الي يسال مارشي الحطاب دورو ..يدخل يبرد قلبو ....

[ام اسحاق]

وش راكم يا حبابي و يا حبيباتي .....خاوتي و خواتاتي ........

يا ربي ديمة حلوين و هايلين ..كيم الورد و الياسمين .....

موضوعي هذا حابة نبرد فيه قلبي في مارشي الحطاب تاع عنابة خاصة ...و المارشيات الكل عامة ............
يا خاوتي و يا خواتاتي ...هاد المارشي جاي في موقع هايل في البلاد في عنابة .....
كيم السونتر كومارسيال و بجانب محطة الحافلات .....
يعني موقعو هايل باش يغريك و يخليك تدخلو ......مام ماشي في راسك انك تقضي
و كوم انا نباتية و نموت على الخضرة ...كل مرة نتكلح و ندخل .....
رغم السرقة الي كثرت فيه و رغم لا بوليس المنتشرين فيه ...
هاذي الكل حكايات عادية ......
الي موشو عادي انو الخضارة مزينين الخضرة و الفواكه .....يا ماما !! تقول عليها لوحات زيتية ...الخضرة تشطح و تعيطلك ...


يا محاينك يا الزوالي ..تدخل و تخرج و السخفة تحرق في قلبك .....
ربي يفرج عليه و علينا .....علاش ؟؟؟؟
خاطر ورا هاداك التزيان كامل كاين الخضرة المبورية و الديسار المضروب و الخامر
حاشاكم .......
كي تقولو اعطيني كيلو من هادي يعطيك بالظهر ...يهز 40ورقة تاع جورنال .باه يكبر الميزان
و يعطيك الي ما تصلحش عندو كامل ....
كي تروح للدار و تشوف وش عطاك ...قول نرمي روحي في لا بوبال لخاطر .....
...غار ارمي ...لكان ماكش مستغني على روحك .....
مرة انا دخلت و لقيت السيد يبيع في البنان و قالك خير وش حبيت ....:s
انا قلت سير هاد السيد جديد في المارشي ....المهم خيرت و اعطيتو يوزن ....
املا كي روحت للدار لقيت البنان الي مديتهولو طبعا اصفر و لى بقدرة قادر اكحل .....
هيا وش رايكم ...شفتو غش اكبر من هك ............
و زيد الجلبانة ..يفرزوها حبة حبة ...المليحة للتزيان و الاخرى للغلبان الي كيفي و كيفكم ....
اللوبيا قريني كيف كيف ...يا التمر و يفرزوه .............
لا اله الا الله ....رغم انو هاد المارشي تحرق شحال من مرة الا انو ربي مازال ما هداهمش ...
ربي يهديهم ..........

​

 

[بنت الـ25]

صحيتي ام اسحاق قلبك او معمر خخخخخخ
ميضوع مميز كعادتك يا مميزة
شوفي اختي كي تكون مظاهر كيما هادي في مارشيات فوضوية والله ما تغيض
بالعكس تلومي روحك اللي مخلية الاسواق النظيفة ورايحة للخماج (حاشاك)
مي اللي حكيتيه حبسلي راسي،، متجيش في بالك سوق نظيفة تبيعلك سلعة خامجة وخاصة الخضرة
ونضلوا نقولو شبيه التسمم الغذائي داير حالا ؟
لمرة لجاية ما تتكلحيش كي يعطيك بالظهر ويبدا يخيرلك قوليلو نخير انا ولاكان محبش متشريش عليه
انا هكدا ندير :d
الحالة الوحيدة لي نتكلح فيها ديما كي نشري القرنون ويبيعهولي بيه بالعسلوج اللي وحدو يوزن كتر من القرنونة
وكي نقولو نحيه يقولي الله غالب هكا نبيعوه،، الوغ نشري زوج كيلو قرنون كيلو ناكلوه وكيلو عسلوج نرميوه
(غير لاكان انتوما فحلات اللمة تفكرونا كاش وصفة بنينة للعسلوج تع القرنون باش منزيدوش نرميوه خخخخخ)

اما سوق حطاب ما نسالو حتى دورو خلي جماعة عنابة يجيو يبردو قلوبهم خخخخخ
​

 

[ام اسحاق]

صحيتي ام اسحاق قلبك او معمر خخخخخخ
ميضوع مميز كعادتك يا مميزة
شوفي اختي كي تكون مظاهر كيما هادي في مارشيات فوضوية والله ما تغيض
بالعكس تلومي روحك اللي مخلية الاسواق النظيفة ورايحة للخماج (حاشاك)
مي اللي حكيتيه حبسلي راسي،، متجيش في بالك سوق نظيفة تبيعلك سلعة خامجة وخاصة الخضرة
ونضلوا نقولو شبيه التسمم الغذائي داير حالا ؟
لمرة لجاية ما تتكلحيش كي يعطيك بالظهر ويبدا يخيرلك قوليلو نخير انا ولاكان محبش متشريش عليه
انا هكدا ندير :d
الحالة الوحيدة لي نتكلح فيها ديما كي نشري القرنون ويبيعهولي بيه بالعسلوج اللي وحدو يوزن كتر من القرنونة
وكي نقولو نحيه يقولي الله غالب هكا نبيعوه،، الوغ نشري زوج كيلو قرنون كيلو ناكلوه وكيلو عسلوج نرميوه
(غير لاكان انتوما فحلات اللمة تفكرونا كاش وصفة بنينة للعسلوج تع القرنون باش منزيدوش نرميوه خخخخخ)

اما سوق حطاب ما نسالو حتى دورو خلي جماعة عنابة يجيو يبردو قلوبهم خخخخخ
​

حبوبتي المينوشة ...توحشتك جبتلك هاذ الموضوع و تاني بش نحي شوي على بالي ...راو راسي تكسر من السياسة ....
استضافوني على الاخر مرضوني ..هههههه:d
راني نمزح و الله كل قسم و النكهة نتاعو ...بصح نكهة قسمك وحدها ..سيرتو كي تزيدي ديري الكاشي و الله غار توحشتو ...:up:
نرجعو للمارشي ...المصيبة انو كوفار و الخضارة فيه بالسجل التجاري ..
ماشي نصبات ....
و المشكلة انو المحلات الي في عنابة الخاصة بالخضلر و الفواكه تشوي و تكوي ...
بصح تشري حاجة نظيفة و غالية خير الف مرة من حاجة رخيصة و خامرة ...
و لا الحل في النصابة ..القليل يعاون القليل و خلاص
اما العسلوج تاع القرنون ضرك نخمملك في وصفة رغم اني كي يعود جديد و طري نقيه كيما الخرشف و نطيبو مع الجلبانة ....
جربيه و رديلي الخبر :up:

صحيتي مينات على الكاشي ...فرحني كيما تفرحي طفل صغير بكعبة حلوى :$
​

 

[SAMIRA25]

يعطيك الصحة على الموضوع
و البنان ارحيه مع الحليب و ديريه ميلك شيك:d و بصحتك ام اسحاق
ربي يستر برك واش راه صاير في البلاد​

الشعب مسكين ما لقاها من حتى بلاصا
واين يروح يتمرمد و مكلخيلو في كل شيء
في الماكلة في الصحة في التعليم ..........
ربي يستر برك​

 

[serinee]

اهلا بك ام اسحاق و يعطيك الصحة على الموضوع
يعني هدا واش رانا نشوفو
انا شخصيا هدوما يخيقوني و منحبش نشري منهم و كي نروح نشري نخير بيديا
حرااااام عليهم و يحليلهم من هدا الغش
​

 

[nanoche]

مرحباا أم اسحاق و كالعادة موضوع باهي كيفك
وعلى البنان اصنعي بيه une tarte راكي فنانة في الكوزينة :d
و المشكل يا الحبيبة ماشي غير في هاداك المارشي والله غير راهو pار تو من المارشي الصغير للكبير و نقولو (التجار بعد الكفار في النار) قواو الغش في الميزان و زادو حتى حبو يرهجونا بالخضرة المذبالة و الفاكهة الفاسدة لازم هوما ما يخسروش حتى ويلا على حساب صحتنا و كي تقله علاش يقلك أنا تاني شريتها هاكدا ادي ولا خلي
ربي يهديهم راهم دخلو دراهمهم في الحرام على بيها عياو يخدمو ما بان عليهم والو
​

 

[ام اسحاق]

يعطيك الصحة على الموضوع
و البنان ارحيه مع الحليب و ديريه ميلك شيك:d و بصحتك ام اسحاق
ربي يستر برك واش راه صاير في البلاد​

الشعب مسكين ما لقاها من حتى بلاصا
واين يروح يتمرمد و مكلخيلو في كل شيء
في الماكلة في الصحة في التعليم ..........
ربي يستر برك​

الله يسلمك يا سمورة ....ها وش ديري ؟؟؟:s
تشري حاجة باه ديري حاجة...يولو يدبرو عليك ....سخفنا على البنان عل الاخر نديروه ملك تشايك ...عمك الخضار هك قال ...:-r

و اله صح الشعب مسكين ما لقاها من حتى بلاصة حتى من خوه الي كيفو ....

ربي يستر سمورة ...وما تحرميناش الزيارة :regards01:
​

 

[ام اسحاق]

اهلا بك ام اسحاق و يعطيك الصحة على الموضوع
يعني هدا واش رانا نشوفو
انا شخصيا هدوما يخيقوني و منحبش نشري منهم و كي نروح نشري نخير بيديا
حرااااام عليهم و يحليلهم من هدا الغش
​

يا سيرينا ..يا الناس الملاح ...في عنابة و في مارشي الحطاب
تحبي تخيري وحدك ؟؟؟؟؟
يا مرا واشبيك ؟؟...ممنوع اللمس ....هو كلش ..اما ظاهرة انك تخيري موجودة خاصة في الغرب و الصحراء ....و دزاير تاني ....اما في عنابة و تبسة وولايات الشرق عموما هو الي يمدلك .....
حراام عليهم صح ....صحيتي على الزيارة :d
​

 

[ام اسحاق]

مرحباا أم اسحاق و كالعادة موضوع باهي كيفك
وعلى البنان اصنعي بيه une tarte راكي فنانة في الكوزينة :d
و المشكل يا الحبيبة ماشي غير في هاداك المارشي والله غير راهو pار تو من المارشي الصغير للكبير و نقولو (التجار بعد الكفار في النار) قواو الغش في الميزان و زادو حتى حبو يرهجونا بالخضرة المذبالة و الفاكهة الفاسدة لازم هوما ما يخسروش حتى ويلا على حساب صحتنا و كي تقله علاش يقلك أنا تاني شريتها هاكدا ادي ولا خلي
ربي يهديهم راهم دخلو دراهمهم في الحرام على بيها عياو يخدمو ما بان عليهم والو
​

اهلا ننوشة .....انت الباهية ...و انت الفنانة .....
كي نعود مديقوتية ارواحي طلعيلي المورال :p....راني نفرح كي نهدر معاك

شفتي على التجار ولى الغش يا لطيف ....في كل حاجة و في كل مكان ...
يحوسو يربحو بالسيف ........
​

 

[AYITO]

سلام عليكم ~~~
صحيتي اختي على الموضوع الهايل وعندك حق يعني هادا الشي صاري في المارشيات كامل ماشي غير في مارشي الحطاب مي عيب عليهم تجي غير في الزوالي المسكين |||
ربي يهدي امة محمد

 

[ام اسحاق]

سلام عليكم ~~~
صحيتي اختي على الموضوع الهايل وعندك حق يعني هادا الشي صاري في المارشيات كامل ماشي غير في مارشي الحطاب مي عيب عليهم تجي غير في الزوالي المسكين |||
ربي يهدي امة محمد

و عليكم السلام ....حنونة ..
راكي تشوفي في الغش عيني عينك
و صح ما تجي غار في الزوالي ......

ربي يهديهم و خلاص ...صحيتي على الزيارة
و عاوديها في مواضيع اخرى :d
​