شربة فريك تاع الشرق من مطبخي-مشاركة رمزية في مسابقة لمتنا غير في شهر الخير

[السلطانة]

في اطار تنشيط المنتدى قمنا بطرح مسابقة هنا
لَمّّتنآ غير فٍي شَهرٍ الخٍير×مَجمُوعَة عآلَم المَرأَة×

وعليه أقدم لكم مشاركة رمزية
عسى أنكم تنشطو وتديرو مواضيع :up:


شربتنا في رمضان

أكيد ولاية من الوطن ليها طريقتها الخاصة في تحضير شربة الفريك

وحنا في قالمة هادي طريقتنا
ولي متعرفش تطيبها اكيد راح يعود عندها مشكل مع راجلها

في البرمة تحطي البصلة واللحم والزيت والتوابل والحشايش والنعناع وتحطيها تتقلى على نار هادية باه المكونات تدخل في اللحم.

مباعد كي تشوفيه تقلّى مليح وشرب الزيت
تحطي الطماطم

كي ينشف مليح من الطماطم
تزيديلو شوي ماء
وتخليه يغلي مليح

تزيدي الما وتغلقي على لبرمة وتخليها تطيب سيرتو اللحم كان قاسح باه يطيب شوي قبل متحطي الفريك

تحطي الفريك

تخليها تطيب مليح مع الفريك
كي يطيب كلش
زيدي حطي مغرف نعنان وشوي فلفل اكحل على جال البنة
وتجي الشربة شوي قريب عاقدة يعني منخليهاش تجي ماء

درك تقولو هادي واش بيها تحط في الشربة الناس كل تعرفها :p

مي صدقوني كون متطيبش على اساس صحيح متجيش مليحة نعرف نساء بديارهم وميعرفوش يطيبوها :down:

هيا صحا فطوركم

​

 

[FARAH-31]

ya3tikom el daha

 

[بنت الـ25]

فحلة منخافش عليك
يعطيك الصحة شوشو
صح فطورك مبعد
​

 

[Pink Rose]

روعة يعطيك الصحة نموت عليها الشربة تاع الفريك
بالتوفيق
​

 

[Nàf!ssaà]

~~]

يُعٌطُيُڪ آلُصًحة ځتْيُتْوُ


[~~​

 

[السلطانة]

ya3tikom el daha

الله يسلمك اختي شكرا ^^

 

[السلطانة]

فحلة منخافش عليك
يعطيك الصحة شوشو
صح فطورك مبعد
​

:d:$الله يسلمك مينا وانتي زادا

 

[السلطانة]

روعة يعطيك الصحة نموت عليها الشربة تاع الفريك
بالتوفيق
​

الله يسلمك روزا شكرا على المرور

:regards01:

 

[السلطانة]

~~]

يُعٌطُيُڪ آلُصًحة ځتْيُتْوُ


[~~​

الله يسلمك اختي يعيشك

 

[{مُدَلَّلَتُهُ}]

السلام عليكم و رحمة الله وبركاته

كنت حاسبة شربة الفريك تاعكم كيما الحريرة تاعنا حنا .. مي خرج كاين بيناتهم فرق كبيير

هانا ادينا معلومة :d "في حال ما وحدة تزوجت في الشرق تكون تعرف طيبلهم شوربة الفريك خير ما يردوها لدار باباها :p '

يعطيك الصحة شوشو ..يسلمو ايديك
​

 

[الحلم الوردي]

وعليكم السلآم والرحمة
شربة فريك روووووعة
يعطيك الصحة ساندي
​

 

[~lola.dz~]

يعطيك الصحة سآندي حنآ تاني نطيبوهآ هك وجي بنينة مي كيمآ قلتي لآزملها اساس موش اي وحدة جيهآ بنينة ​

 

[لآ شَيْـئَ مُهـمْ]

اسلام عليككم و رحمة الله

ككان عندي فضول بش نشوف الوصفة نتاعها كي ييدروها و اخيرا شفت
بصح مافهمتش ، الفريك ؟
مع اني شفت الصورة بصح ما تعرفتش عليه
نعرف التشيشة الي يخدموها فالحريرة برك ، بصح هذي راهي تبانلي حاجة اخرى
المهم صحيتي على الميضوع
​

 

[سماح الجزائريه]

صح فطورك حنونتي
وكل عام وانت بالف خير

المعروف انه الشربة تاع ناس الشرق هي الاحلى و قليل اللي تعرف تعملها خاصة تاع الاعراس
اممممممم واش نحكيلك امم حطه
احنى ناس الشرق الاغلبيه نقولوا
جاري اي الشربه
بصحتكم كامل
وكل عام وانتم بخير

​

 

[ندى الورود]

يعطيك الصحة ساندي
نفس طريقتنا بصح احنا ما نحطوش النعناع يتقلى اللي يحب يحط من فوق كي يطيب يحط وانا شخصيا ما نحبوش بالنعناع
اساس الجاري فريك تاع الشرق الكرافس + الدبشة الي ما يعرفهاش الكزيرة الخضراء
هاذو الزوج يعطو جاري فريك بنة خاصة ويجي ما ينشبعش
​

 

[fatima der]

اممممممممممم جوعتيني بارك الله فيك على الوصفة