حبيت اليوم نحكي في موضوع رجع بزاف شايع و اللي هو زواج البارح و زواج اليوم
زمان كان الشاب لما يبلغ سن الزواج يبعتلو باباه مع يماه و يقولو وجد روحك السمانة الجاية نروحو نخطبو في بنت فلان راه عندو طفلة قد الزواج بنت أصل و جامي ما واحد سمع حسها ...يماه تهدر معاه وهو في قلبو هاكدا
مي قدام يماه هاكدا
و في بعض الأحيان كي يلحق وقت الأعراس تتزين البنات العاتقات بلباس محتشم و يمشطو شعورهم في أغلب الأحيان بالظفاير و يتلماو في جماعة وهنا يبداو العجايز يختارو لأولادهم واللي عجبتها واحدة تسأل عليها و تتكلم مع يماها ومن بعد يتلاقاو الرجال باش يقطعو الشرط و الشاب ما يقول والو يتبع و يقول بععععع
هههههه.... هادي ماشي إهانة مي طاعة للوالدين و هنا كانت نسبة نجاح الزواج حتى 90% اذا ماشي اكتر
واليوووم يا خاوتي اليوم واش راهو صاري؟
يشوفها تعجبو.
.. ياخذ رقم التيليفون ديالها يبداو بالهدرة اومبعد ترجع الهدرة ما تكفيهمش يبداو يتلاقو هادي بيزيريا هادي غيستوغون .... و دي فوا حتى في اماكن خالية (اسمحولي مي هذا هو الواقع
) كل ما تتنازل البنت حبة يزيد يطلب الشاب زوج حبات والا يآنولي الزواج هي تخاف زواجها يتآنولا و تزيد تتنازل وهو يزيد يطلب و الحكاية ما تكملش وكل مرة يوعد و يخالف و طبعا طبعا ديما البنت هي اللي تخسر من سنين حياتها لأنو الشاب يقدر في أي لحظة يبدلها.... ويلا صدقلهم الزواج وكان الشاب عند وعدو هو اللي يروح ليماه و يقوللها حبيت نتزوج قولي للشيباني
راني ناوي على بنت فلان اذا كانت من نفس المنطقة و ادا كانت من ولاية اخرى يقوللهم وجدو رواحكم راني تفاهمت معاها على النهار الفلاني ياخذ يماه و خواتاتو يشوفو اذا كانو خواتاتو كبارات على العروسة ايييهيييييييييييييه ما ياخذهاش يا لوكان يبوس عينو
و يبداو يكريتيكيو فيها حتان يكرهوهالو واذا سلكت و ما كرهوهاش ووافقت عليها وزارة الداخلية يبقى مشكل دراهم الشرط و الفيونصاي و الحنة و الحمام و الحفافة و و و و نزيد و لا بزاف هههههه و بعد كاااااااااامل هاد المحاين شهر شهرين يبدا الدواس
و الطفلة تروح لدارهم غضبانة ووالديها يحلو في الراجل باش يرجعها على جال كلام الناس وهو يقول ما نسحقهاش و بعد أخذ و رد دي فوا ترجع و ديفوا غبرت و تلحقها ورقة الطلاق وهادي الحكاية سمعتها من عند بزاف بزاف بنات نخليكم انتوما تزيدوواش تعرفو باش ما نسرقش كامل الأفكار
.
هنا نحبس كلامي و نخليلكم الخط ليكم يا حبابي و حباب قلبي و قولولي برك زواج زمان و للا زواج اليوم؟؟؟
آخر تعديل بواسطة المشرف:
