متزوجة زواج عرفي

[مشكلتي]

سلامي للجميع
انا فتاة مواليد 93اي عمري 19 خطبني شاب متدين وقبلت انا وثانيت اماليا
مي المشكل انو ماعنديش اوراق يعني غلطولي في اللقب انتاعي وماعلجتش المشكلة وخليتها وكيما نقولو احنا لي زارجيروا كلشي ساهل من بعد تفرى
خطيبي مابغاش يستنى كثر وانا ثانيت وقررنا نتزوجو
وصح تزوجنا وعندي 5 اشهر في داري وبلا عقد
مي راني ثقيلة في 3اشهر وراجلي قالي قولي لباباك يوجدلك الكواغط والا يقولو هذا ولد حرام
ضرك راني خايفة مازال للان كواغطي مانخدوش والطفل يكبر في كرشي
وقالولي ثانيت كي تروحي تعقدي تعقدي بلادات ديال النهار لي رحتي فيه ماشي يوم الدخلة الحقيقي
وقالولي ماتقوليش راكي حامل ولا تولي في محاكمات وسين وجيم
راني خايفة قولولي كاين منها
وواش نعمل
والا عقد في هاذا العام كيفاش راه نقدر نسجل وليدي كي يزيد
يعني نورمال من بعد يقولو الولد زاد 5 اشهر
عييت من التخمام تعيشو عاونوني

 

[روز]

رد: متزوجة زواج عرفي

تمت الموافقة
الكلمة الطيبة صدقة !

إن شاءلله يفيدوك الإخوة والأخوات مشكورين
​

 

[دعاء19]

رد: متزوجة زواج عرفي

شوفي اختي انتي تزوجتي بخبر الاهل والناس تعرف كامل يعني هدا ماشي زواج عرفي
اصلا زواج اشهار وانتي تزوجتي وكولشي عالم
ولكن الاوراق معملتيهومش وهدا مكيعنيش ان الولد غير شرعي ولكن الاوراق هي للتي تدل على تبوت الزواج لان دنيا مبقاش الناس فيهم النية يقدر ينكر انه تزوجك وانتي ماعندك لادليل من غير الشهود ليحضرو العرس فهمتي قصدي ولا كولشي بالاوراق الان عليك تجمعي اوراقك واوراق زوجك وعملي العقد زواج

 

[حكاية قمر]

رد: متزوجة زواج عرفي

سلام اختي
كما قاتلك اخت لي قبلي بما انو بموافقة اهل وزواج في بكل اركانو تبقى من جيهة الحالة المدنية ولي نعرفو بلي تعي القلب في دزاير ابنك شرعي والحمد لله ولكن لازملك تخدمي وثائق ثبوتية باه تسهليك المعملات ادارية وما شابه ذلك وحتى باه تثبت زواجك ونورمالمو عندك شهود ثقة على الزواج وزاد كان خطا من ادارة
شا نقولك ربي يسهلك اختي
​

 

[إشراقة حب]

رد: متزوجة زواج عرفي

وعليكم السلام
اختي مادام زواجك كان على سنة الله ورسوله مالكي ولكلام الناس
المهم ان ابنكما هو ابن حلال اهلك وناسك يعرفون بهذا
فلماذا انت تتخوفين وتقلقين
اهدئي وثقي في الله عز وجل وارفعي رأسك ودعك من كلام الناس
اتمنى لك التوفيق ... وربي يعطيك وقفة ساهلة
ويرزقكم بالذرية الصالحة
امين
​

 

[الزهرة الحمراء]

رد: متزوجة زواج عرفي

السلام عليكم اختي
كيما سبقوني العضواات وقالو زواجك على سنة الله ورسوله واهلك على علم بهذا الزواج
المسكلة برك انو معندكش اوراق لي تثبت هذا الزواج يعني غدوا حتى ولو انكر زوجك انك زوجته لا سمح الله وانكر وليدو معندك حتى اوراق تثبت ذلك يعني لازم تجري على روحك واخدمي اوراقك
وربي يسهلك امورك اختي ويعطيك واش تتمناي

 

[YAHIA S]

رد: متزوجة زواج عرفي

السلام عليكم ورحمة الله وبركاته

اختي انتي هنا ليس بمشكلة بل عليك الذهاب

الى محامي و سؤال عن اجراء القانوني من اجل رسمية الزواج

و لكن بما ان العقد توافرت اركانه العامة هذا مقبول يبقى الرسمية

و تستطيع قاضي شؤون الاسرة اي احوال الشخصية الحكم

لك بعقد رسمي بل العقد العرفي اذا توفرات و تكون شروطه صحيحة

موفقة باذن الله

تحياتي

 

[راضية حامدة]

رد: متزوجة زواج عرفي

ماتخافيش و ما يقولو والو
انت فقط ابداي تجري على اوراقك
حتى و لو زاد المولود و كانت ما فراتش كاين في القانون حالة اثبات زواج و لكنها تدي شوي وقت
بزاف لي نعرفهم هكا خاصة لي يتزوجو صغيرات في السن
اجري فقط على كواغطك و ما تضييعيش الوقت

 

[حسان]

رد: متزوجة زواج عرفي

الاخت الفاضلة

كوني مرتاحة بال

مشكلة في قصتك لو زوج يتمرد على زواج و لا يستعرف به و هنا تكون مشكلتك التي تصعب حلها

و انت مدام متزوجة زواج حقيقي ليس عرفي لان شرط الوحيد و حقيقي للزواج هو الفاتحة على طريقة إسلامية و حضور الوالي و المهر و شهود فقد تم زواج على سنة رسول الله

اما العقد بلدية هو من أجل التنظيم في الدولة مدنية لا غير

يبقى جري من اجل استخرج و تصحيح و انشاء اللقب بدون قلق أو عجالة لان حتى ولو فاتك الوقت كل شئ ممكن في حل


​

 

[serinee]

رد: متزوجة زواج عرفي

سلام عليكم
اولا اختي زواجك لا يعتبر زواج عرفي فهو زواج صحيح ناقص فقط العقد المدني
و اما فيما يخص وثائقك
اولا عليكي بعملية تصحيح اللقب
و من ثم العقد
و لا وجود لاي اشكال
فكم من اشخاص عقدو بعد زواجهم
و ربي يوفقك و يعطيك وقفة ساهلة
​

 

[ماكانش]

رد: متزوجة زواج عرفي

الغلطة تاعك وتاعو زربتو رواحكم والغلطة تاع والديك
الإنسان مايزربش روحو ثم يحوس على الحلول من المفروض يثبت روحو قبل
المفيد مادام كاين الشهود وأهلك وأهلو تقدري نتي ترفعي دعوة قضائية انك تزوجتي زواج شرعي ويعدلولكم المور فالبلدية
ولكن يطلبو عليكم النقمة الصحيحة
يعني عجلي بامورك عجلي عجلي وربي وفقك

 

[فارس الروح]

رد: متزوجة زواج عرفي

انا نقلك حاجة برك
في وقت الرسول صلى الله عليه وسلم هل كانت هناك وثائق لا
بل يوجد شهود وقراءة الفاتحة
فزواجك شرعي لا غبار عليه

​

 

[أم عبد الله]

رد: متزوجة زواج عرفي

راني قتلك من الاول زواجك ماهوش عرفي
ومادام راجلك هو لي راه يجريلك ع الكواغط ماتخميش وخوف نتاع وليدك ينحط ع اسمك مانضنش كاينا منها والله اعلم وربي يجيب الخير​

 

[aljentel]

رد: متزوجة زواج عرفي

من الذي قال لك زواجك عرفي ؟!!
زواجك زواج شرعي صحيح وليس عرفي ..
والزواج الشرعي لايحتاج لاوراق وثبوتيات ..
انما الاوراق والوثائق هي لاثبات حالة الزواج لدى الحكومه بس انما زواجك صحيح وشرعي وليس عرفي .
مسألة كيفية استخراج وثيقة الزواج تلك من اختصاص المحامين والمحاكم ..

 

[علي الفاضلي]

رد: متزوجة زواج عرفي

عليك بالاتصال بمحامي ..

وهو ادرى الناس بالطريقة القانونية لاثبات عقد الزواج.

ولولا الاطالة لأخبرتك بالاجراءات ..لكن يكفيك التوجه لاقرب محامي.

ولا يوجد اي اشكال في اثبات العقود -العرفية غير الموثقة-ما دام الزوج معترف بذلك.

فلما الخوف ؟؟؟؟

والابن شرعي والزواج شرعي ..

موفقه للخير .

 

[علي الفاضلي]

رد: متزوجة زواج عرفي

لقد طلب مني ان اذكر هذه الاجراءات من قبل احد الاعضاء :

فاقول هناك اجراءات اذكرها باختصار وهي :

1-كتابة عريضة افتتاحية الى رئيس قسم شؤون الاسرة و تسجيلها لدى كتابة ضبط المحكمة.
2- تذكر في العريضة انه فعلا تم الزواج العرفي بحضور ولي و شاهدان و تم اعطاء الصداق ,و في اول جلسة يطلب الرئيس الجلسة تحقيق وحضور الاطراف اي الزوج و الزوجة و الولي و الشاهدان لاثبا واقعة الزواج
طبعا المحامي يقوم بذلك .

3-ترفع الدعوى لفائدة احد الزوجين ضد الاخر .والافضل ان تكون من قبل الزوجة ضد زوجها ..الى وكيل الجمهورية.

4-بالرجوع الى المادة 18 ق .س.ج //ا نجد بان الزواج ليتم تسجيله لابد ان يكون ذلك امام موظف مؤهل قانونا ونقصد بذلك الموثق او ضابط الحالة المدنية.
اما في حالة الزواج العرفي وكيفية اثباته يكون ذلك بتقديم طلب الى وكيل الجمهورية يتضمن هذا الطلب اثبات عقد الزواج .
بعدها يقوم وكيل الجمهورية باثبات ذلك عن طريق سماع الشهود الحاضرين في العقد اذا تم عن طريق الفاتحة ...بعدها يطلب من الزوج ان يثبت ان الزواج تم وفق المادة 9 و9 مكررة اي توفرت فيه كل الشروط
وذلك في جلسة خاصة.

اذا ثبت ذلك يرسل الحكم الى ضابط الحالة المدنية الذي بدوره يطلب بعض الوثائق الخاصة
منها شهادة اقامة الزوج وشهادة الميلاد ....الخ
بعدها يقوم بتسجيل ذلك العقد واعطاء الشخص دفترا عائليا .

وفقني الله واياكم.

 

[علي الفاضلي]

رد: متزوجة زواج عرفي

اذا كنتي لا ترغبين في التوجه الى المحكمة و اتباع الاجراءات القانونية ..

فاعلمي انك ستضيعين عاما من عمر مولودك على الاقل ...

فيمكنك بعد تصحيح اوراقك الثبوتية ..

التوجه الى ضابط الحالة المدنية مع الشهود والولي والزوج .. وورقة الشهادة الطبية وبقية الوثائق..

ثم ابرام عقد الزواج بالتاريخ الحالي اي يوم توجهم الى البلدية .

مع العلم انه يتوجب عليكم عدم اخباره بان هناك مولودا وان الزواج قد تم منذ اكثر من سنة ...

والا سيضطر الضابط الى عدم ابرام العقد .. وتوجيهكم الى المحكمة لاثبات هذا الزواج ..الخ.

 

[أم عبد الله]

رد: متزوجة زواج عرفي

اذا كنتي لا ترغبين في التوجه الى المحكمة و اتباع الاجراءات القانونية ..

فاعلمي انك ستضيعين عاما من عمر مولودك على الاقل ...

فيمكنك بعد تصحيح اوراقك الثبوتية ..

التوجه الى ضابط الحالة المدنية مع الشهود والولي والزوج .. وورقة الشهادة الطبية وبقية الوثائق..

ثم ابرام عقد الزواج بالتاريخ الحالي اي يوم توجهم الى البلدية .

مع العلم انه يتوجب عليكم عدم اخباره بان هناك مولودا وان الزواج قد تم منذ اكثر من سنة ...

والا سيضطر الضابط الى عدم ابرام العقد .. وتوجيهكم الى المحكمة لاثبات هذا الزواج ..الخ.

هنا تكمن المشكلة فهم لايريدون التوجه للمحاكم
ومن يعرفونهم اي من سيوقع ع عقد الزواج ويثبته اشترط ان تجهز الاوراق قبل ان يبلغ الطفل في بطن امه 4 شهور
يعني لم يقل عام كما قلت انت؟
لذا الاخت تتسائل وهي في حيرة كيف ستمنح الطفل لقب ابيه؟ مع اننا اخبرناها انه سيحمله

ومشكور اخي في الله لتحملك عناء الرد ع تساؤلاتي كلها برحابة
بارك الله فيك ونفع بعلمك

سلامي
​

 

[abdellah gourari]

رد: متزوجة زواج عرفي

ربي يسهلك ختي
ماتخافيش عرفي و لا لا المهم زواش على الشرع .

 

[عتاب]

رد: متزوجة زواج عرفي

يا اختى الزواج صحيح تحقق فيه كل الشروط من ولى الى صداق الى قبول الى اشهار ..
بقية الاوراق عليكى بالتصحيح فقط وعقد القران

اما الولد او المزيود عادى اين الاشكال ؟؟
اصلا القابلة او مصلحة التوليد تهمها العقد لا عدد الاشهر للحمل؟؟
بالتوفيق ومبروك مسبقااا
بصح لازم الاوراق يا بنتى الدنيا صعيبة.............
قانونيا لا اشكال مطلقااا قومى بالاجراءات للتصحيح فقط بالمحكمة والحالة المدنية والعقد..........