سلسلة عوايد وفوايد : لي عند ربي ماشي بعيدة

[وصال]

[FONT=&quot]السلام عليكم ورحمة الله تعالى وبركاته[/FONT]
[FONT=&quot]حبيت نشاركم هذه القصة في سلسلة :[/FONT]

[FONT=&quot] [/FONT][FONT=&quot][/FONT]​

[FONT=&quot] [/FONT][FONT=&quot][/FONT]​

[FONT=&quot] [/FONT][FONT=&quot][/FONT]​

ونتمنى نستفادو العبرة

[FONT=&quot]
[/FONT]
[FONT=&quot]كانت مخطوبة لواحد هو مريض بالسكر ماقاللهاش لحكاية نتاع[/FONT]
[FONT=&quot] [/FONT]
[FONT=&quot] المرض ديالو ومقصدوش يخدعها ، هو قال نورمال حاجة نتاع[/FONT]
[FONT=&quot] [/FONT]
[FONT=&quot] ربي لا جدال فيها ، بصح كاين ديفوا اشياء صغيرة تكبر وتدير [/FONT]
[FONT=&quot] [/FONT]
[FONT=&quot] مشكلة ، لحكاية بدات نهار عرضاتو للفطور في شهر رمضان ، [/FONT]
[FONT=&quot] [/FONT]
[FONT=&quot] السيد مسكين رايح على نيتو فرحان نسابو قيموه ، نتاع الصح [/FONT]
[FONT=&quot] [/FONT]
[FONT=&quot] حطولو كل انواع الماكولات ، كيلحق لفطور بداو ياكلو نسيبو [/FONT]
[FONT=&quot] [/FONT]
[FONT=&quot] اعطالو التبسي نتاع لحم لحلو قالو عمي انا ديابيتيك ماناكلش[/FONT]
[FONT=&quot] [/FONT]
[FONT=&quot] الحلو ، الاب قنطها في قلبو وسكت ، نهار راح السيد ، قال لبنتو[/FONT]
[FONT=&quot] [/FONT]
[FONT=&quot] كنت عارفة ؟ ثم الصاعقة ، قاتلهم منستحقش ردولو قشو انا [/FONT]
[FONT=&quot] [/FONT]
[FONT=&quot] منزوجش بواحد مريض وعلاه نصيتي دايرة هكذا ، المخلوقة [/FONT]
[FONT=&quot] [/FONT]
[FONT=&quot] حبت تهبل ونسات بلي هاذي حاجة نتاع ربي وكيما مرض قادرة[/FONT]
[FONT=&quot] [/FONT]
[FONT=&quot] تمرض ، المهم رجعولو قشو وعشى بلا مرا ، مسكين تشوكا [/FONT]
[FONT=&quot] [/FONT]
[FONT=&quot] بزاف بويسك هادي العفسة جرحتلو المشاعر ديالو وقال ان شاء الله ربي يبليها باش بلاني . جازت الايام ، الماليه يقولولو اتزوج [/FONT]
[FONT=&quot] [/FONT]
[FONT=&quot] قاللهم متحكوليش على الزواج ، قعد اعوام وتزوج بواحدة ماشاء [/FONT]
[FONT=&quot] [/FONT]
[FONT=&quot] الله دار معاها وليدات وراهم متعايشين مع المرض وماكان حتى[/FONT]
[FONT=&quot] [/FONT]
[FONT=&quot] مشكل .[/FONT]

[FONT=&quot]المخلوقة هاديك واحد ما اخطبها ، وتخيلو انو سبحان الله ولات [/FONT]
[FONT=&quot] [/FONT]
[FONT=&quot] ديابيتيك وتمشي ثاني بالانسلين .[/FONT]
[FONT=&quot] [/FONT]
[FONT=&quot] في انتظار مداخلاتكم.[/FONT]
[FONT=&quot] [/FONT]​

 

[حفيد هواري بومدين]

لا تتكبر فالله اكبر ... دير النية برك
وافقت على الموضوع

 

[وصال]

شكرا لقبول الموضوع

لاتتكبر فالله اكبر ، والله كلام في الصميم بوركت يا اخي .

 

[شاهيندا]

الله اكبر.
كما تدين تدان. سبحان الله!
شكرا لك على القصة الواقعية التي ستكون حتما عبرة لمن يعتبر.

 

[فتاة حساسة]

اخاااااااااااااااا ربي سبحانووو يمهل ولا يهمل ...

مالازمش تنكبر فالله اكبر...صاحيتي وصال على الحكاية..تقبلي مروري 'ناج'
​

 

[أمــ وليــد الجزائرية]

الدنيا دوارو يوم ليك وغدوا عليك

هذي هيا

الواحد لازم يرضا بواش كتبلو ربي

موضوعك هايل اختي بارك الله فيك
​

 

[serinee]

اهلا بك اختي وصال
هده القصة كلها عبر
كيما نقولو الدنيا دوارة
يا سبحان الله وعلاش تكبرت عليه كاينين بززاف ناس عايشين بالانسلين و راهم دايرين الدار و عايشين لابس بيهم
ربي يصلح حالنا يا رب
​

 

[وصال]

الله اكبر.
كما تدين تدان. سبحان الله!
شكرا لك على القصة الواقعية التي ستكون حتما عبرة لمن يعتبر.

شكرا على المشاركة

اخاااااااااااااااا ربي سبحانووو يمهل ولا يهمل ...

مالازمش تنكبر فالله اكبر...صاحيتي وصال على الحكاية..تقبلي مروري 'ناج'
​

بارك الله فيك

الدنيا دوارو يوم ليك وغدوا عليك

هذي هيا

الواحد لازم يرضا بواش كتبلو ربي

موضوعك هايل اختي بارك الله فيك
​

وفيك بارك الله شكرا جزيلا على التقييم .

اهلا بك اختي وصال
هده القصة كلها عبر
كيما نقولو الدنيا دوارة
يا سبحان الله وعلاش تكبرت عليه كاينين بززاف ناس عايشين بالانسلين و راهم دايرين الدار و عايشين لابس بيهم
ربي يصلح حالنا يا رب
​

ايه واش تحبي نقص الايمان يخلي الانسان يجهل بصح تلك الايام نداولها بين الناس .

 

[القطب الصغير]

تعرفي
كاين كلمات صعاب شويّة
لهجة قالي قتلو
المفيد
قصّة مؤثرة ،
الذي ابتلى غيرك يقدرُ على ابتلاءك...لو كنت تدري
بزاف من ناس اليوم ..يفهم الأمور بحساسية مفرطة
يشك في النوايا و غير النوايا
كي ما تقلوش حاجة ..أنت نسيتها سلفا ، بدون قصد
و هو يقراها
النقص
و الله المستعان .
و لكن لو تعلقت القلوب بعلام الغيوب ...لزال كثير من الهمّْ
شفت أنا شخصيّا من الناس الملتزمين بالشرعْ أمور عظيمة
من أقلها الإيثارْ
و الرضا بقضاء الله و قدره
اللهم نسألك اللطف في القضاء

تحيّة قدر المقام ...وصال
موضوع هايل و قصة مؤثّرة
سلامي
:regards01:

​

 

[nanoche]

السلام عليكم و رحمة الله و بركاته
اسمحيلي اختي مي انا ما نلومش البنت الاولى اللي خطبها لأنه هو الغالط وأي واحدة اخرى ممكن كانت تعتبره كذب عليها أو خبى عليها دونك من المفروض يصارحها من البداية و يخليلها الاختيار ماشي يحطها امام الأمر الواقع والمرض مهما كان هو ابتلاء من عند ربي وماشي عيب
واساسا الأمر راجع للنصيب ماكانش كاين بيناتهم
وهي اذا ربي ابتلاها بالسكر ماشي لأنه دعا عليها لالا ماشي مليح ندعيو على بعضانا لأنه ربي سبحانه نهانا عن الدعاء بالشر على اخواننا لانه فيه اوقات يكون فيها الدعاء مستجاب {وَيَدْعُ الْإِنْسَانُ بِالشَّرِّ دُعَاءَهُ بِالْخَيْرِ وَكَانَ الْإِنْسَانُ عَجُولًا}
هو ربي كان كاتبله يعيش مع واحدة اخرى و هي ما كانش مكتوبه معاها ربي يشفيها مسكينة وان شاء الله يلاقيها مع واحد يتقبلها بالمرض اللي فيها
​

 

[بنت الـ25]

اهلين وصال
نورتينا بموضوع آخر من سلسلة عوايد وفوايد ‏
مشكوووورة حلوتي

القصة اللي حكيتيها نلخصها فالآتي:
اولا: نغلط الراجل من الأول كان يقلها انو مريض حبت تتقبل هاد الشي اللهم بارك
وإذا رفضت كيف كيف باش ميحس بحتى جرح ،، وميتعلقش بيها ومبعد تجيه صدمة

ثانيا: الوحدة فينا يلزم تعرف انو الكمال لله والمرض تاني من عند الله ابتلاه بيه
وكان مالمفروض كي حبت ترفضو ترفض بطريقة لطيفة ما تجرحش مشاعرو اكثر مما هو مجروح

ثالثا: الأقدر والمكاتيب بيد ربي وهاد البنت تحسب في ربي خلقها وكسر القالب ولا مكانش بنات غيرها
يا بنتي واحد ما يحزن عليك اللي ترفضيه ليوم غدوا يلقى وحدة تقبل بيه أو بالأحرى العشرات حتى لو كان مريض

ورابعا: ان الله يمهل ولا يهمل ،، الشي اللي بسببو احتقرتي الإنسان هدا ،، ربي حطو فيك واقعدي احسبي النجوم فالليالي

صحيتي وصال تحياتي ليك
​