ساعدوني بأفكاركن

[لبنى5]

السلام عليكم يا البنات، من فضلكن اعطيوني أفكار لواش ندير نهار يجيو عائلة خطيبي بعد عيد الاضحى ان شاء الله تفوتوه بالصحة والهنا. شكرا

 

[لبنى5]

واش هذا حتى وحدة ماحابة تساعد؟ مانعرفكمش هكذا يا اللماويات

 

[السلطانة]

وعليكم السلام

اهلا بيك اختي كون طرحتي موضوعك في ركن العرائس خير

لاعلينا


انتي تقصدي واقيلا واش تطيبيلهم ماكلة ولا قاطو ؟

 

[لبنى5]

ايه ياحبيبتي انا درت بعض انواع القاطو واش نديرلهم برك قهوة ؟ وتاني واش نردلهم؟

 

[ام سراج الدين وملك]

صحا عيدك أختـــــــــــي أولا
أنا عن تجربة ننصحك اذا جاو وقت قهوة حطي قهوة والحلويات لي درتيهم وطبعا زيني الصينيىة قد ماتقدري
واذا جاو وقت الغداء ولا العشاء تاني ديري عشاء الله الله منطقة الغرب غنية باطباقها وأحنا رانا فالعيد لكبير يعني الله موجود بزاف ههههه
واش ترديلهم اعملي بلا متوسط وحطيلهم فيه من كل نوع حلوى درتيها يدوها معاهم يذوقو أفراد عائلتهم لي ماجاوش
وربي يمكلك بلخيــــــــــــر والهناء امين

 

[لبنى5]

شكرا على الافادة حتى انا هكذا رايحة ندير ورايحة نردلهم قاطو ونمد لعجوزتي الكبيرة( عندي 3عجايزات الله يبارك ههه) الحنة وخمار وحماتي تع فرنسا اول مرة تجي عندنا عندها وليدها بيبي شريتلو جبادور.اية بزاف عليهم ههههه راني مشومرة

 

[la_safa]

اختي نقطة مهمة نسيتيهآ مهمآ يجو وقت القهوة لآزم تذوقيهم اللحم لأنو العيد لكبير ،،
يعني لآزم طبق لحم مشوي على جنب هآذي أهم شيء في منآسبآت العيد الكبير ^^

و ربي يهنيك ان شآء الله ^^
​

 

[لبنى5]

شكرا حبيبتي على التذكير