- إنضم
- 19 سبتمبر 2009
- المشاركات
- 51,420
- نقاط التفاعل
- 84,154
- النقاط
- 821
- محل الإقامة
- الشرق-الوسط
- الجنس
- أنثى
موضوعي اليوم يحكي على واحد الفترة هك
عشتها أنا وعاشوها الجزايريين كل في داك الوقت
كانت واحد الحاجة عندها معنى خاصّ هكّ
لي كان يهديها لواحد يطير بالفرحة لي هيّ:
بطاقة التهنئة
كانت تتهدى في راس السنة الميلادية
وفي أعياد الميلاد والنجاحات..
وأنا نحوس بين أرشيفي لقيت وحايد خبيتهم قلت نجيبهملكم تشوفوهم
هداتهالي بنت خالتي في 2005
كنا مهووسين وقتها بميريام فارس :dوالقلوب وعيد سعيد هههه
وهادي هداهالي خويا الصغير كان وقتها هاداك وين بدى يتعلم يكتب
وهادي الغجرية لي ميعرفهاش الجيل الجديد:p:p
كنت نقرى وقت فوتوها سنة 4ابتدائي ونتبعها في اليتيمة
وشريت لي فوطو تاعها نشفالها الكبيرة ب 5آلاف والصغار ب ألف وبقات هادي مخبيتها صورتهالكم
مع جدتها دوريلدا :p:p:p
شتو كيفاه الشعب الجزايري وقتها كان موحّد نتفرجو كلّ في اليتيمة ماروكو وسينان وصاحب الظل الطويل وكاساندرا وغوادالوبي وماريمار ومارية ابنة الحيّ ونشريو bonne année
تبا لنا كم كانت طفولتنا ومراهقتنا رائعة :-r
باختصار (على أساس أني مهدرتش بزاف ههه )
أنو قبل ظهور النت والفايس بووك
كانت الكتيبة عندها معنى
أنو صديقتي مثلا تهديلي بطاقة تسوى عندي بزاف ونخبيها ونستحفظ عليها
ودرك عادت المعايدة بالفايس بووك والبورتابل
ميبقى والو مخبي حايرة وين راحو بطاقات التهنئة انقارضو
عشنا فترة هايلة يعني ماغلطش لي سمانا بـــــــ: الجيـــــل الذهبــــــي
-موضوعي يتناقش من شحال من ناحية ناقشو كيما حبيتو متديرونيش مشاكل برك لانجيبلكم طاطاكم الغجرية -
سلامي
سلامي
آخر تعديل بواسطة المشرف: