خواطر مقرفة ........اووووووووه

[ام اسحاق]

السلام عليك و رحمة الله و بركاته

موضوعي هذا مقرف للغاية ...سامحوني و لكني اردت ان اشرككم معي في هذه الخواطر عسى تستفيدون

هل اشتريتم يوما غذاءا ما ...
دجاجة محمرة او خبز دار او قاطو الدار ..الله الله
كيما قالوا يا الي مزين من برى وش احوالك من داخل ..؟......
و روحتو تاكلوا بشهية كيما صراتلي و مبعد تلعثمتوا و خرجتو
شعرة تاع رأس ..؟؟؟...

اوووووه ..يا ربي حناني ...!!

و لا البائع تاع الخبز خاصة و حالتو مسكين ...دي فوا تشوف العرق يقطر و يمسحوا بايديه لي يعطيك باها الخبز !!

و لا كي ما يقدرش يسلك الساشيات يدير صبعو في فمو (البزاق)
ويسلك ديك الساشية و احنا فرحانين بهاد الخبز !!

للامانة كامل البائعين يديروا في هاد العفسة ماشي غار تاع الخبز
.....ياا عمري .....
و لا دي فوا تشوف بائع لاهي في نيفو ...!! واقيلة ينقب على البترول....:s ما كان لاه نطول في هاد الحكاية ...مقرفة ...بووووووه

و لا الريستورون ...زعم الله الله ....مبنتر و حطة ...و ديكور
وكي تتوله للاظافر تاع العمال و لا حالتهم ....
يا ربي تقول نموت بالشر و ما ناكلش ...!!

ولا تاكسي سيرفيس ...الباب يتلبط و يتلصق من الوسخ
شوف قداه نواحد مسو قبلك ...بالاك ملي بدا يخدم السيد ....
ما كلفش روحو يغسلو و لا مرة !!!

وش نقول وش نزيد دار علي قلبي ....اووووووووووووووف
دخت من هاذ الافكار و مازال ...عندي
بالزاف عليكم هك ...و انتم واش عندكم ؟.........وواش رايكم
؟؟؟؟؟
عندهم حق الي عندهم الوسواس القهري ولالا ؟؟؟؟

​

 

[بنت الـ25]

السلام عليكم أختي ام اسحاق

ياااااااع حرام عليك ..مالعنوان باين الموضوع ما يفرحش

موضوع حساس ومميز يوضع ضمن
قائمة المواضيع المميزة لمنتدى واش راك تهدر - متجدد -

بون كلشي حكيتيه للأسف واقع معاش ..
مثلا انا صراتلي مرة كنت مع صاحبتي فالفاست فود فالجامعة
تغدينا كملنا

ممبعد نلقاها قاتلي: مينة شفتي هااااااااداك السطل اللي فيه الماء لحكل

؟
قتلها انا: ايه وشبيه؟
قاتلي يا لالة هداك كانت فيه البطاطا لي كليتيها مع الشاورمة
وما حبيتش نقلك قبل لغدا خاطر نعرفك معيافة

قلت نخليك تنحي الجوع ومبعد يرحمها ربي
انا:

المهم هداك نهار نشفالو مليح قلبي خرج ورديت كلشي كليتو حاشاكم

منكدبش عليك ونقلك حلفت عالماكلة برا بارسكو ديفوا تضطري تاكلي ولا تشري من برا
مي ال فو تخيري لبلاصة برك
وكي تجي تاكلي سمي بسم الله فلن يصيبنا إلا ما كتب الله لنا
اني نصبر فيكم وفي روحي برك

ههههههه
المهم كون نكمل نحكي منكملش ...قلبي او معمر نخلي الفرصة للأعضاء لوخرين

 

[zagane]

السلام عليكم
في عام انفالونزالخنازير وعام السيدا دارو توجيهات واحتياطات وكي كرهو الناس ولاو لعوايدهم

 

[ام انس الحبيب]

ووووووووووووووووه
عليا عفت روحي انا نموت على البيتزا
يادرا واش فيها
ههههههههههههه
بوركت اختاه على هذا الموضوع
​

 

[nanoche]

ربي يحفظك أختي على الموضوع ديالك
وحتى أنا مرة صراتلي كنت نخدم قدام بيتزيريا و كان بينا و بين الكوزينة ديالهم كولوار كانو يقشرو فيه البطاطا و يقطعوها ومبعد يديوها للفريتوز مرة قالي راسي وقبي عليهم كيفاش يخدمو :d و يا ريتني ما وقبتش :-o السيد يقشر في البطاطا و يحط في باسينة فيها الماء و يجي الكلب يشرب من هاذيك الباسينة :very_mad::scared01: يا يماا و انا كنت ناكل عندهم و المليحة هاذاك الكلب يروح يشمخ روحو و يجي ينفض على صاحبو اللي كان يقشر في البطاطا و القطاري يطيحو علىه و على البطاطا :scared01: من هاداك اليوم خلااااص كي تتحتم باش ناكل برا نروح وين ما نشوفش
ما تشوف عين ما يوجع قلب
و اسمحولي بالاك طولت عليكم:surrender01:
​

 

[رضوة الجزائرية]

انا عندي وحد القلب معياف والمشكل يصير لي شي تاني للاسف ماقديتش نكمل سمحيلي​

 

[ماكانش]

أهلا بيك ام إسحاق
يعطيك الصحة على الموضوع الباهي
ولكن مالازمش الواحد يتوسوس بزاف
لنو قادر يمرض والله
نعرف واحد من الناس ديما هاز معاه باكي ليلانجات هاذوك كي يصافح مع واحد يروح يتخبى ويجبد وحدة يمسح بيها يديه
يعني الحذر مليح والتوسويس لالا
​

 

[italyan]

هادي هي الدنيا دايره هكا

​

 

[السلطانة]

وعليكم السلام


ياييييييييييما موضوع يخلع

عندك الحق والله عندها دي جور
ماما شافت راجل في الحانوت
جا دخل هز الطاس ولاح تقريب يدو في البيدون تاع اللبن
وشرب منو
وردو
يدوق بلي موسطاش تاعو هاكداك
حنا شعبنا ماشو واعي

ولي تقتلني يدير يدو في خشمو
ويبيع
الماكلة تاع الدار والشغل
تقبلي مروري

​

 

[بنت الـ25]

قلتي اسكو الناس اللي عندهم الوسواس القهري عندهم الحق؟
وانا نقلك عجوزة اختي كون ما تغسلش الدلاعة والفقوسة بالجافيل وتحكها ملييييييح مليح
ما تهناش
وي كامل نغسلو الخضرة بالماء والجافيل مي مش نحكها ربع ساعة
خخخخخخخخخخ
وسواس قهري مالكبار
​

 

[السلطانة]

قلتي اسكو الناس اللي عندهم الوسواس القهري عندهم الحق؟
وانا نقلك عجوزة اختي كون ما تغسلش الدلاعة والفقوسة بالجافيل وتحكها ملييييييح مليح
ما تهناش
وي كامل نغسلو الخضرة بالماء والجافيل مي مش نحكها ربع ساعة
خخخخخخخخخخ
وسواس قهري مالكبار
​

كيما جداتي هههه
وراس الخروف البوزلوف
تغسلو بالجافال وتحو مليح بالجاكس
وسيرتو خشمو هههه
وقبل ماتخبز الكسرة وتطيب الماكلة تنفض روحها مليح
وتربط راسها مليح بالمحرمة وتغسل يديها للمرفق
باه تطيب وياويل وحدة من بناتها ولا كناتها تخالف القاعدة وتروح تمس بلاما تدير هك
ولا كون تلقى شعرة في ماكلة تاع وحدة تقولهالها في لوجه وتروح تطيش واش كلات
ومبقاتش تزيد تاكل ماكلتها مدى الحياة ههه
:d

 

[ام اسحاق]

السلام عليكم أختي ام اسحاق

ياااااااع حرام عليك ..مالعنوان باين الموضوع ما يفرحش

موضوع حساس ومميز يوضع ضمن
قائمة المواضيع المميزة لمنتدى واش راك تهدر - متجدد -

بون كلشي حكيتيه للأسف واقع معاش ..
مثلا انا صراتلي مرة كنت مع صاحبتي فالفاست فود فالجامعة
تغدينا كملنا

ممبعد نلقاها قاتلي: مينة شفتي هااااااااداك السطل اللي فيه الماء لحكل

؟
قتلها انا: ايه وشبيه؟
قاتلي يا لالة هداك كانت فيه البطاطا لي كليتيها مع الشاورمة
وما حبيتش نقلك قبل لغدا خاطر نعرفك معيافة

قلت نخليك تنحي الجوع ومبعد يرحمها ربي
انا:

المهم هداك نهار نشفالو مليح قلبي خرج ورديت كلشي كليتو حاشاكم

منكدبش عليك ونقلك حلفت عالماكلة برا بارسكو ديفوا تضطري تاكلي ولا تشري من برا
مي ال فو تخيري لبلاصة برك
وكي تجي تاكلي سمي بسم الله فلن يصيبنا إلا ما كتب الله لنا
اني نصبر فيكم وفي روحي برك

ههههههه
المهم كون نكمل نحكي منكملش ...قلبي او معمر نخلي الفرصة للأعضاء لوخرين

اولا فرحتيني ربي يفرحك بواش تتمناي
فرحني الختم ...يااسر ....
شفتي يا حبوبة وش سفرينا في الجامعة وش رام يسوفريو الجامعيين ....
انا كون نحكيلك حكاية تهبلي
شفتي لا بيرا la pureeتاع الجامعة بالزاف لي يوكلو فيها و يستاخيلو :-r انها بال la viande hachee امالا حبوبتي هاديك الحوايج القهويين راهم الدود تاع البطاطا و القشور خاطر ماهيش منقية مليح
سامحوني ..اللله غالب ....
​

 

[ام اسحاق]

السلام عليكم
في عام انفالونزالخنازير وعام السيدا دارو توجيهات واحتياطات وكي كرهو الناس ولاو لعوايدهم

اي وي ....لازم دايما نوعيو بش كاش ما يفيق الغافل
سيرتو البيس و الاماكن العمومية كيما مقبض الحافلة
يحكم فيها مياة نشخص كل يوم و كل واحد كيفاش حالتو ....:-o
​

 

[ام اسحاق]

ووووووووووووووووه
عليا عفت روحي انا نموت على البيتزا
يادرا واش فيها
ههههههههههههه
بوركت اختاه على هذا الموضوع
​

اه يا حبوبتي ...اخطيك من البيتزا
سيرتو راك ربي يبارك .....فحلة و نص ......احنونة كيفاش ترضاي توكلي عجينة عجنها واحد اوخر
ما نعرف غاسل يديه؟؟؟؟ و ظفارتيه ..؟؟؟ و شعرو يابس بالجال و تخلط بالعرق ؟؟؟؟؟
نزيدك و لا بالزاف عليك ...انا راني مرضت
​

 

[ام اسحاق]

ربي يحفظك أختي على الموضوع ديالك
وحتى أنا مرة صراتلي كنت نخدم قدام بيتزيريا و كان بينا و بين الكوزينة ديالهم كولوار كانو يقشرو فيه البطاطا و يقطعوها ومبعد يديوها للفريتوز مرة قالي راسي وقبي عليهم كيفاش يخدمو :d و يا ريتني ما وقبتش :-o السيد يقشر في البطاطا و يحط في باسينة فيها الماء و يجي الكلب يشرب من هاذيك الباسينة :very_mad::scared01: يا يماا و انا كنت ناكل عندهم و المليحة هاذاك الكلب يروح يشمخ روحو و يجي ينفض على صاحبو اللي كان يقشر في البطاطا و القطاري يطيحو علىه و على البطاطا :scared01: من هاداك اليوم خلااااص كي تتحتم باش ناكل برا نروح وين ما نشوفش
ما تشوف عين ما يوجع قلب
و اسمحولي بالاك طولت عليكم:surrender01:
​

اااااااااااااااااااااه يا ننوش كملتي عليا
اوه خلينا من ماكلة برا ....و viveيدينا
​

 

[ام اسحاق]

انا عندي وحد القلب معياف والمشكل يصير لي شي تاني للاسف ماقديتش نكمل سمحيلي​

مالبا ماكان لاه نكمل عليك
بركاك وش قريتي
​

 

[ام اسحاق]

أهلا بيك ام إسحاق
يعطيك الصحة على الموضوع الباهي
ولكن مالازمش الواحد يتوسوس بزاف
لنو قادر يمرض والله
نعرف واحد من الناس ديما هاز معاه باكي ليلانجات هاذوك كي يصافح مع واحد يروح يتخبى ويجبد وحدة يمسح بيها يديه
يعني الحذر مليح والتوسويس لالا
​

اهلا بيك خويا ماكانش..ان شاء الله عندك غير الخير
عندو الحق صاحبك هذا ...و نستعرف بيه
حتى هوما كاين ناس ..يعطس في يدو و يمدها يسلم عليك
شغل يمسح فيك نيفو ...:s
قولي ضرك توسوس ولا لا ؟؟؟؟
​

 

[ام اسحاق]

هادي هي الدنيا دايره هكا

​

كيفاش دايرة الدنيا ..؟؟...عافنة ؟؟؟؟
​

 

[ماكانش]

اهلا بيك خويا ماكانش..ان شاء الله عندك غير الخير
عندو الحق صاحبك هذا ...و نستعرف بيه
حتى هوما كاين ناس ..يعطس في يدو و يمدها يسلم عليك
شغل يمسح فيك نيفو ...:s
قولي ضرك توسوس ولا لا ؟؟؟؟
​

علابانا ختي
ولكن جامي شت واحد مات كي يصافح على الناس بلا مايمسح يديه
حياتنا كامل وحنا نصافحو ماكان والو
مام المناعة تتكون هكذا
مالا الإنسان يعيش موسوس ومايتحركش

 

[ام اسحاق]

وعليكم السلام


ياييييييييييما موضوع يخلع

عندك الحق والله عندها دي جور
ماما شافت راجل في الحانوت
جا دخل هز الطاس ولاح تقريب يدو في البيدون تاع اللبن
وشرب منو
وردو
يدوق بلي موسطاش تاعو هاكداك
حنا شعبنا ماشو واعي

ولي تقتلني يدير يدو في خشمو
ويبيع
الماكلة تاع الدار والشغل
تقبلي مروري

​

حبوبتي سندريلا ...اسحاق او يبكي اني راجعتلك ان شاء الله
​