برنامج حكمك رادار الدار-الحلقة الخامسة--قناة اللمة الجزائرية-مجموعة عالم المرأة-

[السلطانة]

بعد ماعرف الرادار بلي راكم توحشتوه

رجع من جديد في حلقة جديدة

المهم رادارنا هاد المرّة رصد واحد العضو يحب الماكلة بزاف بزاف وعند بالو الطياب ساهل في رمضان

البارح راحت الوالدة تاعو عند دار خالو وبقى هو وحدو
قال : اليوم أنا لي نطيب الفطور ياك ساهل

زوج كعبات بطاطا وبرمة شربة وانا فاريها
بدى يطيب في البرمة حط:
نص قرعة ما واللحم والملح والنعناع والفلفل لكحل وخلاها تطيب
وزاد شوي طماطم باه تجيه الشربة بنينة وزادها الفريك

-مباعد جات دالة البطاطا قشّرها السّح نحّالها نصّها
عبى المقلى بالزيت وحطها تتقلى
كي جا يقلب الكعبات حرقو الغطا تاع المقلى طيشو

زاد سيّح الزيت في الكارلاج تاع الكوزينة
ماتولهش عفس عليه وراح للصالون
(الزربة تاع الصالون نظيفة اليوم تخلى عليه :d)
زاد شاف الخبز قال مكنلاه نجبد الكسرة لي طيبتها الوالدة هاديك نخبيها للصحور نروح نشري الخبز خير خفيف ظريف
هيا وجد السني تاع الفطور وجا باه ياكل :

1-حطّ الشربة لقاها تعوم
2-حط البطاطا لقاها دابلة بويسك ليها مدة منلي قلاها
3-السلاطة برك لي عرف يديرها :up:
ونسى السرفيتة والملح رجع جابهم
مزية برك كان شاري الديسار سلك راسو بيه
واش داه

شكون هو ؟
خونا
Ma$Ter

حبينا نقولولك كل عام وانت بخير
راه حكمك الرادار

واش تقولو عليه ياناس اللمة يعرف يطبخ ؟

نلتقي غدا ان شاء الله
​

 

[Pink Rose]

ههههههه
حكمو الرادار
ايه يعرف يطيب ماكالة ماشاء الله
لوكان صورتيهالنا لراكي سخفتينا بيها

ههههههه صابغلو مسكين حاكم فيه رمضان
و ايه كيما قلتي عمبالو الطياب ساهل

​

 

[لؤلؤة قسنطينة]

ههههههه جآ يجرّب زهرو في الطّيآب سآع خلآهآ
نقٌولو مآ تعآودش هآد التجربة مرّة أخرى
شُكراً أختي على هآد الحلقة نستنآو في الحلقة القآدمــة بإذن الله
تقبّــلي مروري​

 

[Noùssà.bellà]

ههههههههههههههههههه مسكييييين يعرف يطيب بسلامتو هههههههههه

مرسي عليك ساندي على الراداار ^^
​

 

[هآلة]

وَ يزيد يقول وَعلاه الطياب واعر !!!

مممممم .. نَصيحــــــة لوجه الله :p لوجه الله
حَذاآآآآري تزيد تدخل للكوزينة حَذآآآآآآآآآآآآآآري .. وهادا كامل طاطا رايحة مهنية قال واش مخلية شاف في الدآآر
مَخلية كارثة في الكوزينة :-r
نوصيكـ الصق بركـ في ميمتكـ وروح معاها لوين راحت .. :p !!

مانيش حــَ نبهدلكـ اليوم ديجا تجي تلقى الزربية هاكاكــ تاكولها لا محالة .. :d ..
جاري .. عَورت اليوم في الكوزينة مي يَلا .. نقوتهالكـ صَح رَمضانكــ :-r

شوشي .. :regards01: حَبيبتي
​

 

[{مُدَلَّلَتُهُ}]

هههههههه ياا حي على التبهديل :$

علاه عليك شكون حاتمك ؟ لوكان رحت مع الوالدة و قعدت كليت شوربة بنينة بالطبع و الشان

دير خير و مزية روح نقي الكوزينة و هاداك الـtapis الي درتلو كيما هاك خير ما تجي الوالدة و تلقى الحالة مقلبة و تطينلك عيشتك :d

صح فطورك . . . مرة اخرى اذا راحت الوالدة و خلاتك في الدار .. مرحبا بيك خيوو نديرولك فطور كيما يبغيه قلبك ! المهم ما اديرش هاد المحاين

يعطيك الصحة شوشو راكي نشيطة انت و رادارك :d الله يستر و ما يحكمناش كاش نهار
https://www.4algeria.com/forum/forums/565/​

 

[Rãniã Čřǻzy Nǿǘnã]

السلام عليكم
حكيم و الماكلة هههه..............شحال يعرف يطيب وكيما قالولك سخفتينا بيها هههه
المهم خطرة خرا لا راحت الوالدة كاش بلاصة تدي معاها مفتاح الكوزينة خيرلها
مشكــــــــــورة ساندي ....
صح فطوركم ^__^
​

 

[HâDjêr kRâlîçe]

هههه يخااه على هاد المصيبة :dunno01::dunno01:

ياو لوكان جيت عندنا درتلك فطور هايل :up::up: و ماتديرش هاد الكارثة :down::surrender01::yahoo01:


روح اغسل الزربية و الله خلات عليك
:p:p:d

هههه :d

ميرسي ساندي

 

[العروة الوثقى]

الزربية شكون رح يغسلهالك ههههههههههههههههههه

 

[mimi sinyorita]

hhhhhhhhhhhhhhhhhhhhhhhhh 7anmout w ndou9 lmakla ta3éék zimeeh jet hhhhhhhhhhhhh

alah ghaleb 7akmek radar khouya Ma$ter ​

 

[أم الأولاد]

ههههههههههههههههههههههههههههههه رادار 444444444444444444 حكمك خويا ماستر
​

 

[faith8]

ههه مسكين الاخ ماستر حكمو الرادار نهار دخل للمطبخ و ايه يعرف يطيب ابتكر وصفة جديدة للشربة و المكون السري نص قرعة ما تالمون كان عطشان هههههه هههه
مشكورة الأخت ساندريلا حلقة رائعة كالعادة
تقبلي مروري و تحياتي...~​

 

[شاعرة المستقبل]

مسكييييييييييييييييييييييين يشف خيو
خويا كون جيت فطرت عندنا وتهنيت ههههههه

 

[Ma$Ter]

السلام عليكم ورحمة الله وبركاته
صحا رمضانكم

هههه راهى دعايات رانى تعلمت الطبخ من عند صاحبي ^^
واذا مش مصدقين نعرضكم كامل ونطيبلكم بيدي وذوقو البنة

​

 

[Ma$Ter]

المهم لا حبيتو تعملو اجر وتعرضونى رانى نستنى ^^
​

 

[شاعرة المستقبل]

مرحبا بيك خويا تفطر

 

[Ma$Ter]

ربي يخليك اختى
شاعرة المستقبل
​

 

[♫الباحثة عن الحظ♫]

ههههههههههههههههههههههههههههههههه

اواه باينة غالبه رمضان اخ ماستر مكانش حسه

ايا صحيتي شوشو
​

 

[Ma$Ter]

ههههههههههههههههههههههههههههههههه

اواه باينة غالبه رمضان اخ ماستر مكانش حسه

ايا صحيتي شوشو
​

:d:d
الانترنت ماكانش برك :$
صحا فطوركم
​

 

[NonOutà OussàMà lOvE]

hhhhh Hakim Ness Mle7 wa 3a9eL
hhhh wa May3refech Ytayeb
khoya me3edech t9ereb men lcozina s'il vous plait
rabi m3ak ya mimti rah hredhelek hh
L'mohom sa7a ramdenek
lmara ljaya tweleh men RADAR

salam
​