بطاطا مقلية مقرمشة ولذيذة امممممممم

[nada242008]

السلام عليكم ورحمة الله
الكثيرات منكن تستغرب هذا الموضوع السخيف :d
وتقول حتى لبطاطا المقلية درتيها موضوع:-o
انا نقولك اجل سيدتي رغم سهولتها الا ان الكثيرات يعانيو معاها
بدل الحصول على بطاطا مقرمشة وبنينة
تتحصل على بطاطا ذابلة شاربة الزيت
هيا مالا تبعي معايا الطريقة
والنتيجة مضمونة

انا شخصيا شفتها في برنامج طبخ وجربتها
وجات تحففففة وخصوصا للاولاد

المقادير

بطاطا مقطعة عادي

كاس فرينة
رشة صغيرة كركم اختياري
وشوية بابريكا اللي هي فلفل حلو احمر يعطي نكهة ولون

ملح

ونزيد الما حتان نتحصل على عجينة تشبه عجينة الكراب

نخلط الكل مليح ونضيفها للبطاطا

ونسخن الزيت مليح ومن الافضل يكون غزير
ونطيبها على دفعات
وبعد ما نلوحها نحركها بالشوكة شوي باش مايلصقوش الحبات في بعضاهم

انا نغطيها لاني نخشن البطاطا شوي

وهذي النتيجة

واش رايكم :-r

ملاحظة صاحبة الوصفة اضافت م ص خميرة كيميائية
انا جربتها بيها وبلا بيها تحصلت على نفس النتيجة

ولي تحب لونها اصفر ما تضيفش البابريكا

شكرا لكم على المتابعة :regards01:

​

 

[oumsif]

رد: بطاطا مقلية مقرمشة ولذيذة امممممممم

ياو ما نخافش اعليك فحلة الله يبارك ربي يبعد العين اعليك وتسلم ايدك ام ندوش

 

[روز]

رد: بطاطا مقلية مقرمشة ولذيذة امممممممم

يعطيك الصحة

أنا كنت نعرف فكرة أخرى وهي تقلي البطاطة نصف قلي أو ربع قلي
ونحيها وحطيها في ورق تمتص الزيت وخبيها في كيس غذائي في الكونجلاتور
وكل ماتحتاجي خرجيها واقليها عادي
تجي مقرمشة وماتشربش الزيت بزاف ماجربتهاش
بصح شريتها جاهزة مخدومة بهذ الطريقة جات صح روعة

يعطيك الصحة ام ندوشة على الافكار

 

[ibtesem]

رد: بطاطا مقلية مقرمشة ولذيذة امممممممم

تطبيق فوري ههه كنت نخمم في البطاطة
ايا نعملها تسلم الايادي
يالعوينتي

 

[nada242008]

رد: بطاطا مقلية مقرمشة ولذيذة امممممممم

ياو ما نخافش اعليك فحلة الله يبارك ربي يبعد العين اعليك وتسلم ايدك ام ندوش

الله يسلمك سمورة ربي يحفظك اختي

يعطيك الصحة

أنا كنت نعرف فكرة أخرى وهي تقلي البطاطة نصف قلي أو ربع قلي
ونحيها وحطيها في ورق تمتص الزيت وخبيها في كيس غذائي في الكونجلاتور
وكل ماتحتاجي خرجيها واقليها عادي
تجي مقرمشة وماتشربش الزيت بزاف ماجربتهاش
بصح شريتها جاهزة مخدومة بهذ الطريقة جات صح روعة

يعطيك الصحة ام ندوشة على الافكار

انا ثاني سمعت بيها وجربت الكونجلي المشرية بصح شخصيا عمري مانخمم نكونجلي لبطاطا ههه
وكاينة طريقة اخرى تغليها في الما مع قطرات خل ومن بعد تقليها
وكاينة طريقة ثالثة تقليها نص قلية ومن بعد تخليها تبرد وتعاوديلها القلية الثانية

بصح عجبتني هذي وكون ماجاتش تستاهل مانحطهاش موضوع سخيف هههههههه
الله يسلمك نورتيني ببرنوسك لصفر الله الله خطف الاضواء ههههه

 

[nada242008]

رد: بطاطا مقلية مقرمشة ولذيذة امممممممم

تطبيق فوري ههه كنت نخمم في البطاطة
ايا نعملها تسلم الايادي
يالعوينتي

هههههه راني نسنى تطبيقك يالزاوش :p ويا ربي تعجب لبنات
شكرا ابتسام ربي يحفظك

 

[angel]

رد: بطاطا مقلية مقرمشة ولذيذة امممممممم

مممممممممممممم نموت عليهااااااااااااااا
شكراااااااااااااااااااااااااااااااااااا

 

[كوثر الوهرانية]

رد: بطاطا مقلية مقرمشة ولذيذة امممممممم

اممم دوماج مشفتهاش على بكري كون درتها للعشاء وصفة هايلة كيما مولاتها بارك الله فيك ندوشتي

 

[أمــ وليــد الجزائرية]

رد: بطاطا مقلية مقرمشة ولذيذة امممممممم

طاطا واش هو الكركم هذاك معرفتوش


هي باينة تشهي مي حتى نفهم الكركم باه يكمل المذاق


سينو تجيني كلي مسوسة


رح نرجع ان شاء الله بعد ماتردي عليا​

 

[نور الحبوبة]

رد: بطاطا مقلية مقرمشة ولذيذة امممممممم

اممممممممممممممممم من شكلها اكيدبننة راحنجرب ان شاء الله ننجح تسلم الايادي

 

[narjes81]

رد: بطاطا مقلية مقرمشة ولذيذة امممممممم

ممممممممممممممم والله جوعتيني مع الصباح ريوقي سالو عجبتني الطريقة نجربها اكيد البطاطا ماكانش لي مايحبهاش انا تاني شريت الواجدة بصح ماتجيش بنينا كما تاع الدار

 

[ام ريهام]

رد: بطاطا مقلية مقرمشة ولذيذة امممممممم

شفتها في برنامج طبخ لكن ما سييتهاش يمكن نجربها ما دام عجباتك اكيد ذوقك راقي تسلمي حنونة

 

[anissa 13]

رد: بطاطا مقلية مقرمشة ولذيذة امممممممم

طاطا واش هو الكركم هذاك معرفتوش


هي باينة تشهي مي حتى نفهم الكركم باه يكمل المذاق


سينو تجيني كلي مسوسة


رح نرجع ان شاء الله بعد ماتردي عليا​

فلة الكركم هو الخرقوم وبالفرنسية curcuma

​

 

[anissa 13]

رد: بطاطا مقلية مقرمشة ولذيذة امممممممم

تشهي اكيد نجربها باينة بنينة نديرها للعشا ونصورلك تطبيقي هههه
نسقسيك فحاجة وحدة كي ترمي البطاطا فالخليط تاع الفرينة تعاودي تخرجيها وتحطيها تقطر من السائل هداك ولا لا ترميها مباشرة فالزيت بلا ماتقطر
مشكووووووووووووووورة حبوبتي موضوع مميز عكس ماقلتي راكي عارفة الشعب الجزائري يستهلك البطاطا بزاف ههه على هادي نحتاجو وصفات كيما هادو باه الواحد يبدل
​

 

[أمــ وليــد الجزائرية]

رد: بطاطا مقلية مقرمشة ولذيذة امممممممم

فلة الكركم هو الخرقوم وبالفرنسية curcuma

​

اول مرة نسمع بيه رح نحوس و نجربو ان شاء الله

معلومة جديدة يعطيكم الصحة

....

منحقرو حتى اكلة كل مرة رانا نتعلمو حجات مختلفة

​

 

[nada242008]

رد: بطاطا مقلية مقرمشة ولذيذة امممممممم

تشهي اكيد نجربها باينة بنينة نديرها للعشا ونصورلك تطبيقي هههه
نسقسيك فحاجة وحدة كي ترمي البطاطا فالخليط تاع الفرينة تعاودي تخرجيها وتحطيها تقطر من السائل هداك ولا لا ترميها مباشرة فالزيت بلا ماتقطر
مشكووووووووووووووورة حبوبتي موضوع مميز عكس ماقلتي راكي عارفة الشعب الجزائري يستهلك البطاطا بزاف ههه على هادي نحتاجو وصفات كيما هادو باه الواحد يبدل
​

الله يسلمك انيسة
تقدري بعد ماتخلطيها تحطيها في كسكاس تقطر بصح ماديريهاش جارية ياسر باش ماتروحلهاش التلبيسة ههههههه وتقدري تطيبيها ديراكت تهزي بيدك وتلوحي في المقلة عندك تحرقي صباعك ههه
وكيما قلتي نموتو على البطاطا وكنوع من التغيير والتجديد العبد يجرب ويشوف مانا خاسرين والو ههه
شكرا انيسة نورتيني :regards01:

شفتها في برنامج طبخ لكن ما سييتهاش يمكن نجربها ما دام عجباتك اكيد ذوقك راقي تسلمي حنونة

هههه حتى نتي شفتيها مالا ايا مزية حطيت المصدر :d
جربيها والله تستاهل التجربة
مرورك الراقي ام ريهام
شكرا جزيلا

ممممممممممممممم والله جوعتيني مع الصباح ريوقي سالو عجبتني الطريقة نجربها اكيد البطاطا ماكانش لي مايحبهاش انا تاني شريت الواجدة بصح ماتجيش بنينا كما تاع الدار

هلا والله حيا الله شوفو شكون زارتني
والله ليك وحشة كبيرة يا نادية:$
صح المشرية تحسيها كالكرتون تقول مش طبيعية :down:
شكرا ليك عزيزتي

مممممممممممممم نموت عليهااااااااااااااا
شكراااااااااااااااااااااااااااااااااااا

شكرا انجل بارك الله فيك

اممم دوماج مشفتهاش على بكري كون درتها للعشاء وصفة هايلة كيما مولاتها بارك الله فيك ندوشتي

ماعليش فريدة الجايات كثر من الرايحات هههه وانا نقولك رد زين كمولاتو الطيبة
ربي يحفظك فريدة

طاطا واش هو الكركم هذاك معرفتوش


هي باينة تشهي مي حتى نفهم الكركم باه يكمل المذاق


سينو تجيني كلي مسوسة


رح نرجع ان شاء الله بعد ماتردي عليا​

الكركم هو نوع من التوابل لونو اصفر وكاين لي يسميه العقدة الصفرا ولا كيما شرحت انيسة
يستعملوه عادة في الاطباق لي فيها الارز في الخليج ولا في المغرب ثاني

اممممممممممممممممم من شكلها اكيدبننة راحنجرب ان شاء الله ننجح تسلم الايادي

 

[الحلم الوردي]

رد: بطاطا مقلية مقرمشة ولذيذة امممممممم

من شكلها تبان تشهي
جاتك روووووووووووووووووعة
بصحتك
يعطيك الصحة
​

 

[فيفي تبسية]

رد: بطاطا مقلية مقرمشة ولذيذة امممممممم

 

[ام ايناس]

رد: بطاطا مقلية مقرمشة ولذيذة امممممممم

يعطيك الصحة ندوشة والله غير شفتها وقلت نسقسيك عليها باسكو باينة حاجة زايدة فيها الف شكر على الوصفة

​

 

[زهور96]

رد: بطاطا مقلية مقرمشة ولذيذة امممممممم

44444444444444444444444444444444444444