سلسلة عوايد و فوايد:سبحان الذي يغير ولا يتغير

[FATIMA 19]

السلام عليكم

واش راكم ان شاء الله لاباس مع هاذي السخانة?????
اليوم كنا نحكيو في دارنا على خويا وحنا نضحكو ومتعجبين
على الانسان كيفاه يتغير سبحان الله.

ضك نحكيلكم الحكاية
هذا يا سيدي كي كان خويايقرا في bef ما نجحش
امالا حاب يبطل بويسك كره القراية
مالgري حاولو بابا ولافامي
مي كان رافض أنو يكمل قرايتو
وصح بطل .

قال أنا نروح نخدم خير من القراية
لاه القراية واش راح ادير

امالا راح يخدم
كي راح يخدم شااااف واش معناها كلمة خدمة

خمم مع روحو ولقى بلي راه يتعب مع روحو في الباطل.
مع البالا والفاس
يروح للدار فاشل في حالة
وجاتو الخدمة واعرة بزاااااف.

وهنا قرر باه يولي للدراسة
مي واجه مشاكل
والمشكل الأول المديرة ماقبلتش أنو يرجع
وبدا بابا يجري علاجالو
حتان بدل cem واحدة .
وحط راسو للقراية باه مايروحش يخدم

و روح يازمان وأرواح يازمان
خويا نجح في bef و نجح في الbac بمعدل مليح
وقرا هندسة
و ضكا راه ingenieur
و الحمد لله.

و استخلصو العبر وحدكم

ومع الختام سلام
تقبلوا تحياتي
FATIMA 19


​

 

[بنت الـ25]

نعتمدو ومبعد نحطلك العبرة

 

[رتيل]

سلآم الله عليكم ’

سبحآن الله ربي كي يكتبلك حآجة يصرآ وآش يصرآ مآتتبدلش

ربي حبلو فيهآ الخير ’ وكل وآحد يدي لي كتبهولو ربي في الدنيآ هآذي

 

[yasmine 4ever]

وعليكم السلام ختي
العبرة هي أنو ما نستسلموش و نحاولوا و نجتهدوا باش نتحصلوا على نتائج مرضية
و لازم نديرو أمل فالله و نتوكلو عليه و ندعيولو باش يوفقنا
و هاو ربي كتب لخوك يولي لقرايتو و كان فيها خير و دوكا الحمد لله راهو خدام بعد ما اجتهد
شكرآآ جزيلا​

 

[soussou bel]

ياريت كل شخص ياخد العبرة


لا للاستسلام

 

[WàLiiD]

العبرة بالخواتيم ..

بالتوفيق ..

^^
​

 

[zagane]

السلام عليكم

لازم ما ينساش ادا ما لقاش عمل كمهندس لازم يخدم البالا والفاس حتى يفرج ربي والاوولوية في المناصب راهى ليه

 

[num1]

vraimenT yà3TiiiH esà7à psk 5àMàm b1 w rja3 leswààb w allah ybarek rahi ingènieur màchàà àLLàh
​

 

[ماكانش]

سبحان الله فيه عبرة وفائدة

 

[SETIF étudiant]

مهما تهرب وتدور لازم تشوف المقدور
كل انسان ميسر لما خلق له ( مهندس: ميسر له عمل الهندسة )
النيفو مليح والشهادة عندها دور كبير في الوظيفة ... خذ بالاسباب والتوفيق على ربي

 

[Only me]

تبانلي كاين بزااف عبر

- مايحس بالجمرة غير لي كواتو ،،،،يعني خوك عرف واش معناها الخدمة الشاقة وقلة لقراية
- مايحسش الانسان بالنعمة حتى يفقدها ،،، خوك عرف قيمة لقراية كي بطل
- بالارادة الانسان يدير العجب ،،، شكون قال خوك بعد ماكان خدام شونطي يولي مهندس

الحمد لله على هاذ الساعة وربي يجيب لي فيها الخي

 

[serinee]

اهلا بك
و مشكورة على القصة الرائعة
خوك مثلا لكان مجربش الفاس و البلا و التعب تاعهم بلاك مكانش رايح يقرر يكمل يقرا و لكن كي جرب و لقا بلي الخبزة ماهيش سهلة هنا ولات عندو عزينة كبيرة باش يقرا
و الله يبارك عليه
هدي القصة مليح يقراوها شباب اليوم لي يقولو اي وعلاش لي قراو واش دارو انا نحبس خير
مشكورة غاليتي
​