بيتزا فى الطاجين من مطبخى

[ام اشراق]

السلام عليكم
هذ الوصفة عندى سنين معتمدتها واستغنيت نهائيا عن الفرن فيما يخص البيتزا واليكم الوصفة

هذه المقادير تعطيك 6 خبزات :
2 كيسان حليب وتقدرى تعوضيه بالماء لكن انا نفضل الحليب لانو تحمر بسرعة وعلى مستوى واحد

فنجان صغير زيت اوزيت الزيت

مغرفة كبيرة معمرة سكر
مغرفة صغيرة ملح
2مغارف لحظة
مغرفة اكل خميرة الخبز طبعا الفرينة
التحضير:
نضربوا السوائل نزيدوا السكر الملح ونضيفوا الفرينة معها مغرفة خميرة +2مغارف كبار لحظةنجمعوها ندلكوها غير شوية نغطوها كامل بزيت الزيتون او زيت عادى نغطوها بكيس بلاستيكى .نوجدو الصلصة وكل المستلزمات انا مكانش عندى اللحم غليت البيض ربيتوا . قليت البصل والطرشى وزينت بالفرماج والمايوناز
وهاهى الوصفة جاهزة

ملاحظة : لانو بيتزا الطاجين بسرعة اطيب فمن الاحسن تحلى الخبزات من قبل اومبعد تبداي اطيبى

 

[suzanna]

رد: بيتزا فى الطاجين من مطبخى

chaba merci

 

[ام اشراق]

رد: بيتزا فى الطاجين من مطبخى

chaba merci

عينيك الى شابين شكرا الاخت سوزانة

 

[آمال النجاح]

رد: بيتزا فى الطاجين من مطبخى

السلام عليكم و رحمة الله

جاتك هايلة يعطيك الصحة

شهيتيني ماعليش تمديلي شوية ؟ بلا مانذوقها باينة بنينة

 

[ام اشراق]

رد: بيتزا فى الطاجين من مطبخى

السلام عليكم و رحمة الله

جاتك هايلة يعطيك الصحة

شهيتيني ماعليش تمديلي شوية ؟ بلا مانذوقها باينة بنينة

وعيكم السلام اختى بلا ماتسقسى اتفضلى بصحتك

 

[حكيك]

رد: بيتزا فى الطاجين من مطبخى

ينقل الى وصفات السندويشات والمعجنات والمخبوزات الحصرية والمجربة
راهي تشهي مشكورة على الوصفة

 

[ام اشراق]

رد: بيتزا فى الطاجين من مطبخى

ينقل الى وصفات السندويشات والمعجنات والمخبوزات الحصرية والمجربة
راهي تشهي مشكورة على الوصفة

بارك الله فيك تسلمى اختى

 

[ام براءة2014]

رد: بيتزا فى الطاجين من مطبخى

والله فكرة رائعة اعجبتني كثيرا شكرا لك نجربها ونردلك الخبر

 

[ام اشراق]

رد: بيتزا فى الطاجين من مطبخى

والله فكرة رائعة اعجبتني كثيرا شكرا لك نجربها ونردلك الخبر

شكرا اختى ام براءة على المرور .
جربيها وشوفى رايحة تسهل عليك كثير

 

[ام ايناس]

رد: بيتزا فى الطاجين من مطبخى

يعطيك الصحة انا البارح برك درتها بنفس الطريقة راني معتمدتها مشكوووورة على الموضوع

​

 

[راجية عفو الله]

رد: بيتزا فى الطاجين من مطبخى

جاتك هايلة يعطيك الصحة

 

[السلطانة]

رد: بيتزا فى الطاجين من مطبخى

تشهي يعطيك الصحة اختي

 

[ام اشراق]

رد: بيتزا فى الطاجين من مطبخى

يعطيك الصحة انا البارح برك درتها بنفس الطريقة راني معتمدتها مشكوووورة على الموضوع

تسلمى يام ايناس . بصحتك



​

جاتك هايلة يعطيك الصحة

شكرا . الله يسلمك

تشهي يعطيك الصحة اختي

شكرا ربي يهنيك

 

[جوهرة الهناء]

رد: بيتزا فى الطاجين من مطبخى

امممممممم تشهي شكرا على الطريقة انا شخصيا ما درتهاش في الطاجين بصح فكرة مليحة نجربوها بادن الله

 

[ام سراج الدين وملك]

رد: بيتزا فى الطاجين من مطبخى

جاتك هايلة يعطيك الصحة

 

[ام اشراق]

رد: بيتزا فى الطاجين من مطبخى

امممممممم تشهي شكرا على الطريقة انا شخصيا ما درتهاش في الطاجين بصح فكرة مليحة نجربوها بادن الله

شكرا اخت جوهرة . جربيها انشاء ماريحاش تندمى

جاتك هايلة يعطيك الصحة

الله اسلمك اخت ام سراج الدين ومللك ربي يهنيك

 

[ندى الورود]

رد: بيتزا فى الطاجين من مطبخى

ديما نشوف وصفات في النت بلبيتزا الطاجين بصح ما جراتش باش نجربها خفت تنحرقلي
بلاك نتشجع ونجربها يعطيك الصحة اختي على الطريقة

​

 

[ام اشراق]

رد: بيتزا فى الطاجين من مطبخى

ديما نشوف وصفات في النت بلبيتزا الطاجين بصح ما جراتش باش نجربها خفت تنحرقلي
بلاك نتشجع ونجربها يعطيك الصحة اختي على الطريقة

​

مشكورة اخت ندى . جربيها وانشا ء الله تعجبك نقصى للنار. ارفدى من الجنب غير تشوفيها احمارت اقلبيها ابداى فى الصوص وجميع المكونات .بلخف اطيب مايضلوش يسناو

 

[samah06]

رد: بيتزا فى الطاجين من مطبخى

يعطيك الصحة اختي
انا ثاني نديرها
لكن في طريقة الطياب عندها عفسة انك اطيبيها كي الكسرة تلوحيها على جيهة ومن بعد تقلبيها وعلى الوجه اللى طاب تحطي المكونات
عندك الحق سريعة وبنينة

 

[ام اشراق]

رد: بيتزا فى الطاجين من مطبخى

يعطيك الصحة اختي
انا ثاني نديرها
لكن في طريقة الطياب عندها عفسة انك اطيبيها كي الكسرة تلوحيها على جيهة ومن بعد تقلبيها وعلى الوجه اللى طاب تحطي المكونات
عندك الحق سريعة وبنينة

اهلين اخت سماح نعم انا تانى ندير نفس الطريقة نسيت ما نبهتش عليها فى الوصفة مشكورة اختى