عاداتنا في رمضان..شاركونا بعاداتكم"مشاركة رمزية في مسابقة لمتنا غير في شهر الخير"

[{مُدَلَّلَتُهُ}]

كيراكم ؟ ان شآء الله تكونو بألف خير و ما راهش غالبكم رمضآن

كنآ طرحنآ فكرة مسآبقة


لَمّّتنآ غير فٍي شَهرٍ الخٍير×مَجمُوعَة عآلَم المَرأَة×


و بغرض تنشيطهآ . . . جيت و جبت معايا موضوعي اليوم

الي هو :

عآدتنآ في رمضآن . . . شآركونآ بٍعآدآتكٌم :up:

كَمُشآركة رَمزٍيّة بآه تتشَجعوآ و تجيبو موآضيعكم انتومآ تآني :-r


كُل منطقة مٍن منآطق الجزآئر عندها عآدآتهآ و تقاليدها في الشّهر الكريم !

كل وحدين كيفاش يستقبلوه ! كيفاش يوجدولو ! و كيفاش يفوتوه

أمآ الأهم من ذلك :d نهار يصوم عندهم الصبي أول مرّة كيفآش يحتفلو بيه

احنآ في الدآر عندنآ مين يصوم الطفل أول مرّة

ينوض للصحور .. و يفوت نهاره عآدي

أمآ كي يقرب وقت الفطور. . . هنآ يبدآو العآدآت

'يولي هو غي يتشهى .. و احنا غي جيب جيب :s'

نلبسوله لباس تقليدي

و يقعد لأول مرة في طآبلة الصّآيمين بعد ما كان يقعد في طابلة 'وكآلين رمضان :p '

نحطولو خاتم ذهب في كاس الحليب تاعو .. 'ما علاباليش علاه مي هاكا نديرو !'

و كاين الي يعطو لولدهم الدرآهم . . . كي شغل حق ما صام :d

و هآدآ فطوره !

و مبعد يروح للتراويح مع باباه

و كي يجي يلقا الطابلة واجدة

هادي هي عادتنا نهار يصوم عدنا الطفل أول مرة ! و انتومآ وآش هي عآدتكم !

و واش هي أكثر حاجة تميز منطقتكم في رمضآن ؟

في انتظآر مشآركآتكم ☻ صح فطوركم

ملآحظة : الطبخآت سرقتهم لشيفات اللمة من موضوع "
رمضان يجمعنا في احلى لمة 2014 ‏"

ما كفانيش الوقت باه نطيب و نصور و نحطلكم صور :$

الموضوع حصري لمنتدى اللمة الجزآئرية

كآنت معكم "من قلب الحدث:p" نور Lovely smile ^^

 

[الحلم الوردي]

وعليكم السلآم والرحمة
ايه صح كل واحد والتقاليد نتاعو
بالنسبة للشرق الجزائري
_قسنطينة_
والله رمضان عندنا توجور
التمر واللبن

الكسرة يالمطلوع ولا لخساس

وانا عشت في الغرب وهران
​

على هديا
نديرو لحريرة وشربة فريك

سلاطة توجو كاينة
ماسيدوان و لحشيش

والبوراك تانيك

يتبع
​

 

[الحلم الوردي]

طاجين لحلو لازم ديما

و الطبق الجانبي
كل خطرة وكيفاش

وكي يكون واحد في العايلة يصوم لاول مرة
ينوض يسحر نورمال معنا
صح يبدا يتشرط عليك ويقولك جيب وجيب
كاين ال يلبس لباس تقليدي وكاين الي مايلبسش

نحطولو خاتم ذهب في كاس الحليب تاعو مع شويه سكر
ايه وكاين الي يعطوه دارهم:$

وبعد مايجو من صلاة التراويح
كاين الي يشرب اتاي
و لاالي يحب ياكل

هدوما التقاليد نتاعنا
صح فطوركم
​

 

[السلطانة]

وعليكم السلام موضوع :up:يعطيك الصحة لتعريفنا بعادات ولايتكم في شهر رمضان

حنا للطفل الصغير معندناش عادة معينة يصوم عادي كيما الكبار
بالنسبة لينا في قالمة نقدملكم اطباقنا

نبدأ مع الدّقلة واللبن لي ديما نفطرو بيهم:

السلاطات:

الشربة بين الفريك والvارميسال: (كي نعياو من وحدة نبدلو لوخرا )

نجيو للكسرة بين الكسرة خسيس وبين المطلوع :

البوراك

الأطباق الثانوية:النهار لي نطيب فيه البرمة منطيبش فيه القلي
باه تريح المعدة شويا
والعكس ومرات نطيب لي gراتان في الفور

أما للسهرة: فالفلون كل يوم
ومرات نزيد تحليات /سالاد دوفروي -طارت بالفلون ...الخ

وفي الصحور تاني معندناش عادات معينة
كانو زمان يصحرو بالمسفوف بالزبيب والبن مي درك مابقاتش العادة هادي

هيا صحا فطوركم
ووتقبلي مروري عزيزتي ان شاء الله نتعرفو على عادات ولايات الجزائر كامل
​

 

[{مُدَلَّلَتُهُ}]

يعطيكم الصحة شوشو و ملآك على مشاركتكم بعاداتكم ربي يخليكم خواتاتي♥

راكم شآفآت تبارك الله عليكم عقوبة ليا يهديني ربي و نروح لهاديك الكوزينة الي ندخلها بالمناسبة برك :p

الله يبارك .. كيما قلنا الجزائر كبيرة و كل منطقة بعاداتها ! ان شا الله يجو الباقي و يشاركونا بعاداتهم

شوشو شاهي هادي ما عرفتهاش ؟ ما تقوليليش هادي هي الملوخية ؟ 'حنا في الغرب ما نديروهاش جامي ذقتها'

+ المسفوف بالزبيب و اللبن حنا في الدار مازلنا نتصحرو بيه ♥ العادة هادي مازالنا محافظين عليها
​