ماذا ستطبخيـــن سيدتي لهذا اليوم ؟ //الجزء 49

[روز]

بسم الله الرحمن الرحيم


بحول الله تم فتح موضوع جديد وان شاءلله تكون كوزينة مليئة بالاطباق الشهية واللذيذة
والتي تبين شطارة وأصالة المطبخ الجزائري :up:
وان شاءلله يجمعلنا الغايبات لي توحشناهم

هاذي أول مرة نفتح موضوع طبخ :-r
ان شاءلله يكون موضوع مليء بالوصفات المفيدة

من اليوم فصاعدا ماتنساوش تصورو وش طيبتو
حتى لو كانت شيء بسيط
المهم نتبادلو الافكار والأطباق ونتعلمو من بعض

نهاركم زين

​

 

[روز]

نبدا أنا أول وحدة بسم الله
هاذوم اطباقي في ايامات فاتو
وان شاءلله نوافيكم بكل صور اطباقي

سوب بفواكه البحر جات هايلة

وهاذي مقبلة بالسلق والبيشاميل

سباقيتي على طريقتي

ودولمة بالكرم مممم

وهذا الزوووم كما تقول ام ندوش الغالية وعفوفة

يلا همتكم ورونا شطارتكم

شكون تتحداني :-h
​

 

[الحلم الوردي]

الف مبروك الافتتاح جزء 49
مــآشــآء الله عليك اختي روز
اطـبـآقك روووووعة
انا عجبتني الدولـمة​

​

 

[السلطانة]

مبروك افتتاح الجزء الجديد

​

 

[ندى الشاوية]

مبروك الافتتاح
اطباق رائعة
​

 

[آمِيْرَتُه]

السلام عليكم
مبارك الدار الجديدة
صحة فطوركم و ربي يدومها نعمة
لوبيا بالعصبان آمممممممم

 

[روز]

يسلمكم بنات يعطيكم الصحة

شوشو وش هاذيك لي بالفلفل شكلها هايل

منيني بصحتكم اللوبيا والله تفكرتها وتوحشتها
كاش مرة نديرلها
يعطيك الصحة باينة تشهي وبنينة

شهرا راهي التحت توحشناك
روز, ‏shahrazad

 

[نور الحبوبة]

صحا غداكم وقهوتكم
مبروك الافتتاح لجديد ان شاء الله نكونو شاطرات ومنخلوهش بالغبرة ربي يجعلها فاتحت خير على يديك
روز شهتينا باطباقك وﻻ في الاحلام تسلم الايادي يعطيك تاصحة ياافحلة
حياة وملاك صحا غداكم
منيني بصحتكم اللوبيا شهتينا فيها عمري مدوقتها بالعصبان ماكول الهنا
ساندي بصحتكم لبيري انتاع داركم وﻻ في دارك
انا غدايا كا شخشوخة كان بالحم والكابويا جات هايلة ربي دومها نعمة واحفظها من الزوال
الصور للاسف الميكرو معطل ومنعرفش نحط من التابﻻت والايفون في المنتدى

 

[روز]

يسلمك نور
كاش ماطيبتي اليوم كاش اطباق جديدة؟
حابين نتعلمو
شوفو الكيكة لي خدمتها هنا
روعة وتححمر الوجه

كيكة بالشكولة والفراولة شكل أنيق وطعم رائع..من مطبخي بالصور

 

[ام سراج الدين وملك]

مبروك افتتاح الجزء الجديد ان شاء الله تكون عامرة بأطباق حراير اللمة

 

[samah06]

مبروك العدد الجديد وان شاء الله يلقى تجاوب
يعطيك الصحة روز على المبادرة منك وان شاء الله يجعلها عتبة خير
تصدقو بالله راني نسيت كيفاه نحط الصور
عندي بعض الصور ذرك نحطهم

 

[samah06]

هذا الغداء تاع اليوم كنت غير انا واشواق بنتي الباقي غايبين

 

[samah06]

وهاذو تاع ايام فاتو

 

[samah06]

ان شاء الله نكملو بنفس المنوالب ولو بمشاركة من كل عضوة يوميا
مش شرط الصور ادخلو قولو واش طبختو برك وان كانت الصور احسن

 

[samah06]

واش راكي ام ندى وصحى عيدكم انت وشهرزاد راني شفت اسمكم في الاسفل
ان شاء الله ترجعو للمة الاصلية وتروحو على خير من الفيس بوك

 

[nada242008]

السلام على اهل اللمة الكرام وبالخصوص اوفياء المطبخ اللي مازالوا صامدين ويشاركوا ولي بعاد هههه وانا اولهم
الله غالب الظروف بعدتني عليكم ..الرحلة والخدمة
لكن بربي نرجعوا كيما كنا والله توحشتكم واحدة واحدة ليكيب لقديمة راكم في القلب
يعطيكم الصحة كامل ومازال واقفين ههههه

 

[anissa 13]

السلام عليكم
مبروك عليكم الافتتاح الجديد ان شاء الله يرجعونا كامل العضوات الغايبات
هادو بعض خالوطاتي
كرهت نخمم صباح وعشية واش نطيب هههههه

























​

 

[رنيم الصمت]

انا اليوم غدايا معجب .. زعمه الموسيو جابلي لوبية بيضا تاع الميزان و كاليتي مش مليحه و انا مش موالفة بيها ديما نخدم بتاع البوقال .. البارح درتها في الما و اليوم على 9 و نص درتها في كوكوت بلا جوان تاعها قلت قريب 3 سوايع راها طيب نورمال
لحقت 12 و فتحت عليها تقول هذا وين حطيتها فوق النار جات عمت راجلي هي ثاني دايرة اللوبية و جا الموسيو ميت بالشر لمزية راحت لدارها و جابتلي طبسي انقضت الموقف بالصح حشمني قدامها مانيش نهدر معاه راني زعفانة وراني نستنى باش يرجع في الليل كاش ما يهدر معايا نطرطق في وجهو مالا غدوة سقسو عليا في السبيطارات ههههه
​

 

[روز]

هذا الغداء تاع اليوم كنت غير انا واشواق بنتي الباقي غايبين

وهاذو تاع ايام فاتو

الله يبارك سماح الجلبانة لونها هايل يعطيك الصحة واللحم ماخلاصش ؟ ههه
بصحتكم كل شي يبان بنين

ام سيراج نورتي مرحبا بيك

 

[روز]

واش راكي ام ندى وصحى عيدكم انت وشهرزاد راني شفت اسمكم في الاسفل
ان شاء الله ترجعو للمة الاصلية وتروحو على خير من الفيس بوك

ادعيلهم يتقطع الفيس بوك يارب ههه باش يرجعو للمة