سلسلة عوايد و فوايد'الخطوبة'

[serinee]

السلام عليكم ناس اللمة
مساء الانوار و صباح الفلات
نتمنى تكونو بخير
ايا جيت اليوم نشارك في سلسلة عوايد و فوايد و نحب نشكر صاحبة الفكرة فعلا فكرة رائعة و موضوعي راح يكون عن الخطبة و هدي قصة حظرتها
اليكم القصة
كانت هناك فتاة عمرها 25 سنة تخطبت و شرطت و ممبعد تقدم لخطبتها ابن عمها قبلت بيه دارو الفيونساي و الفاتحة ولاو يحكو في التيليفون هداك الوقت كان الفيكس ايا المهم لسبب تافه قررت البنت تنفصل واصبح هو يحلل و امو تحلل و تقوللهم وعلاش يا بنتي متخشنيش راسك المهم هي اصرت على كلامها و انفصلو
مرت السنوات هو تزوج و هي قعدت تستنى في مكتوبها و لا واحد طرق الباب
لحقت 30 مكانش 35 مكانش
لحقت 37 جا خطبها واحد كان في ليبيا و هبط للجزائر مرة يخدم مرة لالا قبلت بيه و قالت معليش هدا و لا مكانش دارها الخاتم
مرت فترة جا سيد ميعرفش بلي هدي الانسانة مخطوبة حاب يتقدم لخطبتها حكى مع امها و قاللها انا عجبتني بنتك و ناوي الحلال
الفتاة بدات تقارن هداك مش خدام هدا خدام هدا فيه هكا و هكا المهم تمت المقارنة ووصلت لنتيجة هداك مترجعلوش خاتمو حتى تشوف مع السيد 2
جا للدار السيد الثاني و عجبها و قالت اي و زغلتو بعد ما كانو زغرتو من قبل بشيء 20 يوم
و قعدت شدا الاثنين كي ظمنت الثاني طلقت الاول و رجعتلو قشو و قالتلو متناسبنيش
مرت الايام و هي مع هدا الشاب الثاني و طلب منها يعقدوا
كي راحوا يعقدو طبعا علابالكم كاينين تحاليل
هي لقاوها سليمة و هو لقاو عندو بوصفاير بعيد الشر عندكم المعدي
و منعوا عليهم الزواج و ما يعقدوش الا في حالة واحدة ادا شفي منه او يعيش بدوا مع العلم انو ميعديش زوجتو
المهم لكم الخط و ما هي العبرة لي المستنتجة من هاته القصة!

 

[بنت الـ25]

سيرين يا سيرين
نشكرك على مشاركتك لنا لهاد القصة
والله تقشعر لها الأبدان
توضع هما: https://www.4algeria.com/forum/t/369065/

والله مش ملبح الإنسان يتكبر، الطفلة يلزم تحط رجليها فاللرض يزيها مالطيرة
تحسب روحها لونجة بنت السلطان تتكبر على الرجال؟
لونجة وما تتكبرش كون جات في وقتنا هدا خخخخخخ
يا ستي ما قلناش تقبل بأول واحد يتقدملها مي كي يخطبها انسان تتوفر فيه المواصفات المعقولة
المتعارف عليها في ديننا مكلاه تبدا تدلل تجي فيها وخلاص
هي من جيهة بالاك عندها شخصية متزعزعة معلابالهاش وش راهي حابة
وماهيش مستقرة على راي ومعندهاش قناعات فاللخر طفرت فيها وضيعت احلى سنين عمرها
الراجل يطول ولا يقصر يتزوج يتزوج وهي اللي قعدت ترنخت في دار باباها
وزيد كبرت ووصلت 37 سنة وما اتعضتش باقية تخير وهنا ربي كان منتقم
الرسول عليه الصلاة والسلام قال: لا يخطب أحدكم على خطبة اخيه
وانا هنا منلومش الراجل الثاني لي جى يخطب خاطر معلابالوش نلومها هي اللي حاطة الرجال في ميزان وتخير
هربت مالفقر طاحت فالمرض
خليها تقلع شوكها بيديها

انا هنا حللت القصة، العبرة ان شاء الله نحددها ونخليها لمداخلة أخرى
​

 

[serinee]

نعتمد الموضوع ولي عودة اكيدة

و انا في انتظار عودتك:regards01:
​

 

[serinee]

سيرين يا سيرين
نشكرك على مشاركتك لنا لهاد القصة
والله تقشعر لها الأبدان
توضع هما: https://www.4algeria.com/forum/t/369065/

والله مش ملبح الإنسان يتكبر، الطفلة يلزم تحط رجليها فاللرض يزيها مالطيرة
تحسب روحها لونجة بنت السلطان تتكبر على الرجال؟
لونجة وما تتكبرش كون جات في وقتنا هدا خخخخخخ
يا ستي ما قلناش تقبل بأول واحد يتقدملها مي كي يخطبها انسان تتوفر فيه المواصفات المعقولة
المتعارف عليها في ديننا مكلاه تبدا تدلل تجي فيها وخلاص
هي من جيهة بالاك عندها شخصية متزعزعة معلابالهاش وش راهي حابة
وماهيش مستقرة على راي ومعندهاش قناعات فاللخر طفرت فيها وضيعت احلى سنين عمرها
الراجل يطول ولا يقصر يتزوج يتزوج وهي اللي قعدت ترنخت في دار باباها
وزيد كبرت ووصلت 37 سنة وما اتعضتش باقية تخير وهنا ربي كان منتقم
الرسول عليه الصلاة والسلام قال: لا يخطب أحدكم على خطبة اخيه
وانا هنا منلومش الراجل الثاني لي جى يخطب خاطر معلابالوش نلومها هي اللي حاطة الرجال في ميزان وتخير
هربت مالفقر طاحت فالمرض
خليها تقلع شوكها بيديها

انا هنا حللت القصة، العبرة ان شاء الله نحددها ونخليها لمداخلة أخرى
​

اهلا بك غاليتي و شكرا لكي لهاته الفكرة الرائعة
اي صح قصة تقشعر لها الابدان
الزواج اختي انا نظن مافيهش تكبر فيه اقتناع و تحمل المسؤولية
و انا ضخصيا نصحتها
هاته الحياة كلها امتحانات
شكرا لتحليلك في انتظار العبرة
​

 

[أمــ وليــد الجزائرية]

تستاهل واش صرالها

في هذي الدنيا لازم نتعلمو حاجة

لازم نستقنعو بلي عطانا ربي

و نرضاو بالمكتوب

يعطيك الصحة اختي على القصة الرائعة
​

 

[serinee]

تستاهل واش صرالها

في هذي الدنيا لازم نتعلمو حاجة

لازم نستقنعو بلي عطانا ربي

و نرضاو بالمكتوب

يعطيك الصحة اختي على القصة الرائعة
​

اهلا اهلا بملينا اسعدني وجودك
اي شفتي اي هدي الدنيا مدرسة و كيما يقولو القناعة كنز لا يفنى
الله يسلمك و ربي ينورك يا غاليتي

 

[hadda0425]

وش نقولك صح الزواج قسمة ونصيب لكن هاد الطفلة مخلاتش نصيبها يحبس كل مرة تنقر لواحد الدليل انو ما عندهاش ثقة في نفسها وفاقدة للامان الداخلي عندها وواحد لا عبالها عينها وحسبتهم كامل نا قصين وتكبرت على نعمة ربي سبحانو ولكنه يمهل ولا يهمل وبلاها هو تاني كانت هي لي تتكبر ولو الناس هما لي حيتكبرو عليها
ربي يهديها ويرزقها
شكرا سرينة على القصة ربي يسترك ويرزقك بولد الحلال
​

 

[־●ـ‗غمــــوض ــالــورد_ـ●־]

اهلا بيـــــــــــك حنونة صحيتي عالموضوع الباهي
راكي تشوفي زيماه الناس ولات تفكر، والله مايصلح وحدة ادير كيماهك تجيبها غير في روحها
لوحدة ملزمش تتكبر على كلش في اي وقت واي حاجة ، لازم الطفلة تكون شوية متفهمة وراضية ومش متكبرة هكا كامل،
صح مش ترضى بأي حاجة تجيها مي لازم تشوف لحوالها ،دركا هدي وش بقالها باش تخير وتتشرط وادير فليبيتيز هادوا
لوحدة فلاج هدا ملزمهاش تبقى تخير مستحيل يجيها مالاك لازم كي تلقى واحد يتوفروا فيه حوايج معقولة ترضى باسكوا مستحيل يكون واحد كامل ايدا حطت في بالها يجيها ملاك غير تهني روحها....هاي درتها بروحها وش ربحت درك كان اوموا جات صغيرة والله ضيعت احلى عمرها باطل ، الراجل مفيهش لعيب ايدا طول متزوج في اي وقت باغي يتزوج يتزوج ، مي لمرا كلش تاعها بالوقت لمرا لازمها تكون واعية فالامور هدوما متتصرفش بلاعقل تمشي وخلاه ومبعد تقولك ياحسراااااااااه لوكان ولوكان مي لوكان تاعها مش راح تنفعها مبعد كي تلقى روحها تحبست في دارهم....لازم وحدة تقتانع بلي عطالها ربي وادير النية باش ربي يكمللها ، وادير حاجة في بالها بلي ربي كي يبغيلها تتهنى مع رجلها تتهنى مام كان فقير ومعندوش وش راها تبغي هي وكي ميبغيش تكماللها وتتهنى والله كان يجيها لي تحلم بيه مشها راح تكون متهنية.....
انشاءالله يعجبك الرد،حسيتوا ناقص لمرا هادي محكيتش بزاف كيما موالفة نحكي راني تعبت ههههههههه
تقبلي مروري http://dc02.**********/i/00315/vo97tfk1l4ty.gif

​

 

[stella.m]

تشوكيت من القصة يا محاينك
كل واحد واش يكتبلو ربي لازم يرضى بيه ولو انو كي نتعمقوا في القصة
نصيبوا بلي الطفلة اصلا مكتوبها تعيش مع هذا الراجل المريض
درك الواحد واش يتعلم
التكبر حاجة ماشي مليحة والقناعة كنز لايفنى
لازم الواحد منا يكون قانع بلي كتبلو باه يعيش مليح
يعطيك الصحة على الموضوع
:regards01:
​

 

[وصال]

شكرا جزيلا على القصة

العبر المستفادة :
1- القناعة كنز لا يفنى : على الانسان ان يقتنع ويرضى بما اعطاه الله .
2- الجزاء من جنس العمل : ربي يخلص على كل شئ ، هي دارت خطبتين والمعلوم انه لا يجوز عند الله ، هي تلاعبت بمشاعر الاول بلا اسباب فجزاها الله بشر ما فعلت .
3- خير واختار تطيح في الشماته والعار
النتيجة :
لاتظلمن اذا ماكنت مقتدرا ************فالظلم ترجع عقباه الى الندم
تنام عيناك والمظلوم منتبه ***********يدعو عليك وعين الله لا تنم


شكرا جزيلا

 

[أم أمين23]

من السنة ان لا يخطب الواحد واحدة وهي مخطوبة وهي لالا ضربت السنة عرض الحائط والله طبعا يمهل ولا يهمل
زيد الي يظلم الناس يجي نهار ويتظلم حتى الا ما فاقوش بيها الناس كاين ربي يشوف
وديما اغلب المتشرطات بالزواج يبقاو بلا زواج لخاطر ما يديروش ربي في قلوبهم

 

[أم راضية ~_]

السلام عليكم
"الي يتشرط بزااف ما يعيا يجي مكبوب "
و"الي يبدل لحية بلحية يشتاقهم في زوج"
والواحد ما لازمش يتكبر و مهما كان لازم نقدمو الدين على كلش
ان شاء الله نتعضو من هاد الحكاية
شكرااا​

 

[serinee]

وش نقولك صح الزواج قسمة ونصيب لكن هاد الطفلة مخلاتش نصيبها يحبس كل مرة تنقر لواحد الدليل انو ما عندهاش ثقة في نفسها وفاقدة للامان الداخلي عندها وواحد لا عبالها عينها وحسبتهم كامل نا قصين وتكبرت على نعمة ربي سبحانو ولكنه يمهل ولا يهمل وبلاها هو تاني كانت هي لي تتكبر ولو الناس هما لي حيتكبرو عليها
ربي يهديها ويرزقها
شكرا سرينة على القصة ربي يسترك ويرزقك بولد الحلال
​

أهلا بطاطاتي الحلوة ربي ينورك
اي صح الزواج قسمة و نصيب لكن الانسان لازم يكون قنووووع
و يكون مؤمن و متقي لان الله يمهل و لا يهمل كيما قلتي طاطاتي
امين يا رب و ربي يسترك و يحفظلك زليداتك
العفو طاطا حدة اللهم امين ركزيلي على هدي الدعوة
منورت دائما :regards01:
​

 

[serinee]

اهلا بيـــــــــــك حنونة صحيتي عالموضوع الباهي
راكي تشوفي زيماه الناس ولات تفكر، والله مايصلح وحدة ادير كيماهك تجيبها غير في روحها
لوحدة ملزمش تتكبر على كلش في اي وقت واي حاجة ، لازم الطفلة تكون شوية متفهمة وراضية ومش متكبرة هكا كامل،
صح مش ترضى بأي حاجة تجيها مي لازم تشوف لحوالها ،دركا هدي وش بقالها باش تخير وتتشرط وادير فليبيتيز هادوا
لوحدة فلاج هدا ملزمهاش تبقى تخير مستحيل يجيها مالاك لازم كي تلقى واحد يتوفروا فيه حوايج معقولة ترضى باسكوا مستحيل يكون واحد كامل ايدا حطت في بالها يجيها ملاك غير تهني روحها....هاي درتها بروحها وش ربحت درك كان اوموا جات صغيرة والله ضيعت احلى عمرها باطل ، الراجل مفيهش لعيب ايدا طول متزوج في اي وقت باغي يتزوج يتزوج ، مي لمرا كلش تاعها بالوقت لمرا لازمها تكون واعية فالامور هدوما متتصرفش بلاعقل تمشي وخلاه ومبعد تقولك ياحسراااااااااه لوكان ولوكان مي لوكان تاعها مش راح تنفعها مبعد كي تلقى روحها تحبست في دارهم....لازم وحدة تقتانع بلي عطالها ربي وادير النية باش ربي يكمللها ، وادير حاجة في بالها بلي ربي كي يبغيلها تتهنى مع رجلها تتهنى مام كان فقير ومعندوش وش راها تبغي هي وكي ميبغيش تكماللها وتتهنى والله كان يجيها لي تحلم بيه مشها راح تكون متهنية.....
انشاءالله يعجبك الرد،حسيتوا ناقص لمرا هادي محكيتش بزاف كيما موالفة نحكي راني تعبت ههههههههه
تقبلي مروري http://dc02.**********/i/00315/vo97tfk1l4ty.gif

و بيك 100000000 اهلا يا حلوة
ربي يبارك فيك يا الباهية
صح الواحدة مازامش تتكبر
صح حبيبتي كلامك كلو صح و هدا المنطق و الواقع واش راهو يقول
طبعا اعجججبني جدا ردك ووجودك
ربي يسترك ان شاء الله:regards01:
​

 

[serinee]

تشوكيت من القصة يا محاينك
كل واحد واش يكتبلو ربي لازم يرضى بيه ولو انو كي نتعمقوا في القصة
نصيبوا بلي الطفلة اصلا مكتوبها تعيش مع هذا الراجل المريض
درك الواحد واش يتعلم
التكبر حاجة ماشي مليحة والقناعة كنز لايفنى
لازم الواحد منا يكون قانع بلي كتبلو باه يعيش مليح
يعطيك الصحة على الموضوع
:regards01:
​

اهلا بك نعومة
اختي متتشوكايش لكان نحكو كل قضايا المجتمع تولي عندك صدمو نفسية بعيد الشر
صح الانسان يروح يروح و ما يدي غير مكتوبو و لكن ثاني ميتكبرش او ينظر للناس على اساس المادة واش عندك وواش معندكش
كيما نقولو حنا الكرش الكبيرة تتقطع
الله يسلمك يا الحلوة:regards01:

 

[serinee]

شكرا جزيلا على القصة

العبر المستفادة :
1- القناعة كنز لا يفنى : على الانسان ان يقتنع ويرضى بما اعطاه الله .
2- الجزاء من جنس العمل : ربي يخلص على كل شئ ، هي دارت خطبتين والمعلوم انه لا يجوز عند الله ، هي تلاعبت بمشاعر الاول بلا اسباب فجزاها الله بشر ما فعلت .
3- خير واختار تطيح في الشماته والعار
النتيجة :
لاتظلمن اذا ماكنت مقتدرا ************فالظلم ترجع عقباه الى الندم
تنام عيناك والمظلوم منتبه ***********يدعو عليك وعين الله لا تنم


شكرا جزيلا

العفو اختي وصال
اسعدني كلامك
صح هده هي العبر المستنتجة
و شكرا لكي للبيت الشعري
اتمنى ربي يهدينا
نورتي موضوعي شكرا لكي:regards01:
​

 

[serinee]

من السنة ان لا يخطب الواحد واحدة وهي مخطوبة وهي لالا ضربت السنة عرض الحائط والله طبعا يمهل ولا يهمل
زيد الي يظلم الناس يجي نهار ويتظلم حتى الا ما فاقوش بيها الناس كاين ربي يشوف
وديما اغلب المتشرطات بالزواج يبقاو بلا زواج لخاطر ما يديروش ربي في قلوبهم

أهلا بكي عزيزتي ام امين
صح هي كانت مخطوبة و لا يجوز في ديننا انو اخ يخطب على خطبت اخيه
اي شفتي و الله الوقت صعيب لي وصلنا ليه اصبح نفسي نفسي
الناس يعرفوا مي معندهم ما يديرو يا ويلها غدوة قدام ربي
ربي يهدينا
اسعدني مرورك يا غالية:regards01:
​

 

[serinee]

السلام عليكم
"الي يتشرط بزااف ما يعيا يجي مكبوب "
و"الي يبدل لحية بلحية يشتاقهم في زوج"
والواحد ما لازمش يتكبر و مهما كان لازم نقدمو الدين على كلش
ان شاء الله نتعضو من هاد الحكاية
شكرااا​

و عليكم السلام و الرحمة غاليتي
اي شفتي
و اتمنى انو هدي القصة تكون عبرة لكل البنات قبل ما تكون قصة
ربي ينورك و يحفظك:regards01:
​

 

[nanoche]

ربي يحفظك موضوع شباب
انا نقول كيما قال الرسول عليه الصلاة و السلام : "اللهم قنعني بما رزقتني، وبارك لي فيه، واخلف على كل غائبة لي بخير"
وناس زمان يقولو : اللي ما رضى بالحمٌَة يرضى بالموت
مكانش كيما الواحد اللي يرضى بالقليل و ما تدري كيفاش ربي راح يفتح عليه
بالاك مع اللول ما تفاهمتش معاه و هي ادرى بواش كاين بصح التاني ماشي حق عليها و ما لازمش اصلا تقارن بين هذا و هذاك كل واحد وواش اعطاه ربي و اكيد اذا كان ماشي خدام فيه ميزة اخرى تغطي هاذ العيب و كاين بزاف اللي تزوجو بالراجل وهو خدام وبين يوم وليلة صراله مشكل رجع بطال و العكس فيه منهن اللي تزوجت بواحد ماشي خدام و كانت وجه الخير عليه و رجع خدام و لاباس عليه
ونختم بقول الإمام الشافعي رحمه الله:
رأيت القناعة رأس الغنى فصرتُ بأذيالها مُمتسكْ
فلا ذا يراني على بابه ولا ذا يراني به منهمكْ
فصرتُ غنيًّا بلا درهم أمرٌ على الناس شبه الملكْ
​

 

[serinee]

ربي يحفظك موضوع شباب
انا نقول كيما قال الرسول عليه الصلاة و السلام : "اللهم قنعني بما رزقتني، وبارك لي فيه، واخلف على كل غائبة لي بخير"
وناس زمان يقولو : اللي ما رضى بالحمٌَة يرضى بالموت
مكانش كيما الواحد اللي يرضى بالقليل و ما تدري كيفاش ربي راح يفتح عليه
بالاك مع اللول ما تفاهمتش معاه و هي ادرى بواش كاين بصح التاني ماشي حق عليها و ما لازمش اصلا تقارن بين هذا و هذاك كل واحد وواش اعطاه ربي و اكيد اذا كان ماشي خدام فيه ميزة اخرى تغطي هاذ العيب و كاين بزاف اللي تزوجو بالراجل وهو خدام وبين يوم وليلة صراله مشكل رجع بطال و العكس فيه منهن اللي تزوجت بواحد ماشي خدام و كانت وجه الخير عليه و رجع خدام و لاباس عليه
ونختم بقول الإمام الشافعي رحمه الله:
رأيت القناعة رأس الغنى فصرتُ بأذيالها مُمتسكْ
فلا ذا يراني على بابه ولا ذا يراني به منهمكْ
فصرتُ غنيًّا بلا درهم أمرٌ على الناس شبه الملكْ
​

و يحفظك ان شاء الله اختي الغالية
صدق قول رسول الله عليه الصلاة و السلام
اللهم امين اختي
اي شفتي مش الصح دركا الصح حياتك كيفاش راح تكون ممبعد
الدنيا دوارة
ربي يبارك فيك
و ينورك طريقك اسعدني مرورك:regards01:
​