سلسة عوايد وفوايد: الموت بالنهار

N

NICHA03

:: عضو بارز ::
أحباب اللمة
إنضم
24 أفريل 2010
المشاركات
2,338
نقاط التفاعل
687
النقاط
91
user88jt2.gif

واش راكم ناس واش راك تهدر

اليوم

حبيت نحيلكم على

3 صحاب جيرانا

هما تاع صح صحاب كي شغل خاوة

خطرة كانو يحوسو في 3 في طونوبيل

قدر ربي و داروا accident

و مات واحد منهم

تصدموا مع لول تالمون لي مالفين tjr كيفكيف

المهم مات صاحبهم حزنوا عليه

مبعد فاتو ليامات

كانو يلعبو مع بعضاهم هادوك زوج

و واحد فيهم asthmatique

يلعبوا نورمال

رفد حطبة و مشافش بلي فيها مسمار

و يتمsخر معاه ضربوا بيها

هداك صاحبو كان لاباس بيه

لعشية رفوده لسبيطار

شداتوا crise d'asthme

و المسمار مزنجر

و هوا ماهوش ضارب التيتانوس

هيه

قعد ليلة كاملة فالسبيطار

الفرملية لي نورمالمون تضربلو الابرا

مكاش قالك وليدها صغير راهي معاه

و شكون لي فبلاصتها قالك راجلها

لعساس

ضربلو الابرا و هي خاطية خلاص

مسكين ثم بعد طلعت روحوا

و زاد لحق صاحبوا

ضركا صاحبهم

حصل كلش فيه قالك انا سباب صحابي في موتهم

و هما ربي حبهم داهم باش يهنيهم مالدنيا و انا

نزيد نتعدب

انا فهمت بلي

..........

و انتماا واش فهمتوا واش العبرة

سلسة عوايد وفوايد:

nicha03
​

​
 
اعتمدت الموضوع نيشا شكرا لك على المشاركة
نرجعلك اختي
 
اايه ايختي بيان سور يلوم روحو ...

مي قدر الله وما شاء فعل...لازم عليه يصلي بزززاف ويدعي ربي بززاااااف بززااااف ..

شكرا لكي ..
​
 
اي واحد في بلاصتوا بيان سور راح يلوم روحوا...سيرتوا كيما le cas تاع هاد ل personne
باسكوا كانوا صحابوا و la relation تاعهم كانت باهية بين بعضاهم
على بيها راه قاعد يلوم في روحوا باسكو جاته شوك كي تفارق عليهم..
دوكا هو كان غير سبة في الموتة تاعهم كتبلهم ربي يموتوا كيماه هك..
ربي هو لي يقدر كلش ، يكتب لكل واحد زيماه يموت والنهار لي يموت فيه...
donc ملزمش لواحد يلوم روحوا على جال حاجة مش ناوي يديرها ..
الموتة تاع صاحبوا ألول رانا منحكوش خلاه عليها باسكوا كان قدر ربي مام هو يموت معاه..
بالاك التانية شوية يلوم روحوا باسكوا هو لي ضربو، مي هكدا ومش هو لي دارها باسكوا عمي لعساس هههههههههه هو لي قتلوا هههههه......انا حرت وينها الرقابة والمسؤولية فليزوpيتال واحد مش مختص في حاجة ويروح يدخل روحوا فيها ، الناس ولات متفكرش في بعضاها خلاه، والله كوارت راهم يصراو فليزوpيتال ولpروبلام لكبير واينوا كي يدير واحد غلطات كبار ميعاقبوهش يخلوه يزيد يغلط ويعاود يتعلم فلcorps تاع الناس كان جاء كل واحد يخدم خدمتوا صح وكان قد المسؤولية راه واحد مايتوصل يدير حوايج كيما هك صح لموتة والنهار تيجي من عند ربي مي لواحد لازم ديما يدير احطياتوا للشيوز كيما هك...مي هادي هي لبلاد اغلط وفوت متخافش واحد ماراح يحاسبك كيما لازم ...يتحاسب غير لي مدرهاش ولا مغلطش غلطة كبيرة هو لي يطبقوا عليه les droits ....ربي يهديهم.
مرســــــــــــي اختي عالموضوع.
​
 
آخر تعديل:
مرحبآ نيشا
هو غير سبة اجلهم لحق
راه مشوكي المخلوق فقد 2 صحاب وقلتي كتر من صحاب شغل خاوة
وصعيييب بزاف باش تفارقي اللي قراب ليك
الله يصبرو ويصبر ماليهم ويرحمهم ويغفر لهم
مرسي على الموضوع
​
 
لستوار هذي بزاااف تقيس

الله يكون مع هذا الي بقا مسكين

و غير زمان الي راح يداويلو جراحو

هذا واش نقدر نقول

و بالنسبة للعساس يظرب لبرا هذي بدون تعليق
​
 
قال فتاة حساسة:
اايه ايختي بيان سور يلوم روحو ...

مي قدر الله وما شاء فعل...لازم عليه يصلي بزززاف ويدعي ربي بززاااااف بززااااف ..

شكرا لكي ..
​
إضغط للتوسيع...
هاديك هيا اختي قدر الله و ماشاء فعل
​
 
مشكورة على الموضوع
بالنسبة للحادث الاول كان ممكن يكوت اي واحد فيهم وماشي من المعقول لوم نفسنا على موت احدهم الا ادا كان الحادث كيما في الحالة الثانية وهي اللعب المارق الي يكون بلا انتباه وبلا معنى لو انو السبب الرئيسي هو الاهمال والتسيب في مستشفياتنا وانا لو في مكانو بدل لومي نفسي ابحث عن حق صديقي ونشكي بيهم باش ما يزيدش واحد اخر يروح بسبة كيما هكا يعني بدلالبكاء على الاطلال نعمل شيء مفيد
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top