الزوالـــي مــات بالشـــر والمرفـــه قتلــو المكـــر

[stella.m]

السلام عليكم ورحمة الله تعالى وبركاته

واش راكم يا خاوتي ان شاء الله تكونو كامل ملاح وفي صحة وعافية :-h
اليوم جيت نحكي على وحد الظاهرة راهي منتشرة في بلادنا
وكي تبع شوارع تاع الدزاير تقول والله ما تسعى زوالي في هذا البلاد
حكايتي على الخبز الي نصيبوه مرمي في الشوارع بالقناطير المقنطرة كيما يقولوا
ونفوتوا عليه نورمال وكي ما كاين والو
اصلا اذا كنت حاب ترفد خبزة ولا زوج حاب تبعدهم على الطريق ما تقدرش لانك رايح تكون محاط بكل انواع الخبز :down: وما تعرف من وين تبدا
درك انا حبيت نطرح سؤال
النسا الي يبقالهم الخبز ما تعرفش تخبيه ودير بيه كاش طبخة تكون مليحة
مثلا وحد النهار نتفرج في وحد القناة كانت المرة gاورية طيب
هدرتها انجليزية معناتها لا علاقة لها بالاسلام
طبختها دارتها بالخبز اليابس وقالت نقدروا نستفادوا منو خير ما نرموه :s
انا هنا والله غير متت بالحشمة
آسيدي هذي لا دين لاملة وحافظت على النعمة
كيفاش تجي من قلوبنا حنا المتدينين بدين الحق نرمو الخبز في الشوارع والطرقات
تقلك فلانة : وليدي ما ياكلش ...راجلي ما يحبش
نقولك روحي تشوفي جارتك الزوالية الي عندها 3 ايام ما ذاقتش النعمة
انفعيها بذاك الخبز اتحفيلها السينية الله الله واديهلها وخليها تزهى مع اولادها
ما عندكش جارتك زوالية
شوفي وحدة عندها الحيوانات (اكرمكم الله ) تقدري تمديهلها باش ديرولها شغل علف ونورمال
ما تقولوليش برك الحيوانات راهي ثاني ولات تتقلش وما تحبش الخبز اليابس :-o
انا هذي الظاهرة فشلتني خلاص وكرهت الخرجة برا غير باه ما نشوفش هذو المظاهر
ياك هذي نعمة ربي وغدوة نتحاسبوا عليها
اسمحولي طولت عليكم بصح والله قلبي راهو مزال معمر
سلامو :regards01:
​

 

[بنت الـ25]

نعناعة ومواضيعها المميزة كالعادة
والله كاين مظاهر توجع القلب صح
شكون قال الخبز اليابس معندوش استعمالات اخرى؟
كاين لي يخدمو بيه لا شابليغ
وكاين لي يقصوه ويقليوه ويشربوه بالعسل وياكلوه مع القهوة يتبدل الطعم تعو كومبلاتمو
وساعات كيما ماما ترنخو وتحطو في حافة البالكون ياكلوه الفراخ :d

نعمة ربي مالازمش الانسان يرميها ،، بالعكس انا كانت ماما توجوغ تقولي اللي ياكل الكسرة البايتة يدي الحسنة :d
ومن هداك الوقت للآن ناكل نص نص شوية جديد وشوية صابح وتستمر الحياة

وخير قدوة هو سيدنا محمد خير الأنام
فقد كان صلى الله عليه وسلم يأكل ما يجده من طعام​

 

[stella.m]

نعناعة ومواضيعها المميزة كالعادة
مرسي حبوبي ربي يخليك :$
والله كاين مظاهر توجع القلب صح
شكون قال الخبز اليابس معندوش استعمالات اخرى؟
كاين لي يخدمو بيه لا شابليغ
وكاين لي يقصوه ويقليوه ويشربوه بالعسل وياكلوه مع القهوة يتبدل الطعم تعو كومبلاتمو
وساعات كيما ماما ترنخو وتحطو في حافة البالكون ياكلوه الفراخ :d
وكاين الي ما تعرفش واش ديرلو للاسف ترميه وهذا الي هبلنا
نعمة ربي مالازمش الانسان يرميها ،، بالعكس انا كانت ماما توجوغ تقولي اللي ياكل الكسرة البايتة يدي الحسنة :d ( ربي يخليهالك ونعم الرأي قُبلاتنا ليها :-r)
ومن هداك الوقت للآن ناكل نص نص شوية جديد وشوية صابح وتستمر الحياة
لو كان جا الصابح يقتل لو كان متت عندي شحاااااال :d
وخير قدوة هو سيدنا محمد خير الأنام
فقد كان صلى الله عليه وسلم يأكل ما يجده من طعام
عليه افضل الصلاة وازكى التسليم
​

كاين بزاف نسا ما يعرفوش بلي الخبز اليابس عندو استعمالات
بصح هذا ما يخليلهاش اعذار
المرة الفحلة ثاني لا زم تخدم راسها كي تعود ماتعرفش تبتكر كيما النسا لخرين
يعطيك الصحة مينو
نورتِ :regards01:
​

 

[ماكانش]

لا يؤمن احدكم يبيت شبعان وجاره جوعان او كما قال النبي صلى الله عليه وسلم

 

[مايا الجزائرية]

موضوعك قمة والله كاين بزاف ناس يديرو هذا الشي ولي هو منكر
يخلي جارو ما عندوش ويحرمو من النعمة هاديك ويرميها
يا سبحان الله
ربي يهدينا
تقبلي مروري

 

[فتاة حساسة]

نعيممممممممممممممممممموووو ومواضيك اللي ديمااااا تحفينا بيهم ..ختيوتي ..واش راكي نتمنى تكون بخير ...تواحشتك يا نعيمووو ..

ايه يا ختي والله كاين منها ...حنا الخبز اليابس كاين عندنا فالحوما نتعنا واحد عندو الجاج ..يجي يلمهم كااامل ويدي ياكله الجاج...والله ساعات تاني نديرو العفسا اللي قالت عليها مينو ..تاع العسل ونفطرو بيه ..
ايه نعمة ربي متاساهلش الطاياش ..كاين شي ناس والله طرف خبز ماعندهمش ..والمشكل اي ماجاتش غير فالخبز..عادت الحاجا اللي تفضال طيش لابوبال...ربي يهدينا ويصلح الاحوال..شكرا خيتي على الموضوع ..تقبلي مروي ..ناج
​

 

[Ma$Ter]

عليكم السلام ورحمة الله وبركاته
المشكل هذا راهو منذ الازل وهو موجود فى الجزائر
ربى يهديهم
شكراا على الموضوع اختى
​

 

[hadda0425]

صح نعيمة واحد شبعان يرمي في النعمة واحد ما لقاش طرف خبز ياربي تع 3ايام
بصح قالك الكرش الشبعانة ما تحوسش على الكرش الجيعانة
انا ما نحبش نرمي الحاجة الا للظرورة وما نديرش بزاف يعني ندير قيس ما ناكلو جامي لا نرمي حاجة
وماكلتنا الاكثرية هي الكسرة لانو الكسرة حتى ولو صبحت تتكل
كي نشريو الخبز ويبقى نمدو عندي اختي في الدوار عندها الكلاب اعزكم الله والجاج كي تتعبى القفة يجي رجلها يديها
شكرا على الموضوع
​

 

[وصال]

اختي الكريمة شكرا على الطرح المميز

صح كاين بزاف ماياكلوش الماسي زعمة ، بصح حاجة مدوختني علاش يشرو بالزيادة ويرموه حاش النعمة ، انا صدقيني في دارنا مناكلوش الجديد حتى يخلاص الماسي مرات في الصيف ييبس بصح ماشي حاجة .الله يهدينا وخلاص

 

[أم أمين23]

مشكورة على الطرح
وفعلا الناس ولات تفسد وتقول الله غالب وما تفكرش انها تفيد الي محتاج كأنو ولى التصدق حشمة ربي يهدينا برك

 

[stella.m]

لا يؤمن احدكم يبيت شبعان وجاره جوعان او كما قال النبي صلى الله عليه وسلم

اهلا خويا سفيان
عن أنس بن مالك رضي الله عنه قال: قال رسول الله صلى الله عليه وسلم: "ما آمن بي من بات شبعان وجاره جائع إلى جنبه وهو يعلم به"
ولكن للاسف الشديد ماكانش الي يسمع بهذا الحديث
وربما كاين الي يسمعلو وما يطبقوش
الله يهدي ما خلق
نورت خويا :regards01:
​

 

[stella.m]

موضوعك قمة والله كاين بزاف ناس يديرو هذا الشي ولي هو منكر
يخلي جارو ما عندوش ويحرمو من النعمة هاديك ويرميها
يا سبحان الله
ربي يهدينا
تقبلي مروري

وما علينا غير نقولوا
الله غالب .. الله غالب... ورانا رايحين
الله يهدي ما خلق ان شاء الله
مرورك على راسي ختي مايا
نورتِ:regards01:
​

 

[stella.m]

نعيممممممممممممممممممموووو ومواضيك اللي ديمااااا تحفينا بيهم ..ختيوتي ..واش راكي نتمنى تكون بخير ...تواحشتك يا نعيمووو ..
يا عمري ربي يخليك لكبيدة:$
مام انا توحشتك حبوبتي
ما راكيش تباني بزاف هذو ليامات غير لخير :-r
ايه يا ختي والله كاين منها ...حنا الخبز اليابس كاين عندنا فالحوما نتعنا واحد عندو الجاج ..يجي يلمهم كااامل ويدي ياكله الجاج...والله ساعات تاني نديرو العفسا اللي قالت عليها مينو ..تاع العسل ونفطرو بيه ..
ايه نعمة ربي متاساهلش الطاياش ..كاين شي ناس والله طرف خبز ماعندهمش ..والمشكل اي ماجاتش غير فالخبز..عادت الحاجا اللي تفضال طيش لابوبال...ربي يهدينا ويصلح الاحوال..شكرا خيتي على الموضوع ..تقبلي مروي ..ناج
​

نجول حبيبتي الخبز الحاجة الوحيدة الي وكان تقعد اسبوع كامل ما تفسدش
اما حكاية الحاجة الي تفضال هذيك حدث ولا حرج
والله ديروا بالمليحة كي تمدوا الخبز اليابس لجاركم كيما هاك تربحوا اجر
يعطيكم الصحة وربي يبارك فيكم
مرورك على راسي غلاتي
نورتِ :regards01:
​

 

[stella.m]

عليكم السلام ورحمة الله وبركاته
المشكل هذا راهو منذ الازل وهو موجود فى الجزائر
ربى يهديهم
شكراا على الموضوع اختى
​

اهلا خويا حكيم نورتنا والله
المشكل من الازل واحنا ماراناش نفكروا في الحل
للاسف موجود في الجزائر بطريقة تقشعر لها الابدان
الله يهدي ما خلق
العفو خويا حكيم شكرا على مرورك
:regards01:
​

 

[stella.m]

صح نعيمة واحد شبعان يرمي في النعمة واحد ما لقاش طرف خبز ياربي تع 3ايام
بصح قالك الكرش الشبعانة ما تحوسش على الكرش الجيعانة
انا ما نحبش نرمي الحاجة الا للظرورة وما نديرش بزاف يعني ندير قيس ما ناكلو جامي لا نرمي حاجة
وماكلتنا الاكثرية هي الكسرة لانو الكسرة حتى ولو صبحت تتكل
كي نشريو الخبز ويبقى نمدو عندي اختي في الدوار عندها الكلاب اعزكم الله والجاج كي تتعبى القفة يجي رجلها يديها
شكرا على الموضوع
​

بارك الله فيكم ختي حدة
هي كاين ناس تموت على البذخ وتصيبيها تسرف
كل انواع الطعام على المايدة من بعد الي يفضل
(والي يفضل دائما اكثر من لي ياكلوه)
يرموه وكأن شيء لم يكن وكأنوا الناس الي في البلاد كامل شبعانة
ولا الناس الي في البلاد ما شي مربية حيوانات (اكرمكم الله)
صحيتوا ختي حدة ربي يهنيكم مليحة لو كان جات الناس كامل تفكركيفكم
شكرا على كرم تواجدك
نورتِ حبيتي :regards01:
​

 

[stella.m]

اختي الكريمة شكرا على الطرح المميز

صح كاين بزاف ماياكلوش الماسي زعمة ، بصح حاجة مدوختني علاش يشرو بالزيادة ويرموه حاش النعمة ، انا صدقيني في دارنا مناكلوش الجديد حتى يخلاص الماسي مرات في الصيف ييبس بصح ماشي حاجة .الله يهدينا وخلاص

واحنا في دارنا مانديروش الجديد حتى يكمل الماسي
هذا عندنا قانون واجب التطبيق يما تديرلنا عليه محاضرات
حتى لو كان يابس يما تقولنا كولوه اجباري باي طريقة ياك عندكم السنان:d
صح في الاخير نقولوا الله يهدي ما خلق وتفيق الناس برك
مشكورة على كرم التواجد
نورتِ :regards01:
​

 

[stella.m]

مشكورة على الطرح
وفعلا الناس ولات تفسد وتقول الله غالب وما تفكرش انها تفيد الي محتاج كأنو ولى التصدق حشمة ربي يهدينا برك

اهلين ام امينو (ربي يخليهولك)
يحشموا من التصدق وما يحشموش يرموا النعمة
الله يهدي ما خلق اللسان ما يصيبش الكلام الي يقولوا
الف شكر ليك على تواجدك حبيبتي
نورتِ :regards01:
​

 

[فتاة حساسة]

نجول حبيبتي الخبز الحاجة الوحيدة الي وكان تقعد اسبوع كامل ما تفسدش
اما حكاية الحاجة الي تفضال هذيك حدث ولا حرج
والله ديروا بالمليحة كي تمدوا الخبز اليابس لجاركم كيما هاك تربحوا اجر
يعطيكم الصحة وربي يبارك فيكم
مرورك على راسي غلاتي
نورتِ :regards01:
​

الله يخليك خيتوي والله شويا مريضا قراجمي...بلا مزيا ختيوة
​

 

[nanoche]

عندكي الحق في كل كلمة قلتيها
يرحم باباك والله تمشي في الشوارع دياولنا تبقى حاير النعمة مرمية في كل مكان و اللي تغيض تلقايها في وسط القمامة حاشاكم
لوكان غير يحطوها في كيس مغلوق باحكام بالاك يجي واحد يستحق هاذاك الخبز ياخدو
و ديجا منين الخبز راهو دايما بالزايد علاش فيما تشري 5 تشري 4 و اذا خصك للعشا اعملي حاجة اخرى اللي ما ناكلوهاش بالخبز انا هاكذا ندير و اذا تقدرت و بقالي نحطه في الكونجيلاتور و كي ما يكفيش مرة اخرى للعشا نجبد و نسخن و كاين كيما قالو خواتاتي قبلي أكلات يتخدمو بالخبز الصابح كيما السفيرية أو نوع اخر ما على باليش واسمو ههههه (تبهديلة) مي علماتهولي جداتي يجي كوراة يتفورو و يتاكلو مع اي نوع من انواع الحساء أو نقليه كيما قالت اختي مينات و نعسلو
أنا نحكي على دارنا jamais يترمى الخبز عندنا ديما نعملو بيه حاجة
ونختم بقوله تعالى : (يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ) .
اسمحولي طولت و تقبلي مروري حبيبتي
​

 

[stella.m]

عندكي الحق في كل كلمة قلتيها
يرحم باباك والله تمشي في الشوارع دياولنا تبقى حاير النعمة مرمية في كل مكان و اللي تغيض تلقايها في وسط القمامة حاشاكم
لوكان غير يحطوها في كيس مغلوق باحكام بالاك يجي واحد يستحق هاذاك الخبز ياخدو
و ديجا منين الخبز راهو دايما بالزايد علاش فيما تشري 5 تشري 4 و اذا خصك للعشا اعملي حاجة اخرى اللي ما ناكلوهاش بالخبز انا هاكذا ندير و اذا تقدرت و بقالي نحطه في الكونجيلاتور و كي ما يكفيش مرة اخرى للعشا نجبد و نسخن و كاين كيما قالو خواتاتي قبلي أكلات يتخدمو بالخبز الصابح كيما السفيرية أو نوع اخر ما على باليش واسمو ههههه (تبهديلة) مي علماتهولي جداتي يجي كوراة يتفورو و يتاكلو مع اي نوع من انواع الحساء أو نقليه كيما قالت اختي مينات و نعسلو
أنا نحكي على دارنا jamais يترمى الخبز عندنا ديما نعملو بيه حاجة
ونختم بقوله تعالى : (يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ) .
اسمحولي طولت و تقبلي مروري حبيبتي
​

(سبحان من قال)
بارك الله فيك ختي
على مرورك الرائع يعني نقولوا ربي يهدي هذو الناس الي تسرف
ويعطيكم الصحة ربي يحفظكم ويكثر من امثالكم
نورتِ غلاتو :regards01:
​