كاشير منزلي

[nada242008]

بسم الله الرحمان الرحيم

بعيدا عن المواد الحافظة والنكهات الاصطناعية
وخصوصا لانو ندوش مدمنة عليه :d
قلت نديرهولها في الدار
باش نتاكد بلي تاكل حاجة نظيفة
وصحية

المكونات
صدر دجاج منزوع الجلد والعظم
مقطع مكعبات
كاس خبز مرحي / شابلير
بيضة
ملح
فلفل اكحل
فلفل احمر حلو
ثوم بودرة
زيتون
ملون احمر
فرماج اختياري

الطريقة
نحط الدجاج في الميكسور ونرحيه ومن بعد
نضيف باقي المكونات الا الزيتوون
حتان يتخلط كلش مليح

نحط الزيتون المقطع شرائح مع الخليط
ونغلفو بالبلاستيك الشفاف ونحكم الغلق في االاطراف
ونزيد نغلف بورق الالمنيوم

ونحطو في طنجرة فيها الما يغلي
نخليه نص ساعة
ومن بعد نخليه يبرد
ونقطعو
وبالصحة والراحة

​

 

[om mimi.mili]

رد: كاشير منزلي

انا طلبتو وانا اول وحدة ترد يعطيك ما تتمناي ندوش مريم بنتي تموت عليه انا تاني بصح عندي كل المكونات منغير الثوم المرحي منقدرش نستغنى عليه ولا نعوضو بحاجة اخرى

 

[nada242008]

رد: كاشير منزلي

انا طلبتو وانا اول وحدة ترد يعطيك ما تتمناي ندوش مريم بنتي تموت عليه انا تاني بصح عندي كل المكونات منغير الثوم المرحي منقدرش نستغنى عليه ولا نعوضو بحاجة اخرى

مش خسارة فيك ام ميمي نبعثهولك واجد مش موضوع
نورمال تقدري تدريه بلا ثوم وتبدلي التوابل حسب ذوقك

 

[نور الحبوبة]

رد: كاشير منزلي

امممممممممممممم ندوشا الكاشير اشهي وصحي اكيد راح نجربو واحبوه البنات يعطيك الصحة

 

[SAMIRA25]

رد: كاشير منزلي

يعطيك الصحة ام ندى راه يشهي
بارك الله فيك على الوصفة
و هدوك اليدونات ربي يحفظهم دائما حاضرين
و بصحتها ندوش الاكل الصحي من يدين الماما الغالية ربي يهنيكم

 

[حكيك]

رد: كاشير منزلي

يعطيك الصحة :up::regards01:

 

[serinee]

رد: كاشير منزلي

ممممممممممممممممممم
الكاشير يشهي يعطييييك الصحة
​

 

[oumniati]

رد: كاشير منزلي

اشهد، اشهد/////وشكون يشهد للعروسة خخخخخخخ
جربتو وخرج زي الفل، انا زدتلو شوييية زيت زيتون، ورشسششششة صغيييرة كمون ودرت ثوم عادي ما عنديش بودر، والله جا روعة
ايه وزدتلو فرماج ابيض ممممم
يسلمو اديك وهذوك الديدات اللي يطلو، وبصحتها ندى لغزالة

 

[nada242008]

رد: كاشير منزلي

امممممممممممممم ندوشا الكاشير اشهي وصحي اكيد راح نجربو واحبوه البنات يعطيك الصحة

بصحة البنات وام البنات وابو البنات يالحبوبة ربي يحفظك

يعطيك الصحة ام ندى راه يشهي
بارك الله فيك على الوصفة
و هدوك اليدونات ربي يحفظهم دائما حاضرين
و بصحتها ندوش الاكل الصحي من يدين الماما الغالية ربي يهنيكم

الله يحفظك حبيبتي سمورة كلك زووووق
عجبني ردك:$ ولك بالمثل يا غالية

يعطيك الصحة :up::regards01:

الله يسلمك حكيك
نورتي :regards01:

ممممممممممممممممممم
الكاشير يشهي يعطييييك الصحة
​

الله يسلمك سرين
شكرااااااا

اشهد، اشهد/////وشكون يشهد للعروسة خخخخخخخ
جربتو وخرج زي الفل، انا زدتلو شوييية زيت زيتون، ورشسششششة صغيييرة كمون ودرت ثوم عادي ما عنديش بودر، والله جا روعة
ايه وزدتلو فرماج ابيض ممممم
يسلمو اديك وهذوك الديدات اللي يطلو، وبصحتها ندى لغزالة

اشهد ان امرة اتقنت الطبخة الا انت .ترارا الا انتي ههههههههههههه والله مش نتي
ايه حتى انا المرة لي فاتت درت رشة صغيرة كمون خعت لا يغطي على الليلة كلها ههههههههه
بصحتك خيرورة:-h

 

[ام سراج الدين وملك]

رد: كاشير منزلي

ربي يعيشك ندى ويعطيك ماتتمناي اولادي يموتو على الكاشيروهادي طريقة ساهلة ومقاديرها دايما موجودة فالدار
راح نجربو ان شاء الله
مشوووورة

 

[ام@الاء]

رد: كاشير منزلي

يعطيك الصحة​

 

[الحلم الوردي]

رد: كاشير منزلي

كاشير
رووووووووووووعة
يعطيك الصحة
ام ندى
خرجلك
رووووووووووووووووووعة
بصحتك
​

 

[ibtesem]

رد: كاشير منزلي

تسلمي ياغالية
راكي شوفتي التطبيق

 

[أم رزق الله]

رد: كاشير منزلي

يعطيك الصحة ام ندوش والله غير يبان مشري ماشاء الله و زيد ساهل ماهل و بصحتهم الدراري

 

[هــــيلدا]

رد: كاشير منزلي

يا عمرييي،، هذا الكاشير ومخليتيش مول الحانوت يربح فيه معاك:p:p

يعطيك الصحة الزينة جاك هايل،، كانت بكري ديرهولنا ماما نشفا بالدجاج والروز،،

يسلمو الايادي،،
وحقا عندك تقولي هرابة،، والله راني حاطاتك في بالي ملقيتش الوقت برك:regards01:

 

[أم نورس]

رد: كاشير منزلي

Baraka allahou fik khti

 

[shahrazad]

رد: كاشير منزلي

الله يبارك يخرجلك هايل و خدمة متقونة ونقية ومضمونة خسارة فالدار مايحبوهش اما نكون طبقتو وعينيا مغمضين
بصح نخلي عندي الوصفة و ربي يكتب ونديرو لولادي ان شاء الله علاه لالا
ربي يحفظك عفوفتي حبيبتشي​

 

[إلياس]

رد: كاشير منزلي

لذيذة سلمت يمناك من عشاق فن الطبخ

 

[hadda0425]

رد: كاشير منزلي

الله يبارك خرج زي تع الشري
يعطيك الصحة ندوشة
​

 

[طوبى للغرباء]

رد: كاشير منزلي

يعطيك الصحة اختي ..ربي يحفظك