ردولي الشوار تعيشوا

[عاشقة الصمت 13]

السلام عليكم ورحمة الله وبركاته ...............عندي وحد المشكل صغير مي راه تالف عليا كيفاه ندير ................عندي وحدة بنت حبيبتنا وكي ختي الصغيرة نعزها بزاف بما اني ماعنديش اخت صغيرة ............المهم هي انسانة عفوية دير التيقة بالخف غير اللي يدحكلها تقول هادا ناس ملاح تعرف وحدة وحكاتلي عليها بللي ناس ملاح وسرية يعني تحفظ السر انا مانجيهتي ماقتلها والو راهي تعرف واش راهي دير ....هي حكات لصحبتها هادي على اسرار دارهم وهاد الطفلة راحت قالتها لماماها وماماها :dقالتها لميمتي اللي هي الوالدة ما جات واقالتهالي انا تخلطت من راسي ............واش وحد دايرة فيها التيقة وهي راحت قالتها لماماها وجاو وقالوها لما .والله عيب انا ماعرفتش كيفاه ندير باه ماتعاودش تحكيلها ...............ماماها حكاتها لما ...........ايا ومن بعد لمن غادي تزيد تحكيها ...........غادي الى نشرتها ......لالا عيب والله عيب السر يبقى سر ....قادرة نقولها ماتحكيلهاش ها علاه... مي جاتني طياحة ننزل لهاد المستوى ....خاصني نبها بصح كيفاه :s

 

[عاشقة الصمت 13]

رد: ردولي الشوار تعيشوا

merci pour lire sans réponse mais vraiment vraiment manqué (3jezt ):$

 

[ouissi]

رد: ردولي الشوار تعيشوا

جيت نفهم فهمت بلي ما فهمت والوا

 

[عاشقة الصمت 13]

رد: ردولي الشوار تعيشوا

جيت نفهم فهمت بلي ما فهمت والوا

هههههههه اوك حاجة مليحة ..............انا راهي باحرتلي كيفاه نبه وحد الطفلة باه ماتزيدش دير تيقة فصحبتها راهي تفسد عليها ..مي ماعرفتش كيفاه نوصلهالها .خايفة غير ننصحها وهي تسقسيني كيفاه عرفتي يعني خاصني تاني نفسد على صحبتها ؟؟؟؟ لالا .....نلمحلها مي ماعرفتش كي نبداها

 

[بنت الـ25]

رد: ردولي الشوار تعيشوا

سلام اختي عاشقة الصمت
بصراحة ما فهمتش العنوان وش هو الشوار؟ قصدك الاستشارة او المشورة
الموهيم انا فهمت من حكايتك انو كاينة طفلة صغيرة دير الثقة فالناس ليه ليه وتمشي بنيتها
وراحت حكات لوحدة سر من اسرار دارهم وهاد الطفلة راحت حكاتو لماماها وماماها جات حكاتو ليماك وانتي دوكا حابة تنبهي الطفلة بنت حبيبتك متزيدش دير الثقة في اي كان بلا ما تنزلي من النيفو تاعك

اذا كانت هادي بنت حبيبتكم تعز عليك وتحسيها كي اختك الصغيرة اجبديها ليك
وفهميها بالعقل انو الثقة في وقتنا هدا ما لازمش ديرها في اي كان ويلزمها تاستي قبل ما تتسرع وتوثق فالناس
ما تخرجيهالهاش طاي طاي وتخبريها انو سرها انتشر وصحبتها ما صانتش السر ممكن تتصدم وتبطل دير الثقة فالناس الكل
لكن حاولي تسرديلها قصة صراتلك انتي (ولو من نسج خيالك) عن انك وثقتي في وحدة صحبتك بكري واطلعتيها على سر خاص وهي خانتك
ومبعد زيدي احكيلها كيفاه تعرفتي على فتاة اخرى وقبل ما تصاحبيها وتوثقي فيها اختبرتي صدقها وأمانتها ولما لمستي فيها الامانة وثقتي فيها وهي لدركا صديقتك المقربة

انا لو في مكانك ندير هك:up:
​

 

[عاشقة الصمت 13]

رد: ردولي الشوار تعيشوا

سلام اختي عاشقة الصمت
بصراحة ما فهمتش العنوان وش هو الشوار؟ قصدك الاستشارة او المشورة
الموهيم انا فهمت من حكايتك انو كاينة طفلة صغيرة دير الثقة فالناس ليه ليه وتمشي بنيتها
وراحت حكات لوحدة سر من اسرار دارهم وهاد الطفلة راحت حكاتو لماماها وماماها جات حكاتو ليماك وانتي دوكا حابة تنبهي الطفلة بنت حبيبتك متزيدش دير الثقة في اي كان بلا ما تنزلي من النيفو تاعك

اذا كانت هادي بنت حبيبتكم تعز عليك وتحسيها كي اختك الصغيرة اجبديها ليك
وفهميها بالعقل انو الثقة في وقتنا هدا ما لازمش ديرها في اي كان ويلزمها تاستي قبل ما تتسرع وتوثق فالناس
ما تخرجيهالهاش طاي طاي وتخبريها انو سرها انتشر وصحبتها ما صانتش السر ممكن تتصدم وتبطل دير الثقة فالناس الكل
لكن حاولي تسرديلها قصة صراتلك انتي (ولو من نسج خيالك) عن انك وثقتي في وحدة صحبتك بكري واطلعتيها على سر خاص وهي خانتك
ومبعد زيدي احكيلها كيفاه تعرفتي على فتاة اخرى وقبل ما تصاحبيها وتوثقي فيها اختبرتي صدقها وأمانتها ولما لمستي فيها الامانة وثقتي فيها وهي لدركا صديقتك المقربة

انا لو في مكانك ندير هك:up:
​

شكرا على ردك ..........ايه الشوار يعني الراي .........تردولي الراي المهم غادي ندير على نصيحتك مع اني راح نحصل معاها تحب تفهم علاه راني نقولها هاكدة مي ماعليش ياخي يقولو ناس زمان العقبة في وجه الحباب حدورة ........انا غادي نلمحلها مي تكسرلي راسي نسكت ونخليها حتى تفيق مع راسها ..............ونزيد نشكرك راكي رديتي لي الشوار:up:

 

[قناص الغرام]

رد: ردولي الشوار تعيشوا

مع احترامي لكافة نساء المسلمين لكن دراسات اثبتت ان النساء يحتفضن بالاسرار مدة 48 ساعة ثم الجزيرة على المباش

​

ربي يهدي

 

[عاشقة الصمت 13]

رد: ردولي الشوار تعيشوا

مع احترامي لكافة نساء المسلمين لكن دراسات اثبتت ان النساء يحتفضن بالاسرار مدة 48 ساعة ثم الجزيرة على المباش

​

ربي يهدي

شكرا على ردك .وانشالله ربي يهدينا اجمعين
المراة تحفظ السر او لا حسب شخصيتها ...حسب راي وارجو ان يقبل ان حفظ السر صفة في الانسان ككل باستثناء ان كانت امراة او رجل هنا يبقى الاعتماد على شخصية المستمع ان كان قادر على تحمل السر او لا.....يعني بالمختصر المفيد سرك احتفظ به لنفسك بدلا من ان تكون تحت رحمة غيرك فهذه قاعدة تعلمتها في هذه الحياة...........فشكرا:regards01:

 

[aminatizi]

رد: ردولي الشوار تعيشوا

hhhhhhhhhhhhhhhhhhh wlh mafhamtech le7kaya m3a allouwel kout ne9ra ghir "7kat. 7kit. 7kaw. 7kina....." l'estl ana jabli rabi khaliha, pcq 3lah 7atta sa7betha ta9der ta7ki lmamaha w hiya lala? si non goulilha asa7 w khali had aso7ba arachya tro7 allah layrodha!!!!!

 

[بنت لبحر]

رد: ردولي الشوار تعيشوا

اسمحيلي مفهمتش لحكاية

 

[عاشقة الصمت 13]

رد: ردولي الشوار تعيشوا

hhhhhhhhhhhhhhhhhhh wlh mafhamtech le7kaya m3a allouwel kout ne9ra ghir "7kat. 7kit. 7kaw. 7kina....." l'estl ana jabli rabi khaliha, pcq 3lah 7atta sa7betha ta9der ta7ki lmamaha w hiya lala? si non goulilha asa7 w khali had aso7ba arachya tro7 allah layrodha!!!!!

شكرا على ردك :regards01:

 

[عاشقة الصمت 13]

رد: ردولي الشوار تعيشوا

اسمحيلي مفهمتش لحكاية

شكرا على ردك:regards01:

 

[أنوسة]

رد: ردولي الشوار تعيشوا

أنا نقلك ... بما أني صغيرة :d و نعرف هاذيك العقلية ... روحي قوليلها بلي تزيدي تقوليلها أسرار ... و وعديها بأي حاجة شرط ما تقول حتى لواحد ... أنا كي يقولولي سر يعطوني حاجة معاه و الله ما نقول لواحد و هذاك السر يموت معايا ... و السر اللي قالتو للناس قوليلها ما تزيدش تذكرو ... هكذا الناس ينساوه

 

[عاشقة الصمت 13]

رد: ردولي الشوار تعيشوا

أنا نقلك ... بما أني صغيرة :d و نعرف هاذيك العقلية ... روحي قوليلها بلي تزيدي تقوليلها أسرار ... و وعديها بأي حاجة شرط ما تقول حتى لواحد ... أنا كي يقولولي سر يعطوني حاجة معاه و الله ما نقول لواحد و هذاك السر يموت معايا ... و السر اللي قالتو للناس قوليلها ما تزيدش تذكرو ... هكذا الناس ينساوه

(و السر اللي قالتو للناس قوليلها ما تزيدش تذكرو ... هكذا الناس ينساوه )

​

برافو يعطيك الصحة
شكرا على ردك
انا فهمت بللي سر لازم يبقى سر وحتى وكان نقولوه لاعز لينا ..غادي مايبقاش سر
ودمتي امينة ووفية

​

 

[ليليا مرام]

رد: ردولي الشوار تعيشوا

السلام عليكم أختي
ما تحتاري ما والو احكميها وقوليلها باللي اللي حكيتيه وصل ليماك وليمى وهنا تعرف بالدليل باللي دارت ثقة في وحدة ما تستاهلهاش وصراحة مش مليح معاودة الهدرة هذيك نميمة الطفلة امنها على سرّها وكيما حكاتو ليماها راحا تحكيها لناس أخرين وزيدي يماها حكاتها ليماك ويماك حكاتلهالك من المفروض واحد منكم يحبس نشر الكلام هذا وهي صاحبة المشكل في يدها الحل
إنت احكميها ومباشرة وقوليلها واش صرا هكذا تفهم
موفقة

 

[Ma$Ter]

رد: ردولي الشوار تعيشوا

السلام عليكم
انتى مشكلتك راكى تحكى مع الطفلة بالعاطفة اكثر من العقل وخايفة كون تحكي معاها مباشرة
راح تتاثر الطفلة ونتى قلبك حنين معاها
نقلك خبريها نورمال مهما كانت النتيجة راكى قلتى بلى تحبيها وتحبيلها لخير
الطفلة ما راحش تتقبل كلامك مباشرة بصح من بعد راح ترجع نورمال
صحا غداكم^^
فى امان الله
​

 

[عاشقة الصمت 13]

رد: ردولي الشوار تعيشوا

السلام عليكم أختي
ما تحتاري ما والو احكميها وقوليلها باللي اللي حكيتيه وصل ليماك وليمى وهنا تعرف بالدليل باللي دارت ثقة في وحدة ما تستاهلهاش وصراحة مش مليح معاودة الهدرة هذيك نميمة الطفلة امنها على سرّها وكيما حكاتو ليماها راحا تحكيها لناس أخرين وزيدي يماها حكاتها ليماك ويماك حكاتلهالك من المفروض واحد منكم يحبس نشر الكلام هذا وهي صاحبة المشكل في يدها الحل
إنت احكميها ومباشرة وقوليلها واش صرا هكذا تفهم
موفقة

شكرا اختي على ردك
ايه عندك الحق لازم واحد فينا يحبس النشر
المهم انا درت الي عليا قلتها بلي اللي حكاته راه برة ومانكدبش عليك ختي والله حشمت مي كانت تسول فيا شكون الللي قالها
انا قلت اللهم نجيها في الصح خير قلتلها راهي وصلت حتى لعند ما
هيمالا خلي سركم في داركم

​

 

[عاشقة الصمت 13]

رد: ردولي الشوار تعيشوا

السلام عليكم
انتى مشكلتك راكى تحكى مع الطفلة بالعاطفة اكثر من العقل وخايفة كون تحكي معاها مباشرة
راح تتاثر الطفلة ونتى قلبك حنين معاها
نقلك خبريها نورمال مهما كانت النتيجة راكى قلتى بلى تحبيها وتحبيلها لخير
الطفلة ما راحش تتقبل كلامك مباشرة بصح من بعد راح ترجع نورمال
صحا غداكم^^

تفطر بالصحة
فى امان الله
​

شكرا خويا على ردك
ايه انا وصلتلها الرسالة بلي خبر الدار راه برة
وبقات تخمم شكون الي قالت عليها
مانعرف اذا عرفتها ولا لالا
انا خفت على هاد الطفلة من زوج حوايج كيتعرف بلي صحبتها فسدت عليا وثانيا اذا دارهم استخبروا بلي خبرهم راه برة
هادي باينة راح تصرالها مشاكل بل غنا عنها هي اصلا
المهم ماعلى الرسول الا البلاغ
وشكرا راكم درتولي الكوراج
​