مطبخ الرجيم الجزء الاول

[رونق الزهور]

السلام عليكم ورحمة الله وبركاته

اخواتي ان شاء الله تكوني بخير وبصحة وعافيه

اليوم جبتلكم مطبخ الرجيم الي هو تابع للمواضيع السابقة
http://4algeria.com/forum/threads/397790/
http://4algeria.com/forum/threads/397936/
وموضوعنا هنا ببساطة هو

كل وحدة تحط اكلاتها الخاصة بالرجيم وتحطلنا المكونات باش نستفيدو كامل ونفيدو بعضانا
وكاين حاجة اخرى

الي تحصل على اعلى نسبة تصويت وتحط اكلات رائعة ومتنوعة عندها مفاجئة
ولي تخسر اكبر كمية من الوزن الزائد اكيد راح تحصل على جوائز تحفيزية من المشرفات ايضا شي اخر

هناك قوانين خاصة بهذا الركن

اولا يمنع مناعا باتا الدردشة خارج مجال الرجيم
ارجو من العضوات الصدق التام فان كذبكن بشان الوزن الذي تخسرونه قد يحبط عزيمات العضوات ويحسسن ان النظام لا ينجح معهن ايضا ان كذبت بشان وزنك فانك تخدغين نفسك قبل ان تخدعي العضوات وبهذا تكوني قد غششتي نفسك ولم تحققي الهدف المطلوب
الرجاء من العضوات التفاعل لكي نصل الي مبتغانا
اما بالنسبة للاطباق فيشترط ان تكون صحية وخاصة بالرجيم

ومرحبا بكن في ضيافتي وشكر خاص لمشرفات منتدى الطبخ لسماح لنا بهذه الزاوية جعلها الله في ميزان حسناتنا فهدفنا هو تحسين صحة المراة الجزائرية وتحسين المظهر لنظل دائما بصحة جيدة ونظل اميرات دائما في نظر ازواجنا واهلنا ولنشع كالشمس بين صديقاتنا ونصبح مثلا يحتذى به في الصحة والجمال فهيا بنا اخواتي نبدا مشوارنا من هذه الزاوية المتواضعة
وهدي بعض الاطباق الصحية نضيفكم بيها باش ماتقولوش ماحطتلنا والو هذيك المزية:-r

مجموعة عالم المراة
om ahla hadi​

 

[NaNouS]

رد: مطبخ الرجيم الجزء الاول

يعطيك الصحة اختي كون زدتي معاها خبزة كسرة ولا خبز تجي انتييك هههههههههه

 

[رونق الزهور]

رد: مطبخ الرجيم الجزء الاول

ها خسرنا قع رجيم هكا هههه شكرا على المرور ان شاء الله تنورنا باطباقكم

 

[nada242008]

رد: مطبخ الرجيم الجزء الاول

موفقات وان شاء الله تقدموا اطباق صحية ومشهية وتوصلوا الى الوزن المثالي بصحة وعافية.
تم التثبيت .

 

[ويبـقى الأمــل]

رد: مطبخ الرجيم الجزء الاول

يعطيكم الصحة على مجهود

حظ موفق للجميع​

 

[ام ايناس]

رد: مطبخ الرجيم الجزء الاول

موضوع رااائع وموفقين انشاء الله كاش مازدت راني نجي نطل عليكم سلالالامي
​

 

[نور الحبوبة]

رد: مطبخ الرجيم الجزء الاول

موضوع مليح ان شاء الله افيدنا ونلقاو فيه الجديد ونولي مانكا على يديكم ههههه

 

[رونق الزهور]

رد: مطبخ الرجيم الجزء الاول

ان شاء الله نعيمة ههههه اذا عندك الارادة تديها للمانكات ان شاء الله:up:
وهذي اول مشاركة ليا في هذا الركن
هذا تيزان تع المعدنوس

وهذي سلطه

 

[ام بسومة]

رد: مطبخ الرجيم الجزء الاول

بارك الله فيك اختي على هذه المبادرة القيمة

 

[ام سراج الدين وملك]

رد: مطبخ الرجيم الجزء الاول

بارك الله فيك أم هــــــــــــــــــــــادي

 

[رونق الزهور]

رد: مطبخ الرجيم الجزء الاول

سلطة الخضر المنوعه

راني جبتلكم وصفه صحية ولذيذة
لي زابا في الكوشة ولاكاين لي يقولولهم مصارن الجاجة
اول شي تحكمي لي زابا تنقيهم مليح من بعد تقطعيهم رقيق ماعدا الكبدة قطعيها شوية خشينه وديرهم يطيبو في الكوشة مع شوية ملح وفلفل وكمون وملعقة زبدة
كي يدخلهم الطيباب قطعي عليه زوج قرون تع فلفلة حلوة مشوية وخليها طيب معاهم وكي يطيبو قدميهم مع صحن سلطو وشوية خبز رووووووووووووووووووووعة صدقوني ولي زابا مفيدين للرجيم مايزيدوش بزاف وبصحة والهنا

 

[ندى الورود]

رد: مطبخ الرجيم الجزء الاول

يعطيك الصحة اختي فكرة الموضوع رائعة
حتى ولو الانسان ماشي سمين لازم يعود نفسه على الاكل الصحى حفاظا على صحته مستقبلا من امراض كثيرة
انا مانيش سمينة ونحب ناكل الأكل الصحي والحمد لله وزني مثالي
موفقات

​

 

[رونق الزهور]

رد: مطبخ الرجيم الجزء الاول

وي ندى الورود عندك الحق في هذي صح الواحد كي ياكل الاكل الصحي ديما البشرو تاعو تبقى متالقه وصحة مليحة مام انا وزني مثالي ماسمنتش كامل طول حياتي يعني نزيد كيلو من ذاك ولا ننقص ولكن ديما لطاي تاعي مليحو لاني ناكل الاكل الصحي مانحبش نبدا ثقيلة وسمينة
ان شاء الله تشاركينا باطباقك الصحية والطبق الي يفوز نديروه في مجلة الشهرية تع دانتال

 

[ام سراج الدين وملك]

رد: مطبخ الرجيم الجزء الاول

السلام عليكم
ام احلى هادي لبنات مانظنش ينقصو فالوزن وحدى ماراه تجي هنا
رانا غير نسمانو ههههههههه

 

[رونق الزهور]

رد: مطبخ الرجيم الجزء الاول

وي لا حظتهم ههههههه
يا خواتي على الاقل حطو طبسي سلاطه ماتحشمونيش خخخخ

 

[أم رزق الله]

رد: مطبخ الرجيم الجزء الاول

بارك الله فيك ام هادي على مجهودك الطيب ان شاء الله الموضوع يلقى تفاعل من العضوات

 

[رونق الزهور]

رد: مطبخ الرجيم الجزء الاول

ان شاء الله مام انا غدوة نحط اطباقي الصحية راني هذو الايام مع مرض هادي ابني

 

[ندى الورود]

رد: مطبخ الرجيم الجزء الاول

وي ندى الورود عندك الحق في هذي صح الواحد كي ياكل الاكل الصحي ديما البشرو تاعو تبقى متالقه وصحة مليحة مام انا وزني مثالي ماسمنتش كامل طول حياتي يعني نزيد كيلو من ذاك ولا ننقص ولكن ديما لطاي تاعي مليحو لاني ناكل الاكل الصحي مانحبش نبدا ثقيلة وسمينة
ان شاء الله تشاركينا باطباقك الصحية والطبق الي يفوز نديروه في مجلة الشهرية تع دانتال

إن شاء الله اختي اذا قدرت نحطلكم وصفات صحية
وكاين عادات لازم نتبعوها مثلا احنا في عايلتنا ما نحبوش الاكل الدسم واي حاجة فيها شحم نتجنبوها و
و الاكل بين الوجبات ماشي مليح احنا نتقيدوب 3 وجبات ونتعشاو بكري العشا تاعنا جامي يجي موخر و في الليل ما ناكلوش على خاطر الاكل تاع الليل يسمن عايلتنا كامل هكا وماشي قاعدين نتبعو رجيم من ربي هكا وناكلو كل شي بصح بنظام والحمد لله كامل ماشي سمان

 

[رونق الزهور]

رد: مطبخ الرجيم الجزء الاول

الله يبارك عائلتكم واعية بزاف لطرق الاكل الصحيحة كون الواحد من صغرو يتبع هذا النظام يظل كول عمرو شاد في لفورم مليحة مي الله غالب العائلات الجزائرية اغلبها ماتتبعش هذا النظام

 

[oumniati]

رد: مطبخ الرجيم الجزء الاول

ياصحااااب الريجيم نهاااركم صحة وعااافية
حابة نهدر بصح العين بصيرة والايد قصيرة خخخخخ يفرج ربي ونفرغ قلبي هههه
الحاصول هاذو زوج سلاطات


الاولى فيها روز بزاف بصح تقدري تنقصر الروز وتكثري الخضرة وتاكلي قيسك طبعا

الثانية فيها شوووية برك روز وبزاااف بروتين تاع الحبوب الجافة، هنا فيها زبيب تقدري تستغناي عنو، بصح انا نشوف بللي ما ياثرش بالعكس يخليها وجبة كاملة

زيت زيتون لاااازم ولا والف لا للمايوناز:down:


عن نفسي نهار ندير رجيم اهم حاجة نقصيها بنسبة ٩٠٪ هي الخبز