واش رايكم في المرا اللي تتزوج وتخلي بناتها???

[FATIMA 19]

السلام عليكم
ان شاء الله تكونو لاباس

http://www.brooonzyah.net/vb/redire...zyya.com%2Fstore%2Fup2%2F081128064807Es5H.gif

يعني صراحة ماكنتش حابة نكتب موضوع .مي راه صرالي واحد الموقف خلاني نكتب .....
كيفاه ندخل في الموضوع???
هذا جارنا يكون في عمرو 35 تزوج بواحدة مطلقة عمرها 45
عندهم عام ونص هكذاك
بعد رفض أهلو و أهلها مي كان مصر باه يتزوجها.
لحد الآن هذا شيء عادي
المهم رحت لعندهم البارح عرفتها طول بلي هي بويسك من وجهها تبان كبيرة
كي شافتني بدات تسقسي فيا
وين تقراي ???قلتلها في الليسي
واشمن سنة ????? السنة الباك
علمي ولا أدبي ????? علمي
من بدات تسقسي هكذا قلت sure تعرف طفلة ورايحة تسقسيني عليها
قاتلي تعرفي فلانة هي مزالت ماذكرت الاسم كامل والمرا بدات تبكي أنا حرت قاتلي هاذيك راهي بنتي
أنا تشوكيت والطفلة هاذيك نعرفها
وبداااات تقولي كي تلقايها سلميلي عليها بزااااااااااااااف وقوليها تجي توالي
هاذي المرا كي تزوجت تبراو منها نتاع دارهم كامل حتى ببناتها 02
والله موقف مانتمناه لحتى واحد
هي صح خسرت والديها وبناتها وخدمتها علاجال راجلها اللي تزوجت بيه.
حتى هو كان مصر عليها واداها هي
واش رايكم نتوما في هاذي المرا ???
أنا في رايي
هي كيما كامل الناس لازم تعيش حياتها ثاني
ومن حقها تتزوج بلي تحبو واختاراتو
وهي راهي ربات بناتها وكبرتهم
ومالازمش يكونو أنانيين أنهم يرفضوها تتزوج
لأنو تطفر غير فيها هوما أكيد يطولو ولا يقصرو ضك يتزوجو وهي تقعد ماعندها حتى مؤنس



​

في الأخير تقبلوا سلامي
Fatima 19​

 

[بنت الـ25]

السلام عليكم
موضوع باهي بزاف اخت فاطمة يستاهل يكون ضمن

http://4algeria.com/forum/threads/364565/

والله الدنيا هادي حرنا فيها كيفاش تمشي
لمرا لاكان تطلقت ما تنمنع من الناس ولاكان عاودت الزواج ما تمنع من اماليها
منا تكوي ومنا تحرق
وتوقع بين انها تخير تعيش كامرأة حابة تعيش وتتحب وتتزوج كيما كامل خلق الله
وبين الأمومة وما أدراك ما الأمومة
وأي خيار رح تختارو هي الوحيدة اللي تتحمل تبعاتو
الديفو مش فالقرار اللي اختارتو الديفو في ردة فعل أهلها وبناتها
الأنانية خلاتهم يتعماو وميفكروش في مصيرها بعد زواج بناتها يوما ما
ممكن هنا تاني يكونو يالغوا في ردة فعلهم بسبب انها تزوجت شاب اصغر منها ؟
وعلى كل حال حاجة ما قالهاش ربي منحرموهاش حنا
والمرأة من حقها تتزوج إذا لقات الرجل الصالح حتى لو كان في عمرها 60 سنة
ولو كان عندها 10 ولاد

​

 

[ملكًة الاحسآس]

وعليكم السلآآم
أهلآ يالسطآيفية :d
موضوعكـ مليح ، ويستآهل صح الكآشي الأزرق هدآكـ :-h
بون كمآ قلتي وقآلت منووش
المرآآ من حقهآ تتزوج بعد مآتطلق ، الآ ماتوفقتش في زوآجهآ الأول
هذآ مآيمنعش رآيحة تبقى حيآتهآ كآمل بلآ زوآج
بصح جآتني بيزآغ وآلديهآ مآيقبلوش على عكس بنآتنآ
سوغثو الا كآنو كبآر يعني مش بالسآهلة يتقبلو امهم مع رآجل خلآف كي شغل
سرقهم منهآ ، يآ مع بآبآهم ولآ تبقى غير معآهم
مآلgــري مآيخمموش بلي يجي نهآر كل وحده تشد دآرهآ وامبهم تبقى وحدهآ
أمآ الوآلدين جنيغآلمون تلقآهم عآجب فيهم الحآل
سوغثو كي مطلقة ويآخي علبآلك نظرة المجتمع تآعنآ للمرأة هدي
يقولولكـ خلي تغمي رآسهآ خير من كلمة مطلقة وين مآتروح
ويظهرلي السبب الوحيد في رفضهم أنه أصغر عليهآ مول 35 سنة ​

 

[hala.21]

السلام عليكم ...ويعطيك الصحة أختي فاطمة على هذا الموضوع
أما بالنسبة للام التي تتخل عن اولادها لاتستحق ان تكون أم ومهما كانت ظروفها لن تكــون مبررا لتخليها عن اكبادها لو كانت ام حقيقية لا تخلت عن سعادتها من اجل اولادها وكيما يقول مايحس على جمرة غير ليراه عافس عليها .. هي منحقها تبني حياتها من جديد ومن حقها تدي لتحب ...هيــــــــــا .ولكن ابنائها من سيعوضهم بحنانها عندما يبكون

لمن يشكون من غير امهم؟ وكل واحد وردة فعلو انا هذا من راي الخاص وكل واحد له وجهة نظره خاصة
شكرا لكي اختي وتقبلي مروري .

 

[Ma$Ter]

عليكم السلام ورحمة الله وبركاته
من حقها تزوج وتعيش معا راجل يسترها
واهلها ما عندهمش حق يعارضو زواجها
لكن ما تتركش بناتها راهى مسؤولة عليهم فى الدنيا وفى الاخرة
ربى يفرج عليها
هذا رايى الشخصى
شكراا اختى موضوع رائع ..


​

 

[mira real]

ولله موضوع شباب بزاف يا ختي و نشكر بزاف كي طرحتيه قبل ما نعلق عليه

ولله لمرا هادي راهي غالطة في حساباتها خلاص لخاطر راه عندها بنات ماشي دراري حتى تتزوج ومتشوفش ليهم و لبنات هادو راهي لازم هي توقف معاهم وتربيهم مليح و و و باش هوما تاني ميطيحوش في نفس غلطتها ....يا سيدي هي صايي جربت نصيبها من لحباة و مصلحلهاش ربي صايي مابقالها والو بقالها غير تربي هاد زوج بنات كان جاو دراري ولله ممكن يكون عندها الحق تتزوج و تشوف حياتها مي راهم بنااااااات و تربيتهم صعيبة بزاف تكون معاهم هي و و و و وياربي لقدرولهم

 

[شجـ الروح ـون]

السلام عليكم ورحمة الله تعالى وبركاته
موضوعك باهي بزاف خيتي
ورانا نشوفو ففيه تقريبا في كل عايلة كاينة حكاية تشبه لحكاية الاخت هذي
وفي اغلب الاحيان تكون نسبية بين خلات ولادها وراحت وبين اهل باباهم ماحبوش يخلوهم يروحو معاها
باختصار واللي ممكن ينقال
اهلها واهل الراجل غالطين الف فالمية
يخي تزوجت على سنة الله ورسولو
ولوكان دارت حاجة حرام لا قدر الله خير ؟؟؟؟
ربي يهدي ناسنا برك
المليحة يردوها قبيحة والقبيحة يردوها هي المخيرة
نعرف واحد قريب لينا تزوج للمرة الثانية لامراة فالخمسينات من عمرو تقريبا
عندها ولادها وبناتها مزوجين
لليوم يقول راهم رافديني اكثر من بناتي اللي جبتهم وربيتهم وكبرتهم
الا مرض يرفدوه واذا احتاج يعاونوه ووو
وهو كيف كيف
ندعو للمخلوقة هدي ربي يصلح حالها ويهدي بناتها برك
ويدورو ليماهم
والا الباقي ماراحلها فحتى واحد
يعطيك الصحة عالموضوع البهيون​

 

[Moha le sage]

حنا نقولو مبروك عليهم اولا ... و ربي يسهل ثانيا ...

نولي للسوجي ..



هذا جارنا يكون في عمرو 35 تزوج بواحدة مطلقة عمرها 45

هاذا لي تزوج بيها على حب ولا وش بيه زعما ؟

يقلك L'amour est aveugle .. الحب اعمى ..

45 الله يبارك راهي fin de cariere صرالها كيما رونالدو و زيدان :d

و هي خلات ولادها حابة تعيش une deuxième vie ..

ما يكونش مسحور بار هازار :-r

السؤال اللي راه محيريني يعني هي تشبه l’Angelina golie :s حتى اداها مطلقة + 45 سنة ؟!!! انا كون يعود في عمرها انجولينا 50 نديها نورمال :$ ههههه

كون جا ادا وحدة في عمرها 22 و لا 25 .. نقولو حبها و هي تزوجت بوحداخر و رجعت ليه ... بصح الحالة هاذي والله راني دايخ فيها صح ... زعما تكون افار دراهم ؟؟

تفكرت وحد العوام كنت مسجل في les sites تاع les rencontres في فرانسا .. كانو يبعثولي المعجبات :$ ووحد الخطرة بعثتلي وحدة ..في الفوطو يعني لاباس تواجه :-h... قاتلي في عمري 41 .. عندي appartement + voiture + de l'argent .. قاتلي حاجة ما تخصك ... بصح كنت حاط انا في السيت هذاك بلي نسكن في فخانسا في جيهة لوران :d



ووش راح يعمي الراجل غير دراهم المرا و لا ابتسامة بريئة .. من وراها خبث

un sourire éclatant ... et un regard doux .. mais souvent malicieux


:regards01:





​

 

[*Sarah Dz*]

السلام عليكم و رحمة الله و بركاته

في وقتنا الحالي المرا لازمها تتزوج من نظرتي الشخصية
سيرتو ادا كانت ارملة او مطلقة المجتمع ما راحش يرحمها بلا راجل
مهما شدت في اصالتها و اخلاقها // رايحين يختلقولها اي سبب لتشويهها
اما بالنسبة لاولادها نظن انها مرحة و تفوت عليهم لانهم يحسو ان امهم تزوجت بواحد اصغر
من والدهم و حاب يديلهم امهم .. ان شاء الله ترجع المياه لمجاريها مع اولادها

موضوع مميز .. شكراا
​

 

[crǻzЎ ŴдFĀα]

mal9itich wach n9ol

 

[nanoche]

مشكورة حبيبتي على الموضوع الشباب
بصح حبيت نفهم حاجة.... علاش المرا المطلقة ما عندهاش الحق باش تعاود حياتها من جديد؟؟
انا جابلي ربي تحصن روحها بالزواج خير من تطيح في جحر الثعابين و ما اكثرهم في هاذ اليامات
و في ظني ان تصرف البنات هو اللي كان اناني ماشي الأم اللي كانت أنانية لو كان الراجل اللي تزوج بهاذ المرا هو اللي ما قبلش بناتها هنا ترجع حكاية أخرى أما اذا كانت من جيهتهم المعارضة على جال المعارضة فانا نقول ماشي حق عليهم
45 سنة مازالها صغيرة ومن حقها تدير راجل اللي يحميها و يدير عليها الحرمة و يحمي حتى بناتها اذا كان راجل فحل...
و بخصوص فارق السن فقد تزوج الرسول صلى الله عليه وسلم السيدة خديجة وعمره 25 والسيدة خديجة عمرها 40 فأين النص في القرآن أو السنة الذي يدين المرا اذا تزوجت بواحد صغير عليها
و على كل حال الزواج شي مكتوب و مقدر و إذا راهي عايشة معاه في الهنا ربي يبقي عليهم الستر و نهار يتزوجو البنات دياولها و يديرو وليدات يعرفو قيمة الأمومة و ان الأم عمرها ما تفرط في فلذة كبدتها
​

 

[ماكانش]

أهلا بيك فطيمة
يعطيك الصحة على الموضوع الباهي والزينون
أنا تبالي تبالي ماغلطتش بزاف كي تزوجت
لأنها اولا كبيرة وفاتها وقت الزواج وزيد مطلقة
يعني فرصة تراطيها راح تكمل حياتها كامل مطلقة ومع التحرشات وبزاف حوايج تعاني منهم المطلقة في المجتمع ...
​

 

[Selma 30]

وعليكم السلام ورحمة الله وبركاته
المراة ماغلطتش من حقها تتزوج ومازالت صغيرة
الوقت اللي رانا فيه الفتنة فيه كبيرة احسن حل انها تحصن روحها
يكون عندها سند
وبناتها راهم كبار , في الليسي المفروض يفهمو يماهم ومايعارضوش
هوما اذا كتب ربي كل وحدة ان شاء الله تروح لدارها من بعد تقعد يماهم وحدها
هذا من جهة
من جهة واحدوخرا المراة والراجل راهم كبار ماشي مراهقين
هو واعي وهي واعية بواش راهم ييديرو
فرق السن عمرو ماكان مشكل وحتى لوكان ,هذا امر يخصهم وحدهم
وواحد ماعندو دخل في هذا الشي

مشكلة المجتمعات العربية انها دايما تنظر للمراة المطلقة على انها امراة ماش مليحة
ويحرمو عليها كلشي ويجيبو فيها كامل العاهات ويعسوها على ابسط الامور والله المستعان
الطلاق صح هو ابغض الحلال عند الله بصح عمرو ماكان حرام ولا عيب
تنمنى يجي النهار اللي نشوف فيه عقولنا ارتقات لامور اكبر من هذي

45 الله يبارك راهي fin de cariere صرالها كيما رونالدو و زيدان :d

و هي خلات ولادها حابة تعيش une deuxième vie
لسؤال اللي راه محيريني يعني هي تشبه l’Angelina golie :s حتى اداها مطلقة + 45 سنة ؟!!!

ماتنساش يا أخي الرسول عليه الصلاة والسلام تزوج ام المؤمين خديجة رضي الله عنها في عمرها 40 سنة
والزواج عمرو ماكان عندو عمر محدد
كيما يتزوجو في 20 يتزوجو في 50
وزيد تان الزين ماعمرو مابنا دار 45 سنة وفي عينين راجلها شابة على وحدة تع 20 سنة عاديي جداا
ومطلقة ماشي عيييب هاذي حاجة ربي سبحانه


ربي يهدينا ويهدي امة محمد عليه الصلاة والسلام
​

 

[Minoucha2]

هاذ المرأة دارت خطأ اللي هو أنها سمحت في ولادها

هاذا خطأ كبير كبير بزاف و راح تندم في الأخير

ما تتزوجش و تقعد مع ولادها أحسن من أنها تتزوج و تسمح فيهم

تسمح في ولادها و تخليهم يضيعوا و هاذ الشي كله بدافع الحب ؟؟ لالا محال هاذي ما تستاهلش تكون أم

عندك الحق قلتي كي ولادها ما حبوهاش تتزوج لأنو في الأخير كيما قلتي هوما يكبروا و يتزوجوا و هي تبقى بلا راجل يونسها و تبقى وحيدة

و لكن اقترفت خطأ كبير لما سمحت فيهم و الله راح تتحاسب عليهم يوم القيامة

ما عندي ما نقول كثر من هاك

شكرا لك
​

 

[zagane]

salam alaycom

hadik ysamoha el kabda
ta3iche 7ayatha wa tedaya3 7ayat benatha ????

 

[Moha le sage]

ماتنساش يا أخي الرسول عليه الصلاة والسلام تزوج ام المؤمين خديجة رضي الله عنها في عمرها 40 سنة
والزواج عمرو ماكان عندو عمر محدد
كيما يتزوجو في 20 يتزوجو في 50
وزيد تان الزين ماعمرو مابنا دار 45 سنة وفي عينين راجلها شابة على وحدة تع 20 سنة عاديي جداا
ومطلقة ماشي عيييب هاذي حاجة ربي سبحانه


ربي يهدينا ويهدي امة محمد عليه الصلاة والسلام
​

ختي سلمى الرد هذاك كتبتو ونا نضحك ..ماشي رايي الحقاني ...

40 ولا خمسين سنة ربي يسهل على كل وحدة ...

قالت السيد هذاك في عمرو 35 و تزوج بيها 45 ... ونا قلت fin de carrière العبارة هاذيك راني عارف وش نقصد بيها مليح ... وما نقدرش نحللها بزاف بالكلام ...الفاهم راه يفهمها ...

يعني كان قادر يدي وحدة صغيرة يتمتع بيها .............


كي تحبي الصراحة وحدة في عمرها 45 يديها واحد في عمرة 60 ولا 70 ماشي 35 ...

بصح ربي يسهل على كل واحد ..... تدي واحد في عمرو 20 ولا 30 ..انا وش دخلني ؟

ردي كان في واد و اقتباسك في واد اخر ... مشي انا لي يقول لوحدة كبيرة ما تتزوجيش .. وماشي انا لي يلوم المطلقة ... و يشوف فيها عار على المجتمع ..... مهيش في الكاراكتار تاعي متخافيش .. ومنقدرش ندخلك في الخصوصيات باش نبروفيلك هدرتي هاذي ...

مع لخر ما تامنيش الردود راهم خداعين ....... وما يعكسو لا المجتمع لا عقلية صحابهم ... حتى نتي لي راكي تدافعي على الحق المزعوم و تتهمي فيا كي شغل انا عينة من المجتمع لي مايرحمش تقدري في الواقع تكوني انسانة انانية و معلابالك بحتى واحد .. ونطلع انا شخص عاقل و مثالي ............ و اللي تحطيه موسى يطلعلك فرعون ...

مالا خيتي la prochain fois ما تديريش اقتباسات لناس ما تعرفيهمش ..يقدر يكون واحد ظالم ونتي تمدحي فيه و يقدر يكون ناس ملاح ونتي تظلمي فيه ..........

كيما علمتني اللمة جامي نامن الخرطي تاع الردود و المواضيع .... باسكو الغاشي هفاف ........ تعقبي 20 سنة في منتدى و عمرك تعرفي عبد صح ..حتان تعيشي معاه و تعاشريه ............



سلام ...........

 

[فتاة حساسة]

والله ماعرف ...مانعرف واش نقول ..

صاحيتي على الموضوع الباهي​

 

[SETIF étudiant]

[FONT=&quot]السلام عليكم
الدين [/FONT][FONT=&quot]حلل [/FONT][FONT=&quot]للمرأة المطلقة الزواج لكن نظرة الناس ما ترحمش المجتمع ما يتوبش عليها ممكن تكون هي المظلومة في زواجها الاول وعلاش لا ربي يحلل والعبد يحرم خخخخخخخخخخخخخخ
و ديجمون ياخي هي لي راح تعيش وتكمل حياتها مع راجلها... تختار حياتها كيما تبغي منها حرية شخصية ومنها راحة نفسية[/FONT][FONT=&quot]

[/FONT][FONT=&quot]مي كاينين حالات المطلقة ترفض فيه الزواج مرة اخرى لاسباب منها خوفا على أولادها من الضياع ولا مايش حابة تزيد تعاود تعيش حياة بائسة من دارو وجديد[/FONT][FONT=&quot]([/FONT][FONT=&quot]ضربتين للراس توووجع [/FONT][FONT=&quot])

ومادام كيما قلتي ربات و كبرت بناتها كوم ايل فو يسما راهي ما خلاتش ودارت لي عليها هنا نقدر نقول المسؤؤولية انتهت وفي هذه الحالة يولي الدور على الابناء .... مادام تهلات فيهم وهوما صغار يلزم دركا هوما يتهلاو فيها وهي كبيرة

و هادو البنات لي ما رضاوش على يماهم وما قيموهاش حتى نقوووووووووولهم [/FONT] وما نحن حتى نرضى ونقيم اباءنا وامهاتنا ندعو الله فقط ان يكونوا هم راضين عنا حتى يرضى الله عنا سبحانه وتعالى

 

[FATIMA 19]

السلام عليكم

موضوع باهي بزاف اخت فاطمة يستاهل يكون ضمن​

​

http://4algeria.com/forum/threads/364565/​

والله الدنيا هادي حرنا فيها كيفاش تمشي
لمرا لاكان تطلقت ما تنمنع من الناس ولاكان عاودت الزواج ما تمنع من اماليها
منا تكوي ومنا تحرق
وتوقع بين انها تخير تعيش كامرأة حابة تعيش وتتحب وتتزوج كيما كامل خلق الله
وبين الأمومة وما أدراك ما الأمومة
وأي خيار رح تختارو هي الوحيدة اللي تتحمل تبعاتو
الديفو مش فالقرار اللي اختارتو الديفو في ردة فعل أهلها وبناتها
الأنانية خلاتهم يتعماو وميفكروش في مصيرها بعد زواج بناتها يوما ما
ممكن هنا تاني يكونو يالغوا في ردة فعلهم بسبب انها تزوجت شاب اصغر منها ؟
وعلى كل حال حاجة ما قالهاش ربي منحرموهاش حنا
والمرأة من حقها تتزوج إذا لقات الرجل الصالح حتى لو كان في عمرها 60 سنة
ولو كان عندها 10 ولاد​

و عليكم السلام
مرسي على الرد و كل كلمة قلتيها نأيدك فيها
​

 

[FATIMA 19]

وعليكم السلآآم ​

أهلآ يالسطآيفية :d
موضوعكـ مليح ، ويستآهل صح الكآشي الأزرق هدآكـ :-h
بون كمآ قلتي وقآلت منووش
المرآآ من حقهآ تتزوج بعد مآتطلق ، الآ ماتوفقتش في زوآجهآ الأول
هذآ مآيمنعش رآيحة تبقى حيآتهآ كآمل بلآ زوآج
بصح جآتني بيزآغ وآلديهآ مآيقبلوش على عكس بنآتنآ
سوغثو الا كآنو كبآر يعني مش بالسآهلة يتقبلو امهم مع رآجل خلآف كي شغل
سرقهم منهآ ، يآ مع بآبآهم ولآ تبقى غير معآهم
مآلgــري مآيخمموش بلي يجي نهآر كل وحده تشد دآرهآ وامبهم تبقى وحدهآ
أمآ الوآلدين جنيغآلمون تلقآهم عآجب فيهم الحآل
سوغثو كي مطلقة ويآخي علبآلك نظرة المجتمع تآعنآ للمرأة هدي
يقولولكـ خلي تغمي رآسهآ خير من كلمة مطلقة وين مآتروح

ويظهرلي السبب الوحيد في رفضهم أنه أصغر عليهآ مول 35 سنة
​

أهلا الجيجلية
هي صح تجيهم صدمة في الأول مي مادام قررت في حاجة خلاص
لازم يكونو معاها ماينساوش راهي ضحات علاجالهم منين كانو صغار
وهي ماحبتش تتزوج حتان كبارو بناتنا
ان شاء الله برك يعود المجتمع نتاعنا يتفهم الظروف
شكراااااااا

​