مايخدمش و عنده شهرية.....في بالكم كاينة منها؟؟؟

[nanoche]

​

واش راكم يا ناس الخير يا ربي ديما ملاح و ديما ملمومين
​

وربي يخليلنا هاذ اللمة اللي فيها نفاجيو على قلوبنا

اليوم كي العادة لما يتعمر قلبي نحب نفرغو عندكم

حبيت نحكي اليوم على واحد الظاهرة اليوم صادفتني في الخدمة
من خلال تجوالي بين مختلف المصالح قصد المراقبة على الأوضاع وباش نعرف النقائص اللي راهي موجودة في كل مصلحة وطبعا اذا الظروف راهي مواتية للخدمة ام لا و خصوصا انو رانا داخلين على فصل الصيف و لازم يكون كل مكتب مزود بكليماتيزور وفيهم اللي محتاجين صيانة
لاحظت أن المكاتب كانت شبه فارغة و اللي نسقسي وين راهو يقولولي راهو غير هنا و أغلبهم خرجو للقهوة

تقولشي محاوزين من ديورهم و ماستقهواوش هادي واحدة
التانية ...أنا الإحصاء اللي كان عندي يفوق عدد العمال الموجودين
طلبت من مدير الإدارة باش يجيبلي قائمة بكل العمال الموجودين دايمين او مؤقتين و بديت ندور بالقائمة و بالاسماء على كل المصالح اللي في المؤسسة
وهنا كانت المفاجاة......وحبيت نعييييط

أغلب و نقول أغلب اللي كانو على القائمة خصوصا منهم العاملين في اطار عقود ما قبل التشغيل عمرهم ما التحقو بالعمل و كانو يخلصو نووورمال
راسي تزَيرْ

كيفاش كاين شي ناس راهم يبكيو عليها و ما صحتلهمش و كاين اللي راهم راقدين و الخلصة تدخلهم بلا أي تعب
و الله لا حرااام لوقتاش تبقى الادارة عندنا مزوقة من برا وواش حالها من الداخل؟؟؟

علاش كاين ناس تتحاسب على الكبيرة و الصغيرة وناس ما تعرفش باب الادارة و الشهرية تدخلها ؟؟؟

علاش كاين ناس تدخل باش تبان قدام المسؤول اومبعد الهدة لْبَرا يقضيو في شغالاتهم و اكترهم دارو entreprise بأسماء زوجاتهم و راهم يعملو فيهم و يجريو مع les projets و مكانش اللي جايبلهم خبر و العامل المحقور اذا تأخر 10 دقايق يتحاسب و ينحط على راسه استفسار ؟؟؟؟
بالاك تقولولي الشهرية ما تكفيش!!!!

انا نقول اللي الشهرية ما كفاتوش يديميسيوني و يخلي فرصة للجامعيين اللي راهم مساكين شادين الحيوط و يجري مع pروجياتو كيما يحب
واش رايكم في هاذ الناس؟؟؟ انا في بالي راهم ياكلو في الحرام و اكيد يجيهم يوم يخلصو فيه الغايسة و الدايسة لأنهم ماشي تاعبين على هاذوك الدراهم وكاين اللي يستهلهم اكتر
و انتوما واش تقولو عليهم؟؟؟؟
راني مستنية ردودكم تهلاااو في رواحكم

​

 

[بنت الـ25]

السلام عليكم نانوشة
ما شاء الله راكي منورة المنتدى بمواضيعك
علابالك بلي هادا خامس موضوع ينال الختم وبالتالي تتحصلي معانا على وسام الكاتب المميز :up:
تستاهليه والله

نرجعو لموضوعنا اللي انتشر في بلادنا كانتشار النار فالهشيم
خاصة فالآونة اللخرة وين الدولة مدت لي كونطرا تع لانام هادو بلا حساب
تلقاي ايكول يخدمو فيه 30 مراقب ،، والمشكل يخدمو خدمة تع زوج عباد
مرة تلاقيت أستاذ كنت نقرا عندو فالليسي دوكا ولى مدير تع متوسطة
قالي متجيش بنيتي تخدمي عدنا نحتاجو ناس قافزين خخخ
قتلو ياخي عندكم بزااااف،
قالي ايماجيني يخدمو 118 مراقب بعتوهملي ومقدرتش نرفضهم
قالي تالمو غاشي كبير كتر على التلاميذ خخخخ قتلهم ديرو بوقرام كل يوم تخدم كوطا
ايا كل واحد طارلو يخدم نص نهار فالسمانة
هادي دولة هادي؟
همدا تقضي على البطالة؟
ياو ديريلهم قروض على روحهم بلا فائدة خليهم يديرو بروجي وينتجو علاه تديبانيهم بزوج دورو وكي تخلاص الكوطرا يلقى روحو برا لا مستقبل لا هم يحزنون؟

لقاوها خابزة ختي نانوش
مي هداك نهار سمعت فتاوى فالاداعة تع سيرتا:
قالهم حراااام تخلصو بلا ما تخدمو؟
حللو دراهمكم

وربي يهديهم
​

 

[amin.select]

كل شي ممكن عندنا

كي شفت موضوعك تفكرت واحد الوزير مسجل بناتو بين زوج موضفين في الوزارة ويخلصوا شهرية رئيس مصلحة وزارية

وهما ما يعرفوش حتى وين مقر الوزارة
​

 

[ماكانش]

أهلا بيك نانوش
يعطيك الصحة على موضوعك الزين
والله انا مع الناس ألي كونتر الدولة والجزاير
قرا 4 سنين وشوما عامين من بعد يخدموه يوم كامل باه يمدولو يومين
انا معاه ما يحضرش للخدمة ويخلص لاخاطر حقو وحقوقو
وجهة راي علابالي غريبة ولكن ..
​

 

[مايا الجزائرية]

وي كيما قلتي
رجعنا نشوفو هادي الظاهرة بزاف
واش تحبي اختي ربي يهديهم

 

[فتاة حساسة]

ياو اختي نتي ماعلابالكش...كي قوتلكم بلادكم هادي ربي يجيب ..ياو ربي يجيب نتاع الصح..

والله عيب ..مايخدمش ويشلك...داها بالحرام...ربي يهدينا يا ربي..شكرا نانوش على الموضوع ..تقبي مروري ..ناج
​

 

[nanoche]

اعتمدت الموضوع ننوش
وهاد الظاهرة كاينة بارتو
نرجع نحكيلك ختي
ونحطلك الكاشي
​

شكرا حبيبتي على اعتماد الموضوع و راني نستنى في رجوعك هههههه
​

 

[nanoche]

كل شي ممكن عندنا

كي شفت موضوعك تفكرت واحد الوزير مسجل بناتو بين زوج موضفين في الوزارة ويخلصوا شهرية رئيس مصلحة وزارية

وهما ما يعرفوش حتى وين مقر الوزارة
​

وي كاينة منها حتى انا نعرف منهم بززاف و يقلك بلادنا في طريق الاصلاح
ياااو فاقو
و الله يا بلادنا ما تتصلح حتى نفناو
وديجا شكون يحاسب شكون
:-o
يبقى السؤال مطروح
​

 

[nanoche]

أهلا بيك نانوش
يعطيك الصحة على موضوعك الزين
والله انا مع الناس ألي كونتر الدولة والجزاير
قرا 4 سنين وشوما عامين من بعد يخدموه يوم كامل باه يمدولو يومين
انا معاه ما يحضرش للخدمة ويخلص لاخاطر حقو وحقوقو
وجهة راي علابالي غريبة ولكن ..
​

واش من حق يا خويا كاين ناس اللي عندهم 4 سنين مازال ما صحتلهمش الخدمة حتى في اطار تشغيل الشباب
وديجا اصلا هاذوك الدراهم اللي يديهم بدون استحقاق داخلين في الحرام لأنو ماشي تاعبين عليهم
واذا بقينا نفكرو هاذ التفكير ان الشخص اللي قرا و ما خدمش تم تم عنده الحق في الخلصة بلا خدمة ايمالا الكل نقعدو في الدار و بناقص الخدمة و همومها
​

 

[nanoche]

وي كيما قلتي
رجعنا نشوفو هادي الظاهرة بزاف
واش تحبي اختي ربي يهديهم

ان شاء الله اختي و شكرا على المرور
​

 

[nanoche]

ياو اختي نتي ماعلابالكش...كي قوتلكم بلادكم هادي ربي يجيب ..ياو ربي يجيب نتاع الصح..

والله عيب ..مايخدمش ويشلك...داها بالحرام...ربي يهدينا يا ربي..شكرا نانوش على الموضوع ..تقبي مروري ..ناج
​

والله عندك الصح ... بلادنا ربي يجيب
نورتي موضوعي بمرورك
​

 

[nanoche]

السلام عليكم نانوشة
ما شاء الله راكي منورة المنتدى بمواضيعك
علابالك بلي هادا خامس موضوع ينال الختم وبالتالي تتحصلي معانا على وسام الكاتب المميز :up:
تستاهليه والله

نرجعو لموضوعنا اللي انتشر في بلادنا كانتشار النار فالهشيم
خاصة فالآونة اللخرة وين الدولة مدت لي كونطرا تع لانام هادو بلا حساب
تلقاي ايكول يخدمو فيه 30 مراقب ،، والمشكل يخدمو خدمة تع زوج عباد
مرة تلاقيت أستاذ كنت نقرا عندو فالليسي دوكا ولى مدير تع متوسطة
قالي متجيش بنيتي تخدمي عدنا نحتاجو ناس قافزين خخخ
قتلو ياخي عندكم بزااااف،
قالي ايماجيني يخدمو 118 مراقب بعتوهملي ومقدرتش نرفضهم
قالي تالمو غاشي كبير كتر على التلاميذ خخخخ قتلهم ديرو بوقرام كل يوم تخدم كوطا
ايا كل واحد طارلو يخدم نص نهار فالسمانة
هادي دولة هادي؟
همدا تقضي على البطالة؟
ياو ديريلهم قروض على روحهم بلا فائدة خليهم يديرو بروجي وينتجو علاه تديبانيهم بزوج دورو وكي تخلاص الكوطرا يلقى روحو برا لا مستقبل لا هم يحزنون؟

لقاوها خابزة ختي نانوش
مي هداك نهار سمعت فتاوى فالاداعة تع سيرتا:
قالهم حراااام تخلصو بلا ما تخدمو؟
حللو دراهمكم

وربي يهديهم
​

يا يمااا على الكاشي راسي راهو يوجع ناخذو في بلاصة الاسبيرين ههههههههههههه

مرسي حبيبتي ربي يخليك
و شكرا على الوسام يا الحبيبة

وراكي تشوفي واش راهو صاري في بلادنا كي يلقاو les jeunes ناضو يلهيوهم بعظمة يكدوها و هاذا هو المشكل
و اكييد هادوك الدراهم حرام لأنهم ماشي تاعبين عليهم
والله كاين ناس راهم رايحين جايين للانام غير على جال هاذيك الكونطرا اللي راها تبان لبعض الناس ماهي والو وكي تجي تشوفي اللي محتاج مليون و نص يغلق بيها باب يعني ماشي حاجة طايحة و شكون اللي راقد و تطيح عليه الدراهم من السما
ربي يصلح أحوال بلادنا ... بلادنا بلاد الخير و الخير ديالنا ينعم بيه الغير
​

 

[SOFIANE020]

عندك الصح ختي هدي هية بلادنا.....ناس عايشة وناس طايشة
ارهاب الادارة هكدا نحب نسميه
وين في الخارج الاوراق الادارية يطلبها بار انترنت
احنا لازم تضيع نهار ولا كثر
نكوى عندنا بروجي كي تخرجها تولي فرحان
ربي يحفدك ختي
سلام

 

[nanoche]

عندك الصح ختي هدي هية بلادنا.....ناس عايشة وناس طايشة
ارهاب الادارة هكدا نحب نسميه
وين في الخارج الاوراق الادارية يطلبها بار انترنت
احنا لازم تضيع نهار ولا كثر
نكوى عندنا بروجي كي تخرجها تولي فرحان
ربي يحفدك ختي
سلام

الله يسلمك خويا و كيما قلت ارهاب الإدارة كلمة في بلاصتها
عيينا من الإدارة ومن الناس واللي تقول بالاك هاذا شوية على الاخرين تلقاه كي النار تحت التبن
احنا بلدان العالم اللي ما يتسماش و ما لقاوش وين يكلاصيونا ماشي بلدان العالم الثالث
شكرا على المرور
​

 

[ahlam02]

عندي صاحبتي قاعدة في الدار وتخلص جامي راحت للخدمة ومانكدبش عليكم كي كنت بطالة حبيت نديرها خويا الكبير نصحني وقالي والله مانسمحلك وهادوك دراهم الحرام استغفرت واصبرت ولقيت خدمة الشهرية والو ونحرث من الصباح لل 05 تاع لعشية ونتحاسب شغل راني نخلص مليح وصابرة ..ربي يفرج علينا ويهدي الي يدو دراهم الحرام.

 

[nanoche]

عندي صاحبتي قاعدة في الدار وتخلص جامي راحت للخدمة ومانكدبش عليكم كي كنت بطالة حبيت نديرها خويا الكبير نصحني وقالي والله مانسمحلك وهادوك دراهم الحرام استغفرت واصبرت ولقيت خدمة الشهرية والو ونحرث من الصباح لل 05 تاع لعشية ونتحاسب شغل راني نخلص مليح وصابرة ..ربي يفرج علينا ويهدي الي يدو دراهم الحرام.

شوفي يا اختي أنا عن نفسي نخدم بشهرية قليلة و نهبر باش نحلل دراهمي و ما نقعدش في الدار و نخلص وناكل الحرام
شكرا على المرور
​

 

[أمــ وليــد الجزائرية]

انا نرفد:regards01:على الموضوع الي طرحتيه و يعطيك الصحة:regards02:

انا نحكيلك على حاجة برك
:down:
حنا عندنا لولاد ومش لبنات ياكي الي خرجو في مرحلة الابتدائي ولا الاساسي و معظمهم صحاب المشاكل و الدخان و الزطلة ياك كامل نعرفو الي يخرج في هذا السن واش راح يكون :sport01::sport02:


دارولهم كامل اوراق و دخلوهم خدامة في البلدية و ايماجينيو شحال يخلصو :-o انا نهار شفت بعيني مصدقتش يخلصو مليون و خمسمية :scared01: و كاين الي يخدم و ميوصلش لـثمنمياتالف والله و الحاجة الي تقتل انهم ميخدمو موالو يلحق الشهر تلقاهم معمريين لابوسط تخاف تدخلها والله

وين راه العدل درك :very_mad::very_mad:

رجعنا مفهمنا والو :up::up:

​

 

[nanoche]

انا نرفد:regards01:على الموضوع الي طرحتيه و يعطيك الصحة:regards02:

انا نحكيلك على حاجة برك
:down:
حنا عندنا لولاد ومش لبنات ياكي الي خرجو في مرحلة الابتدائي ولا الاساسي و معظمهم صحاب المشاكل و الدخان و الزطلة ياك كامل نعرفو الي يخرج في هذا السن واش راح يكون :sport01::sport02:


دارولهم كامل اوراق و دخلوهم خدامة في البلدية و ايماجينيو شحال يخلصو :-o انا نهار شفت بعيني مصدقتش يخلصو مليون و خمسمية :scared01: و كاين الي يخدم و ميوصلش لـثمنمياتالف والله و الحاجة الي تقتل انهم ميخدمو موالو يلحق الشهر تلقاهم معمريين لابوسط تخاف تدخلها والله

وين راه العدل درك :very_mad::very_mad:

رجعنا مفهمنا والو :up::up:

​

هادي اللي تزيد تقهر الانسان يا اختي
وين بيها يا الدزاير وين
شكرا على المرور حبيبتي
​

 

[cripo]

موضوع في القمة اخي الكريم
+
اولا حنا شعب يمشي بضرب لوول

ثانيا كون جا مسؤول واقف على خدامة نتاعو ماراناش نشوفي في هذا التسيب.
​

 

[هبة نور]

نعم كاين منها