حبيت اليوم نحكيلكم واحد الحكاية اللي راهي عاملتلي كعبورة في راسي
اليوما وانا خارجة من الخدمة قلت نروح نشوف والديا في طريقي قبل ما ندخل للدار
من حوالي 3 شهور الوالد ديالي مرض واعمل عملية جراحية اللي تكاليفها كانت شوية عالية ....شوية!!!!!
ايوا بعد عملية والدي بشهر يعيطلي زوج بنت عمتي وانا في العمل أنا نتوسوس من النوامر اللي ما نعرفهمش و ديفوا ما نرجعش مي هو آنسيستا على بيها رفدت كي قلت شكون قاللي أنا فلان زوج فلانة بنت عمتك ...جاتني حاجة بيزاغ
قاللي انا خذيت نومروك من تيليفون فــــــ..... اللي هي زوجتو راني مقلق على خالي يعني والدي رجع خالو
قتلو واش هي حقيقة مرضو مرض وعمل عملية والحمد لله ماشي المرض اللي يقتل مي الأجل و اللي راهو كاتبها ربي مرحبا بيها قاللي ما تقوليش لفــــــ... بليك عيطتلك لأني خذيت النومرو بلا ما تشوفني
قتلو
حتى هنا أنا قلت السيد vيسيو وكاش ما خدملو في راسو يقلك هادي راجلها ماشي دايما هنا بالاك الصنارة تجيب مي بعدها عرفت بليك كان رايح لبعيد
بعد تلات ايام عيط لوالدي وقالو يا خالي تعيش راني مسحق 10ملاين راني مزير فيهم وعلى سمانة رايحين يكونو لعندك أنا قلت للوالد ما تمدلوش راهو شايفك مريض وراك مع الدوا وديجا كيفاش راهو مسحق وهو مدير مدرسة وعندو مزرعة يربي الداند والكباش ومرتو حفافة في النهار تدخل 5 ملاين
قاللي والله غير استحيت منو وما نقدرش نرجعو وكيما تعرفي يا بنتي مول التاج و يحتاج ...أيا مدهملو ومن هاداك اليوم لهاذ اليوم ما ظهر عليه حتى خبر
و بعد فوات الأوان جات عندنا بنت عمتي اللي هي أخت زوجتو و حكات عليه بلاوي وكيفاش تخاسرت هي و اختها على جال هاذ الراجل اللي تانيت اخذ دراهم راجلها وما رجعهمش
