سلسة عوايد وفوايد: بعد 20 سنة ما قدرش تضحيتها

[hadda0425]

بسم الله الرحمان الرحيم ​

اليوم جبتلكم قصة صرات في الوقع علبالي مش اول قصة ولا اخر قصة .
هاد القصة تفكرتها لما حكيتها لوحدة قلت خلي نحطها هنا ونشوفو اراء الاعضاء فيها
يا سيدي هاد الحكاية صرات لوحدة
هادي انسانة تزوجت بواحد زواج حب يعني في هداك الوقت قليل وين يتحابو قبل ما يتزوجو وكنا نضربو بيهم المثل في حبهم لبعض وزواجهم الدائم
هذا الزواج دام اكثر من 20 سنة وبدون اولاد والعيب في الزوج.
الزوجة عارفة بلي زوجها هو العقيم ولكن لانها تحبو استمرت معاه في الحياة ويأسو من الانجاب
ولانهم ناس لاباس بيهم جابو طفل من الميتم رباوه واستمرو في الحياة .
لكن بعد مدة ظهرت امراة اخرى في حياة الزوج وبدات المشاكل وهاد المرا عارفة بلي هو ما يقدرش يجيب الاولاد وخربت بيتو
وعياو الناس ينصحو فيه يعني في الزوج اخطيك منها مرتك صبرت معاك واليوم ترميها
قالهم انا بغيت الاولاد بالرغم انو عارف بلي هو العقيم وسنطح راسو ورمى مرتو والطفل لي رباوه
ورجعت لبيت باباها معاها طفل لا ذنب له بعد عشرة دامت اكثر من 20 سنة .
وه زوج بالثانية ولحد الآن راهم بدون اولاد .
شوفو المراة تصبر مع الزوج لكن هو في لحظة ما قدرش التضحية تع زوجتو لي ضيعت اعز مرحلة في حياتها وهي شبابها
وما نضنش بلي لوكان جات هي لي عقيمة مستحيل يقعد 20 سنة وما يزوجش
وش رايكم في هاد الانسان اسكو راه غالط في حسابو ولا عندو الحق ولا حاجة عادي عندكم .
​

 

[بنت الـ25]

صحيتي حدودة
نشكرك على مشاركتك القيمة في سلسلة عوايد وفوايد ‏
الأكيد انو الأعضاء كامل رح يقولو انو هاد الراجل غالط في حسابو
مي العبر اللي فالقصة صعبة باش نستخرجوها
خاطر كون نقولو انو المرأة ملازمش تضحي في سبيل حبها هنا نكونو ألغينا المشاعر الانسانية
قبل ما نلغيو المشاعر العاطفية
هدا الراجل لو كان متأكد انو هو سليم كان رح يطلق المرا لي حبتو او يتزوج مرة ثانية على اقل تقدير
وحتى لو هدا مش قرارو اهلو رح ينكدو عليه ويضطر يجاريهم فالنهاية
سما راه عارف روحو بلي هو لي ميجيبش لولاد
ثانيا : كيد النسا عظيم ويفرقو بين المرء وزوجه ولو بدون سبب
ولمجرد انها تبرهن بلي قادرة تفرق بين زوج يحبو بعض وعشرة 20 سنة

الأكيد اللي انا متيقنة منو انك رح تكملينا بقية القصة يوما ما وتقولي انو الراجل هدا
في آخر المطاف ندم ورجع مرتو وابنو اللي رباه
خاطر العشرة عمرها ما تهون

وفالاخير ما عندي غير اني نقول صدق من قال:
احبب حبيبك هونا ما عسى ان يكون بغيضك يوما ما
وابغض عدوك هونا ما عسى ان يكون حبيبك يوما ما

وربي يصلح الحال
​

 

[programmeur]

نهز راسي على الحيط كي نشوف عباد كيما هادو

 

[serinee]

اهلا بك طاطا
ديما منورتنا
ياي قصة مؤلمة و شحال صعيب كي تسمعي قصص كيما هكدا
خصوصا كي يكون العقم من الرجل
المراة تصبر معاه و تتحمل مي هو بمجرد انو يعرف انو العيب في مرتو يروح يقوللها نتزوج هدا حقي و باش نجيب ولادي
و الله ميصبر معاها حتى سنة
و هي لي صبرت معاه و تحملت و ضحات بامومتها
هل هدا هو جزاؤها
مام انا بالنسبة ليا هدي المراة الثانية لي تزوج بيها ماهيش مراة راهي خرابة بيوت وعلاش ياك علابالك بلي ميجيبش دراري وعلاش تحبي تلصقي فيه
نقول يا حليلها المراة الاولى لانو نظن الصدمة مش راح تكون ساهلة عليها
انا نعرف انسانة براسك القصة تتشابه تزوجت مع واحد عن حب
و متفهمين و كلشي
بعد 3 سنين من زواجهم داوسو بسبب الاطفال و صار يصرخ و يقوللها دبري راسك عندك شهر نحب تجيبيلي فيه طفل
قالتلو ايا نروحو انا و انت نديرو التحاليل كي دارهم صابو العقم فيه و هي سليمة
ابان دركا اصبح يحلل فيها باش تبقى معاه
يعطيك الصحة طاطا

​

 

[nanoche]

يعطيك الصحة على الموضوع هذا
وبزاف نسا يضحيو على جال الراجل مي ماشكيتش كاين راجل يضحي على جال المرا
أنا نعرف واحدة تزوج عليها راجلها بعد 35 سنة زواج و 7 اطفال بيناتهم وفي الاخر باش يفتي لروحو قال ماشي قايمة بيا هههههههه بعد 35 سنة باش بانله الديفو اللي في مراته وتزوج بواحدة و بعد عام طلقها و رجع للأولى يطلب في السماح و المرا دايما ضعيفة و حنينة رجعتله و بعد قريب عام واحد اخر قرر تاني باش يتزوج و جاب واحدة في نفس سن بنته وراهي قريب تزيدله وليد
المرا تحافظ على العشرة ولكن الراجل تم تم ينسى التضحية ديال المرا مع احترامي للكل
​

 

[أمــ وليــد الجزائرية]

كي نسمعو هكاا نقولو مكلاه نتزوجو كامل

الحكاية تقشعر عليها الابدان


علاه ديما المرا هي لي تخلصها

انا نقول ربي يهدي ماخلق و يبعدنا على هذو المواقف

​

 

[فتاة حساسة]

قلب الرجل ليس كقلب المرأة..
المرا حنية وتضحي ....
مي الراجل..ساعة ساعة يجيني بلا قلب ...ربي يرزقنا الصالحين
​

 

[ماكانش]

أهلا بيك حدودة
يعطيك الصحة على موضوعك لمليح
طبعا الأغل الراجل هوا الخبيث ألي يبدل مرتو
ولكن كاين حالات يكون الراجل مخلص وصابر ولمرا ألي تبدلو
يعني حسب العقليات والطينات
​

 

[أم راضية ~_]

السلام عليكم طاطا
كتحليل للقصة نقول مكتوب و قدر الله وما شاء فعل وربما شي عادي و طبيعي المرا تصبر على راجلها
وشي عادي و متوقع تانيت يجينا هادا من الراجل الي يدورو بيه النسا ويدور بيهم هوا تانيت
بصح من ناحية الفوائد ما عرفتش وما لقيتش !!
بلاك الي نقدر نستنتجها هيا مهما نحبو واحد لازم نتوقعو منو الخيانة ولا القهر ولا اي حاجة ومهما نكرهوا واحد نتوقعو بذرة خير تجي منو
ربي يسترنا من رجال كيما هادو​

 

[همس الوُرود]

السلام عليكم ورحمة الله وبركاته
أولا نشكرك أختي على الموضوع الباهي
أختي كل شيء يصرا قادر يكون فيه خير كيما قادر يكون فيه شر
ماتدريش قال تعالى (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ){البقرة:216}
هنا مادامو ماطلقش الثانية مانقدر نقول والو
وربي يصبر زوجتو الأولى وربي يجعل فهاد لحكاية خير ان شاء الله
كما أن العبرة هنا هي أن المرأة تصبر أكثر من الرجل في كثير من الظروف
سلام أختي
​

 

[EL General]

اهلا بيك الأخت هادا
علابالك بلي هدا انا نسميه ظلم ظلم واضح و اكيد ، الزوج ظلم زوجته
هي صبرت معاه صحيح ، و لكنو ماقدرش التضحية نتاعها و هي شراتو بالغالي اما هو باعها بالرخيس
الله لا يكثر من امثالو
و الله يسترنا
شكرا على مشاركتك
سلآلآلآمي
​

 

[أم أمين23]

ماشي عارفة واش نقول ليها ربي راح يعوضها وهو يجيه النهار الي يعرف واش غلط وواش دار

 

[hadda0425]

صحيتي حدودة
نشكرك على مشاركتك القيمة في سلسلة عوايد وفوايد ‏
الأكيد انو الأعضاء كامل رح يقولو انو هاد الراجل غالط في حسابو
مي العبر اللي فالقصة صعبة باش نستخرجوها
خاطر كون نقولو انو المرأة ملازمش تضحي في سبيل حبها هنا نكونو ألغينا المشاعر الانسانية
قبل ما نلغيو المشاعر العاطفية
هدا الراجل لو كان متأكد انو هو سليم كان رح يطلق المرا لي حبتو او يتزوج مرة ثانية على اقل تقدير
وحتى لو هدا مش قرارو اهلو رح ينكدو عليه ويضطر يجاريهم فالنهاية
سما راه عارف روحو بلي هو لي ميجيبش لولاد
ثانيا : كيد النسا عظيم ويفرقو بين المرء وزوجه ولو بدون سبب
ولمجرد انها تبرهن بلي قادرة تفرق بين زوج يحبو بعض وعشرة 20 سنة

الأكيد اللي انا متيقنة منو انك رح تكملينا بقية القصة يوما ما وتقولي انو الراجل هدا
في آخر المطاف ندم ورجع مرتو وابنو اللي رباه
خاطر العشرة عمرها ما تهون

وفالاخير ما عندي غير اني نقول صدق من قال:
احبب حبيبك هونا ما عسى ان يكون بغيضك يوما ما
وابغض عدوك هونا ما عسى ان يكون حبيبك يوما ما

وربي يصلح الحال
​

شكرا مينات على الرد
الجملة لي لونتها بالاحمر جبتيها صح
هو بعد ما طلقها رجع يتحايل باه ترجع ليه لكن هي فاتت تجرحت ونكسر خاطرها
وما قدرتش تولي ليه وخطبوها ناس بعط الطلاق ورفضت لانو ما بقاش قلبها يتعلق بانسان اخر غير زوجها لي عاشت معاه 20 سنة وهو خان العشرة
​

 

[hadda0425]

من خلال ردودكم فهمت من العادة انو المراة ديما ضحية لحوايج كيما هاك خاصة حوايج تع العشرة
مهما دار فيها لكن هي ترجع وتكمل معاه المسيرة خاصة في حوايج تع الانجاب هي تبع قلبها وهو يتبع حاجياتو ورغباتو وهي لي تخلص من حياتها في الاخير
طبعا وشي لي زاد الطينة بلة هي الدخلية الثانية
ومن الفوايد إذا كانت المرأة عقيما ورجلها تمسك بيها وعاملها احسن معاملة وماعنفهاش وما اذهاش كان عندو احسن عمل في الدنيا والاخرة وطبعا هذا التصرف يشمل الزوجة والزوجة .
قال الله سبحانه وتعالى (وأَحْسِنُوا إِنَّ اللَّهَ يُحِبُّ الْمُحْسِنِينَ).

سيرين.. نانوش.. ملينا ..فتاة ..حساسة.. مكانش.. يلديز.. سلسبيل.. الجنرال ..ام امين
شكرا لكم على التدخل والادلاء بآراءكم وبارك الله فيكم
​

 

[ام منصف]

نهاية ماساوية كغيرها من القصص اللي من هذا النوع
دايما التضحية تكون من نصيب المراة والراجل لا خبر
لا يقدر وكانه لا تعنيه هذه الزوجة ولا تضحيتها
اكيد لو كان المشكل من عندها ماكانش راح يصبر عليها 20 يوم ماشي 20 سنة
ربي يعوضها خير على صبرها
وهو نقولو له ولامثاله
ان الله يمهل ولا يهمل
​

 

[hadda0425]

نهاية ماساوية كغيرها من القصص اللي من هذا النوع
دايما التضحية تكون من نصيب المراة والراجل لا خبر
لا يقدر وكانه لا تعنيه هذه الزوجة ولا تضحيتها
اكيد لو كان المشكل من عندها ماكانش راح يصبر عليها 20 يوم ماشي 20 سنة
ربي يعوضها خير على صبرها
وهو نقولو له ولامثاله
ان الله يمهل ولا يهمل
​

طبعا ديما المراة هي الضحية وهي لي تخسر كل شيء من بيتها وعمرها
لي ضحات بيه لاجل الزوج
ربي يهدي
بارك الله فيك ام منصف على التدخل
​

 

[مجيد.]

طبعا ديما المراة هي الضحية وهي لي تخسر كل شيء من بيتها وعمرها
لي ضحات بيه لاجل الزوج
ربي يهدي
بارك الله فيك ام منصف على التدخل
​

ههههههههههههههه
مكانش منهاااااااااااااااااااااااااا

 

[مايا الجزائرية]

والله شعال سمعنا ديزيستوار هاكدا ومش واحدا ولا زوج ديما تلقاي الزوج هو لي يفرط في حب مرتو والتضحية تاعها
الله غالب ما يقدرش المرا هاديك طون جا يقدر واش دارت في جالو وقعدت معاه وصبرت في جالو ما ييكافأهاش هاكداك
شكرا على القصة

 

[مجيد.]

والله شعال سمعنا ديزيستوار هاكدا ومش واحدا ولا زوج ديما تلقاي الزوج هو لي يفرط في حب مرتو والتضحية تاعها
الله غالب ما يقدرش المرا هاديك طون جا يقدر واش دارت في جالو وقعدت معاه وصبرت في جالو ما ييكافأهاش هاكداك
شكرا على القص

 

[bellafoufa]

اسمحوا لي أخواتي أن أتدخل و رجائي ألا يزعجكم تدخلي ، من حق الزوج التعدد ما دام مقتدرا ، و ما دام في نيته الانجاب ،لكن ما ليس من حقه هو إهانة زوجته أو التخلي عنها حتى و إن كانالسبب العقم فله إمساكها بمعروف أو تسريحها بإحسان صدقوني لو رحبت صدورنا لتطبيق شرع الله لما أزعجتنا هذه الظواهر بل تختفي نهائيا من حياتنا