نيتواياج طاطا زوبيدة

[nanoche]

قبل ما نبدى في الحكاية اللي راني معولة عليها حبيت نقوللكم بليك راني مترتقة عظمة ماراهي لاصقة مع ختها حبيتو تعرفو علاش؟
​

نبدا في حكايتي

​

البارح عيطلي زوجي من الخارج وقاللي بليك رايح يدخل اليوم في الليل .... طرت طرت من الفرحة

و عيطت ليما بشرتها وقلتلها تعيطلي لطاطا زوبيدة هادي واحدة زوالية مات راجلها وخلالها 3 اولاد تخدم في البيوت عليهم سنها حوالي 48 سنة منين داك كي نسحقوها في ميناج للدار نعيطولها و طبعا نتحفوها وما نبدلوهاش لأنها مراة كونفيونس​

جاتني اليوم على التسعة في الصباح قلتلها يا طاطا انا قلت تجيني بكري عندي بزاف عفايس حابة نكملهم بما أنو غدوا راني خدامة...

. قاتلي ما تعمريش راسك يا بنتي واقيلا حسبتي طاطاك كبرت وما عادتش تخدم كيف زمان مازالني على ديداني ....

​

قلت في قلبي لخبر يجيبوه التوالا يا طاطا اتفضلي ريحي شويا و نبداو ...

استقهويتي طاطا؟ ​

رجعتلي... يااااا على بنيتي عندي قريب سمانة ما دقتهاش

انا قلت في بالي بالاك حبست القهوة ...

ايا كملت قاتلي راكي تعرفي البيوت اللي راني نخدم فيهم ما رجعوش يمدو كيما زمان تطيحي صيحتك وفي الاخر يمدوليك ربعة دورو يا ربي ويلا شريتي بيها مورصو كبدة شويتيها راكي تعرفي الواحد كي يكبر يعود يحب ياكل

​

ضحكت أنا وقلت يا وخذتي هادي ناوية تاخذ الشهرية ديالي و تروح روحت قبالة للكوزينة وجبت الصينية حطيتلها القهوة و حبيبات حلوى قلتلها يا طاطا سكري لروحك بالاك نزيدلك او انقصلك من السكر .... ايوا راهي تفرغ و تشرب و تزيد تفرغ و تشرب

جبدت الغايسة و الدايسة الساعة راهي قريب الــ11 وقتاش هادي تبدالي

​

اقطعتها قلتلها طاطا تغسلي بالبارد ولا السخون ؟ قاتلي واش راكي معولة اليوم تسيقي ولا غير تمسحي قلتلها لالا يا طاطا انا أصلا بعثتلك على جال الطاpــــــيات حبيت نرفد الخشان و نحط غير الخفاف أيا قلت تغسليهملي ​

قاتلي الطاpـــــيات

!!! ؟ ماعليه جيبيهملي قلتلها طاطا اذا ماراكيش قادرة واش عليه راهم كاينين اللي يقدرو يغسلوهم​

قاتلي لالا ماعليه وين تغسلي ؟ قلتلها اطلعي للاتيغاس ​

أيا طلعت تتسحب قاتلي جيبي الما و الاومو ... فرشي الطاpـــــيات ... رشيهم بالما .... فرغي عليهم الاومو و حكيهم بالبروصا هاعاونيني يا بنيتي مارانيش نقدر

وفي الاخر حكمت التويو ديال الماء أنا اللي عملت كل شي وهي رشتهم بالماء باش يتشللو برك ​

اومبعد قاتلي هزي معايا نحطوهم فوق طابلة باش يقطرو​

هزيناهم وهبطنا قاتلي شفتي يا بنيتي قداه نتعبو مي ما يمدولناش حقنا

قلتلها ايييييه يا طاطا تتعبو بزاف بزاف

غديتها واعطيتلها مكتوب في يدها وقلتلها نتلاقو في ساعة خير يا طاطا وكي غلقت الباب قلتلها روحي يا طاطا روحة بلا رجعة ​

يا يما على نهار اليوم جوزتو في داري وكي شغل أنا اللي كنت نخدم ونزيد نخلص من فوق​

اللي تسحق فيكم طاطا زوبيدة باش ترفد الفراش تاع الشتا نبعتهالها

​

 

[أمــ وليــد الجزائرية]

رد: نيتواياج طاطا زوبيدة

:d:dو الله يا ططاك زوبيدة :d:d
هذي أول مرة نسمع بيها حنا معندناش وحدة كيفها
كنتي تغذي روحك مليح و ترقدي ليلة مليحة و تصبحي بكري وتبداي متتكلي على حتى واحد درك
متلقايش الي يخدم في هذا لوقت غير يديك
وناس بكري فيهم النية مش كما تاع درك
عليها ملازمش الواحد يتكل و مايكون عندك غير يديك ياطاطا

مميزة كي عادتك و تجيبيلنا غير الحصري تاع الدار :d
يضاف للقائمة

قائمة المواضيع المميزة لمنتدى واش راك تهدر 2014
​

 

[nanoche]

رد: نيتواياج طاطا زوبيدة

شوفي يا ملينا بما أنك أول واحدة راكي هنا نبعتهالك بونيس :p
في العاصمة كاين بزاف نساء امتهنو الخدمة في البيوت على هاديك كتر التفنيين هههههههه
يا ملينا أنا من يوم ما عملت الحادث الطبيب منعني من بزاف حوايج ما نقدرش نديرهم حتان يجوز عام أو أكتر على هاديك لي تاPي دياولي كلهم تقال وملي راحت على التلاتة وانا راني في الفراش قوليلي برك كيفاش نروح نجيب مول بيتي من المطار:cray02::cray02::cray02: و اذا عرف راح يدير شقلالة
ايمالا نسكت خير

​

 

[ملكًة الاحسآس]

رد: نيتواياج طاطا زوبيدة

وعليكم السلآآآم
المزية ردت ملينآ ورديتي عليهآ
كون درتلك شقلآلة وقتلك يآلفنيآنة اخدمي انتي
بويسك نسآ اللمة عازبآت ولآ متزوجآت فحلآت خخخ
مآيغيضكش الحآل نقرى ونقول هدي سير عندهآ عذر بصح رآح بآلي لعذر آخر
احم هدآكـ لي كي تعود المراة مش لآزمها تهز الثقل 9 شهر ههه
بون حنآ عندنآ تآني هنآ طآطآ سمية بصح نستعرف بيهآ تخدم على قد درآهمهآ
لي تشوفهآ مشحآحة تنيثوآييلهآ فوق فوق ولي تفحششهآ آي تتهلى فيهآ العشآ حتى تطيبهولهآ وتروح
مش غير النيتوآيآج بركـ خخ
هي كي تجي تشوفي فيهآ الحق وفيهآ البآطل كآين نآس يجيبوهم ينقيولهم ديآرهم كمآ يلزم
وكي تجي رآيحة يعطوهآ عشرينالف وش رايحة تدير بيهآ هدي تآع قال قال اي معندهآش تشد بركـ
ديجآ حتى همآ مسآكن مصآبوهآش يتخدمو في ديآر الناس لوكآن مآهمش محتآجين يقعدو في ديآرهم
على العموم ربي يدوملنآ صحيحتنآ مآنحتآجو حتى وحده تنقيلنآ ديآرنآ
بصح كي تكون عند الحآجة كمآ انتي الله غآلب وش تديري يلم تفحششيهآ بآش تتهلى فيك ههه
ميرسي ليك على الموضوع المليح ، خليتيني نكتب موضوع آخر في رد بلآ مآنحس
​

 

[حاملـة المسك]

رد: نيتواياج طاطا زوبيدة

رد ليا مقدرتش نعمل اقتباس الموضوع مغلق

18 - 09 - 2012, 16:55

هيه يا أنيسة ...كلمة الحادكة مع غسيل الصوف دكرتيني في الماضي
كنا نغسلو الصوف في الجنانات و جبنا مرة شويا كبيرة في العمر بصح حادكة هههه تعاونا
كنت صغيرة وقتها ...المهم بقات توريلنا كفاش نغسلو حنا البنات و توجه فينا و تقلنا كونو (..... )حادقات ههههه..
و هي لا قصة تاكل في العنب و الكرطوس و رجليها في الساقية ناسية بلي راهي مكرية ههه
وحنا البنات نتغامزو و ندحكو هههه المهم يعطيها الصحة دارتلنا القلب و تعلمنا
الله يرحمها و الدنيا هادي فانية ما يبقى غير الكلام الطيب

وش نقلك نانوش اجعليهم صدقة لعمرك و ولادك و الدنيا فانية
و تبقى هدرة و ضحكة و حسرة على لعرفناهم و فارقونا
و كغسلتي نت راهي زيادة في الصحة م تاخديش راي لتقلك سايسي روحك
ربي يزيدلك في جهدك

يعطيك الصحة على الموضوع نانوشا
كلك على بعضك حلو​

 

[ضيوف وسـنغادر]

رد: نيتواياج طاطا زوبيدة

اختي توكلي على خدمة يديك

شكون اللي ماتنظفش بيتها وحدها

واذا ماعرفتش تستنجد بكاش وحدة قريباتها هذا هو شغل المراة ههه

حقيقة كنت يمكن تكوني وحدك خير ماجاتك طاطا زبيدة وخدمتك معاها مي ماعليش كل واحد واسبابو ههه

وربي يعطيك الصحة ان شاء الله

​

 

[ضيوف وسـنغادر]

رد: نيتواياج طاطا زوبيدة

اآآآآآآآآآآآآ راني دوركاعادا فاين شفت ردك هه

راني كليتك ماكلة هههه

طبعا هادي هي ردة فعل بنات حوواااء مع خدمة الدار

ربيبي يقدرك اختي وتتعافاي ان شاء الله

​

 

[nanoche]

رد: نيتواياج طاطا زوبيدة

وعليكم السلآآآم
المزية ردت ملينآ ورديتي عليهآ
كون درتلك شقلآلة وقتلك يآلفنيآنة اخدمي انتي
بويسك نسآ اللمة عازبآت ولآ متزوجآت فحلآت خخخ
مآيغيضكش الحآل نقرى ونقول هدي سير عندهآ عذر بصح رآح بآلي لعذر آخر
احم هدآكـ لي كي تعود المراة مش لآزمها تهز الثقل 9 شهر ههه
بون حنآ عندنآ تآني هنآ طآطآ سمية بصح نستعرف بيهآ تخدم على قد درآهمهآ
لي تشوفهآ مشحآحة تنيثوآييلهآ فوق فوق ولي تفحششهآ آي تتهلى فيهآ العشآ حتى تطيبهولهآ وتروح
مش غير النيتوآيآج بركـ خخ
هي كي تجي تشوفي فيهآ الحق وفيهآ البآطل كآين نآس يجيبوهم ينقيولهم ديآرهم كمآ يلزم
وكي تجي رآيحة يعطوهآ عشرينالف وش رايحة تدير بيهآ هدي تآع قال قال اي معندهآش تشد بركـ
ديجآ حتى همآ مسآكن مصآبوهآش يتخدمو في ديآر الناس لوكآن مآهمش محتآجين يقعدو في ديآرهم
على العموم ربي يدوملنآ صحيحتنآ مآنحتآجو حتى وحده تنقيلنآ ديآرنآ
بصح كي تكون عند الحآجة كمآ انتي الله غآلب وش تديري يلم تفحششيهآ بآش تتهلى فيك ههه
ميرسي ليك على الموضوع المليح ، خليتيني نكتب موضوع آخر في رد بلآ مآنحس
​

آآه يا اللماويات ما قدرتلكمش ههههههههه
شوفي حبيبتي احنا منين كنت صغيرة يما تعيط لطاطا زوبيدة كل ما يجي الصيف يدقدق على الابواب باش تعاونها في الدار وترفد معاها القش التقيل وانا ديما تبعدني على هادوك الصوالح راكي تعرفي fille uniqueههههه:$ ما تحبش تشقيني
مي كانت طاطا زوزو تمشي على العجينة ما تلخبطهاش ودوكا بقالها غير اللسان
ويا اللي سمعك تقولي عشرنلف حبيبتي طاطا اخذات البارح .......... ألف هههههههه ما نقولش خير
ربي يسترك حنونة على المرور و تانيت على الرد
​

 

[nanoche]

رد: نيتواياج طاطا زوبيدة

اختي توكلي على خدمة يديك

شكون اللي ماتنظفش بيتها وحدها

واذا ماعرفتش تستنجد بكاش وحدة قريباتها هذا هو شغل المراة ههه

حقيقة كنت يمكن تكوني وحدك خير ماجاتك طاطا زبيدة وخدمتك معاها مي ماعليش كل واحد واسبابو ههه

وربي يعطيك الصحة ان شاء الله

​

اآآآآآآآآآآآآ راني دوركاعادا فاين شفت ردك هه

راني كليتك ماكلة هههه

طبعا هادي هي ردة فعل بنات حوواااء مع خدمة الدار

ربيبي يقدرك اختي وتتعافاي ان شاء الله

​

ههههههههههه قلتلكم ما قدرتش للماويات شكون يعاوني فيكن
الله غالب أختي ما عنديش شكون يعاونني ويما كبيرة في السن انا اللي نعاونها ماشي هي دونك الحاجات الثقال محظورين عليا كي كنت صغيرة يما ما تحبنيش نخدمهم و اليوم بسبب الحادث
شكغا أختي على المغوغ نوغتي يا متهجمة (ههههههههههه نضحك برك)​

 

[nanoche]

رد: نيتواياج طاطا زوبيدة

رد ليا مقدرتش نعمل اقتباس الموضوع مغلق

18 - 09 - 2012, 16:55

هيه يا أنيسة ...كلمة الحادكة مع غسيل الصوف دكرتيني في الماضي
كنا نغسلو الصوف في الجنانات و جبنا مرة شويا كبيرة في العمر بصح حادكة هههه تعاونا
كنت صغيرة وقتها ...المهم بقات توريلنا كفاش نغسلو حنا البنات و توجه فينا و تقلنا كونو (..... )حادقات ههههه..
و هي لا قصة تاكل في العنب و الكرطوس و رجليها في الساقية ناسية بلي راهي مكرية ههه
وحنا البنات نتغامزو و ندحكو هههه المهم يعطيها الصحة دارتلنا القلب و تعلمنا
الله يرحمها و الدنيا هادي فانية ما يبقى غير الكلام الطيب

وش نقلك نانوش اجعليهم صدقة لعمرك و ولادك و الدنيا فانية
و تبقى هدرة و ضحكة و حسرة على لعرفناهم و فارقونا
و كغسلتي نت راهي زيادة في الصحة م تاخديش راي لتقلك سايسي روحك
ربي يزيدلك في جهدك

يعطيك الصحة على الموضوع نانوشا
كلك على بعضك حلو​

ربي يحفظك أختي أسعدني مرورك و ردك
انتيا تعلمتي تغسلي الصوف و انا تعلمت نغسل الطاpــــيات و عندي ساعة ملي دخلت من عند الطبيب هههههههه
ماشي الغسيل اللي واعر مي خانتني الصحة مؤخرا يا أختي
منورة الموضوع حبيبتي​

 

[حورية الجزائر]

رد: نيتواياج طاطا زوبيدة

لازم كل وحدة تتكل على روحها وتكون هي طاطاة روحها هههههه

ايا بصحتك

 

[nanoche]

رد: نيتواياج طاطا زوبيدة

لازم كل وحدة تتكل على روحها وتكون هي طاطاة روحها هههههه

ايا بصحتك

كل واحدة و ظروفها يا اختي
شكرا على المرور​

 

[ضيوف وسـنغادر]

رد: نيتواياج طاطا زوبيدة

لا شكغا على واجب طاطا آني هنا الصحة مليحة والفحولة واش نقولك على غوحي

غير بيبيلي برك ههه

​

 

[soussou bel]

رد: نيتواياج طاطا زوبيدة

:-h:-hو علاش معيطتيلناش
ربي يشافيك اختي
حنا عمرنا ماجبنا الي يعاونا في الدار:d بصح نعرف بزاف يجيبو بصح مشل الثقة تخافي تجيبيها و مام باش ميصرالناش كيفك ههههههههههه

حنا نخدمو و هي توريلنا:-o:-o

و تاني لازم نعطوهم على قد تعبهم


شكرا اختي على الموضوع القيم

ربي يخليلنا صحتنا

 

[nanoche]

رد: نيتواياج طاطا زوبيدة

:-h:-hو علاش معيطتيلناش
ربي يشافيك اختي
حنا عمرنا ماجبنا الي يعاونا في الدار:d بصح نعرف بزاف يجيبو بصح مشل الثقة تخافي تجيبيها و مام باش ميصرالناش كيفك ههههههههههه

حنا نخدمو و هي توريلنا:-o:-o

و تاني لازم نعطوهم على قد تعبهم


شكرا اختي على الموضوع القيم

ربي يخليلنا صحتنا

ربي يخليلكم صحيحتكم حنونة وربي يحفظك
اللي يكونو في الدار زوج او تلاتة ماشي كيما اللي تكون وحدها
أنا لوكان عندي أختي علاش نعيط لطاطا زوزو اللي وخذتني وخلاتني شبه مشلولة وزايدة خالصة
وتانيت أنا ما عنديش حبابات مانيش من النوع اللي يصاحب من بزاف ضرابي صراولي في الصغر ايا بطلت نقول عندي حبابات يبقاو مجرد زميلات او صديقات من بعيد لبعيد
وصديقتي الوحييييييدة كرهت وهاجرت راهي في بريطانيا
شكرا عزيزتي على المرور اللطيف
​

 

[zagane]

رد: نيتواياج طاطا زوبيدة

السلام عليكم
انتي حبيتي تعرضي طاطاك زوبيدة باش تقرعجي معاها وتشوفي كاش جديد في الحومة
هههههههههههههههههه
وكي ما لقيتيش الجديد والاخبار العاجلة ما عجبكش النيتواياج هههههههههههههههه
راكي قلتي مسكينة وفقيرة نورمالمون تعيطي ليها تقوليليها عندي نتواياج وتقدمي ليها القهوة وتعطيها مبلغ من المال صدقة ههههههههههههه مادام النيتواياج نتاعها صفر املا تدي الاجر احسن هههههههههههه

 

[السلطانة]

رد: نيتواياج طاطا زوبيدة

وعليكم السلام

هادي طاطا زوبيدة واعرة هههه
الخدمة وزيد العيا متقدريش صح وحدك

المرة الجاية شوفي وحدة خلاف تقضيلك الشغالات مالا تحصلي مع الست زوزو خخخ

تقبلي مروري اختي ننوش
سلامي

 

[soussou bel]

رد: نيتواياج طاطا زوبيدة

ربي يخليلكم صحيحتكم حنونة وربي يحفظك
اللي يكونو في الدار زوج او تلاتة ماشي كيما اللي تكون وحدها
أنا لوكان عندي أختي علاش نعيط لطاطا زوزو اللي وخذتني وخلاتني شبه مشلولة وزايدة خالصة
وتانيت أنا ما عنديش حبابات مانيش من النوع اللي يصاحب من بزاف ضرابي صراولي في الصغر ايا بطلت نقول عندي حبابات يبقاو مجرد زميلات او صديقات من بعيد لبعيد
وصديقتي الوحييييييدة كرهت وهاجرت راهي في بريطانيا
شكرا عزيزتي على المرور اللطيف
​

العفو اختي

صح عندي اختي علابيها تجيني نورمال

المرة الجاية ان شاء الله تلقاي طاطا لولو و تكون مليحة:-h:-h

 

[nanoche]

رد: نيتواياج طاطا زوبيدة

السلام عليكم
انتي حبيتي تعرضي طاطاك زوبيدة باش تقرعجي معاها وتشوفي كاش جديد في الحومة
هههههههههههههههههه
وكي ما لقيتيش الجديد والاخبار العاجلة ما عجبكش النيتواياج هههههههههههههههه
راكي قلتي مسكينة وفقيرة نورمالمون تعيطي ليها تقوليليها عندي نتواياج وتقدمي ليها القهوة وتعطيها مبلغ من المال صدقة ههههههههههههه مادام النيتواياج نتاعها صفر املا تدي الاجر احسن هههههههههههه

يااا خويا
طاطا زوزو ما تخليلكش حاجة في قلبك باش تسقسي غليها تجيبلك الاخبار الحوماتية و المحلية و تتحفها بالدولية مع هي قهامتها على قدها غير اسمع او اسكت وبالاااك افتح عينك تناقشها في البوليتيك ههههههههههه
ومن ناحية الصدقة ربي راهو عالم ماشي هادوما العفايس اللي نحكيو فيهم مي هي ماكانتش هاكدا سي pوغ صا اللي اتخلعت فيها
واش عليه هادي توصي للجاية و زيد بالزيادة جاتني القفازة كي عيطلي زوجي و قالي راني جاي حبيت نبدل اللوك ديال البيت عشيت مبدلة اللوك ديالي :-r:-r:-r
شكرا أخي على المرور اللطيف راني شفتك ضحكت عليا بزاف

​

 

[nanoche]

رد: نيتواياج طاطا زوبيدة

وعليكم السلام

هادي طاطا زوبيدة واعرة هههه
الخدمة وزيد العيا متقدريش صح وحدك

المرة الجاية شوفي وحدة خلاف تقضيلك الشغالات مالا تحصلي مع الست زوزو خخخ

تقبلي مروري اختي ننوش
سلامي

مرحبا بيييك اختي
تعرفي واشنو؟ خصتني واحدة لماوية فحلة اللي تجي تعاوني منين داك كلهن ماشاء الله قفازة و شطارة هههههههههه ولا واش قلتي
والمرة الجاية زوجي هو اللي يغسلهم ههههههه عندو يومين راهو يتشقلل مي مازال ما بردش قلبو .... وانتي واش اداك ..... وانتي ....وانتي نكون نتوجع مي كي نشوفووووو ههههههه :yahoo01::sport02::sport01:
غير باش يسكت برك
اسعدني مرورك ساندي​