متنساوش تدو معاكم ستيلو و لا تورش

[حاملـة المسك]

السلام عليكم و رحمة الله و بركاته

سي بون درت القلب و قلت نكتب في وش راك تهدر
م بياش وسام الكاتب المميز باسكو منيش راح نفوت 5 مواضيع
و م بياش ال 100 نقطة باسكو من هد الموضوع منيش راح نزيد نهدر هه
مشاركة متواضعة مني لواش راك تهدر منتقاة من صميم الواقع ...

الحكاية و ما فيها تخص مع الاطباء الخواص
راكم تعرفو المريض وش يعاني من آلام و مواجع و تزيد تكمل عليه الحالة النفسية
يولي يحوس على كل أسباب الراحة من بينها يفيتي السبيطارات و محاينهم ..
لشان.. و الاستقبال الضعيف .. وروح من واطلع من و فوقها التشناف
يحملها في ديك المية تالف لتوكلو يومين هو و صغارو يدفعها لطبيب خاص و لا هم السبيطار
مي للاسف دركا بعض الاطباء خرجولنا خرجة جديدة منعرف تتسمى تحسين خدمات و لا واش :s
زمان كنا سبعة و نص نكونو عند الطبيب و نحكمو بلاصة نووورمال و يسجلنا الفرملي بالترتيب غير بالشوفة :-h
شويا ك كتر الغاشي ولينا نروحو على السبعة ..بون هدا ليكون قلوق و وراه قضيات و ميحبش يسنى و لي فارغ الشغل يجي على التسعة

دك يا سادة يا كرااام بعض الاطباء ولى التسجيل عندهم بلا شوفة و بلا فرملي .. سجل و رتب وحدك :d
نوض على 2 ديال الليل ألبس لاغوب دوشنبر ديالك و pـونطوفتك و أدي معاك ستيلو و تورش
( هادي لطبيب ل معندوش مصباح عمومي قدام بابو :d

سي بون اول حاجة متحشمش بلبستك باسكو الغاشي اكل راهو بقش الشنمبرة
سجل وا تأكد بياا بلي حطيت اسمك مشي اسم مديرك ولا نسيبتك :d
و ولي سمر الوريقة بيااا تاني لا يديها الريح :p:p:p
وازرب ولي لفراشك قبل ما يبرد ... و ما تنساش تريقل الغيفاي مجددا
باسكو لازم تكون حاضر ك الفرملية دير لـpـال و لا مقلتش حاااضر :-o:-o
راحت بلاصتك :-o:-o:-o
و الا حضرت و م عيطتلكش نوض ليها أvاك pـوليناس ... مدموزال مسمتنيش :-r:-r
الفرملية: وسمك خويا
المريض: فلاااان
الفرملية: مكاش اسمك
المريض: نون مدموزال سجلت على 2 و عشرة
الفرملية: سبحان الله ها هي الورقة
السيد كاتب اسمو مايل من الظلمة و الورقة لكتب فيها فطسة و لي في يدو مخطة ؟!!!!

الوريقة تبدلت :-o و تحطت ليست جديدة :-o و اسامي جديدة :-o:-o

السؤال المطروح: علاه بعض الاطباء خرجو بهد الخرجة الغريبة
قصدهم نظام ... زعما هادي فاتت على المستشفيات
و لا محسوب شوفونا رانا عندنا الغاشي
كاين اطباء ما شاء الله غاشيهم غاشي و مزالهم يخدمو على الريتم القديم
دك وش راهم شايفين هادوما الاطباء .. ربي العالم :s و لا راكم فاهمين فهمونا :-h
​

 

[أمــ وليــد الجزائرية]

رد: متنساوش تدو معاكم ستيلو و لا تورش

مقبل مانبدى نقولك ركي لسقتي سيبون :d
علاه درتيه مستيكي متعرفيش العواقب الي هي تستناك
اتفكري هذا الرد و رح تقولي ملينا قالت :-h ممممممممم هك شهر ولا شهرين :-h
راه من عندي الكاشي و مرحبا بيك في القائمة :down:
قائمة المواضيع المميزة لمنتدى واش راك تهدر 2014

نولو للموضوع واش رايك نجيبو الطبيبة رقية كضيفة ممكن تريبونديلنا على هذا الموضوع كما يلزم :d ولا يلزم عقاب ثانيك نعاقبوها
شفتي ياختي وين نروحو نلقاو تبهدايل و نلقاو كوارث و نلقاو واش نهدرو :d
نقولك حنا هنا كيفاه ولاو يديرو ميستعرفوش بورقتهم يجيو و الاول يكتب روحو ولي يجي موراه يكتبو و هي رايحة كي يجي الطبيب يقولو هك الورقة و قول بسم الله و متنساش رهي عندنا لورقة لوريجينال معنتها معندو وين يبوجي
كرهو من عقليتهم وكان لازم يتحركو دارو نظام و راه مشالهم كما يلزم
يعطيك الصحة يامسك اللمة
ليوم واش راك تهدر ريحتو كلها مسك
شرفتينا :regards01:
​

 

[أم عبد الله]

رد: متنساوش تدو معاكم ستيلو و لا تورش

هههههههههههه موضوع هايل اختي مسكـ راكي ف الصميم تهدري
مي انقولكـ مزيا لهنـآ ماكاش هاذي الحكاية اتسمى تروحي ليوم الا ماجزتيش نورمال غدوة تفوتي انت الاولى ههههه نحكي باسكو المعريقة هي لي دايرا رايها لهنـآ اتسمى ماتشقايش تكتبي اسمك باسكو يعرفوك هههههههه
مام ف السبيطارات نفس السيستام وريلهم وجهك وجوزي بلا كواغط الله غالب هاذي بلادي وصايي والفنا الريتم هذا
وبالنسبة لواش تحكي اول مرة نسمع بيها هادي ربي يستر برك ومايسمعوش لاطبا دياولنا يعودو يعاندوهم هههههههههههه
سلامي​

 

[Ma$Ter]

رد: متنساوش تدو معاكم ستيلو و لا تورش

السلام عليكم ورحمة الله
موضوع روعة اختى
الطبيب فهاذ الحالة ما عندوش دخل راهم الفرمليات هوما سباب المشاكل
هوما يحرفو الترتيب كيما يحبو وعلى حسب المعارف
وكاين فرمليات لى يمشو غير بالرشوة
والكارثة والله كاين طبيب فى الجزا ئر
عندو زوج مكاتب تاع استقبال
واحد خاص باللى يقدر يستنى دورو والاخر تاع الناس المزروبة
وتاع الناس المزروبة لازم تخلص 100 الف زايدة باه تفوت نتا اللول
ربي يجيب الخير وخلاص اختى
ربي يهنيك وربي يعطيك صحتك
​

 

[حاملـة المسك]

رد: متنساوش تدو معاكم ستيلو و لا تورش

مقبل مانبدى نقولك ركي لسقتي سيبون :d
علاه درتيه مستيكي متعرفيش العواقب الي هي تستناك
اتفكري هذا الرد و رح تقولي ملينا قالت :-h ممممممممم هك شهر ولا شهرين :-h
راه من عندي الكاشي و مرحبا بيك في القائمة :down:
قائمة المواضيع المميزة لمنتدى واش راك تهدر 2014

نولو للموضوع واش رايك نجيبو الطبيبة رقية كضيفة ممكن تريبونديلنا على هذا الموضوع كما يلزم :d ولا يلزم عقاب ثانيك نعاقبوها
شفتي ياختي وين نروحو نلقاو تبهدايل و نلقاو كوارث و نلقاو واش نهدرو :d
نقولك حنا هنا كيفاه ولاو يديرو ميستعرفوش بورقتهم يجيو و الاول يكتب روحو ولي يجي موراه يكتبو و هي رايحة كي يجي الطبيب يقولو هك الورقة و قول بسم الله و متنساش رهي عندنا لورقة لوريجينال معنتها معندو وين يبوجي
كرهو من عقليتهم وكان لازم يتحركو دارو نظام و راه مشالهم كما يلزم
يعطيك الصحة يامسك اللمة
ليوم واش راك تهدر ريحتو كلها مسك
شرفتينا :regards01:
​

محسوب نزيد نهدر ... كلشي بالمكتوب خخخ
كما قلتي وين نروحو نصيبو المسمار فيه عوجة
هنا فاتتهم يديرو دوزيام كوبي .. طلعتو انتليجون علينا :up:
يلزملنا رقية و سي فلان يجاوبونا و لا بداو يدافعو بدون حجج مقنعة
نتصلو بالسيد المستشار و نحتكمو عندو هه
انا لي الشرف ملينا أني شاركت في منتدى وش راك تهدر
بلااااك نولي .. م تدري
ربي يكسيك ختي بستر الصحة

​

 

[حاملـة المسك]

رد: متنساوش تدو معاكم ستيلو و لا تورش

هههههههههههه موضوع هايل اختي مسكـ راكي ف الصميم تهدري
مي انقولكـ مزيا لهنـآ ماكاش هاذي الحكاية اتسمى تروحي ليوم الا ماجزتيش نورمال غدوة تفوتي انت الاولى ههههه نحكي باسكو المعريقة هي لي دايرا رايها لهنـآ اتسمى ماتشقايش تكتبي اسمك باسكو يعرفوك هههههههه
مام ف السبيطارات نفس السيستام وريلهم وجهك وجوزي بلا كواغط الله غالب هاذي بلادي وصايي والفنا الريتم هذا
وبالنسبة لواش تحكي اول مرة نسمع بيها هادي ربي يستر برك ومايسمعوش لاطبا دياولنا يعودو يعاندوهم هههههههههههه
سلامي​

هاااه تتمسخري ... الميت ينطقوه
البيستون راه عندنا حنا تاني و فوقها الخوف هه
خطرة فرملية دخلت بوليسي قبل الغاشي
و قالتلنا شت عندو كابوسة خفت ... اعتذار ميدخلش للراس
قاتلها وحدة مزيا مجاجش مع الباتروي ديالو هه
الله يعافيكم من التقليد .. نت ديري روحك م قريتي م رديتي
شرفتي ختي
ربي يكسيك بستر الصحة


​

 

[حاملـة المسك]

رد: متنساوش تدو معاكم ستيلو و لا تورش

السلام عليكم ورحمة الله
موضوع روعة اختى
الطبيب فهاذ الحالة ما عندوش دخل راهم الفرمليات هوما سباب المشاكل
هوما يحرفو الترتيب كيما يحبو وعلى حسب المعارف
وكاين فرمليات لى يمشو غير بالرشوة
والكارثة والله كاين طبيب فى الجزا ئر
عندو زوج مكاتب تاع استقبال
واحد خاص باللى يقدر يستنى دورو والاخر تاع الناس المزروبة
وتاع الناس المزروبة لازم تخلص 100 الف زايدة باه تفوت نتا اللول
ربي يجيب الخير وخلاص اختى
ربي يهنيك وربي يعطيك صحتك
​

و عليكم السلام

خدمات الطيران الطبي :d:d

première classe:regards01::regards01:
:regards01::regards01:deuxième classe

الله غالب حنا لازم هك كلشي مبدل ..مغاااير ..فيه فويت

سينو كفاش نبانو :d
قالك خااالف تعرف
ميرسي ليك خويا ماستر
ربي يكسيك بستر الصحة

​

 

[رونق الزهور]

رد: متنساوش تدو معاكم ستيلو و لا تورش

يعطيك الصحه على الموضوع راكي تهدري على ازمه حياتي
انا ولدي الصغير مراض ونظل عند الطبه بصح رشاوني غير من هذا النظام البايت ولي تعجبك كي يجي واحد من برا قع ويدخلوه تم تم وكي تهدري يقلك مجرد من صباح هذا وين دخل
يا ناس اتقو الله فينا
اما عند الطبيبه النسائيه حدث ولاحرج بدبزه وولا فتي سورتو كي تكوني مريضه وكرشك غابناتك وماتلقايش مام با وين تقعدي يخي حاله يخي بلاد بيسطو
شكرا على الموضوع ال يمرض تروحي للطبيب صحيحه تزيدي تتمرضي

 

[♫الباحثة عن الحظ♫]

رد: متنساوش تدو معاكم ستيلو و لا تورش

الَسِلَامً عٌلَيِکمً اخِتٌيِ الَکريِمًة

وٌالَلَهّ ضحًکتٌنِيِ لَحًکايِة هّادٍيِ سِبًحًانِ الَلَهّ تٌشُوٌفُ لَعٌجّبً هّهّهّهّهّهّهّهّهّهّهّ

هّادٍيِ هّيِ حًالَ بًلَادٍنِا ازٍدٍمً عٌلَى روٌحًک وٌمًنِعٌرفُ الَا تٌسِلَکهّا هّهّهّ

ربًيِ يِجّيِبً الَخِيِر فُيِ بًلَادٍ الَمًيِزٍيِريِة
شُکرا لَک
​

 

[السلطانة]

رد: متنساوش تدو معاكم ستيلو و لا تورش

وعليكم السلام
يعني بلادنا في كل الميادين اصدم دير لاشان واصبر
تبقى طول اوناطونت ولا متفوتش
صح حالة تعيي العبد يروح مريض يداوي يزيد يمرض
بون سوجي يالغيارة خخخخخ
(هادي في خاطر ميلينا )
يعطيك الصحة​

 

[nanoche]

رد: متنساوش تدو معاكم ستيلو و لا تورش

السلام عليكم و رحمة الله
اذا وصلت الحكاية لهاذ الدرجة نقولو الله يجيب ساعة الخير
تالبو المسكين حتى في الصحة وانا نعرف بزاف آنفاغمياغ كي يسجلو لاليست يخليو نوامر فارغين لحبابهم و حباب حبابهم
الله يهدي ما خلق يا اختي
​

 

[حاملـة المسك]

رد: متنساوش تدو معاكم ستيلو و لا تورش

يعطيك الصحه على الموضوع راكي تهدري على ازمه حياتي
انا ولدي الصغير مراض ونظل عند الطبه بصح رشاوني غير من هذا النظام البايت ولي تعجبك كي يجي واحد من برا قع ويدخلوه تم تم وكي تهدري يقلك مجرد من صباح هذا وين دخل
يا ناس اتقو الله فينا
اما عند الطبيبه النسائيه حدث ولاحرج بدبزه وولا فتي سورتو كي تكوني مريضه وكرشك غابناتك وماتلقايش مام با وين تقعدي يخي حاله يخي بلاد بيسطو
شكرا على الموضوع ال يمرض تروحي للطبيب صحيحه تزيدي تتمرضي

حال البلاد و العباد ام عبد الهادي
ربي يكون الخير
ربي يكسيك و عايلتك بستر الصحة​

 

[حاملـة المسك]

رد: متنساوش تدو معاكم ستيلو و لا تورش

الَسِلَامً عٌلَيِکمً اخِتٌيِ الَکريِمًة

وٌالَلَهّ ضحًکتٌنِيِ لَحًکايِة هّادٍيِ سِبًحًانِ الَلَهّ تٌشُوٌفُ لَعٌجّبً هّهّهّهّهّهّهّهّهّهّهّ

هّادٍيِ هّيِ حًالَ بًلَادٍنِا ازٍدٍمً عٌلَى روٌحًک وٌمًنِعٌرفُ الَا تٌسِلَکهّا هّهّهّ

ربًيِ يِجّيِبً الَخِيِر فُيِ بًلَادٍ الَمًيِزٍيِريِة
شُکرا لَک
​

ربي و ما قسم
ربي يسقم لحوال
شكرا ليك ختي
ربي يكسيك بستر الصحة​

 

[حاملـة المسك]

رد: متنساوش تدو معاكم ستيلو و لا تورش

وعليكم السلام
يعني بلادنا في كل الميادين اصدم دير لاشان واصبر
تبقى طول اوناطونت ولا متفوتش
صح حالة تعيي العبد يروح مريض يداوي يزيد يمرض
بون سوجي يالغيارة خخخخخ
(هادي في خاطر ميلينا )
يعطيك الصحة​

قالك ..انما مصائب قوم عند قوم فوائد
و منهم جانا لبون سوجي :d
تسلمي ساندي
ربي يكسيك بستر الصحة​

 

[حاملـة المسك]

رد: متنساوش تدو معاكم ستيلو و لا تورش

السلام عليكم و رحمة الله
اذا وصلت الحكاية لهاذ الدرجة نقولو الله يجيب ساعة الخير
تالبو المسكين حتى في الصحة وانا نعرف بزاف آنفاغمياغ كي يسجلو لاليست يخليو نوامر فارغين لحبابهم و حباب حبابهم
الله يهدي ما خلق يا اختي
​

و عليكم السلام
وصلت ختي وصلت
يا ودي فاملياتهم و لا حبابهم ربي يسهل
تغيض المهزلة ديال نوض سجل في نصاص اليالي
يهدينا و يهديهم ختي
ربي يكسيك بستر الصحة​

 

[لآ شَيْـئَ مُهـمْ]

رد: متنساوش تدو معاكم ستيلو و لا تورش

السلام عليككم و رحمة الله و برككاته
هههه ربي يبعد علينا العدوى برك
احنا ما يخدموش هك ،، عندنا ينادو بالنوامر
مثلا ، يعدو حتى للرقم 30
يوزعوهم ، 15 الصباح ، 15 عشي
تروحي يمدلكـ النيمرو حتى وين راهم واصلين ،، و فم يقولك على الساعة ترجعي بالميز
مثلا نتي تروحي تصيبيهم ف29 واصلين ، يمدلك 30 ، و يقولك ارواحي على 3 مساء
و الي بعدك يجي ، يقولو صايي
​

 

[Mr Brahim]

رد: متنساوش تدو معاكم ستيلو و لا تورش

في بسكرة توجد هذه الظاهرة ايضا مع الاسف و المصيبة يخاف الواحد منا و جاي يقولك غير ما تجيش على 2 تاع الصباح لازم تريزارفي و تبات عندنا - طبعا تخلص حق المبيت - و غدوة راك تتقلب

 

[حاملـة المسك]

رد: متنساوش تدو معاكم ستيلو و لا تورش

السلام عليككم و رحمة الله و برككاته
هههه ربي يبعد علينا العدوى برك
احنا ما يخدموش هك ،، عندنا ينادو بالنوامر
مثلا ، يعدو حتى للرقم 30
يوزعوهم ، 15 الصباح ، 15 عشي
تروحي يمدلكـ النيمرو حتى وين راهم واصلين ،، و فم يقولك على الساعة ترجعي بالميز
مثلا نتي تروحي تصيبيهم ف29 واصلين ، يمدلك 30 ، و يقولك ارواحي على 3 مساء
و الي بعدك يجي ، يقولو صايي
​

و عليكم السلام

السيستام هادا موجود عندنا
حنا نهدرو على التسجيل في نصاص الليالي
الله يكافيكم شرها و شر ناقلها لكم هههه
نورتي ختي​

 

[حاملـة المسك]

رد: متنساوش تدو معاكم ستيلو و لا تورش

في بسكرة توجد هذه الظاهرة ايضا مع الاسف و المصيبة يخاف الواحد منا و جاي يقولك غير ما تجيش على 2 تاع الصباح لازم تريزارفي و تبات عندنا - طبعا تخلص حق المبيت - و غدوة راك تتقلب

مالا راهي تاني في بسكرة عنبالي عندنا برك :d
تبات عندهم منظنش .. تبات قدام بابهم و تخلص حق الترتوار للدولة :d ههه
و لا مخلصتش تتقلب في الزنازن ههه
نورت خويا​