طريقة عمل السويكة الي نخدمو بيها الزرير

[ام انس الحبيب]

السلام عليكم ورحمة الله تعالى و بركاته

حبيباتي اللماويات الكثير منكم كي حطيت
سنيوة نفاسي سالوني على الزرير و طريقة عملو
انا اليوم وفيت بوعدي و راح نحط الطريقة للي حابة تجربو و ثاني باش نتبادلو العادات المختلفة من منطقة لاخرى

المكونات
قمح منقي و نضيف و محمص
حمص محمص
القليل من الملح
و الصور ابلغ تعبير

من بعد نرحوه حسب الرغبة كاين الي يحبو
خشين شوي و كاين الي يحبو ارطب

وهكا تكون السويكة واجدة باه نخدمو بيها الزرير

المكونات :
زبدة
عسل

نحط الزبدة والعسل فوق النار حتى يمتزجو

ثم نحيهم من فوق النار و نضيف ليهم السويكة بالشوي

لازم تكون شوي طرية

ثم نحطها في طبق التحضير

و من بعد نزينها حسب الرغبة

بصحتكم والي تجربها تدعيلي بالخير
سلام
في امان الله




​

 

[عاشقة الوردة]

امممممممممممممم تشهي
شكرا على الطريقة والله جديدة عليا

 

[hadda0425]

ممممممممممممم ام انس هايل سخفتيني
راكم تعملوه كيما حنا 100/100
ما عنديش بزاف كان عندي بورت مونجي كبير معمر كليناه
خدمتو من قمح الارض تاعنا يعني تع بيت بابا
يعطيك الصحة
​

 

[ام انس الحبيب]

امممممممممممممم تشهي
شكرا على الطريقة والله جديدة عليا

الله ايسلمك اختي
و بصحتك لكن ممكن تقوليلي ناس سطيف واش ايديرو للنافسة
​

 

[ام انس الحبيب]

ممممممممممممم ام انس هايل سخفتيني
راكم تعملوه كيما حنا 100/100
ما عنديش بزاف كان عندي بورت مونجي كبير معمر كليناه
خدمتو من قمح الارض تاعنا يعني تع بيت بابا
يعطيك الصحة
​

الله ايسلمك حدة و ربي يبارك فيك
بصحتكم حنونة مدام خدماتو يديك يا الشاطرة
تبارك الله عليك
​

 

[عفاف الجزائرية]

كاين اللي يزيدلها اللبلابي وزيدلها التمر اليابس والخروب تجي هااايلة
يعطيك الصحة اختي وربي يعطيك ما تتمناي
​

 

[بلقيس لينا]

وشنو هاذي حبيبتي​

 

[serinee]

مممممممممممممم
يعطيك الصحة طاطاتي
مممممممممممممم السويكة راهي هايلة
و زيد صحية يسلمو اديكي و ربي يقومك بالسلامة و يخليك صحتك و يحفظلك اولادك
​

 

[ام انس الحبيب]

كاين اللي يزيدلها اللبلابي وزيدلها التمر اليابس والخروب تجي هااايلة
يعطيك الصحة اختي وربي يعطيك ما تتمناي
​

الله ايسلمك
و بارك الله فيك على المعلومات المفيدة
​

 

[ام انس الحبيب]

وشنو هاذي حبيبتي​

هذي حبيبتي بلقيس
نعملوها احنا ناس الشرق في بعض المناطق للنفاس كيما عندكم ناس بليدة الطمينة
​

 

[ام انس الحبيب]

مممممممممممممم
يعطيك الصحة طاطاتي
مممممممممممممم السويكة راهي هايلة
و زيد صحية يسلمو اديكي و ربي يقومك بالسلامة و يخليك صحتك و يحفظلك اولادك
​

ربي يخليك سيرين انت عسل وكلامك
ما خلاش ربي يحفظك
​

 

[بلقيس لينا]

اه باينة بنينة يعطيك الصحة حبيبتي وربي يحفظلك ولادك​

 

[ام انس الحبيب]

اه باينة بنينة يعطيك الصحة حبيبتي وربي يحفظلك ولادك​

عندك الحق بنينة و زيد مغذية
لو كان جيتي قريبة ليا كنت نذوق هالك
يا لعزيزة
ربي يحفظك ويخليك
​

 

[imane27]

يعطيك الصحة ام انس طريقة جديدة عليا بارك الله فيك

 

[ام انس الحبيب]

يعطيك الصحة ام انس طريقة جديدة عليا بارك الله فيك

و فيك بارك الله ايمان
اسعدني مرورك
​

 

[ندى الورود]

يعطيك الصحة يا ام انس نفس طريقتنا

​

 

[ام انس الحبيب]

يعطيك الصحة يا ام انس نفس طريقتنا

​

الله ايسلمك ندى الورود
و ربي يحفظك
​

 

[samah06]

الله عليك يا ام انس سخفتينا باه نزيدو نولدو
وحنا ثاني نديروها هكاك وكاين اللي يزيد الزقيقو واللا التمر اليابسة والعدس ايضا بما انو فيه لحديد ينفع النافس
مت عليها بالسخفة
نقولك نصبر 7 شهور اخرين وتزيد اختي ونديرها وناكلها
يعطيك الصحة حنونة

 

[ام انس الحبيب]

الله عليك يا ام انس سخفتينا باه نزيدو نولدو
وحنا ثاني نديروها هكاك وكاين اللي يزيد الزقيقو واللا التمر اليابسة والعدس ايضا بما انو فيه لحديد ينفع النافس
مت عليها بالسخفة
نقولك نصبر 7 شهور اخرين وتزيد اختي ونديرها وناكلها
يعطيك الصحة حنونة

سامحيني حبيبتي قسمك في الجنة
ان شاء الله والله يا ختي كون جيتيني قريبة نبعث لختي الزرير و تاكليه بالصحة و الهنى
مشكووووورة على المعلومة والاضافة
واختك ربي يبعث ليها سويعة ساهلة ان شاء الله و تقوم بالسلامة هي و المزيود انتاعها
الله ايسلمك سموحة الغالية
​

 

[nada242008]

الله يبارك لونو يشهي كيما نديروه حنا نزيديلو الجلجلانية محمصة ومرحية ومكسرات
يعطيك الصحة
​