة نضفتيها كيما يليق الحال
ونورتيها باكباقك الرائعة كى نتى
ندى امممممممممممم شهتينى فى فلى دوصول
ميس ميسو بصحتكم طابلىة تشهى
سارة ياسارة اطباق رائعة بصحتكم
نكمل شغلى لى ميخلاص ولى عودة انشاء الله

 

[ام ايناس]

مساءالانوار عليكم ربي يبارك فيكم كلش يشهي توحشت القعدة معاكم سلامي
​

 

[nada242008]

سارة الله يبارك لي شوصون روعة والبراج يسخف بصحتكم
رغودتي الله على الحلويات امممممم وبوكي النوار هااايل راني نحوس على خيالك هههه
ام ايناس مرحبا بيك يالهرابة
لويزة كش طياب كاش روسطورون ههههه
​

 

[مطبخ الأحلام]

ميس ميسو بصحتكم طابلىة تشهى

الله يلسمك إيمآنو

بصحتك وآش فطرتي

نسيت باش نقلك بصحتك سارة الله يبارك راكي قدها

مساء الانوار أم ايناس

أهلين بندى الورود منوره غاليتي
​

 

[nada242008]

ندى الورود صحا غداك يالزينة ماقلتيناش واش طيبتي :d
​

 

[ندى الورود]

السلام عليكم
مبروك الجزء 29 والعتبة الجديدة
ايا يعطيك الصحة عفاف اكي قمتي بالدار الجديدة راهي تلمع تلمع
الاطباق تاعك يشهو من بومهراس لي بربوشة القمح الكاسكروطات اللي دارهم خوك ياسعدك
انا كون ما نحطلهمش قدامهم ما ياكلوش بصحتكم كل شي
سوستي الحلوة اهلا وسهلا بالغالية والله هبلتيني بذيك الاطباق ريوقي سالو ما خليتي فيا والو لا بيتي تاعي
مقفولة اكي فتحتيهالي يعطيك الصحة
ام ندووووووووووش يا هلا منورة بوجودكم وانت منورة بطلتك اليوم عيد اممممممممم سخفتيني مع اني ما تنحبش السمك بصح عينيا خرجو بصحتكم
sarah dz طيباك خفيف ظريق يسخف والبراج نموت عليهم امممممممم بصحتكم
ابتسام مساء الفل والياسمين صحا قهوتك ومن بعد لحقينا واش طيبتي للغدا
حاملة المسك يا مراحب قاطوات يهبلوا الله يحلي ايامك وكل حياتك ان شاء الله
لويزة وعليكم السلام ايا من بعد كملي شغلك ولحقينا بولش طيبتي اليوم ولا رايحة عند عمك اللبناني تتغداي
ام ايناس مساء الانوار منورة

امم ندوششششششششش الله يسلمك اليوم انا درت لوبيا والخبز شراوه من برا كل يوم نخبز اليوم عاقبتهم درت إ ضراب





​

 

[مطبخ الأحلام]

سوستي الحلوة اهلا وسهلا بالغالية والله هبلتيني بذيك الاطباق ريوقي سالو ما خليتي فيا والو لا بيتي تاعي
مقفولة اكي فتحتيهالي يعطيك الصحة

يآهلآ فيكي يآ أحلى من الحلو كلو

الدار راكي بسطتيهآ ورود بتواجدك يآلزينة

لآزم نجيبلك مقرون بآش لآبيتي تتفتح

بصحتك وآش فطرتي
​

 

[ندى الورود]

يآهلآ فيكي يآ أحلى من الحلو كلو

الدار راكي بسطتيهآ ورود بتواجدك يآلزينة

لآزم نجيبلك مقرون بآش لآبيتي تتفتح

بصحتك وآش فطرتي
​

الله يسلمك غاليتي ربي يخليك وانت بصحتك الكاس .....
ايه والله كي نشوف المقرون تتفتح الشهية تاعي ما نعرف علاه نشتيها بزاف

 

[imane27]

هههههههههههه رانى هنا عمي اللبنانى حاوزنى كمليى دراهمى
لبارح درت شربة بيضة نسيت مصورتش