- إنضم
- 12 أفريل 2009
- المشاركات
- 5,657
- نقاط التفاعل
- 16,998
- النقاط
- 351
بسم الله الرحمان الرحيم
البارح وانا نتفرح في حصة تاع استثمارت صغار ناس تستثمر في اموالها في مشاريع صغيرة ومفيدة في نفس الوقت حبيت نوض ندير موضوع بصح نعست
والصباح جيت نجري باه ما ننساش
كنت حنديرو في ركن النقاش وليت حطيتو هنا باه تهدرو بالعامية وتتفاعلو اكثر
طبعا المجتمع تاعنا طبقات الفقير ولي هو يتبع غير في الخبزة والمتوسط الدخل يا ربي يكفي روحو وعايلتو وكاين الطبقة الغنية كيما نقولو البرجوازي لي عندو دراهم
في منطقتنا كاين هاد الفئة تاع الناس لكن طريقة التفكير تاعهم في الاستثمار محدودة
مثلا يا يبني فيلا فيها 3 طوابق يستعمل طابق ولخرين يخليهم يسكن فيهم الشيطان، علاه قيمة زوج طوابق الفارغة يدير بيها مصنع صغير ويشغل صناع وادراييين
ولا يدير قهوة (مقهى) الواحد ملي ينوض وهو مداير رجل على رجل وقاعد تقول عليها قاعة انتظار
حتى الشباب تاعنا المتخرج يلقى غير لقهاوي يولي يروح يخدم قهواجي على زهرو
او يحل حانوت فيها كيلو سكر وباطة طماطم ويدير كرسي ويعس في الرايح والجاي
علاه ما يحلش سيبيراتمش كبار لكن متوسطة ويوظف فيها مثلا محاسبين واقفين على البيع والشراء يعني ناس قارية وبطالة
والحاجة لخرة يخبيهم في البنك:up: ويجيب الكرني يحطو في جيبو ويقول دوانقي دوانقي هههه
هل الناس هادو تفكيرهم محدود او ما يعرفوش للاستثمار ولا يخافو يريسكيو بدراهمهم
ولا الدماغ فيه غير يا قهوة يا حانوت
اعطيونا ارائكم وتحليلاتكم
حنا برك لي مزال عندناهذا الانغلاق ولا نتوما تاني مزال عندكم
سلام
آخر تعديل بواسطة المشرف:
