كران ( كرانتيكا _ قرنطيطا ) أسهل ما يكون

[Eva dz]

السلام عليكم اخواتي بما أنو ندير كران بزاف و بأسهل طريقة حبيت ننقلهالكم
ما فيها لا بيض لا والو و هذه الطريقة معتمدة في بعض المحلات

المقادير
كيلة حمص
4 كيلات ماء
ملح
ملعقة زيت



* هادي مقدار صني صغير 30 سم على 20 تقريبا
الكيلة بـ الغرفية تاع حريرة و لا
مهم

1_ الكران

2- نزيدوله ملح

3 - في نفس الغرفية نديرو الماء " و هنا نعمروها 4 مرات "
لكل كيلة تاع كاران 4 كيلات تاع ماء

-4 نخلطو

-5 ندهنو الصنيوة بالزيت
أنا هنا درت زوج مغيرفات تاع زيت في الصنوية و الزايد فرغتو في الكران هكدا ما يضيع والو
6- نديرو شوية من زيت في الكاران نفسو ( دور تاع شوية زيت ها انو الرغوة تحكم روحها و ما تهبطش )

-7 لازم نديرو الرغوة لأنو هي لي تتحمر في الفور

8 - نعمرو صنيوة

من المستحسن حتى يتحط الصني في الفور عاد نعمروه باه ما يتدفقش
-
-
ملاحظة لازم نسخنو الفرن على الاقل 5 دقايق 10 من قبل
و يقعد ساعة كاملة
-
-
روسات ناجحة و بسيطة ماكانش اسهل من هاك
سلام و نتمنى ما نكونش طولت عليكم

Eva dz

 

[Eva dz]

رد: كران ( كرانتيكا _ قرنطيطا ) أسهل ما يكون

وين راكم هل من أحد ؟

 

[ام رحاب]

رد: كران ( كرانتيكا _ قرنطيطا ) أسهل ما يكون

بارك الله فيك حنونة راح نجربها ونردلك الخبر

 

[oum alaeddine]

رد: كران ( كرانتيكا _ قرنطيطا ) أسهل ما يكون

نحب كران بزاف
شكرا اختي

 

[Nilüfer]

رد: كران ( كرانتيكا _ قرنطيطا ) أسهل ما يكون

ههههههههه والله غير جا في خاطري كي شفته

غدوا تقولهم يشريولي هههه

الله غالب لوكان نديره فالدار ما ياكلوهوليش

...

بصحتكم اختي
​

 

[ailemak]

رد: كران ( كرانتيكا _ قرنطيطا ) أسهل ما يكون

merci okhti, ana teni profetionnelle fiha lol, ghir ana ndirha fi darna, w memes ingredients kima dertihoum, ni bayd ni houm yahzanoun,w cheft kaynin li ydirou lahlib, mais welah matji mliha
le poichiche en poudre+ sel+ huile w c bon

 

[حورية الجزائر]

رد: كران ( كرانتيكا _ قرنطيطا ) أسهل ما يكون

يخصها هريسة برك ممممم

يعطيك الصحة

 

[stelllo]

ان شاء الله راح نجربها ساهله بزاف
في اللي يديرلها الكمون