عضوة في ضيافة ركن العناية بالجسم (العدد الثالث: مع العضوة:(رنيم الصّمت)

[السلطانة]

بسـم الله الرحمـن الرحـيم ​

السـلآآم عليكن ورحمـة الله تعآلى وبركـآته

فرآشآت منتدى عآلم المراة
وركن الزينة والعناية بالجسم

* قمنآ مؤخرآ بالاعلآن عن موضوع بعنوآن :

عضوة في ضيافة ركن العناية بالجسم مع الأعداد

ومن لم تفهم الفكـرة يمكنهآآ الاطلآع

على الموضوع لفهمهآ أكثـر

* و اليــوم ستكون الانطلآقـة ان شآء الله

{من :28 /06 /2013
الى : 07/05 /2013 }

مع ثاني عضوة وقع عليهآ الاختيآر

نظرآآ لنشآطهآ في الركن

في ثالث عدد ،



وهي العضوة :




رنيم الصمت
* ستجيب على أسئلة خاصة بالعناية بجسمها وبشرتها وماكياجها

تطرح من قبل عضوآتنـآآ الطيبآت

على شرط :

ـ الأسئلة تكون خاصة بجمال الجسم (الخلطات التي تضعها ، خلطة طبيعية ساعدتها مثلا في تصفية وجهها ماهي ، نوع ماكياجها في الأعراس ، ماركات كريمات للجسم ، وكريمات تضعها لوجهها ....الخ)
ـ يمكن للعضوة المستضآفة الاستعآنة بصور


مع احترآم قآنون الطمس .


نتمنـى تفآآعلكـن حبيباتنا

​

​

 

[السلطانة]

أهلا وسهلا بكِ أختي

مانوع بشرتكِ ؟
وماهي الكريمات التي تستعملينها لوجهكِ

​

 

[ملكًة الاحسآس]

اهلآآ وسهلآ أختي رنيم
منورآتنــآ :d
تحبي الماكيآج السامبل ولآ الفونصي ؟؟
كفآه تمآكيي فالأعرآس ؟؟

​

 

[رنيم الصمت]

السلام عليكم و رحمة الله و بركاته

**اولا و قبل كل شيء رحبو معايا بالقرودة تاوعي و اصدقائهم لي رايحين يرافقوني خلال الاستضافة ههه

ثانيا شكرا على الدعوة و حسن الاستضافة .. مشاركتي شرف لي

وان شالله نقدر نفيدكم بللي نقدر عليا و لي تلقى حاجتها عندي اطلب منها دعوة في الغيب

و اهلا و مرحبا بيكم منورين الصفحات



نبداو باسم الله

​

 

[رنيم الصمت]

قبل ما نبدا نجاوب على الاسئلة نحكيلكم على قصتي مع مواد التجميل و العناية بالجسم عموما
انا اميل للمواد الطبيعية اكثر و ابتعد قدر الامكان عن المواد الكيمياوية لأن الطبيعية فعالة اكثر و ايجابياتها اكثر من سلبياتها يعني منخافوش منها و اذا مانفعت ما تضر غالبا + متوفرة + غير مكلفة و اغلب المواد متوفرة في البيوت و المواد الكيميائية اذا اضطريت ليها نروح لمواد الاطفال اكثر كيما حليب الاطفال زيت جونسون ...
​

أهلا وسهلا بكِ أختي

مانوع بشرتكِ ؟
وماهي الكريمات التي تستعملينها لوجهكِ

​

اهلا بيك اميرتنا
بشرتي عادية مش جافة و مش دهنية .. الحمدلله
و مع ذلك لو كان منعتنيش بيها تخسر و تبان
الكريمات لي نستعملها دوف

ندهن بيه وجهي تقريبا يومي و لا غنى على حليب التنظيف نمسح بيه
و عندي مدة شريت كريم ايفا بالعسل ثاني عجبني هايل

وطبعا زيت غليسيرين مرة على مرة بالاضافة الى انو مرطب ينقي الوجه و ينح اثار الشمس باختصار روعه و هو اهم حاجة في الكوسميتيك تاوعي

و اهم عامل باش البشرة تكون نظرة الدعك اليومي و بلطف بشكل دائري صدقوني كي نحبس منو يرجع وجهي شاحب و العكس يرجع غوز كيما هك

 

[رنيم الصمت]

اهلآآ وسهلآ أختي رنيم
منورآتنــآ :d
اهلا بيك اختي منورة بيك و ببنات اللمة الحلوين

تحبي الماكيآج السامبل ولآ الفونصي ؟؟
افضل السامبل ديما مع انو يقولولي الفونصي يجيك خير بالصح انا نرتاح في السامبل الخفيف و خاصة الالوان الفاتحه كيما الغوز و الفيولي لانو يبينك ديما صغيرة

كفآه تمآكيي فالأعرآس ؟؟

في الاعراس منا و فات نروح للحفافة ندير شوي فونصي على الايامات العادية باش نبان شوي :d بالصح مانبالغش في الماكياج يعني نص نص

​

 

[angel]

حبيبتي آهلا باينة رايحة تكون القعدة شيقة معاك
ماهي طرق العناية بالبشرة التي تتبعينها؟
وزيت لجليسيرين وين يتباع و وكيافش و شحال تديريه ؟
​

 

[رنيم الصمت]

حبيبتي آهلا

اهلا بيك :regards01:

باينة رايحة تكون القعدة شيقة معاك
شكرا اختي ... حشميني

ماهي طرق العناية بالبشرة التي تتبعينها؟

غاسول الوجه : استعمل غاسول اصنعه بنفسي :
صابون دوف , قارص, ماء ورد , مايزينة ,
كرفجي نصف صابونة دوف و سخني كاس ما ورد فرغيه عليها و اعصري نصف حبة قارص افرغيها معاهم و خلطي بملعقة ثم اضيفي الميزينة بشويش و خلطي حتان توللي كيما الدوب
طريقة الاستعمال:
مرة على مرة اغسلي بيه وجهك الصباح في بلاصت الصابون و مرة على مرة ديريه ماسك لوجهك يعني حطيه و خليه ينشف و gومي نورمال
الفوائد :
دوف باين صابون مليح للبشرة ينقي و يرطب
ما ورد مفيد جدا للبشرة و ينغشها و يفتحها
القارص ينقي مليح و لي بشرتهم دهنية مفيد ليهم ياسر و خاصة لحب الشباب
المايزينة تبيض
ملاحظة:
القارص ينشف الوجه يعني تزيدي و تنقصي على حساب نوع بشرتك و اذا كانت بشرتك عادية ديري صابون دوف تاع قارص و استغناي على القارص نهائي و اذا جاف ياسر استعملي صابون دوف تاع الخيار
+
لازم تستعملي مرطب بعد الغاسول لانو ينشف البشره
.....................................

الترطيب اليومي بدوف او اي مرطب و الدعك الخفيف للوجه مهم كيما قلت
و ثاني لجسمي الترطيب اليومي ليديا و رجليا
و بعد الدوش نرطب جسمي كامل باي مرطب
...........
زيت الغليسيرين مرة على مرة
...........
عندي طريقة لتنظيف الوجه جيبي فوطة ديريها في ما سخون و حكيها في صابونة طرف ** صابون الحجرة** و حكي بيها وجهك ثم اغسلي بما بارد
..........
للرموش استعمل زيت خروع
..........
لا استغني عن كريم اونتي صولاي كي نخرج استعمل روك درجة 90 بالصح كي نعود في الكروسة وللا مسافه قريبة منديروش

وزيت لجليسيرين وين يتباع و وكيافش و شحال تديريه ؟

يتباع عند الفارماسي وللا العشاب يتباع في اشكال و احجام و ريحات مختلفة من الافضل من عند الفارماسي مافيه لا ريحه لا والو قرعه صغيرة بالصح تشد لانو ثقيل يبقى.. ب 11 الف
كي ديريه تحسسي بسخانة عادي متخافيش منها
​

 

[رنيم الصمت]

اضافة
للرجلين :

ماء سخون و صابون طرف و الحجرة تاع الرجلين و فازلين و زيت غليسيرين
ديري رجليك في الما السخون مرية ** انا نشتي نزيد الملح** و حكي الحجرة على الصابون و حكي رجليك خاصة في المناطق الخشنة ثم ادهني رجلك بالفازلين .. كثري شوي و حكي بالحجرة مليح ثم ادهني بزيت غليسيرين
بعد 3 ايام رديلي بالخبر
​

 

[رنيم الصمت]

اضافة2
طريقة لغسل الاظافر
بالكياسة او شيتة خفيفة و الصابون
جبت الصورة من النت

+
زيت اللوز مليح ليهم



​

 

[زهرة الندى]

سلاموو ،،

رنيم الصمت عندها خبرة في الطبيعي ... طيحو عليها بالاسئلة

هاني قلتلكمـ :-r
​

 

[رنيم الصمت]

احم احم صحا صحا

 

[زهرة الندى]

احم احم صحا صحا

:d:d:d:d:d
​

 

[رنيم الصمت]

أين أنتن؟؟؟؟؟؟؟؟؟؟؟؟؟؟؟؟؟؟؟؟؟؟​

 

[tistissa dj-tissou]

سلام عليكم
اختي كي تروحي للبحر واش اديري لوجهك باش تحافظي عليه ؟؟؟
​

 

[tistissa dj-tissou]

رانا هنا حبيبتي عندي اسئلة كتيرة في المتابعة ان شاء الله
​

 

[رنيم الصمت]

اهلا حنونة
ههه يعجبك منروحش للبحي و ادا رحت نبقى في الشاطئ ندير كريم اونتي صولاي برك
اهلا و سهلا بيك حنونة

 

[عبق االياسمين]

هلا عيوني
حبيت نسقسيك كيف تعننين بالمنطقة الحساسة وهل تستعملي براون لنزع الشعر
و هل سبق وستعملنتي Le déodorant intime Femfresh

 

[*Sarah Dz*]

مرحبا اختي
كيف الاحوال ؟؟

بون السؤال تاعي هو ...
هل لديك وصفات طبيعية تساعد على تفتيح بشرة الجسم [ خاصة المنظقة الحساسة ]
​

 

[رنيم الصمت]

هلا عيوني
حبيت نسقسيك كيف تعننين بالمنطقة الحساسة وهل تستعملي براون لنزع الشعر
و هل سبق وستعملنتي Le déodorant intime Femfresh

هلا بعد gلبي :d
الحمدلله معدي مشاكل كثيرة في المنطقة لذلك مش متعبتني :-r
استعمل فقط كريم نزع الشعر غالبا oe ماعدا ذلك مندير حتى حاجة اخرى كيميائية حتى الفوط اليومية مش نستعمل فيها خاطر هاذ لحواج دير لانفيكسيون .... كل مرة ندهن الجهة مرات بزيت غليسيرين و مرات بزيت جونسون
​

مرحبا اختي
كيف الاحوال ؟؟

بون السؤال تاعي هو ...
هل لديك وصفات طبيعية تساعد على تفتيح بشرة الجسم [ خاصة المنظقة الحساسة ]
​

اهلا بيك اختي سارة الحمدلله وانت ؟ ان شالله تكوني بخير
شوفي اختي
لوجهي ندير الحليب و العسل ماسك و ساعات نغسل بالغاسول لحكيتلكم عليه و كمقشر اسعمل زيت الزيتون مع السكر و مش خاطية وجهي بزيت الغليسيرين .. هاذو كامل يفتحو البشرة و ينعموها
للمنطقة زيت غليسيرين مليح و ينقص من الاسوداد
الحاجة الوحيدة لي مجربتها و حسيتها تفتح الغاسول لي كتبتو في رد سابق أستعملو كغسول لوجهي و كماسك و كجال دوش ايضا المداومة عليه ترجع بشرتك ملسة و​

كيما تاع البيبي و يفتح لونها