شَعر عضوة في ضيافتنآ (العدد السآبع ـــ magique)

[ملكًة الاحسآس]

بسم الله الرحمـن الرحيـم

السـلآآم عليكن ورحمة الله تعآلى وبركــآته

فرآشآت منتدى عآلم المراة

ركـن التسريحآت والعنآية بالشعر




* بعد الاعلآن عن موضوع بعنوآن :

شَعر عضوة في ضيافتنآ

ومن لم تفهم الفكـرة يمكنهآآ الاطلآع

على الموضوع لفهمهآ أكثـر

*واليوم سنكون مع

سآبع عضوة وقع عليهآ الاختيآر


{من :16 /04 /2013
الى : 23 /04 /2013 }


في سآبع عدد ، وفي ثآلث أسبوع

من شهر أفريل 2013


هي العضوة :



magique



* ستجيب على أسئلة خاصة بشعرهآآ

تطرح من قبل عضوآتنـآآ الطيبآت

على شرط :

ـ الأسئلة تكون خاصة بشعر العضوة وفقط

ـ يمكن للعضوة المستضآفة الاستعآنة بصور

كصور لتسريحآت أو صبغآت للشعر اذا طلب منهآآ ذلك

مع احترآم قآنون الطمس .

نتمنـى تفآآعلكـن في الموضوع حبيبآتي :d

في امآن الله


تحيآتي :regards01:​

 

[ملكًة الاحسآس]

magique شكرآ لقبولك الاستضآفة
وأول سؤآل نطرحهولكـ :d:
شعركـ طويل ولآ قصير يالمآجيك ؟؟
​

 

[السلطانة]

أهلا بالأخت الغالية نورتينا


سؤالي تفضلي الشعر الطبيعي أم المصبوغ ؟
​

 

[*Sarah Dz*]

مرحبااا اختي ماجيك واش راكي ؟

* ماهي تسريحتك المفضلة ؟
* اسكو عندك وصفات طبيعية تستعمليها لشعرك ؟
​

 

[بنت الـ25]

أهلا بالماجيك والموضوع المميز اللي اول مرة نشارك فيه بسؤال

نسقسيك : شعرك جاف ولا دهني؟ وكيفاش تتصرفي مع مشاكل شعرك؟
بمعنى القشرة والتساقط والتقصف كيفاش تواجهيهم ؟
​

 

[magique]

اولا شكرا جزيلا حبيباتي على الدعوة تشرفت بزاف معاكم ورايحة نجاوب على كااااامل وش حبيتو سقسيو برك ههههه
​

 

[magique]

magique شكرآ لقبولك الاستضآفة
وأول سؤآل نطرحهولكـ :d:
شعركـ طويل ولآ قصير يالمآجيك ؟؟
​

ممنونتك حبيبتي ومن دواعي سروري نكون ضيفة معاكم
بالنسبة لشعري ماهو طويل ماهو قصير تحت لكتفين شوي برك يعني متوسط
​

 

[magique]

أهلا بالأخت الغالية نورتينا


سؤالي تفضلي الشعر الطبيعي أم المصبوغ ؟
​

هذا نورك عزيزتي،،حقيقة بالنسبة ليا نفضل الوحدة منا تخلي شعرها كيما راه وماتبدلش فيه لان الصبغة تضر بالشعر لكن اذا كان شعرها يبان تعبان واحتاجت تصبغو تبتعد كل البعد عن الالوان الشقراء والمائلة للابيض وتخير البنية والاكاجو لانها بالنسبة ليا تبان طبيعية اكثر...
​

مرحبااا اختي ماجيك واش راكي ؟

* ماهي تسريحتك المفضلة ؟
* اسكو عندك وصفات طبيعية تستعمليها لشعرك ؟
​

اذا كان قصدك تسريحتي المفضلة في البيت فانا نحكمو طمطومة كيما نقولو لاني متحجبة فهذا مايناسب،،اما في الاعراس والمناسبات نسرحو اكيد ولا نبوكليه ولا نرفعو بتسريحة على حسب المناسبة وحجمها...
**عن الوصفات ما نستعملش كثير من الوصفات لكني نستعمل الخلاصة المائية للصبار+زيت الصبار لتطويل وتقوية الشعر والقضاء على مشاكل فروة الراس ونستعمل زيت الزيتون بدون شك اضافة الى زيت الخروع،،زيت اللوز وزيت السمسم لي بالمناسبة رام خلصولي باش نزيد نشري ههههه جربت من قبل وصفة البيض لكني منيش متاكدة من نتيجتها،،ودرت تاني وصفة الفلفل مع زيت الزيتون للتطويل...
شكرا ليك على الاسئلة
​

 

[magique]

أهلا بالماجيك والموضوع المميز اللي اول مرة نشارك فيه بسؤال

نسقسيك : شعرك جاف ولا دهني؟ وكيفاش تتصرفي مع مشاكل شعرك؟
بمعنى القشرة والتساقط والتقصف كيفاش تواجهيهم ؟
​

اهلا حبيبتي مينات ،،صراحة شعري من النوع الجاف وكيما قلت من قبل نعاونو بالزيوت والشامبوهات المناسبة اكيد ونبعد على مجفف الشعر قدر الامكان والصبغة وغيرهامن الكيماويات
​

 

[ملكًة الاحسآس]

السلآآم عليــكم
آه يالمآجيك نسآوكـ هنآآ
وآحد مآرآه يطل عليك :p
امم قوليلي :
كي كنتي صغيرة كفآه كنتي تديري شعرك ؟؟

​

 

[iméne09]

اهلين بلماجيك منورتنا ياحنونة
بون حبيت نسقسيك ادا شعرك فيه تقصفات يعني ليفوخش وكيفاش تتعاملي معاهم؟
واش من شومـpـوان تغسلي بيه شعرك ؟
اسمك ماجيك وكايم وحد سيغوم اسمو ماجيك اسكو تستعملي لشعرك هاد سيغوم؟
هدا كيستيون بيزاغ اسكو كي كنتي صغيرة درتي قردون ؟
ايا طولت عليك
سلااامي
​

 

[magique]

السلآآم عليــكم
آه يالمآجيك نسآوكـ هنآآ
وآحد مآرآه يطل عليك :p
امم قوليلي :
كي كنتي صغيرة كفآه كنتي تديري شعرك ؟؟

​

شتي كيفاه ماطلوش عليا ايا معليش الحمد لله لي راكي هنا
راكي فتحتيلي واحد الدوسي،،شعري كي كنت صغيرة درت في لعجب واش نقولك واش نخلي حقل تجارب،،
كنت نديرلو gــطاطش وحدة من ووحدة من الجيهة الاخرى،،ولا نضفرو زوج ضفرات،،و كنت تاني نحب ندير لاتخاس،،ولا نضفرو ضفرة وحدة ونجيبها اللورة ولا على الكوتي،، كانت ماما تحب تضفرهولي كامل نجي كي هدوك تع افريقيا هههههه نموت عليها هادي،،وبيانســuــغ الكودشوــvــال هاي بلا هدرة ولا طمطومة مي مكانتش تحب نطلقو بويسك يتخبل من بعد ليسونسيال تهلاتلي فيه مليح مليح يكثر خيرها..:regards01::regards01:
مارسي حبوبة زيدي دوري دورة واضربيلي طلة
​

 

[magique]

اهلين بلماجيك منورتنا ياحنونة

مرحبا بيك غاليتي في كل وقت

بون حبيت نسقسيك ادا شعرك فيه تقصفات يعني ليفوخش وكيفاش تتعاملي معاهم؟

قبل ماندير الحجاب كنت نعاني من التقصفات كيما تقولي بسبب الشمس وغيرو ،،لكن ذرك لالا غير كي نستعمل شامبو مايناسبنيش ،،وباش تتخلصي منهم لازم بعد الحمام يابعد تمشطي شعرك وترديه اللورة صافي ماتقسميهش في النص ورقديه بشوي تاع ما ادا كان شاحلك لكن الافضل اديري هكذا وهو مبلول منبعد جيبي الزيت تاعك لي تفضليه ،،وادهني بيه باش هدوك لي فوغش يرقدو وشدي عليه فولار وارقدي،،الصبحة هديك تلقايهم مكانش ومام تحسيه رطب وناعم ،،بكري كي نديرها يقولولي سشورتي شعرك:s:s:sههههه

واش من شومـpـوان تغسلي بيه شعرك ؟

نغسل بسانسيلك هداك الاصفر وساعات ندير head & choulders لكن سانسيلك خير بالنسبة ليا

اسمك ماجيك وكايم وحد سيغوم اسمو ماجيك اسكو تستعملي لشعرك هاد سيغوم؟

نقولك الصح لالا مانستعملش بالرغم من اني ننوي نشري دي سيغوم وننسى مارسي كي قلتيلي عليه من بعد نحوس عليه يعطيك الصحة

هدا كيستيون بيزاغ اسكو كي كنتي صغيرة درتي قردون ؟

اسمحيلي حبيبتي مي مافهمتش سي كوا قردون ممكن توضحيلي؟؟

ايا طولت عليك
سلااامي

ماطولتي ماوالو زيدي ارجعي مرة اخرة حبوبتي ومارسي على الاسئلة
​

 

[ملكًة الاحسآس]

باسم مشرفات منتدى عالم المرأة
نشكُرُكِ أختي الفاضلة magique

لقبولكِ بالاستضافة
تعرّفنا على شعرِكِ واستفدنا كثيرا
مما قدّمته
يغلق الموضوع
مع ضبفة جديدة للعددالثآمن

​

 

[ملكًة الاحسآس]

تم منح التقييم
​