مشاركتي في مسابقة الطماطم

[hadda0425]

بسم الله الرحمان الرحيم

نقل مباشر وحصري

جبتلكم طبخة بالطماطم الطازجة
اولا نحطلكم حميص طازج فلفل وطماطم من اليد العاملة الى المقلة مباشرة هههه
فلفل مقطع رقيق نحطوه في مقلة وشوية زيت نخليو يتقلى
نقشرو طماطم ونرحيو معاها ثوم ونضيفوها للفلفل انا درت معاها شوية زيتون ونخليوه يطيب
هذا حميص عادي وكاين حميص مشوط وحميص مفور وتقدري تاني ترحي الفلفل والطماطم فقط بالميكسور وديريه شغل صوص حار تضيفيه للحم المشوي اوالجاج روطي ....
ان شاء الله اذا توفر الوقت نزيدلكم وصفات تع لحميص

وكاين صوص طوماط لعدة استعمالات
انا اليوم درتها مع باستا
نغليو طماطم تكون حمرا وطرية في ما من بعد نقشروها نقطعوها نقطعو معاها بصل ثوم فلفل اخضر شوية توابل فلفل اسود كمون حسب الاختيار ونميكسيها في ميكسور انا عندي ميكسور يعمل صوص
من بعد نضيفو زيت و خردل وملح وما ونخليوها تغلي ورقة رند باه تطلق الريحة

كي يثقال الصوص تاعك وشفتيه حامض عدليه بشوية سكر وتحبي تضيفي فيه شوية عصير ليمون
هاد الصوصو تستعمليه في المعجنات سباقيتي ،معكرونة ،بيتزا، لزانيا
وتزيني من فوق بفرماج رابي

​

 

[حاملـة المسك]

رد: مشاركتي في مسابقة الطماطم

يا بنتي وشمن نقل مباشر .. راني عندك
هدا السطر ليا .. نجنيه انا :-r
يتمس ندور على المبلغ المتفق عليه :down:
هكدا عندنا في الصحرا يشوف النخلة يمد سومة تقطعيها يدور على السومة هههه

تبارك الله على أدم و زايد يمشي كالشياب بالعكازة و لا يعس في السرقة :d

يعطيك الصحة حدة ..شكرا للمشاركة الطيبة بعد شبه الاعتزال
شكرا على ما قدمت
بالتوفيــــق

​

 

[سكون الفجر]

رد: مشاركتي في مسابقة الطماطم

ما شاء الله لن اقول صور جميلة بل شهيييييييية

يمي يمي ربي يبارك فيك اختي

اتمني لكِ الفوز تحياتي لك​

 

[السلطانة]

رد: مشاركتي في مسابقة الطماطم

جبتيلنا الجنان كامل ههه
وفيه آدم الشرير يجني في الثمار
الله يحفظو ان شاء الله
ولحميص يممممم يشهي
وهاديك الباستا شحال زادت فيها الصوص النص
تسلم الأيادي

​

 

[ام منصف]

رد: مشاركتي في مسابقة الطماطم

الله الله على النقل الحي والمباشر من موقع الحدث و
الله يبارك على ادم راهو قايم بالحالة ربي يخليهولك حدودة
ويعطيك الصحة على الوصفات الشهية
بالتوفيق
​

 

[حكيك]

رد: مشاركتي في مسابقة الطماطم

منظر هايل حدة وزاد طبعو ادوم

مشكورة على الوصفات موفقة

 

[hadda0425]

رد: مشاركتي في مسابقة الطماطم

hadda0425, ‏عفاف الجزائرية

كشما كاين رد ولا تتفرجي برك :p
​

 

[ibtesem]

رد: مشاركتي في مسابقة الطماطم

تسلمي حدة على النقل فكرتيني في جنانا
امممممممممم احنا عاملينهم في بيوت بلاستكية
===============
الله يحفظ ادوم واخليهولك
بصحتكم تمطميط حدودة​

 

[عفاف الجزائرية]

رد: مشاركتي في مسابقة الطماطم

كاين كاين الردود اني جاية كنت نكتب في الخطاب برك ههههههههه
نسيتي ما قلتيش كانت معكممراسلتكم من قلب الحدث فلانة ام فلان هههههههه
يا ستي يا ستي ما صابني دايرة هاذيك العكازة اللي هازها ادم وحاطة طوبة وقاعدة نتشمس وننش في الناموس والذبان وريحة الحشيش سيار نيااار
يعطيك الصحة حدة جبتيهالنا منا لطبيعة للدار لكل شي مرا ونص
تسلم الايادي
​

 

[وجع الظلم]

رد: مشاركتي في مسابقة الطماطم

اممممممممممممممممممم
ريحتها اتهبل ولونها اجنن
واش اتسالينا الله يكون في عون المتوحمات
اجنان ما شاء الله وزاد في جمالو ادم
ربي يحفضو من كل عين حاسدة
شكرا على الفكرة والموضوع
روعة بوركتي​

 

[hadda0425]

رد: مشاركتي في مسابقة الطماطم

يا بنتي وشمن نقل مباشر .. راني عندك
هدا السطر ليا .. نجنيه انا :-r
يتمس ندور على المبلغ المتفق عليه :down:
هكدا عندنا في الصحرا يشوف النخلة يمد سومة تقطعيها يدور على السومة هههه

تبارك الله على أدم و زايد يمشي كالشياب بالعكازة و لا يعس في السرقة :d

يعطيك الصحة حدة ..شكرا للمشاركة الطيبة بعد شبه الاعتزال
شكرا على ما قدمت
بالتوفيــــق

​

ايا اعطيني السومة و ارواحي هزي جيبي الميسيات وكميونة ههههه
راني شاركت الطماطم كاينة كاينة وعلاه نبخل روحي في نقاط زايدة
:d
​

 

[hadda0425]

رد: مشاركتي في مسابقة الطماطم

ما شاء الله لن اقول صور جميلة بل شهيييييييية

يمي يمي ربي يبارك فيك اختي

اتمني لكِ الفوز تحياتي لك​

الله يخليك اختي حمرتي موضوعي قصدي نورتي موضوعي
​

 

[hadda0425]

رد: مشاركتي في مسابقة الطماطم

جبتيلنا الجنان كامل ههه
وفيه آدم الشرير يجني في الثمار
الله يحفظو ان شاء الله
ولحميص يممممم يشهي
وهاديك الباستا شحال زادت فيها الصوص النص
تسلم الأيادي

​

الله يخليك ساندي
ادم راه يعس في لجنان هههه
​

 

[hadda0425]

رد: مشاركتي في مسابقة الطماطم

الله الله على النقل الحي والمباشر من موقع الحدث و
الله يبارك على ادم راهو قايم بالحالة ربي يخليهولك حدودة
ويعطيك الصحة على الوصفات الشهية
بالتوفيق
​

الله يسلمك شريفة
ما خليناش الفرصة تروح ما توليش حتى العام الجاي ههههههه
​

 

[hadda0425]

رد: مشاركتي في مسابقة الطماطم

منظر هايل حدة وزاد طبعو ادوم

مشكورة على الوصفات موفقة

الله يخليك حكيمة نورتيني
​

 

[hadda0425]

رد: مشاركتي في مسابقة الطماطم

تسلمي حدة على النقل فكرتيني في جنانا
امممممممممم احنا عاملينهم في بيوت بلاستكية
===============
الله يحفظ ادوم واخليهولك
بصحتكم تمطميط حدودة​

تعيشي بسوم
بصح الطماطم تاعكم حشامة تغطيوها :$
تاعنا تنبت في الهواة العليل وراسها مرفوع هههههه
​

 

[hadda0425]

رد: مشاركتي في مسابقة الطماطم

كاين كاين الردود اني جاية كنت نكتب في الخطاب برك ههههههههه
نسيتي ما قلتيش كانت معكممراسلتكم من قلب الحدث فلانة ام فلان هههههههه
يا ستي يا ستي ما صابني دايرة هاذيك العكازة اللي هازها ادم وحاطة طوبة وقاعدة نتشمس وننش في الناموس والذبان وريحة الحشيش سيار نيااار
يعطيك الصحة حدة جبتيهالنا منا لطبيعة للدار لكل شي مرا ونص
تسلم الايادي
​

زعم وزير الفلاحة والطماطم هههههههههههههه

معليش نعوضها كشما يحنو علينا بنقاط
كانت مراسلتكم من جنان دوار ولاد سلام
بالقرب من فوراج يطلق ماء بارد والدنيا خضرا وحمرا
ولاية ام البواقي
منتدى اللمة الجزائرية
معتز ياخي في الزيادة افادة هههههههه
​

 

[hadda0425]

رد: مشاركتي في مسابقة الطماطم

اممممممممممممممممممم
ريحتها اتهبل ولونها اجنن
واش اتسالينا الله يكون في عون المتوحمات
اجنان ما شاء الله وزاد في جمالو ادم
ربي يحفضو من كل عين حاسدة
شكرا على الفكرة والموضوع
روعة بوركتي​

اهلا وجع الظلام يا لالة من نهار مسابقة بيت العرس ما شفناك وقيلا غير المسابقات لي يجيبوك
ربي يكثرهم باه نشوفوك
وتعيشي ما تقوليليش برك راك من عونهم ههههه
​

 

[وجع الظلم]

رد: مشاركتي في مسابقة الطماطم

اهلا وجع الظلام يا لالة من نهار مسابقة بيت العرس ما شفناك وقيلا غير المسابقات لي يجيبوك

ربي يكثرهم باه نشوفوك
وتعيشي ما تقوليليش برك راك من عونهم ههههه​

:d
يا بنتي انا كملت المهمة ديالي:smile02:
البركة فيكم انتم احملو مشعل الوحم:sport02:
خلاص انا اديت الاستقلال:surrender01:
سلامي الحار والله اسقسي عليك الخير:regards01:
راني داخلة في جهاز العروسة
اضربي طلة:up:​

 

[ام خديجة1]

رد: مشاركتي في مسابقة الطماطم

عن جد اختي حدة حسيت بروحي في بلاصت ادم ريحت الطماطم وصلت والحميص ولاصوص هايلين يالتوفيق غاليتي